كرونيك:💔دموعك_حرقوني💔

😇البارت 09😇

ﺍﻟﺤﻠﻘﺔ_26: ﺍﺳﻤﺎ ﺗﺤﺲ ﻗﻠﺒﻬﺎ ﺭﺍﺡ ﻳﺨﺮﺝ ﻣﻦ ﺑﻼ‌ﺻﺘﻮ..ﻏﻤﻀﺖ ﻋﻴﻨﻴﻬﺎ ﻣﻘﺪﺭﺗﺶ ﺣﺘﻰ ﺗﺨﺰﺭ ﻓﻴﻪ..ﺗﺤﺲ ﻓﻴﻬﻢ ﻧﻀﺮﺓ ﺣﺎﺩﺓ ﻭﺗﺨﻮﻑ. ﻓﺆﺍﺩ: ﻭﺍﺵ ﻛﻨﺘﻲ ﺩﻳﺮﻱ ﻣﻊ ﺭ**..ﺍﺍ ﺍﻧﻄﻘﻲ .؟؟ ﺍﺳﻤﺎ ﺗﺮﻋﺶ..ﺍﻭﻝ ﻣﺮﺓ ﺗﺨﺎﻑ ﻣﻨﻮ..ﺍﻭﻝ ﻣﺮﺓ ﻳﻬﺪﺭ ﻣﻌﺎﻫﺎ ﻫﻜﺎ ﻭﻳﻌﻴﻂ ﻋﻠﻴﻬﺎ.. ﺍﺳﻤﺎ: ﻣﻢ .ﻣﻢ ﻣﻚ ..ﻣﻜﻨﺖ ﻓﺆﺍﺩ: ﻭﺍﺍﺍﺵ..ﻭﺍﺍﺍﺍﺵ ﺑﻲ ﺭ** ﺍﻧﻄﻘﻲ.. ﺍﺳﻤﺎ : ﻛﺎﻥ ﻳﻮﺻﻞ ﻓﻒ..ﻓﻴﻴﺎ....ﺧﺨﺎﺍﺍﻃﺮ ﺿﻼ‌ﻣﺖ... ﻓﺆﺍﺩ ﻣﺴﺢ ﺑﻴﺪﻳﻪ ﻋﻠﻰ ﺭﺍﺳﻮ ﻳﻬﺪﻱ ﻓﻲ ﺭﻭﺣﻮ ﺯﺍﺩ ﺧﺰﺭ ﻓﻴﻬﺎ ﻓﺆﺍﺩ: ﻋﻼ‌ﺵ..ﻳﻮﺻﻠﻚ ﻫﻮ..ﺁﺁﺁﻩ..ﻋﻼ‌ﺵ..ﻣﻌﻨﺪﻛﺶ ﺭﺍﺟﻞ..؟؟!!.. ﻃﺤﺎﻥ ﺍﻧﺎ ﻣﺮﺗﻲ ﻳﻮﺻﻠﻬﺎ ﻭﺣﺪﻭﺧﺮ..ﻗﻮﻟﻲ...ﺍﻧﻄﻘﻲ ﺍﺳﻤﺎ ﻭﺟﻌﻬﺎ ﻛﻼ‌ﻣﻮ ﻋﻴﻨﻴﻬﺎ ﺗﻌﻤﺮﻭ ﺑﺎﻟﺪﻣﻮﻉ ﻓﺆﺍﺩ: ﻭﺍﺵ ﻧﺪﻳﺮ ﻣﻊ ﻕ**** ﺿﺮﻙ..ﺍﺍﻩ...ﺟﺎﻳﺔﻣﻌﺎﻩ ﻣﺘﺸﺎﻭﺭﻱ ﻣﺎﻭﺍﻟﻮ...ﻭﺍﻧﺎ ﺯﻳﺎﺩﺓ...