ﻟﺤﻠﻘﺔ_98: ﺍﻣﺎﻧﻲ ﻋﻴﻄﺖ ﻟﺴﻌﻴﺪ..ﻭﻗﺎﺗﻠﻮ ﺭﺍﻧﻲ ﻗﺎﺑﻠﺔ.. ﺳﻌﻴﺪ ﻓﺮﺡ.. ﻭﻛﺎﻥ ﻋﻨﺪﻭ ﺍﻣﻞ ﺑﺎﺵ ﻳﺒﺪﺍ ﻣﻦ ﺟﺪﻳﺪ.. ﺳﻌﻴﺪ: ﺍﻳﻪ ﺍﻣﺎﻻ ﻧﻬﺎﺭ ﺍﻟﺠﻤﻌﺔ ﻭﺟﺪﻱ ﺭﻭﺣﻚ ﻧﺠﻴﺐ ﻳﻤﺎ ﻧﺠﻲ.. ﺍﻣﺎﻧﻲ: ﻧﺸﺎﻟﻠﻪ.. ﺳﻌﻴﺪ: ﻣﺰﻟﺘﻲ ﻣﺮﻳﻀﺔ؟؟.. ﺍﻣﺎﻧﻲ: ﺷﻮﻳﺔ.. ﺳﻌﻴﺪ: ﻣﺎﻛﻴﺶ ﻓﺎﻟﺪﺍﺭ؟! ﺭﺍﻧﻲ ﻧﺴﻤﻊ ﻓﺎﻟﺤﺲ ﺍﻣﺎﻧﻲ: ﺍﻳﻪ ﺭﺣﺖ ﻟﻌﻨﺪ ﺍﺳﻤﺎ ﻭﻧﺮﻳﻤﺎﻥ ﺣﻜﻴﻨﺎ ﺷﻮﻳﺔ.. ﺳﻌﻴﺪ: ﻓﻼﻓﺎﻙ؟؟.. ﺍﺳﺘﻨﺎﻳﻨﻲ ﻧﺠﻲ ﻧﺸﻮﻓﻚ ﺧﻴﺮ.. ﺍﻣﺎﻧﻲ ﻣﺘﺮﺩﺓ ﻣﻜﺎﻧﺶ ﻣﺘﻮﻗﻌﺔ ﻳﺠﻴﻬﺎ ﻓﻬﺎﺫﺍ ﺍﻟﻨﻬﺎﺭ ﻭﻫﻲ ﻓﻲ ﺣﺎﻟﺘﻬﺎ ﻫﺎﺫﻱ.. ﺍﻣﺎﻧﻲ: ﺍﻳﻪ ﻫﺎﻧﻲ ﻧﺴﺘﻨﺎ ﻓﻴﻚ.. ﺍﻣﺎﻧﻲ ﺑﻘﺎﺕ ﺑﺮﺍ ﺗﺴﺘﻨﺎ ﻓﻴﻪ.. ﺑﺪﺍﺕ ﺍﻟﺸﺘﺎ ﺗﻘﻄﺮ ﺧﺎﻃﺮ ﺷﻬﺮ ﺩﻳﺴﻤﺒﺮ.. ﺍﻣﺎﻧﻲ ﻋﻘﻠﻬﺎ ﻛﺎﻣﻞ ﻓﻲ ﺳﻤﻴﺮ ﻭﻓﻲ ﻛﻼﻡ ﺍﺳﻤﺎ ﻭﻧﺮﻳﻤﺎﻥ ﻭﻓﻲ ﺳﻌﻴﺪ ﻭﺍﺵ ﺭﺍﺡ ﺗﻘﻮﻟﻮ.. ﺳﻌﻴﺪ ﻏﻠﻖ ﺍﻟﻘﻬﻮﺓ.. ﻭﺭﻛﺐ ﻃﻮﻧﻮﺑﻴﻠﺘﻮ ﻭﺭﺍﺡ ﻟﻴﻬﺎ.. ﻓﺎﻟﻄﺮﻳﻖ ﺍﻟﺸﺘﺎ ﻗﻮﺍﺕ.. ﻭﻧﻘﺺ ﻣﺎﻟﻔﻴﺘﺎﺱ.. ﻭﺑﻘﺎ ﻳﺨﻤﻢ ﻓﻴﻬﺎ ﻭﻛﻴﻔﺎﺵ ﺭﺍﺡ ﺗﻜﻮﻥ ﺣﻴﺎﺗﻮ ﻭﺍﺫﺍ ﻗﺎﺩﺭ ﻳﻨﺴﺎ ﺣﻴﺎﺓ.. ﺧﺎﻳﻒ ﻳﻀﻠﻤﻬﺎ ﻭﻳﺠﺮﺣﻬﺎ.. ﻟﺤﻖ ﻟﻘﺎﻫﺎ ﻗﺎﻋﺪﺓ ﻭﺍﻟﺸﺘﺎ ﻓﻮﻗﻬﺎ.. ﺑﻘﺎ ﻣﺨﻠﻮﻉ ﻓﻴﻬﺎ.. ﻫﺒﻂ ﻟﻴﻬﺎ. ﺳﻌﻴﺪ: ﺍﻣﺎﻧﻲ؟؟.. ﻋﻼﺵ ﺭﺍﻛﻲ ﻗﺎﻋﺪﺓ ﻫﻨﺎ.. ﻓﺎﻟﺸﺘﺎ ﻭﻧﺘﻲ ﻣﺮﻳﻀﺔ؟؟! ﺍﻣﺎﻧﻲ ﻣﺤﺴﺘﺶ ﺑﺎﻟﺸﺘﺎ ﻭﺍﻟﺒﺮﻭﺩﺓ ﺧﺎﻃﺮ ﻧﺎﺭ ﻓﻲ ﻗﻠﺒﻬﺎ ﺷﺎﻋﻠﺔ.. ﺷﺎﻓﺖ ﻓﻴﻪ ﻭﺍﻟﺸﺘﺎ ﻃﻴﺢ ﻓﻮﻗﻮ.. ﺍﻣﺎﻧﻲ: ﺍﺍﻩ؟؟. ﻣﻜﺎﺵ.. ﻣﻠﻘﻴﺘﺶ ﻭﻳﻦ ﻧﺴﺘﻨﺎﻙ.. ﺳﻌﻴﺪ : ﺍﻣﺸﻲ ﺍﻃﻠﻌﻲ ﻣﻌﺎﻳﺎ.. ﻛﻨﺖ ﺗﺮﻭﺣﻲ ﻣﺘﺒﻘﺎﻳﺶ ﻓﺎﻟﺸﺘﺎ... ﺿﺮﻙ ﻳﺰﻳﺪ ﻋﻠﻴﻚ ﺍﻟﺤﺎﻝ... ﺍﻣﺎﻧﻲ ﻃﻠﻌﺖ ﻣﻌﺎﻩ ﻭﺗﺘﻔﻜﺮ ﻓﻲ ﺳﻤﻴﺮ ﻛﻲ ﻛﺎﻥ ﻳﺠﻲ ﻳﺪﻳﻬﺎ ﻭﻳﻠﻘﺎﻫﺎ ﻓﺎﻟﺸﺘﺎ ﻳﺒﻬﺪﻟﻬﺎ...ﻭﻫﻲ ﺗﺤﺐ ﺗﻤﺸﻲ ﻓﺎﻟﺸﺘﺎ... ﺳﻌﻴﺪ ﺷﺎﻓﻬﺎ ﻏﺎﻳﺴﺔ ﻣﻔﻬﻤﺶ ﻭﺍﺵ ﺑﻴﻬﺎ.. ﻣﻲ ﺣﺲ ﺑﻠﻲ ﺑﻴﻬﺎ ﺣﺎﺟﺔ.. ﺳﻌﻴﺪ: ﺷﺒﻴﻚ ﺍﻣﺎﻧﻲ؟؟.. ﺣﺎﺱ ﻣﺎﻛﻴﺶ ﻣﻠﻴﺤﺔ.. ﺍﻣﺎﻧﻲ: ﻣﻜﺎﻳﻦ ﻭﺍﻟﻮ... ﺳﻌﻴﺪ: ﺭﺍﻧﻲ ﻧﺸﻮﻑ ﺍﻟﺤﺰﻥ ﻓﻲ ﻋﻴﻨﻴﻚ.. ﺍﺣﻜﻴﻠﻲ.. ﺭﺍﺡ ﺗﻮﻟﻲ ﻣﺮﺗﻲ ﺍﺫﺍ ﻛﺘﺐ ﺭﺑﻲ ﻳﻠﺰﻡ ﺗﻮﺍﻟﻔﻴﻨﻲ ﻭﺗﺤﻜﻴﻠﻲ.. ﺍﻣﺎﻧﻲ ﻭﺟﻌﺘﻬﺎ ﻛﻠﻤﺔ ﻣﺮﺗﻲ ﻣﻮﺍﻟﻒ ﺳﻤﻴﺮ ﻳﻘﻮﻟﻬﺎﻟﻬﺎ.. ﻣﻘﺪﺭﺗﺶ ﺗﺸﺪ ﺭﻭﺣﻬﺎ.. ﺩﻣﻮﻋﻬﺎ ﻧﺰﻟﻮ.. ﻭﻳﺪﺍﻥ.. ﻗﺪ ﻣﺎﻟﺸﺘﺎ ﻗﻮﺍﺕ.. ﻗﻮﺍﺕ ﻫﻲ ﻓﺎﻟﺒﻜﺎ. ﺳﻌﻴﺪ ﺣﺒﺲ ﻣﻔﻬﻢ ﻭﺍﻟﻮ.. ﻳﺸﻮﻑ ﻓﻴﻬﺎ ﺗﺒﻜﻲ ﻫﻜﺎﻙ.. ﺳﻌﻴﺪ: ﺍﻣﺎﻧﻲ ﺷﺒﻴﻚ؟؟.. ﻭﺍﺵ ﻛﺎﻳﻦ؟؟ ﺍﻣﺎﻧﻲ: ﺳﻌﻴﺪ.. ﻳﻠﺰﻡ ﺗﻌﺮﻑ ﺍﻟﻤﺎﺿﻲ ﺗﺎﻋﻲ ﻛﻴﻤﺎ ﺍﻧﺎ ﻋﺮﻓﺖ ﻣﺎﺿﻴﻚ.. ﺳﻌﻴﺪ ﻣﺨﻠﻮﻉ.. ﻣﻜﺎﻧﺶ ﻋﺎﺭﻑ ﻋﻨﺪﻫﺎ ﻣﺎﺿﻲ... ﺳﻌﻴﺪ: ﺍﻳﻪ ﺍﺣﻜﻲ ﺭﺍﻧﻲ ﻧﺴﻤﻊ❤❤❤❤❤❤❤❤❤❤
ﻟﺤﻠﻘﺔ_99: ﺍﻣﺎﻧﻲ ﻗﻠﺒﻬﺎ ﻳﻀﺮﺏ ﻣﻌﺮﻓﺘﺶ ﻣﻨﻴﻦ ﺗﺒﺪﺍﻩ ﺑﻘﺎﺕ ﺗﻠﻌﺐ ﺑﺼﺒﺎﻋﺘﻴﻬﺎ ﻣﺘﻮﺗﺮﺓ ﺳﻌﻴﺪ ﺣﺎﺱ ﺑﻴﻬﺎ ﺳﻌﻴﺪ: ﺍﻣﺎﻧﻲ ﺍﺣﻜﻲ ﺭﺍﻧﻲ ﻧﺴﻤﻊ ﻓﻴﻚ.. ﺍﻟﻴﻮﻡ ﻳﻠﺰﻡ ﻧﻜﻮﻧﻮ ﺻﺮﺣﺎﺀ.. ﻳﻠﺰﻡ ﻛﻠﺸﻲ ﻧﺤﻜﻮﻩ.. ﺍﻣﺎﻧﻲ ﻣﻘﺪﺭﺗﺶ ﺗﻬﺪﺭ ﻣﺨﻨﻮﻗﺔ.. ﺧﺎﻳﻔﺔ ﺗﻘﻮﻟﻮ ﻭﻳﻔﻬﻤﻬﺎ ﻏﻠﻂ.. ﺳﻌﻴﺪ: ﺍﻣﺎﻧﻲ ﺍﺣﻜﻲ ﻣﺘﺨﺎﻓﻴﺶ ﻣﻜﺎﺵ ﺿﺮﻙ ﻟﻲ ﻣﻌﻨﺪﻫﺎﺵ ﻣﺎﺿﻲ.. ﻭﻳﻦ ﺭﺍﻫﻲ ﺍﻟﻄﻔﻠﺔ ﻟﻲ ﻣﻤﺸﺎﺗﺶ ﻭﻣﻌﻨﺪﻫﺎﺵ ﺣﺒﻴﺒﻬﺎ.. ﻟﻮﻛﺎﻥ ﻗﻠﺘﻴﻠﻲ ﻣﻜﺎﻧﺶ ﻋﻨﺪﻱ ﻣﻨﺎﻣﻨﻜﺶ.. ﺍﻧﺎ ﺣﻴﺎﺓ 3 ﺳﻨﻴﻦ ﻭﺍﻧﺎ ﻣﻌﺎﻫﺎ ﺣﺒﻴﺘﻬﺎ ﻭﻟﻲ ﻃﻠﺒﺎﺗﻮ ﺟﺒﺘﻮﻟﻬﺎ.. ﻭﻓﻠﺨﺮ ﺧﺪﻋﺘﻨﻲ ﻭﻏﺪﺭﺗﻨﻲ.. ﺍﻟﻨﻬﺎﺭ ﻫﺬﺍﻙ ﻣﻘﺪﺭﺗﺶ ﻧﻨﺴﺎﻩ.. ﻣﺰﺍﻝ ﺑﻴﻦ ﻋﻴﻨﻴﺎ.. ﻭﺍﻟﻤﺸﻜﻞ ﻣﺰﻟﻨﻲ ﻧﺤﺒﻬﺎ ﻭﻣﻘﺪﺭﺗﺶ ﻧﻨﺴﺎﻫﺎ ﺍﻣﺎﻧﻲ: ﺧﺎﻳﻔﺔ ﻧﺤﻜﻴﻠﻚ ﻭﺗﺘﻘﺒﻠﺶ ﺳﻌﻴﺪ: ﺍﺣﻜﻲ ﻣﺘﺨﺎﻓﻴﺶ ﺭﺍﺡ ﻧﻌﺮﻑ ﻓﻠﻮﻝ ﻭﻻ ﻓﻠﺨﺮ ﺍﻣﺎﻧﻲ: ﺣﻜﺎﻳﺘﻲ ﺻﻌﻴﺒﺔ.. ﻛﻨﺖ ﻧﻌﺮﻑ ﻭﺍﺣﺪ 3 ﺳﻨﻴﻦ ﻭﺍﻧﺎ ﻣﻌﺎﻩ. ﺳﻌﻴﺪ: ﻣﻢ ﻭﻛﻨﺘﻲ ﺗﺤﺒﻴﻪ؟ ﺍﻣﺎﻧﻲ: ﻛﻨﺘﻮ ﻧﺤﺒﻮ ﻭﻛﻠﺸﻲ ﻓﻲ ﺣﻴﺎﺗﻲ ﻭﻛﺎﻥ ﻧﺎﻭﻱ ﻳﺨﻄﺒﻨﻲ.. ﺻﺢ ﻛﻨﺖ ﻧﺨﺮﺝ ﻣﻌﺎﻩ ﻣﻲ ﺟﺎﻣﻲ ﺟﺎﻭﺯ ﺍﻟﺤﺪﻭﺩ ﻣﻌﺎﻳﺎ ﻛﺎﻥ ﻳﻘﻮﻟﻲ ﺣﺘﻰ ﺗﻮﻟﻲ ﺣﻼﻟﻲ ﺳﻌﻴﺪ: ﻭﻛﻴﻔﺎﺵ ﺗﻔﺎﺭﻗﺘﻮ؟ ﺍﻣﺎﻧﻲ: ﺻﻌﻴﺒﺔ ﺑﺰﺍﻑ ﺳﻌﻴﺪ: ﺍﺣﻜﻲ ﺍﻣﺎﻧﻲ ﻓﺮﻏﻲ ﻗﻠﺒﻚ ﺍﻣﺎﻧﻲ: ﻕ... ﻗﺖ ﻗﺘﻠﻮﻩ ﺳﻌﻴﺪ ﻣﺨﻠﻮﻉ ﻣﻮﻗﻌﺶ ﻫﻜﺎ.. ﺣﻜﻢ ﻗﺒﻀﺔ ﻳﺪﻳﻪ.. ﻭﻳﺸﻮﻑ ﻓﻴﻬﺎ ﺳﻌﻴﺪ: ﺭﺑﻲ ﻳﺮﺣﻤﻮ ﺷﻜﻮﻥ ﻫﺎﺫﻭ ﻟﻲ ﻗﺘﻠﻮﻩ! ؟ ﺍﻣﺎﻧﻲ: ﻧﺎﺱ ﻣﻌﻨﺪﻫﻤﺶ ﺭﺣﻤﺔ ﻓﻲ ﻗﻠﺒﻬﻢ.. ﺣﺮﻣﻮﻧﻲ ﻣﻨﻮ.. ﻣﺘﻬﻨﻴﺘﺶ ﺑﻴﻪ ﺣﺘﻰ ﻧﻬﺎﺭ.. ﻛﺎﻥ ﺩﻳﻤﺎ ﻳﻘﻮﻟﻲ ﺧﻠﻲ ﺣﺘﻰ ﺗﻮﻟﻲ ﺣﻼﻟﻲ.. ﻭﺍﻧﺎ ﻛﻨﺖ ﻧﺴﺘﻨﺎ ﻓﻴﻪ ﻣﻲ ﻫﻮ ﺭﺍﺡ ﻭﺧﻼﻧﻲ.. ﺧﻼﻧﻲ ﻛﻲ ﺍﻟﻤﻬﺒﻮﻟﺔ. ﺩﺧﻠﺖ ﻟﻠﺴﺒﻴﻄﺎﺭ ﻣﺎﻟﺸﻮﻙ.. ﻭﺣﺘﻰ ﻗﺒﺮﻭ ﺭﺣﺖ ﻟﻴﻪ ﻭﻣﺎﻣﻨﺘﺶ ﺑﻠﻲ ﻣﺎﺕ.. ﺳﻌﻴﺪ ﻳﺸﻮﻑ ﻓﻴﻬﺎ ﻛﻔﺎﺵ ﺗﺒﻜﻲ ﻭﺗﻬﺪﺭ ﻋﻠﻴﻪ ﺑﺤﺮﻗﺔ... ﻣﻌﺮﻓﺶ ﻭﺍﺵ ﻳﻘﻮﻟﻠﻬﺎ ﻟﻘﺎﻫﺎ ﻣﺤﺮﻭﻗﺔ ﻛﺜﺮﻣﻨﻮ.. ﺯﺍﺩﺧﺎﻑ ﻣﻴﻘﺪﺭﺵ ﻳﺘﻔﺎﻫﻢ ﻣﻌﺎﻫﺎ ﻭﻫﻮ ﻗﻠﺒﻮ ﻓﻲ ﺟﻴﻪ ﻭﻫﻲ ﻓﻲ ﺟﻴﻪ.. ﺳﻌﻴﺪ: ﻭﻛﻲ ﺗﺤﺒﻴﻪ ﻭﻛﻴﻔﺎﺵ ﺣﺘﻰ ﻋﺮﺿﺘﻲ ﻋﻠﻴﺎ ﻧﻜﻮﻥ ﻣﻌﺎﻙ؟؟ ﺍﻣﺎﻧﻲ: ﺧﺎﻃﺮ ﺟﺎﻧﻲ ﻓﺎﻟﻤﻨﺎﻡ ﻭﻗﺎﻟﻲ ﺷﻮﻓﻲ ﺭﺍﺟﻞ ﻭﺣﺒﻴﻪ ﻭﻣﺘﺒﻘﺎﻳﺶ ﺗﻌﺬﺑﻲ ﻓﻴﺎ ﺍﻧﺎ ﺭﺣﺖ ﻭﻣﻨﻮﻟﻴﺶ.. ﺳﻌﻴﺪ: ﺭﺑﻲ ﻳﺮﺣﻤﻮ.. ﺻﺢ ﻣﺎﺷﻲ ﺳﺎﻫﻠﺔ.. ﺻﻌﻴﺒﺔ.. ﺍﻧﺎ ﻓﺎﻫﻤﻚ.. ﻭﺣﺎﺱ ﺑﻴﻚ.. ﺍﻣﺎﻧﻲ: ﻣﻤﻢ 3 ﺳﻨﻴﻦ ﻣﻠﻲ ﻣﺎﺕ.. ﻭﻣﻘﺪﺭﺗﺶ ﻧﻨﺴﺎﻩ ﻛﻞ ﻳﻮﻡ ﻧﺒﻜﻲ ﻋﻠﻴﻪ.. ﻣﻠﻘﻴﺘﺶ ﻟﻲ ﻳﻔﻬﻤﻨﻲ ﻭﻳﻨﺴﻴﻨﻲ... ﺳﻌﻴﺪ: ﺣﺘﻰ ﺍﻧﺎ ﻣﻠﻘﻴﺘﺶ ﻟﻲ ﻳﻨﺴﻴﻨﻲ.. ﻣﻲ ﻧﺘﻲ ﻓﻲ ﺭﺍﻳﻚ ﺣﻨﺎ ﻧﻘﺪﺭﻭ ﻧﺒﻨﻮ ﻋﺎﻳﻠﺔﻭﺣﻨﺎ ﻛﻞ ﻭﺍﺣﺪ ﻗﻠﺒﻮ ﻣﻌﻠﻖ ﻓﻲ ﺟﻴﻬﺔ ﺍﺧﺮﻯ؟؟ ﺍﻣﺎﻧﻲ: ﺍﻧﺎ ﺑﺎﺵ ﻧﺤﺐ ﻏﻴﺮ ﻭ ﻣﺸﻜﻴﺘﺶ ﻧﻠﻘﺎ ﻛﻴﻔﻮ.. ﻣﻲ ﻧﺘﺎ ﺷﻔﺘﻚ ﻓﺤﻞ ﻭﻗﻠﺖ ﺗﻔﻬﻤﻨﻲ ﻭﺍﻧﺎ ﻧﻔﻬﻤﻚ.. ﺳﻌﻴﺪ: ﺍﻣﺎﻧﻲ ﻣﻨﺘﺴﺮﻋﻮﺵ.. ﺭﺍﻧﺎ ﻓﻲ ﺯﻭﺝ ﻣﺠﺮﻭﺣﻴﻦ. ﺧﻠﻮﻫﺎ ﻟﻠﺰﻣﺎﻥ ﻳﺤﻠﻬﺎ ﻭﻧﺸﻮﻓﻮ ﺍﺫﺍ ﻗﺪﺭﻧﺎ ﻧﻜﻤﻠﻮ ﻭﻻﺍ ﻣﻘﺪﺭﻧﺎﺵ ﻛﻞ ﻭﺍﺣﺪ ﻓﻲ ﺣﺎﻟﻮ.. ﺍﻣﺎﻧﻲ: ﻧﺸﺎﻟﻠﻪ ﻧﺪﻳﺮ ﻟﻲ ﻋﻠﻴﺎ.. ﺳﻌﻴﺪ: ﻧﺸﺎﻟﻠﻪ.. ﻫﻴﺎ ﻧﺮﺟﻌﻮ ﻭﺧﻠﻴﻚ ﺗﺨﻤﻲ ﻭﺍﻧﺎ ﻧﺨﻤﻢ ﻣﻨﺒﻌﺪ ﺭﺑﻲ ﻳﺴﻬﻞ❤❤❤❤❤
YOU ARE READING
كرونيك:💔دموعك_حرقوني💔
Fanfictionمنقووووولة##### باللهجة الجزائرية🇩🇿🇩🇿🇩🇿🇩🇿 للكاتب Rezak Fouad ﺟﺎﻡ ﻛﺮﻭﻧﻴﻚ #ﺑﻌﻨﻮﺍﻥ 😍😘😍?? 😍 ﺩﻣﻮﻋﻚ_ﺣﺮﻗﻮﻧﻲ ❤😍❤ #ﺍﻟﺤﻠﻘﺔ (1) ﻭﺍﺵ ﻓﺆﺍﺩ ﻟﺒﺎﺱ ﻓﺆﺍﺩ ﺧﺮﺝ ﺭﺍﺳﻮ ﻓﺆﺍﺩ: ﺍﻫﻼ ..ﻣﺎﻟﻚ ﻭﺍﺵ ﺭﺍﻙ؟؟ ﻣﺎﻟﻚ: ﻫﻬﻪ ﻟﺒﺎﺱ ..ﻳﺎﺳﻴﺪﻱ ﻣﺎﻧﺎﺵ ﻧﺸﻮﻓﻮﻙ ﺗﻀﻞ ﻟﻬﻨﺎ ﻏﺎﻃﺲ ﻓﺆﺍﺩ: ﻫﻪ ﻭ...
