سسسس راني جيت كي العادة كرووونيك
منقوووووووولة##
بالللهجة الجزائرية🇩🇿🇩🇿🇩🇿
واش نقولكم هذا ينوض هذا يطيح
العنوان #ليلى_وياسين
#الحلقة_1
انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...
#الحلقة_1 انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما نهار ولدتني. بصح بابا كان ليا الأب و الأم..كان يدير جهدو باش مانحسش بالنقص... بابا عاود الزواج في بالو يجب مراة تتلهى بيا و تعوضني على النقص..بصح صرا العكس ما ننكرش الخير صح رباتني مراة بابا بصح بلا حنانة غير الضرب و السب بالأخص كي زادو خواتي مريم و جلال..زاد عليها الحال ياووووو زادت كلبت ..و بابا كان ماشي عارف واش راني نعاني على خاطر ماما كانت تعاملني قدام بابا الله الله و في غيابو يعلم الله هههه... و انا ما كنتش نحكيلو كانت تحلف فيا و انا كنت نخاف كبرت على هذا الحال حتى والفت الظلم نتاع ماما كنزة . جازو العوام و انا كبرت وصلت للباك مخرجة زعافي في القراية هذاك العام كان أسوء عام في حياتي بابا مرض... عندو السرطان ربي يعافينا و يعافيكم ...و الطبيب قالو مشالك المرض و رآه في مراحله الأخيرة دخل بابا للسبيطار قعدت انا معاه كل نهار يجوز بابا يتعذب و يموت قدامي بشوي و انا ما نقدر ندير والو غير نبكي و ندعي في ربي يخفف عليه حتى جا النهار لي فقدت أغلى انسان عندي دا ربي ..الانسان لي كان ملي عليا حياتي لي كان بابا و يما و خويا و كامل عايلتي . .... جا النهار لي دا ربي امانتو😭😭😭😭😭😭😭😭😭😭😭 جازت الجنازة و انا حالتي حالة عينيا نشفو من الدموع لا ماكلة لا شراب قرايتي و بطلتها نهار كامل و انا معنقة صورة ماما وبابا و نبكي كل يوم و انا في الجبانة نحي وحشتي من والديا نشم في ريحة تراب قبرهم و نبكي على فراقهم و مع العشيا نرجع للدار ماما كنزة تاكلني بالضرب و السب هي و السوسة نتاع اختي مريم من صغرنا و هي تكرهني...و خويا جلال 11 سنة يدافع عليا مسكين ياكل طريحة معايا.. جازت سمانة و انا على هذا الحال من الصباح للعشيا في الجبانة وحد النهار كي رجعت للدار لقيت فليزا عند الباب بقيت مستعجبة..جيت راح نفتح الباب ماحبش المفتاح يفتح دقدقت طلت الجمرة نتاع مراة بابا من التاقة قاتلي غير الخير واش خصك...قتلها و الله ضحكتيني و انا ماشي قادرة واش نحوس؟ حاجة باينة ندخل لدارنا قاتلي كانت داركم ولات داري قتلها دار بابا ندخل وقت لي نحب قاتلي في بالك انا بهلولة قريت حسابي للجاي باباك قبل ما يموت كتبلي الدار على اسمي...و لي تسالي فيه كامل رآه #############
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