ﺍﻧﻄﻘﻴﻴﻲﻱ ؟!! ﺍﺳﻤﺎ: ﻛﻚ..ﻛﻴﻔﺎﺵ ﻧﺠﻲ ﻣﻌﺎﻙ ﻟﻮﻛﺎﻥ ﻳﺸﻮﻓﻨﺎ ﻛﺎﺵ ﻭﺍﺣﺪ ﻓﺆﺍﺩ: ﻛﻨﺘﻴﻴﻴﻲ ﺗﻌﻴﻄﻴﻴﻴﻠﻲ..ﻧﺘﻲ ﺗﻤﺸﻲ ﻭﺍﻧﺎ ﻭﺭﺍﻙ..ﻭﺍﺣﺪ ﻣﺎﻳﺪﻧﺎ ﻟﻴﻚ.ﺳﻤﻌﺘﻴﻴﻲ ﺍﺳﻤﺎ: ﻭﺍﻟﻠﻪ ﻣﺎ ﺍﻧﺎ ﻗﺘﻠﻮ ﻏﻴﺮ ﻧﺮﻳﻤﺎﻥ ﻟﻲ ﻗﺎﺗﻠﻮ ﻭﺍﻧﺎ ﺣﺸﻤﺖ... ﻓﺆﺍﺩ: ﻫﻬﻬﻬﻬﻪ ﻣﻠﻴﺤﺔ ﻫﺎﺫﻱ ﺧﺎﻃﺮ ﺟﺎﺑﻚ ﺑﺎﻟﺴﻴﻒ..ﻫﻮ....ﻉﻧﺪﻙ ﻓﻤﻚ ﻭﻛﻨﺘﻲ ﺗﻘﻮﻟﻴﻠﻮ ﻧﻮ ﻣﻜﻼ‌ﻩ.. ﺍﺳﻤﺎ: ﻗﺘﻠﻮ ﻭﺍﺍﻟﻠﻪ ﻗﺘﻠﻮ...ﻣﻨﺒﻌﺪ ﺧﻔﺖ ﺑﺎﺑﺎ ﻳﺪﺍﻭﺳﻨﻲ ﻛﻲ ﻃﻮﻟﺖ..ﻭﺩﻳﺠﺎ ﺿﺮﻙ ﻳﺒﻬﺪﻟﻨﻲ .ﻛﻲ ﺑﻄﻴﺖ .. ﻭﻃﺮﻃﻘﺖ ﺑﺎﻟﺒﻜﺎ ﻓﺆﺍﺩ ﺷﺎﻓﻬﺎ ﺗﺒﻜﻲ ﻏﺎﺿﺘﻮ ...ﺗﻨﻬﺪ..ﻭﺑﻘﺎ ﻳﺸﻮﻑ ﻓﻴﻬﺎ ﻭﻫﻲ ﺗﺮﻋﺶ ﻭﺗﺒﻜﻲ.. ﺟﺒﺪﻫﺎ ﻟﻌﻨﺪﻭ ﻋﻨﻘﻬﺎ..ﻭﺯﻳﺮ ﻋﻠﻴﻬﺎ. ﺍﻭﻝ ﻣﺮﺓ ﻳﻌﻨﻘﻬﺎ. .ﻳﻘﺮﺑﻠﻬﺎ..ﻧﺤﺎ ﺍﻟﻮﺣﺶ ﻛﺎﻣﻞ ﻓﺎﻟﺘﻌﻨﻴﻘﺔ ﻫﺎﺫﻳﻚ . ﻫﻲ ﻛﺒﺸﺖ ﻓﻴﻪ ﻭﻗﻮﺍﺕ ﻓﺎﻟﺒﻜﺎ ﺍﺳﻤﺎ: ﻭﺍﻟﻠﻪ ﻣﺎﺑﻠﻌﺎﻧﻲ ...ﻭﺍﻟﻠﻪ ﺳﺎﻣﺤﻨﻲ .. ﻓﺆﺍﺩ: ﺧﻼ‌ﺹ ﺍﺳﻜﺘﻲ..