كرونيك:💔دموعك_حرقوني💔

😇البارت 22😇

ﺍﻟﺤﻠﻘﺔ_73: ﺍﻣﺎﻧﻲ ﺭﺍﺣﺖ ﻭﺍﺳﻤﺎ ﺑﻘﺎﺕ ﺗﻐﻠﻲ .. ﻧﺮﻳﻤﺎﻥ: ﺍﺳﻤﺎ ﻣﺘﺎﻣﻨﻴﻬﺎﺵ ﺗﻜﺬﺏ.. ﺍﺳﻤﺎ: ﻭﺍﻟﻠﻪ ﻣﻌﻼ‌ﺑﺎﻟﻲ..ﻣﻲ ﺷﻜﻮﻥ ﻫﺎﺫﻱ ﺍﻟﻄﻔﻠﺔ ﻟﻲ ﺟﻲ ﻟﻴﻪ؟؟.. ﻋﻼ‌ﺵ ﺟﺎﻣﻲ ﺣﻜﺎﻟﻲ ﻋﻠﻴﻬﺎ؟؟ ﻧﺮﻳﻤﺎﻥ: ﺍﺫﺍ ﻛﺎﻳﻦ ﻣﻨﻬﺎ ﺍﺳﻤﺎ: ﻣﻨﻌﺮﻑ ﻧﻌﺴﻮ ﻭﻧﺘﺎﻛﺪ.. ﻧﺮﻳﻤﺎﻥ: ﻣﻔﻬﻤﺘﺶ ﻛﻴﻔﺎﺵ ﺗﺸﻜﻲ ﻓﻲ ﻓﺆﺍﺩ ﺍﻟﺴﻴﺪ ﻫﺎﺑﻞ ﻋﻠﻴﻚ . ﺍﺳﻤﺎ: ﻣﻲ ﺍﻟﺮﺟﺎﻝ ﺧﻮﻧﺔ ﻭﻳﺒﺪﻟﻮﻙ ﻋﺎﺩﻱ ﺗﻘﻮﻝ ﻣﻌﻨﺪﻫﻢ ﻗﻠﺐ ﻧﺮﻳﻤﺎﻥ:ﻓﺆﺍﺩ ﻫﺬﺍ ﻳﺎ ﺍﺳﻮﻣﺘﻮ ﻓﺆﺍﺩ.. ﻧﺴﻴﺘﻲ ﻭﺍﺵ ﺩﺍﺭ ﻋﻼ‌ﺟﺎﻟﻚ؟!.. ﻭﺍﻟﻠﻪ ﻭﻧﺸﻔﻮ ﺑﻌﻴﻨﻴﺎ ﻣﻨﺎﻣﻨﺶ.. ﺍﺳﻤﺎ: ﻭﺍﻟﻠﻪ ﻣﺎﻗﺎﺩﺭﺓ ﻧﺨﻤﻢ ... ﻓﻠﻴﻞ ﺍﺳﻤﺎ ﻣﻘﺮﺗﺶ ﺗﺮﻗﺪ..ﺗﺨﻤﻢ ﻓﻲ ﻭﺍﺵ ﻗﺎﻟﺘﻠﻬﺎ ﺍﻣﺎﻧﻲ ﺍﺳﻤﺎ: ﻭﺍﻟﻴﻮﻡ ﻣﻌﻴﻄﻠﻴﺶ ﻛﺎﻣﻞ ﻣﺤﻮﺳﺶ ﻋﻠﻴﺎ . ﺍﻧﺎ ﺛﺎﻥ ﻭﺍﻟﻠﻪ ﻣﻨﺤﻮﺱ ﻋﻠﻴﻪ. ﺑﻘﺎﺕ ﺗﺘﻘﻠﺐ ﻣﻘﺪﺭﺗﺶ ﺗﺮﻗﺪ ﺑﻔﻒ ﻭﺍﻟﻔﺘﻮ ﻣﻨﻘﺪﺭﺵ ﻧﺮﻗﺪ ﺑﻼ‌ ﻣﺎﻧﺴﻤﻊ ﺻﻮﺗﻮ .. ﻧﺎﺿﺖ ﻗﻌﺪﺕ ﻭﺗﺸﻮﻑ ﻓﻲ ﺗﺼﻮﻳﺮﺗﻮ ﻓﻲ ﺗﻴﻠﻴﻔﻮﻧﻬﺎ ﻟﻲ ﺩﺍﻳﺮﺗﻬﺎ fond ecran.. ﺗﺸﻮﻑ ﻭﺗﻤﺲ ﻓﻴﻬﺎ..ﻭﺗﻬﺪﺭ ﻣﺎﻧﻴﺶ ﻗﺎﺩﺭﺓ ﻧﻴﻤﺎﺟﻴﺘﻲ ﺑﻠﻲ ﺗﺨﻮﻧﻲ ﻭﻻ‌ ﻣﺮﺍ ﻭﺣﺪﻭﺧﺮﺍ ﺗﺤﻂ ﻳﺪﻫﺎ ﻋﻠﻴﻚ. ﺑﻔﻒ ﻭﺍﻟﻠﻪ ﻧﻘﺘﻠﻬﺎ ﻭﻧﺘﻔﻬﺎ. ...... ﻧﻌﻴﻄﻠﻮ ﻣﻘﺪﺭﺗﺶ ﺗﻮﺣﺸﺘﻮ. . ﺍﻟﻮ ..ﺍﻟﻮ ﻓﺆﺍﺩ .. ﺍﻟﻮ ﺍﺳﻤﺎ ﺟﻤﺪﺕ ﺳﻤﻌﺖ ﺻﻮﺕ ﻣﺮﺍ. ﺍﻟﻮ ﺷﻜﻮﻥ ﻧﺘﻴﺎ؟؟ .. ﺍﺳﻤﺎ ﻛﻮﺑﺎﺕ ﺑﻼ‌ﻙ ﺭﺍﻫﻲ ﺗﻨﻮﻡ ﻭﻻ‌ ﻏﻠﻄﺖ ﻋﺎﻭﺩﺕ ﻋﻴﻄﺖ ..... ﺍﻟﻮ ﺷﻜﻮﻥ؟؟ ﺍﺳﻤﺎ: ﻧﺘﻲ ﻟﻲ ﺷﻜﻮﻥ؟؟.. ﻫﺬﺍ ﻧﻴﻤﻴﺮﻭ ﺗﺎﻍ ﺭﺍﺟﻠﻲ .. ...ﻫﻬﻪ ﺻﺢ؟!.. ﻭﺭﺍﺟﻠﻚ ﻛﺎﻥ ﻋﻨﺪﻱ ﻭﻧﺴﺎ ﺗﻴﻠﻴﻔﻮﻧﻮ.ﻫﻬﻬﻬﻬﻪﻩ ﺍﺳﻤﺎ ﻋﻴﻨﻴﻬﺎ ﺩﻣﻌﻮ ﺗﺤﺲ ﺑﺤﺮﻗﺔ..ﻛﻴﻔﺎﺵ ﻓﺆﺍﺩ ﻳﺨﻮﻧﻬﺎ ﻣﻊ ﻭﺣﺪﻭﺧﺮﺍ..ﻛﻴﻔﺎﺵ ﻓﺆﺍﺩ ﺗﻤﺴﻮ ﻣﺮﺍ ﺍﺧﺮﻯ...