سسسس راني جيت كي العادة كرووونيك
منقوووووووولة##
بالللهجة الجزائرية🇩🇿🇩🇿🇩🇿
واش نقولكم هذا ينوض هذا يطيح
العنوان #ليلى_وياسين
#الحلقة_1
انا اسمي ليلى عمري 20 بنت عادية فيا واش في الناس لكل عشت محرومة من أغلى انسانة نحرمت من حنان الام ماتت ماما...
قتلكم حسيتو ما قنعتوش ماقتانعش..قالي ماعليش هكذا و لا كثر صح قوليلي وين تسكني باش نوصلك..يا ربي واش نقولو يا ربي نسيت هذي الحكاية انا بهلولة ....عطيتو عنوان دارنا وصلني عند الباب و انا قلبي يخبط في 1000 خفت مراة بابا تخرج هي و لا الزرمومية نتاع اختي و تفضحني هبطت نجري سكرت الباب و قتلو بركا الله فيك قالي ليلى تهلاي في روحك و ماكلتك معرفة خير قتلو يعطيك الصحة و بارك الله فيك (روووووح برك تعود تشوفك مراة بابا)....هو راح و حسيت دا قلبي معاه حبيت نقولو اديني معاك متخلينيش ماعندي حتى واحد بصح الله غالب ما قدرتش .خزرت في دارنا جاتني الدمعة كي شفتها تفكرت يمات زماااان و كيفاش كنت و وين وليت... من بعد رجعت للجبانة أرجعت للغاليين وقعدت في وسطهم داني النوم حتى فطنت على صوت كرشي نعم عزيزاتي مصارني ربطو بابيون من الجوع عندي 3 ايام على لحم بطني..انا قاعدة نتوجع و انا نشوف شوية خبز يابس مرمي و الحمامة تأكل فيه رحت نجري ليه حاوزتها و رفدتو نفضتو من التراب تأمنوااا فرحت بيها شغل مانعرف واش نأكل ونبكي اااااااه يا بابا شوف بنتك واش راهي تاكل يا بابا بنتك راهي مذلولة في غيابك الله لا تربحك يا كنزة ربي يتولاك و يأخذ فيك الحق انا نبكي و نسمع في واحد قالي و لخر معاك واش جابك لهنا..يااااه هذا الصوت نعرفو درت لقيتو ياسين. عينيه حمر و باين زعفان فكرني في النهار الاول لي تلاقيتو.قتلو و انا نتلعثم و و وو والو..قالي لا الله الا الله ماتهبلينيش سقسيتك جاوبي واش جابك هنا ياك وصلتك لداركم قتلو أي ايييه بصح جيت هنا باش قاطعني باش واش انطقي يهدر و يعيط
💕💕💕💕💕💕💕💕💕
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