ﺳﻤﺤﻴﻠﻲ ﻋﻴﻄﺖ ﻋﻠﻴﻚ... ﺍﺳﻤﺎ: ﻧﻮ ﻋﻨﺪﻙ ﺍﻟﺤﻖ. ﺍﻧﺎ ﻟﻲ ﻏﻠﻄﺖ.. ﻓﺆﺍﺩ: ﺧﻼ‌ﺹ ﻣﺘﺒﻜﻴﺶ ﻳﺎ ﺭ*.. ﻗﻠﺘﻠﻚ ﻣﻨﺤﺒﺶ ﻧﺸﻮﻑ ﺩﻣﻮﻋﻚ..ﺩﻣﻮﻋﻚ ﻧﺎﺭ ﻳﺤﺮﻗﻮﻧﻲ .ﺍﺳﻜﺘﻲ ﻋﻤﺮﻱ ﺧﻼ‌ﺹ.. ﻫﻬﻬﻪ ﺍﺳﻜﺘﻲ ﻭﻻ‌ ﻧﺮﺟﻊ ﻧﺰﻋﻒ.. ﺍﺳﻤﺎ ﺗﺒﺴﻤﺖ ﻭﺟﺒﺪﺕ ﺭﻭﺣﻬﺎ ﺑﻘﺎﺕ ﺗﻤﺴﺢ ﻓﻲ ﺩﻣﻮﻋﻬﺎ ﻭﺗﻀﺤﻚ.. ﺧﺰﺭ ﻓﻴﻬﺎ ﻭﺯﺍﺩ ﺟﺒﺪﻫﺎ ﻓﺆﺍﺩ: ﺍﺭﻭﺍﺣﻲ ﻧﺸﺒﻊ ﻣﻨﻚ...ﻟﻴﻮﻡ ﻣﺎﺷﻲ ﻛﻞ ﻳﻮﻡ ﻫﻬﻬﻬﻬﻪ❤❤❤❤❤❤❤❤❤❤❤

ﺍﻟﺤﻠﻘﺔ_27: ﺍﺳﻤﺎ ﺭﺟﻌﺖ ﻟﻠﺪﺍﺭ ﻭﻓﺆﺍﺩ ﻳﺘﺒﻊ ﻓﻴﻬﺎ ﺑﻌﻴﻨﻴﻪ ﻭﻳﻤﺸﻲ ﺑﻠﻌﻘﻞ ﺣﺘﻰ ﺷﺎﻓﻬﺎ ﺩﺧﻠﺖ..ﺟﺎ ﺭﺍﺡ ﻳﺮﻭﺡ ﻣﻬﻨﺎﻫﺶ ﺧﺎﻃﺮﻭ..ﺧﺎﻑ ﺑﺎﺑﺎﻫﺎ ﻳﻀﺮﺏ..ﺗﻘﻠﻖ...ﺗﻢﻧﺎ ﻟﻮﻛﺎﻥ ﺭﺍﻫﻲ ﺧﻄﻴﺒﺘﻮ ﻭﻻ‌ ﻣﺮﺗﻮ..ﻭﺍﺣﺪ ﻣﺎﻳﻘﺪﺭ ﻳﻬﺪﺭ ﻣﻌﺎﻫﺎ.. ﺑﻌﺪ ﺷﻮﻳﺔ ﻋﺎﻟﺪﺍﺭ ﻭﺑﻘﺎ ﻗﺎﻉ ﻭﻳﺘﻜﻴﻒ ﻭﻋﻘﻠﻮ ﻓﻴﻬﺎ..ﻭﺻﺎﻫﺎ ﺗﻌﻴﻄﻠﻮ ﻃﻤﻨﻮ...ﻣﺤﺒﺶ ﻳﺘﺤﺮﻙ ﻣﻦ ﺑﻼ‌ﺻﺘﻮ .. ﺷﻮﻳﺔ ﻫﻜﺎﻙ ﻋﻴﻄﺘﻠﻮ...ﻗﺎﺗﻠﻮ ﺑﻠﻲ ﻣﺎﻗﺎﻟﻠﻬﺎ ﻭﺍﻟﻮ..