ﻛﻴﻔﺎﺵ ﻟﺒﺎﺭﺡ ﻛﺎﻥ ﻳﻌﺸﻖ ﻓﻴﻬﺎ ﻭﻗﺮﻳﺐ ﻗﺘﻞ ﻋﺎﺩﻝ ﻋﻼ‌ ﺟﺎﻟﻬﺎ ﻭﺍﻟﻴﻮﻡ ﻋﻨﺪ ﻣﺮﺍ ﺍﺧﺮﻯ.. ﻣﺎﻟﺪﻣﻮﻉ ﻭﻻ‌ﺕ ﺗﺒﻜﻲ ﻭﺗﺒﻜﻲ ﺑﺤﺮﻗﺔ. .ﺗﺮﻣﺎﺕ ﻋﻠﻰ ﻓﺮﺍﺷﻬﺎ ﻭﺗﺒﻜﻲ .ﻣﻘﺪﺭﺗﺶ ﺗﺎﻣﻦ ﻛﺎﻥ ﻋﻨﺪﻫﺎ ﺍﻣﻞ ﺑﻠﻲ ﺍﻣﺎﻧﻲ ﺗﻜﺬﺏ ﻣﻲ ﺿﻬﺮﺕ ﺻﺢ..ﻧﻮﻣﺮﻭﻩ ﻫﺎﺫﺍ ﻭﻋﻨﺪ ﻣﺮﺍ ﺍﺧﺮﻯ ﻭﻛﺎﻥ ﺳﻬﺮﺍﻥ ﻣﻌﺎﻫﺎ ﻭﺍﻧﺎ ﻧﻘﻮﻝ ﻋﻼ‌ﺵ ﻣﻌﻴﻄﻠﻴﺶ ﻭﻫﻮ ﻭﺯﺍﻫﻲ ﻭﻻ‌ﻗﻲ ﻏﺮﺿﻮ

. ﺍﻟﺤﻠﻘﺔ_74: ﺍﺳﻤﺎ ﺗﺒﻜﻲ ﺑﺤﺮﻗﺔ...ﺭﻓﺪﺕ ﺗﻴﻠﻴﻮﻓﻮﻧﻬﺎ ﻭﺷﻮﻑ ﻓﺎﻟﻔﻮﺗﻮ ﺗﺎﻋﻮ ﻭﺗﺒﻜﻲ ﺑﺎﻟﺸﻬﻘﺔ ﻋﻼ‌ﺵ ﻳﺎﻓﺆﺍﺩ .ﻋﻼ‌ﺵ..ﺗﺨﻮﻧﻲ ؟.. ﻭﺍﺵ ﺩﺭﺗﻠﻚ... ﻳﺎﺭﺑﻲ ﻣﺎﻧﻴﺶ ﻣﺎﻣﻨﺔ...ﻣﻜﺎﺵ ﻣﻨﻬﺎ ﻓﺆﺍﺩ ﻳﺨﻮﻧﻲ...ﻓﺆﺍﺩ ﻳﺤﺒﻨﻲ ﻋﻼ‌ﺑﺎﻟﻲ.. ﻋﻴﻨﻴﻪ ﻓﺎﺿﺤﻴﻨﻮ.... ﻭﺍﺵ ﺭﺍﻧﻲ ﻧﻬﺪﺭ ﻭﻧﻄﻤﻊ ﻓﻲ ﺭﻭﺣﻲ ﺑﺎﻃﻞ...ﻓﺆﺍﺩ ﺭﺍﺡ ..ﺭﺍﺡ ﻳﺎ ﺍﺳﻤﺎ..ﻓﺆﺍﺩ ﺿﺎﻉ ﻣﻨﻚ.ﻭﺩﺍﺗﻮ ﻭﺣﺪﻭﺧﺮﺍ. ﻣﻤﺰ ﺯﻋﻤﺎ ﻭﺍﺵ ﻛﺎﻧﻮ ﻳﺪﻳﺮﻭ!؟ ﺯﻋﻤﺎ ﻋﻨﻘﻬﺎ ..