سناني قريب رابو ... يا لهوي هذا عبد و لا دبابة؟؟؟؟؟من قوة الضربة رعفني و طحت في الأرض من بعد نوضني بالنز و كركرني للطموبيل ما لقيت ما ندير غير نبكي بلا حس و ندعي في ربي يفرجها معايا..
ركبني من القدام محبش يركبني مع هذوك الزوافرة...طريق كاملة انا نبكي و هو تقول حجرة و لا تحركت فيه شعرة تقول ما عندو قلب..وصلنا لمركز الشرطة..حبس الطموبيل و جا ليا قالي اهبطي ما حبيتش نهبط..قتلو ياك قتلك خاطيني و الله غير راني مظلومة علاش جبتني و يزيدلي الكف الثاني هههههه داود يعاود واقيل عجبو خدي..... المرة لي فاتت رعفت هذي المرة ما جبتش خبر غير و انا في بيرو و واحد يرش عليا الماء و ينوض فيا فتحت عينيا لقيتو البوليسي الشرير سوطيت من بلاصتي و بديت نعيط و الله خاطيني و الله مانعرفهم نحلفلك باش حبيت خليني نروح و الله ...و الله نحلف و نتكتف ..نهدر و نبكي..دنا ليا انا لصقت في الحيط شدني من يدي و قالي هدي روحك.. يااااه سمعتوه......قالي لي حكمناهم اعتارفو بكلش و قالو بلي مايعرفوكش و ماكنتيش معاهم.. فرحت مسحت دموعي وقتلو اخلاص شفت قتلك خاطيني ضرك نقدر نروح..قالي وين تروحي يا لالة صح عرفنا بلي خاطيك بصح راني حاب نفهم واش كنتي ديري في الجبانة في نصاص الليالي..بلا مآ نجيب الخبر بديت نتر فيه قتلو وين حبيتني نروح الله غالب عليا تم وين نلقى راحتي ثم كاين عايلتي ثم مدفونين العزاز على قلبي نهدر و نبكي بالحرقة و هو بقى يخزر فيا و مخلوع
💕💕💕💕💕💕💕💕💕💕💕💕💕
أنت تقرأ
كرونيك:💕💕 ليلى&ياسين💕💕
Fanfictionسسسس راني جيت كي العادة كرووونيك منقوووووووولة## بالللهجة الجزائرية🇩🇿🇩🇿🇩🇿 واش نقولكم هذا ينوض هذا يطيح العنوان #ليلى_وياسين #الحلقة_1 انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...