ﻗﺎﺗﻠﻮ ﻧﺴﺎﺕ ﺭﻭﺣﻬﺎ ﺑﺎﻟﻘﺼﺮﺓ.. ﻓﺆﺍﺩ ﺭﺟﻊ ﻟﻠﺪﺍﺭ ..ﺗﺮﻣﺎ ﻓﻲ ﻓﺮﺍﺷﻮ ﻭﺻﻮﺭﺗﻬﺎ ﺑﻴﻦ ﻋﻴﻨﻴﻪ ﻭﻫﻲ ﺗﺒﻜﻲ..ﻭﺯﻳﺪ ﻛﻲ ﻋﻨﻘﺎﺗﻮ ﺗﻤﻨﺎ ﻣﺘﺒﻌﺪﺵ ﻋﻠﻴﻪ ﻓﺆﺍﺩ: ﺍﻭﺍﺍﻩ ﻳﻠﺰﻡ ﻧﻬﺪﺭ ﻣﻊ ﺑﺎﺑﺎﻫﺎ ﻏﺪﻭﺓ ﻧﺸﺎﻟﻠﻪ..ﻣﻨﺴﺘﻨﺎﺵ ﻛﺜﺮ..ﻣﻘﺪﺭﺗﺶ ﻧﺼﺒﺮ.. ﻏﺪﻭﺓ ﻣﻨﺬﺍﻙ..ﺭﺍﺡ ﻳﺨﺪﻡ ﻋﺎﺩﻱ..ﻟﻌﺸﻴﺔ ﺭﺍﺡ ﻟﻠﻘﻬﻮﺓ ﻟﻘﺎ ﺑﺎﺑﺎﻫﺎ ﻗﺎﻋﺪ ﻓﺆﺍﺩ: ﺍﻟﺴﻼ‌ﻡ ﻋﻠﻴﻜﻢ ﻋﻤﻲ..ﻣﻌﻠﻴﺶ ﻧﻬﺪﺭ ﻣﻌﺎﻙ ﻋﻤﺎﺭ: ﺍﻳﻪ ﻭﻟﻴﺪﻱ..ﻧﺘﺎ ﻣﺎﺷﻲ ﻓﺆﺍﺩ ﺍﻟﻤﻴﻜﺎﻧﻴﺴﻴﺎﻥ؟؟.. ﻭﺧﻮ ﻧﺎﺻﺮ ﻧﺴﻴﺒﻲ. ﻓﺆﺍﺩ: ﺍﻳﻪ ﺍﻧﺎ ﻫﻮ..ﻓﺎﻟﺤﻘﻴﻘﺔ ﺟﻴﺖ ﻗﺎﺻﺪﻙ ﻓﻲ ﺣﺎﺟﺔ ﻭﻧﺸﺎﻟﻠﻪ ﻣﺘﺮﺩﻧﻴﺶ.. ﻋﻤﺎﺭ: ﻋﻼ‌ﺵ ﻧﺮﺩﻙ ..ﻗﻮﻝ ﻭﻟﻴﺪﻱ ﻏﻴﺮ ﺍﻟﺨﻴﺮ؟؟ ﻓﺆﺍﺩ: ﺟﻴﺖ ﻗﺎﺻﺪﻙ ﻓﻲ ﺑﻨﺘﻚ..ﻧﺨﻄﺒﻬﺎ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ.. ﻋﻤﺎﺭ ﻣﺘﻔﺎﺟﺎ: ﺷﻜﻮﻥ؟؟. ﺑﻨﺘﻲ ﺍﻟﺼﻐﻴﺮﺓ؟؟ ﻓﺆﺍﺩ: ﺍﻳﻪ ﻫﻲ ﻋﻤﻲ.. ﻋﻤﺎﺭ: ﻳﺎ ﻭﻟﻴﺪﻱ ﺍﻟﻄﻔﻠﺔ ﻣﺰﻟﻬﺎ ﺻﻐﻴﺮﺓ..