#جبروت الشيخ وقلبي
البارت الثالث والثلاثون
ومتابعه طيبه للبارت
...........................
رقيه
طبعا بيوم الحنه دك علي جهاد ..بس ماجوبته وبقى يدك
وكلت خلي ..يتعذب شلون يريد يادبني وماطلع الصور اني ادبه بطريقتي
بعدها دز مسج كاتبلي ..هين يارقيه ..تصيرين بيدي واني اعلمج على هاي سوالفج
رديت علي ..عود من اصير بيدك ..حاليا مالك حق عليه
وسديت الجهاز وكعدت ..حتى ذهب ماقبلت هو يلبسني خليت عمتي هي تلبسني بيوم الحنه
المهم بيوم العرس صدك خفت حسيت خلص راح اصير بيده ..رغم قبلهه جنت مشجعه وحالفه اخلي حياته جحيم بس من حسيت خلص اجه الوكت مادري ليش حسيت بغمص بطني ورجليني بعد ماتحملني
خاصه من صارت الزفه وكالوا اجوي اني كلبي طلع من مكانه ..
بعدها بشويه سمعت صوته من دخل طبعا جنت مدنكه
ولان صار تقريبا بالشهرين لا متشوفين ولا متحاجين
حسيت بحساس غريب ..وكلبي كام يطب من كعد بصفي ويحجي ويه عماتي وامي ويضحك
بس اني مارفعت راسي ولا باوعت علي ..لحد مااحسيت بي دنك حجه بااذني
جهاد .. ابد مايلوكلج الخجل ..ماترفعين راسج
وكته هيج عناد مارفعت راسي وحجيت ..بكيفي مايعجبني اباوع
رد حجه ..وين الله وركبتج تنكسر وبعد ماتكدرين ترفعيها ..بس مااظل شي يارقيه اني اعلمج على هذا العناد
بعدين كومني حتى نطلع ..شكد تمنيت وكتها افتر وارجع الغرفتي وكل هذا ماجاي يصير
باوعت ادور غاليه بعيوني ماهيه ..فاتن جاي تحط علي مال البدل حجيت كتله غاليه وين لعد
ردت ..غاليه ويه شهاب يمكن لان ورده كالتلي قبل ماندخل تلكها شهاب وماخذها ويه ..
رديت ..هسه وكت شهاب ..غير تجي يمي
فاتن ..كلنه يمج ..وبعدين وين راح تلكين هيج عرس كل اهلج وياج زفافه ..لو ماخذا الغريب جان هسه انتي وحدج بعرسج بنص عالم اول مره تعرفيهم ...
رقيه ..اي بس احتمال كاعده ويه رجال مفنيني عن الدنيا كلها بالامان الي حسه واني بصفه
مو حاليا رغم الكل موجود الا احس بالخوف بس من الي راح يكعد بصفي
فاتن ..اش اش ..والله اذا يسمعج يذبحج قبل ماتوصلين الفندق ..
شويه وصاحوا ..يالله طريق بعيد يالله جهاد اخذ مرتك وطلع
وصدك لزم يدي حطه بيده وطلعنه للسيارة ..طبعا هو ركبني ورجع ركب ..
وجلب باامي تكعد بالصدر ..بس امي ماقبلت ..وتالي غصب عنها ركبها وحلف محد يركب غيرهاا
صراحه جنت مرتاحه طول العرس خاصه امي كاعد وياي بنفس السيارة ..وكلما تجي سيارة قريبا اسمعهم اخواني يحجوا ويه جهاد ..
واسمع امير رجل فاتن كل شويه يشاقون ويضحوا
يعني شعور حلو ماحسيت بغربه بالعكس جنت فرحانه ..واني اشوف كل شويه تطبك سيارتهم بصفي
ومن نزلت لكيت امي تنزل بيه ..وجهاد هم
ودخلت للقاعه اني ويه
كل الموجودين هم اهلي واهله كل شويه واحد صاعد يسلم ويبارك ..ومن غير شقاهم الطول العرس ماخلص ناس ناصبه على ناس ..كلها متونسه بهذا العرس
الا اني كل دقيقه تمر خوفي يزيد
خاصه جهاد بعد مااحجه كلمه وياي ..بس يمشي بيه
اخرشي من نريد نصعد بالمصعد كله جلبت تصعد ويانه للغرفه ..وامي وعماتي ضاجن ..وكللهن لحد تصعد شسوا ..بس مااسمعن وكلهن صعدن ..
بس اجه شهاب هو وغاليه يمشوا وشلون اثنين فدوه طالعين يخبلوا ..اباوع عليهم ومبتسمه
احلى اثنين بكل الحفله ..صاح بيهن ونزلهن وكلها تخاف من شهاب كلهن نزلنه صعدت بس امي وعماتي ..وغاليه
الي شبعتها كتل لان مااجتي وياي ..بس جنت متاكده شهاب ماخلهه تطلع كدام احد ..
وحقه مالومه غير طالعه تخبل ..وهو من نوع غيره فول عنده على غاليه
المهم صعدنه وبعد ماودعت الكل ..
طلعوا وبقينه وحدنه ..بقيت اتابعه هو يتحرك كدامي نزع سترته وشمرها على السرير
ورباط هم ..وشفته بدا يفتح دكم القميص
اني كمزت ..شمرت حذائي واجيت اطلع من الغرفه
بس وقفني صوت
جهاد ..ووين ..ارجعي لمكانج
YOU ARE READING
جبروت الشيخ وقلبي للكاتبة بنين الطائي
Romanceانا ابن الدلال وهزت الفنجان انا ابن المضيف اليشبع الجوعان انا ابن الصيل اليسند التعبان انا ابن التنام بسدة الجيران انا ابن التسولف عنة العربان ...انا ابن الخلس وندم العدوان انا ابن اليضحي الروح لخوان انا ابن العراق الثابت العنوان انا بن البخت والسل...