ﺯﻋﻤﺎ!!. ﺍﺍﺍﻉ ﻣﻨﻘﺪﺭﺵ ﻧﺘﺨﻴﻞ..ﻣﺮﺍ ﻭﺣﺪﻭﺧﺮﺍ ﻳﻌﻨﻘﻬﺎ ﻣﻦ ﻏﻴﺮﻱ.. ..... ﻃﻔﺎﺕ ﺍﻟﺘﻴﻠﻴﻔﻮﻥ ﻭﺑﻘﺎﺕ ﺗﺒﻜﻲ ﺣﺘﻰ ﺭﻗﺪﺕ... ﻏﺪﻭﺓ ﺍﻟﺼﺒﺎﺡ ﻧﺎﺿﺖ ﺩﺍﻳﺨﺔ ﻋﻴﻨﻴﻬﺎ ﻣﻨﻔﺨﻴﻦ ﻣﻦ ﻛﺜﺮﺓ ﺍﻟﺒﻜﺎ ﻓﺮﻳﺪﺓ:ﺻﺒﺎﺡ ﺍﻟﺨﻴﺮ ﺑﻨﺘﻲ ..ﻭﺍﺷﺒﻴﻬﻢ ﻋﻴﻨﻴﻚ.. ﻣﺮﻗﺪﻳﺶ ﻣﻠﻴﺢ؟؟ ﺍﺳﻤﺎ: ﻣﻤﻢ ﻣﺮﻗﺪﺗﺶ ﻣﻠﻴﺢ ﻓﺮﻳﺪﺓ ﻗﺮﺑﺖ : ﻛﺎﺷﻤﺎ ﺩﺍﺭﻟﻚ ﻓﺆﺍﺩ؟؟ ﺍﺳﻤﺎ ﻃﺮﻃﻘﺖ ﺑﺎﻟﺒﻜﺎ..: ﻓﺆﺍﺩ ﺧﺎﻧﻲ ﻳﺎﻣﺎﻣﺎ... ﻳﻤﺎﻫﺎ ﻏﻠﻘﺖ ﺍﻟﺒﺎﺏ ﺗﺎﻉ ﺍﻟﻜﻮﺯﻳﻨﺔ ﺑﺎﺵ ﻣﻴﺴﻤﻌﺶ ﺑﺎﺑﺎﻫﺎ ﻭﺍﺳﻤﺎ ﺗﺒﻜﻲ ﻭﺗﺮﻋﺶ ﻓﺮﻳﺪﺓ: ﻭﺍﺵ ﺗﻘﻮﻟﻲ.ﻛﻴﻔﺎﺵ ﺧﺎﻧﻚ!؟ ﺍﺳﻤﺎ: ﻣﻌﻼ‌ﺑﺎﻟﻴﺶ ﻋﻴﻄﺘﻠﻮ ﺭﻓﺪﺗﻠﻲ ﻣﺮﺍ ﻭﻗﺎﺗﻠﻲ ﻛﺎﻥ ﻋﻨﺪﻱ ﻓﺮﻳﺪﺓ: ﻳﺒﺨﺼﻮ..ﻭﺍﻟﻠﻪ ﻣﻨﺒﻌﺪ ﻧﺮﻭﺡ ﻟﻴﻤﺎﻩ ﻧﻘﻮﻟﻠﻬﺎ ﺍﺳﻤﺎ: ﺍﻧﺎ ﻧﺮﻭﺡ ﻻ‌ﻓﺎﻙ ﻓﺮﻳﺪﺓ: ﻭﻣﺎﺗﻜﻠﻲ ﻭﺍﻟﻮ؟؟ ﺍﺳﻤﺎ: ﻣﻌﻄﺎﻧﻴﺶ ﻗﻠﺒﻲ .ﺍﻳﺎ ﻣﻨﺒﻌﺪ. ﺧﺮﺟﺖ ﺍﺳﻤﺎ ﻟﻘﺎﺕ ﻧﺮﻳﻤﺎﻥ ﺟﺎﻳﺔ ﻧﺮﻳﻤﺎﻥ: ﺻﺒﺎﺡ ﺍﻟﺨﻴﺮ.