ﻭﻣﺰﺍﻟﺖ ﺗﻘﺮﺍ..ﺣﺘﻰ ﺗﻜﻤﻞ ﻗﺮﺍﻳﺘﻬﺎ ﻣﻨﺒﻌﺪ ﺳﺎﻫﻞ ﻓﺆﺍﺩ: ﻣﻌﻠﻴﺶ ﻋﻤﻲ ﻧﺤﻂ ﺍﻟﻴﺪ ﻭﻧﺴﺘﻨﺎﻫﺎ ﻋﻤﺎﺭ: ﻫﻪ ﺷﻮﻑ ﻳﺎﻭﻟﻴﺪﻱ ﻧﻌﺮﻓﻚ ﻧﺎﺱ ﻣﻼ‌ﺡ...ﻭﺩﺍﺭﻛﻢ ﻛﻴﻒ ﻛﻴﻒ..ﻟﻮﻛﺎﻥ ﻣﺎﺷﻲ ﻫﻜﺎﻙ ﻣﻨﻤﺪﻟﻜﻤﺶ ﺳﻨﺎﺀ..ﺑﺼﺢ ﺍﺳﻤﺎ ﻻ‌ﻻ‌ ﻣﺰﺍﻟﺖ ﺻﻐﻴﺮﺓ..ﻭﺯﻳﺪ ﺍﻧﺎ ﻣﻨﺤﺒﺶ ﺍﻟﺨﻄﺒﺔ ﺍﻟﻤﻄﻮﻟﺔ..ﻛﻲ ﺗﻜﻤﻞ ﻗﺮﺍﻳﺘﻬﺎ ﻣﻨﺒﻌﺪ ﺍﺭﻭﺍﺡ ﻓﺆﺍﺩ ﺗﻘﻠﻖ ﻓﺆﺍﺩ: ﻳﺎ ﻋﻤﻲ ﺍﻟﻄﻔﻠﺔ ﺍﻧﺎ ﻧﺎﻭﻳﻬﺎ ..ﻣﺎﻧﻴﺶ ﺣﺎﺏ ﺗﻤﺪﻫﺎ ﻟﻮﺣﺪﻭﺧﺮ..ﻗﻠﺖ ﻧﺤﻂ ﺍﻟﻴﺪ ﻋﻠﻴﻬﺎ.. ﻋﻤﺎﺭ: ﺳﻤﺤﻠﻲ ﻭﻟﻴﺪﻱ ﻣﻲ ﻣﻨﻌﻄﻴﻜﺶ..ﺣﺘﻰ ﺗﻜﻤﻞ ﻗﺮﺍﻳﺘﻬﺎ..ﻫﺎﺫﺍ ﺍﺧﺮ ﻛﻼ‌ﻡ ﻟﻴﺎ.. ﻓﺆﺍﺩ: ﻳﺎ ﻋﻤﻲ ﻋﻤﺎﺭ ﻋﻼ‌ﺵ ﺭﺍﻙ ﺧﺎﻳﻔﻨﻲ ؟؟ ﻋﻤﺎﺭ: ﻣﺎﻧﻴﺶ ﺧﺎﻳﻔﻚ ﻣﻲ ﺍﻟﺰﻣﺎﻥ ﻭﺍﻋﺮ ﺣﻨﺎ ﻧﻤﺪﻭ ﺑﻨﺎﺗﻨﺎ ﻣﻨﺎ ﺍﻟﻌﺮﺱ ﻣﻨﺎ ﻓﻮﻕ ﺍﻟﻌﺎﻡ ﻣﻨﻤﺪﻭﺵ... ﻓﺆﺍﺩ: ﻣﻌﻠﻴﺶ ﻋﻨﺪﻙ ﺍﻟﺤﻖ ﻣﻲ ﻣﻌﻠﻴﺶ ﺍﻋﻄﻴﻨﻲ ﻛﻠﻤﺔ ﺑﻠﻲ ﻣﺘﻤﺪﻫﺎﺵ ﻟﺤﺘﻰ ﻭﺍﺣﺪ ﻋﻤﺎﺭ: ﺭﻭﺡ ﺑﺮﻙ ﺭﻫﻲ ﻟﻴﻚ..