قتلو بصح نحشم قالي واش تحشمي هي راهي تستنا فيك اووووووو كيفاش قالي حكيتلها عليك و هي لي اقتارحت عليا نجيبك قتلو و راجلها قالي راجلها رآه مسافر خدام ولادها 2 متزوجين و مايسكنوش هنا مزالت بنتها وحدة مهبولة و تخطبت راني قريب نتهنا منها هههه كي سمعت واش قال دخلت معاه بلا خوف لقيت اختو طاطا زهرة و بنتها امال يستناو فيا فرحوا بيا شغل يعرفوني من سنين وآمال تبان طوايشية و راسها مزلف....لقيت اختو مسكينة وجدتلي الدوش قاتلي روحي دوشي و بدلي قتلها بارك الله فيك بصح حوايجي ضيعتهم نطقت بنت اختو أمل قاتلي ماتكسريش راسك شريكتي انا نتهلا فيك راكي من اليوم اختي و خزانتي خزانتك ارواحي معايا نوريلك الدوش و نعطيك حوايح...طلعت للدوش عمرت بينوار بالماء و دخلت يااااه شحال توحشت الدوش..هههه من بعد خرجت باش نلبس ههه و هنا حدثت الصدمة لقيت آمال وجدتلي روب حمرا قصيرة صح شابة بصح و الله حشمت نلبسها عيطت لامال جات قاتلي مزال ما لبستيش قتلها تعيشي ماعندكش كاش جبة قاتلي واش من الجبة راح تحلبي البقرة يالله البسي و خرجي هذا هو الموجود اذا ما عجباتكش عندي لي شورت هههههه قتلها و الله نحشم قدام ياسين قاتلي هذا هو الموجود البسي و لا هبطي بالسربيته..ههه مهبولة.
قتلي و إذا بيك على خالي ما يركزش أيا ازربي ماما وجدت الطابلة و راهي تستنا تبطاي تلقاي الملهوف نتاع خالي مسح طباسة...هي جابت سيرة الماكلة و انا كرشي تعصرت تشهيت نأكل لقمة سخونة.
💕💕💕💕💕💕💕💕💕💕
أنت تقرأ
كرونيك:💕💕 ليلى&ياسين💕💕
Fanfictionسسسس راني جيت كي العادة كرووونيك منقوووووووولة## بالللهجة الجزائرية🇩🇿🇩🇿🇩🇿 واش نقولكم هذا ينوض هذا يطيح العنوان #ليلى_وياسين #الحلقة_1 انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...