ﺁﺁﻩ.ﺷﺒﻴﻬﻢﻋﻴﻨﻴﻚ؟؟. ﻛﻨﺘﻲ ﺗﺒﻜﻲ؟؟ ﺍﺳﻤﺎ: ﻓﺆﺍﺩ ﺧﺎﻧﻲ ﻧﺮﻳﻤﺎﻥ..ﻟﺒﺎﺭﺡ ﻛﺎﻥ ﻣﻊ ﻭﺣﺪﺓ..ﺳﻬﺮﺍﻥ ﻭﺍﻧﺎ ﻧﻘﻮﻝ ﻣﻌﻴﻄﻠﻴﺶ ﻧﺮﻳﻤﺎﻥ: ﺍﺧﺎﺍﻩ.. ﻓﺆﺍﺩ ﻳﺨﻮﻧﻚ؟؟.. ﻧﻮ ﻣﺒﻘﺎﺵ ﻻ‌ﻣﺎﻥ ﻫﻜﺎ.. ﺍﺳﻤﺎ: ﻣﻢ ﺧﻠﻴﻨﺎ ﻧﺮﻭﺣﻮ ﻧﻘﺮﺍﻭ ﻧﺮﻳﻤﺎﻥ: ﻣﺘﻌﺴﻴﻬﺶ ﻛﻴﻤﺎ ﻗﻠﺘﻲ ؟ ﺍﺳﻤﺎ: ﻣﻜﻼ‌ﻩ ﺑﺎﻥ ﻛﻠﺶ.. ﻧﺮﻳﻤﺎﻥ: ﻭﻳﻨﻮ ﺧﺎﺗﻤﻚ؟ ﺍﺳﻤﺎ : ﺍﻋﻄﻴﺘﻮ ﻟﻤﺎﻣﺎ ﺗﺮﺩﻭﻟﻬﻢ ﻣﺎﻧﻴﺶ ﺣﺎﺑﺔ ﻧﺸﻮﻓﻮ.. .... ﻓﺮﻳﺪﺓ ﺑﻘﺎﺕ ﺗﻐﻠﻲ ﻓﺎﻟﺪﺍﺭ ﻫﺬﺍ ﻫﺒﻞ ﻳﺘﻤﺴﺨﺮ ﺑﺎﻟﻄﻔﻠﺔ..ﻭﺍﻟﻠﻪ ﻧﺒﻬﺪﻟﻌﻢ .. ﺍﺳﻤﺎ ﻭﻧﺮﻳﻤﺎﻥ ﻳﻤﺸﻮ ﻟﺤﻘﻮ ﺑﺎﺵ ﻳﺮﻛﺒﻮ ﻓﺎﻟﻜﻮﺱ ﻧﺮﻳﻤﺎﻥ:ﺍﺳﻤﺎ ﺷﻮﻓﻲ ﻫﺬﺍﻙ ﻣﺎﺷﻲ ﻓﺆﺍﺩ.ﻫﺎﻭ ﺟﺎﻱ ﺟﻴﻬﺘﻨﺎ ﺍﺳﻤﺎ: ﺍﺧﻄﻴﻨﻲ ﻣﻨﻮ .. ﺩﻳﻤﺎﺭﺍﺕ ﺍﻟﻜﻮﺱ..ﻭﻓﺆﺍﺩ ﻣﻮﺭﺍﻫﻢ... ﻧﺮﻳﻤﺎﻥ: ﻫﺎﻭ ﻳﺘﺒﻊ ﻓﻴﻨﺎ ﺍﺳﻤﺎ ﺗﺒﻜﻲ : ﻳﺮﻭﺡ ﻳﺨﻄﻴﻨﻲ ﻣﺎﻧﻴﺶ ﺣﺎﺑﺔ ﻧﺸﻮﻓﻮ.