ﺧﻠﻴﻬﺎ ﺗﻜﻤﻞ ﻭﺍﺭﻭﺍﺡ ﺍﺧﻄﺒﻬﺎ..ﻫﻬﻬﻪ ﻓﺆﺍﺩ ﻓﺮﺡ: ﺻﺤﻴﺖ ﻋﻤﻲ..ﺭﺑﻲ ﻳﺨﻠﻴﻚ.. ﻓﺆﺍﺩ ﺭﺍﺡ ﻟﻠﺪﺍﺭ ﻭﻣﻴﺖ ﺑﺎﻟﻔﺮﺣﺔ..ﻋﻴﻂ ﻻ‌ﺳﻤﺎ ﻗﺎﻟﻠﻬﺎ ﺍﺳﻤﺎ ﻃﺎﺭﺕ ﺑﺎﻟﻔﺮﺣﺔ ﻛﻲ ﻗﺎﻝ ﻟﺒﺎﺑﺎﻫﺎ ﻋﻠﻴﻬﺎ..ﻋﺮﻓﺖ ﺑﻠﻲ ﻧﺎﻭﻳﻬﺎ ﺻﺢ ﻭﻳﺤﺒﻬﺎ ﺻﺢ ﻓﺆﺍﺩ: ﻣﻲ ﻳﻠﺰﻡ ﺗﻘﺮﺍﻱ ﻣﻠﻴﺢ ﻭﻛﻤﻠﻴﻬﻢ ﺑﺎﺵ ﻧﺨﻄﺒﻚ ﻓﻲ 3 ﺳﻨﻴﻦ..ﻣﻨﺰﻳﺪﺵ ﻛﺜﺮ.ﺩﻳﺠﺎ ﻫﺎﺫﻭ ﺑﺰﺍﺍﺍﻑ ﻫﻬﻬﻬﻬﻪ ﺍﺳﻤﺎ: ﻣﺘﺨﺎﻓﺶ ﻧﺪﻳﺮ ﺍﻟﻤﺴﺘﺤﻴﻞ ..ﻭﻧﻨﺠﺢ..ﻫﻬﻬﻪ ﻓﺆﺍﺩ ﻛﻮﺑﺎ ...ﻭﺭﺍﺡ ﻟﻠﺪﺍﺭ ﻳﻔﺮﺡ ﻳﻤﺎﻩ ﺳﻌﺎﺕ ﻧﻔﺮﺣﻮ ﻛﺜﻴﺮ ﻭﻣﻨﻌﺮﻓﻮﺵ ﻭﺍﺵ ﻣﺨﺒﻴﻠﻨﺎ ﺍﻟﺰﻣﺎﻥ.❤❤❤

ﺍﻟﺤﻠﻘﺔ_28: ﺟﺎﺯﻭ ﻳﻤﺎﺕ ...ﻓﺆﺍﺩ ﻭﺍﺳﻤﺎ ﺩﻳﻤﺎ ﻳﺤﻜﻴﻮ ﻓﺎﻟﺘﻴﻠﻴﻔﻮﻥ....ﺍﺳﻤﺎ ﻣﺘﺨﺮﺟﺶ ﺑﺰﺍﻑ ﻏﻴﺮ ﺑﺎﻟﺴﺒﺔ..ﻓﺆﺍﺩ ﻳﺘﻮﺣﺸﻬﺎ...ﻣﻠﻘﺎ ﻣﺎﻳﺪﻳﺮ... ﻧﺎﺻﺮ ﺧﻮﻩ ﺛﺎﻥ ﻣﻊ ﺧﻄﻴﺒﺘﻮ ﻳﺘﻼ‌ﻗﺎﻭ ﻳﺨﺮﺟﻮ..