سسسس راني جيت كي العادة كرووونيك
منقوووووووولة##
بالللهجة الجزائرية🇩🇿🇩🇿🇩🇿
واش نقولكم هذا ينوض هذا يطيح
العنوان #ليلى_وياسين
#الحلقة_1
انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...
يقولي اهدري الصح انا نكره الكذب ما كرهني ربي فيه يعيييييط حتى خفت إلا يضربني..طبعتو و طرطقت بالبكى قتلو خصيتني غير انت تزيد على همي لي فيني كافيني ماعندي ما نخبي عليك..تحب تعرف علاش جيت لهنا.....الجبانة داري نعرفك بحبابي وريتلوا القبور قتلو هذا قبر بابا و هذا قبر ماما و الدار لي ديتك ليها صح دارنا بصح مراة بابا حاوزتني منها بعد ما مات الغالي ترميت في الزنقة و انذليت وريتلو الخبز اليابس لي في يدي قتلو وليت نأكل الفضلة تقاسم مع الحيوان و نفرش و نرقد على التراب... وين حبيتني نروح راني محروقة و مشوية على والديا ماما خلاتني قبل مانعرفها و بابا خلاني كي وليت مستحقاتو واش تحب تزيد تعرف خزرت فيه لقيت دموعو على خدو جبدني ليه و عنقني هههههه لقطة غير متوقعة ... هعهه يا مشاغبات علاش راكم تتبسمو ....ياااااه حسيت حاجة غريبة حسيت بلاك بالامان حسيت بحاجة ماتتفسرش.. و هنا زدت قويت البكى هههه بلعاني و هو زاد زير عليا...احنا هكذاك و العساس طل فينا و بدأ يحمحم..احم احم ياسين جبد روحو و انا مت بالحشمة و زاد العساس كمل عليا قالو يا وليدي احشمو شوية احتارمو الموتى أدي مرتك و لا صحبتك و روح لكاش بقعة و لا لدارك و دير فيها واش تحب ... الله لا تربحك يا العساس على الفرشة الصحيحة لي فرشتني بيها.شدني ياسين من يدي و كركرني و خرجني من الجبانة و انا نقولو اطلقني وين دايني خزر فيا وقالي اطلعي في الطموبيل و اسكتي خيرلك..قبل ما نبدأ نعيط الناس و راكي تعرفيني كي نتقلق ..خفت طلعت و انا معلاباليش وين رايح
💕💕💕💕💕💕💕💕💕💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
