كرونيك:💔دموعك_حرقوني💔

😇البارت41😇

ﺤﻠﻘﺔ_153: ﻓﺆﺍﺩ ﻣﻘﺪﺭﺵ ﻳﺮﻗﺪ.. ﻃﻠﻊ ﻋﻠﻴﻪ ﺍﻟﻨﻬﺎﺭ.. ﻭﻫﻮ ﻣﻊ ﺳﻌﻴﺪ. ﺳﻌﻴﺪ ﻣﺤﺒﺶ ﻳﺨﻠﻴﻪ ﻭﺣﺪﻭ. ﻣﻦ ﺟﻴﻬﺔ ﻳﻨﻘﺺ ﻋﻠﻴﻪ ﻭﻣﻦ ﺟﻴﻬﺔ ﺧﺎﻳﻒ ﻋﻠﻴﻪ ﻛﺎﺷﻤﺎ ﻳﺪﻳﺮ. ﺳﻌﻴﺪ: ﻓﺆﺍﺩ ﺭﻭﺡ ﻟﻠﺪﺍﺭ ﺭﻳﺢ ﺷﻮﻳﺔ.. ﻭﺷﻮﻑ ﻳﻤﺎﻙ ﺭﺍﻫﻲ ﺗﻘﻠﻘﺖ ﻋﻠﻴﻚ.. ﻭﺍﻧﺎ ﺭﺍﻧﻲ ﻣﻊ ﻭﻻ‌ﺩ ﺍﻟﺤﻮﻣﺔ ﻫﻨﺎ ﻛﺎﻣﻞ ﻣﻌﺎﻙ.. ﺍﺫﺍ ﺑﺎﻥ ﻋﺎﺩﻝ ﻧﺤﻜﻤﻮﻩ.. ﻓﺆﺍﺩ ﺭﺍﺳﻮ ﻳﻮﺟﻊ ﻓﻴﻪ ﺣﺴﻮ ﺭﺍﺡ ﻳﻄﺮﻃﻖ ﻣﻦ ﻛﺜﺮﺓ ﺍﻟﺘﺨﻤﺎﻡ.. ﻣﻘﺪﺭﺵ.. ﻧﺎﺽ ﻓﺆﺍﺩ: ﺍﻳﻪ ﻧﺮﻭﺡ ﻟﻠﺪﺍﺭ.. ﻧﺮﻳﺢ ﺷﻮﻳﺔ ﻭﻧﺮﺟﻊ.. ﻳﻠﺰﻡ ﻧﻠﻘﺎ ﺣﻞ ﻗﺒﻞ ﻏﺪﻭﺓ.. ﺳﻌﻴﺪ: ﻧﺸﺎﻟﻠﻪ ﺭﺑﻲ ﻳﺤﻠﻬﺎﻟﻚ.. ﻓﺆﺍﺩ: ﻧﺸﺎﻟﻠﻪ ...ﺭﺍﺡ ﻓﺆﺍﺩ ﻟﻠﺪﺍﺭ.. ﺑﺎﻳﺔ ﺷﺎﻓﺘﻮ ﻋﻴﺎﻥ ﻭﻣﻘﻠﻖ.. ﻏﺎﺿﻬﺎ ﻭﻟﻴﺪﻫﺎ ﻟﻲ ﻳﺨﻠﺺ ﻓﻲ ﻏﻠﻄﺔ ﺧﻮﻩ.. ﺳﻬﺮﺕ ﻟﻴﻞ ﻛﺎﻣﻞ ﺗﺼﻠﻲ ﻟﺮﺑﻲ ﻭ ﺗﺪﻋﻴﻠﻮ.. ﺑﺎﺵ ﺭﺑﻲ ﻳﻔﺮﺝ ﻋﻠﻴﻪ. ﺭﺍﺡ ﻓﺆﺍﺩ ﻟﻠﺪﺍﺭ ﺩﻭﺵ ﻭﻓﻄﺮ.. ﻣﻘﺪﺭﺵ ﻳﺎﻛﻞ.. ﺟﺎﺯﺕ ﺑﺴﻴﻒ.. ﺗﺮﻣﺎ ﻓﻲ ﻓﺮﺍﺷﻮ ﻭﻳﺨﻤﻢ ﻛﻴﻔﺎﺵ ﺭﺍﺡ ﻳﺪﻳﺮ. ﻳﺨﻄﻔﻬﺎ؟؟!.. ﻭﻣﻨﺒﻌﺪ ﻭﺍﺵ.. ﻭﻳﻦ ﻳﺪﻳﻬﺎ؟؟ ﻭﻳﻤﺎﻩ ﻭﻳﻦ ﻳﺨﻠﻴﻬﺎ.. ﻣﺮﺍ ﻛﺒﻴﺮﺓ ﻭﻣﺘﺤﻤﻠﺶ ﺍﻟﻤﻴﺰﻳﺮﻳﺔ.. ﻭﻣﺘﻘﺪﺭﺵ.. ﻭﻣﺤﺎﻝ ﺑﺎﺵ ﻳﺨﻠﻴﻬﺎ ﻭﺣﺪﻫﺎ.. ﺧﻤﻢ ﻓﻲ ﻳﻤﺎﻩ ﻗﺒﻞ ﻛﻠﺸﻲ.. ﻭﺧﻤﻢ ﻓﻲ ﺍﺳﻤﺎ ﻛﻴﻔﺎﺵ ﻛﻲ ﻳﺨﻄﻔﻬﺎ.ﻣﻨﺒﻌﺪ ﻳﺘﺰﻭﺝ ﺑﻴﻬﺎ ﻋﺮﻓﻲ!! ؟ ﻧﻮ ﺣﺮﺍﺍﻡ.. ﺍﻣﺎﻻ‌ ﺗﺒﻘﺎ ﻣﻌﺎﻩ ﺣﺘﻰ ﻳﻔﺮﺝ ﺭﺑﻲ.. ﻧﻮﻭ ﺧﺎﻑ ﺍﻟﺸﻴﻄﺎﻥ ﻳﻠﻌﺒﻬﺎ ﺑﻴﻬﻢ.. .. ﺑﻘﺎ ﻳﺨﻤﻢ ﻣﻠﻘﺎﺵ ﺣﻞ... ﻧﺎﺽ ﻳﺼﻠﻲ ﻭﻳﺪﻋﻲ ﻓﻲ ﺭﺑﻲ.. ﻋﻞ ﻭﻋﺴﻰ ﻳﻠﻘﺎ ﺣﻞ!! ... ﻧﺮﺟﻌﻮ ﻻ‌ﺳﻤﺎ ﻧﺎﺿﺖ ﺍﻟﺼﺒﺎﺡ ﻋﻴﻨﻴﻬﺎ ﻣﻨﻔﺨﻴﻦ ﻣﺎﻟﺒﻜﺎ.. ﺷﺎﻓﺘﻬﺎ ﻳﻤﺎﻫﺎ.. ﻏﺎﺿﺘﻬﺎ ﺑﻨﺘﻬﺎ ﻟﻲ ﺭﺍﺣﺖ ﺿﺤﻴﺔ ﺍﻟﻌﻘﻠﻴﺔ ﺍﻟﺼﻌﻴﺒﺔ ﺗﺎﻉ ﺑﺎﺑﺎﻫﺎ.. ﻓﺮﻳﺪﺓ: ﺑﻨﺘﻲ ﻭﻭﺟﺪﻱ ﺭﻭﺣﻚ ﻣﻨﺒﻌﺪ ﺑﺎﺑﺎﻙ ﻳﺠﻲ ﻳﺪﻳﻚ ﺗﻌﻴﺮﻱ.. ﺍﺳﻤﺎ: ﻣﺎﻧﻴﺶ ﻗﺎﺩﺭﺓ.. ﻭﺩﺧﻠﺖ ﻟﻠﺪﻭﺵ ﺑﺎﺵ ﺗﻐﺴﻞ.. ﺷﺎﻓﺖ ﻗﺮﻋﺔ ﺟﺎﻓﻴﻞ..ﺭﻓﺪﺗﻬﺎ ﻭﺗﺸﻮﻑ ﻓﻴﻬﺎ.. ﺑﻘﺎﺕ ﺗﺨﻤﻢ ﻟﻮﻛﺎﻥ ﻳﺰﻭﺟﻮﻫﺎ ﺑﺴﻴﻒ ﺗﺸﺮﺏ ﻛﺎﺵ ﺑﺮﻭﺩﻭﻱ ﻭﺗﻘﺘﻞ ﺭﻭﺣﻬﺎ.. ﺗﻨﻬﺪﺕ.. ﻓﺮﻳﺪﺓ ﻛﺎﻧﺖ ﺗﺸﻮﻑ ﻓﻴﻬﺎ.. ﺧﺎﻓﺖ ﺗﻜﻮﻥ ﺗﻔﻜﺮ ﺑﺎﺵ ﺗﻘﺘﻞ ﺭﻭﺣﻬﺎ.. ﺧﻼ‌ﺗﻬﺎ ﺣﺘﻰ ﺧﺮﺟﺖ ﻭﺭﺍﺣﺖ ﻟﺒﻴﺘﻬﺎ. ﻗﻌﺪﺕ ﻓﺎﻟﻜﻮﺭﺳﻲ ﻓﺎﻟﻜﻮﺯﻳﻨﺔ ﻭﺣﻄﺖ ﻳﺪﻫﺎ ﻋﻠﻰ ﺭﺍﺳﻬﺎ.. ﻭﺗﺨﻤﻢ.. ﺍﻭﺍﺍﻩ.. ﻳﻠﺰﻡ ﻧﻠﻘﺎ ﺣﻞ ﻭﻧﻌﺎﻭﻥ ﺑﻨﺘﻲ.. ﺧﺎﻳﻔﺔ ﻛﺎﺷﻤﺎ ﺩﻳﺮ ﻓﻲ ﺭﻭﺣﻬﺎ ﻣﻨﺒﻌﺪ ﻧﻨﺪﻣﻮ.. ﻭﺗﺘﻄﻔﺮ.. ﻋﻤﺎﺭ ﻣﺎﻫﻮﺵ ﻋﺎﺭﻑ ﻭﺍﺵ ﺭﺍﻫﻮ ﻳﺪﻳﺮ. ﻳﻠﺰﻡ ﻧﻠﻘﺎ ﺣﻞ. ... ﺩﺧﻞ ﻋﻤﺎﺭ ﻋﻴﻂ ﻻ‌ﺳﻤﺎ ﺭﺍﺣﺖ ﻣﻌﺎﻩ ﺑﺎﺵ ﺗﻌﻴﺮ. ﻳﻤﺎﻫﺎ ﻟﻘﺎﺗﻬﺎ ﻓﺮﺻﺔ ﺭﺍﺣﺖ ﻋﻨﺪ ﺟﺎﺭﺗﻬﻢ.. ﻧﺠﺎﺓ. ﻧﺠﺎﺓ ﻃﻔﻠﺔ ﻋﺎﻗﻠﺔ ﻭﻗﺪ ﺍﺳﻤﺎ.. ﻛﺎﻧﻮ ﻳﻘﺮﺍﻭ ﻛﻴﻒ ﻛﻴﻒ. ﻓﺮﻳﺪﺓ: ﺑﻨﺘﻲ ﻧﺤﺘﺎﺟﻚ.. ﺗﻌﺎﻭﻧﻴﻨﻲ ﺑﺎﺵ ﻧﺴﻠﻚ ﺑﻨﺘﻲ ﺍﺳﻤﺎ ﻣﻦ ﺍﻟﺰﻭﺍﺝ ﻫﺎﺫﺍ.. ﻧﺠﺎﺓ: ﺍﺳﻤﺎ ﺧﺘﻰ ﻣﻦ ﺑﻜﺮﻱ. ﻭﺣﺮﺍﻡ ﻭﺍﺵ ﻳﺼﻴﺮ ﻓﻴﻬﺎ.. ﻧﻌﺎﻭﻧﻚ ﻣﺎﺷﻲ ﺧﺼﺎﺭﺓ.. ﻓﺮﻳﺪﺓ ﺣﻜﺎﺕ ﻟﻨﺠﺎﺓ ﻭﺍﺵ ﺩﻳﺮ ﻭﻭﺍﺵ ﺗﻌﻄﻴﻬﺎ. ﻧﺠﺎﺓ: ﻣﻌﻠﻴﺶ.. ﻣﺎﺷﻲ ﻣﺸﻜﻞ ﻭﺿﺮﻙ ﻧﺠﻴﺒﻠﻚ ﻭﺍﺵ ﺗﺤﺘﺎﺟﻲ ﻓﺮﻳﺪﺓ: ﺭﺑﻲ ﻳﺨﻠﻴﻚ ﺑﻨﺘﻲ ﻭﺍﻟﻠﻪ ﻣﻨﻨﺴﺎﻟﻚ ﺧﻴﺮﻙ ﻧﺠﺎﺓ: ﻣﺎﺑﻴﻨﺎﺗﻨﺎﺵ ﺧﺎﻟﺘﻲ.. ﺧﺮﺟﺖ ﻓﺮﻳﺪﺓ ﻭﺩﺍﺕ ﻭ