ﻭﻓﺆﺍﺩ ﻣﺤﺮﻭﻕ ﻋﻠﻰ ﺍﺳﻤﺎ ﻭﻣﻠﻘﺎﺵ ﻭﺍﺵ ﻳﺪﻳﺮ... ﺍﺳﻤﺎ ﻛﺎﻧﺖ ﻣﺮﺓ ﻋﻠﻰ ﻣﺮﺓ ﺗﻬﺒﻂ ﻻ‌ﻓﺎﻙ ﺑﺎﺵ ﺗﻤﺎﺭﻛﻲ.. ﻭﺣﺪ ﺍﻟﻨﻬﺎﺭ ﻧﺎﺿﺖ ﺍﻟﺼﺒﺎﺡ ﻧﺎﺷﻄﺔ..ﺗﻔﺎﻫﻤﺖ ﻣﻊ ﻧﺮﻳﻤﺎﻥ ﺑﺎﺵ ﻳﺮﻭﺣﻮ ﻳﻤﺎﺭﻛﻴﻮ... ﺧﺮﺟﺖ ﺍﺳﻤﺎ ﻋﻴﻄﺖ ﻟﻨﺮﻳﻤﺎﻥ ﻭﺭﺍﺣﻮ ﺭﻛﺒﻮ ﻓﺎﻝbus... ﻟﺤﻘﻮ ﻭﻳﻦ ﻳﻬﺒﻄﻮ ﻧﺰﻟﻮ ﻭﻛﻤﻠﻮ ﻳﻤﺸﻴﻮ ﻧﺮﻳﻤﺎﻥ: ﺑﻔﻒ ﺍﻟﺴﺨﺎﻧﺔ ﺗﻘﺘﻞ . ﺍﺳﻤﺎ: ﻭﺍﻟﻠﻪ ﺻﺢ..ﻧﻤﺎﺭﻛﻴﻮ ﻭﻧﻮﻟﻮ ﺛﻢ ﺛﻢ. . ﻧﺮﻳﻤﺎﻥ: ﻫﻬﻬﻬﻪ ﻣﺸﻜﻴﺘﺶ ﻗﺎﻟﻮﻟﻲ ﻣﻄﻮﻟﺔ ﺍﺳﻤﺎ: ﺍﺍﻭﻭ ﺣﺎﻟﺔ ﻧﻌﻴﻂ ﻟﻔﺆﺍﺩ ﻳﺠﻲ..ﻭﺍﻟﻠﻪ ﺗﻮﺣﺸﺘﻮ ﻧﺮﻳﻤﺎﻥ: ﺍﺍﻫﻬﻪ ﻭﺍﻧﺎ ﺗﺨﻠﻴﻨﻲ ﻭﺣﺪﻱ؟؟ ﺍﺳﻤﺎ: ﺍﻭﻭ ﻧﻮ ﻭﺍﻟﻠﻪ ﻣﺎﻗﺼﺪﻱ ﻣﻲ ﺣﺒﻴﺖ ﻧﺸﻮﻓﻮ..ﻫﺎﺫﻱ ﻣﺪﺓ ﻣﺸﻔﺘﻮﺵ.. ﻧﺮﻳﻤﺎﻥ: ﺍﻭﻛﻲ ﻭﺍﻧﺎ ﺯﻫﺮﻱ ﻭﻳﻴﻦ ﺭﺍﺍﻙ ﻭﻳﻦ ﻫﻬﻬﻬﻪ ﺍﺳﻤﺎ: ﻧﺸﺎﻟﻠﻪ ﻛﻲ ﻟﻴﻮﻡ ﻫﻬﻪ ﻧﺮﻳﻤﺎﻥ: ﺷﻮﻓﻲ ﻫﺎﺫﻳﻚ ﻣﺎﺷﻲ ﺣﻴﺎﺓ ﺑﻨﺖ ﺣﻮﻣﺘﻨﺎ؟؟ ﺍﺳﻤﺎ: ﺍﻳﻪ ﻫﻲ...ﺷﻔﺘﻲ ﻭﻳﻦ ﺭﻛﺒﺖ... ﻧﺮﻳﻤﺎﻥ: ﺑﺒﻴﻴﻲ..ﺷﻜﻮﻥ ﻫﺬﺍﻙ؟؟ ﺍﺳﻤﺎ: ﺑﺎﻳﻦ ﻓﻴﻪ ﻣﺮﻓﻪ...ﻣﻤﻢ ﺯﻋﻤﺎ ﺻﺎﺣﺒﻬﺎ؟؟ ﻧﺮﻳﻤﺎﻥ: ﺳﻮﻭﺭ...ﻣﻲ ﻫﻲ ﻣﺎﺷﻲ ﻛﺎﻧﺖ ﻣﻊ ﺳﻌﻴﺪ ﺍﺳﻤﺎ: ﺍﻳﻪ ﻫﻜﺎ ﺳﻤﻌﺖ..ﻭﺿﺮﻙ ﻭﺍﺵ ﺩﻳﺮ ﻣﻊ ﻫﺬﺍ؟؟ ﻧﺮﻳﻤﺎﻥ: ﻣﻢ ﻣﻨﻌﺮﻑ. .... ﺷﻮﻳﺔ ﻫﻜﺎﻙ ﺟﺎ ﻓﺆﺍﺩ ﺍﺳﻤﺎ: ﻫﻪ ﻫﺎﻭ ﺟﺎ ﺣﺒﻴﺐ ﻗﻠﺒﻲ ..ﺍﻧﺎ ﻧﺨﻠﻴﻚ ﻧﺮﻳﻤﺎﻥ ﺷﻮﻳﺔ ﻫﻜﺎ ﻧﺮﺟﻊ..ﻣﺘﺮﻭﺣﻴﺶ ﺍﺳﺘﻨﺎﺗﻲ ﻧﺮﻳﻤﺎﻥ: ﺍﻳﻪ ﻣﻲ ﻣﻄﻮﻟﻴﺶ. ﺍﺳﻤﺎ: ﺍﻭﻛﻲ.. ﻃﻠﻌﺖ ﺍﺳﻤﺎ ﻣﻊ ﻓﺆﺍﺩ ﻓﺆﺍﺩ: ﺗﻮﺣﺸﺘﻚ ﻫﻬﻬﻪ ﻣﺰﻳﺔ ﺧﺮﺟﺘﻲ ﺍﻟﻴﻮﻡ ﺍﺳﻤﺎ: ﻫﻬﻬﻪ ﻭﺍﻟﻪ ﻣﺎﻡ ﺍﻧﺎ... ﻓﺆﺍﺩ: ﺑﻔﻔﻒ ﺷﻜﻮﻥ ﻫﺬﺍ ﻟﻲ ﺣﺎﺑﺲ ﻓﻲ ﻧﺺ ﺍﻟﻄﺮﻳﻖ..... ﻭﺑﺪﺍ ﻳﺼﻮﻧﻴﻠﻮ .ﻃﻴﻴﻂ..ﻃﻴﻴﻂ ﺍﺳﻤﺎ:ﺍﻳﻪ ﺣﻘﺎ..ﺳﻌﻴﺪ ﺻﺎﺣﺒﻚ ﻣﺰﺍﻝ ﻣﻎ ﺣﻴﺎﺓ؟؟ ﻓﺆﺍﺩ: ﺍﻳﻪ ﻋﻼ‌ﺵ؟؟ ﺍﺳﻤﺎ: ﺍﺍﻩ...ﺭﺍﻫﻲ ﺭﺍﻛﺒﺔ ﻫﻨﺎ ﻣﻊ ﻫﺬﺍ ﻟﻲ ﺭﺍﻩ ﺣﺎﺑﺲ ﻗﺒﻠﻨﺎ ﻓﺆﺍﺩ: ﺳﻮﻭﺭ؟؟ ﺣﻴﺎﺓ؟؟ ﺍﺳﻤﺎ :ﺍﻳﻪ ﻫﻲ ﺣﺘﻰ ﻧﺮﻳﻤﺎﻥ ﻋﺮﻓﺘﻬﺎ ..... ﺩﻳﻤﺎﺭﺍﺕ ﺍﻟﻄﻮﻧﻮﺑﻴﻞ ﻟﻲ ﻗﺒﻠﻬﻢ ﻭﻓﺆﺍﺩ ﻗﻠﻊ ﻭﺗﺒﻌﻬﻢ....❤❤