..................
تغيرة نظرته وتحرك بتجاهي ..اني بلعت ريكي ورجعت ليوراه .. وصرت احجي بكلبي شحجاني..وحجيت اليوم .. ماكدرت الزم نفسي .. وينج يارقيه ..حيوانه تعاي بسرعه
شهاب بصوت خشوني .. شكلتي ولج ..شنو الطيور على شكالها تقع ..
غاليه .. ما..ااق..صد
تقرب علي اكثر .. وعيونه يجدحن نار .. اني رجعت بسرعه ليوراه وطخيت الثلاجه ..زحفت بظهري ابتعد عنها .. ونحصرت بينها وبين الحايط ..بقيت ابالع ..شرجعني لهاي الزويه
ماحسيت غير لواه ايدي وراه ظهري ..بحث افتريت كلي وصار ظهري علي .. وايدي نفسها الي مجروحه بيها .. كمزت من الالم وصرت اصيح حتى يهدني
بس جان معصب كلش واني اجيت وهيجت كل خبالاته مااحسيت غير كاام يصيح .. لج ..هاي عليمن طولين السانج .. ولجن شنو انتن عبالجن مااكدر اكطم ركابجن لو عبالجن مو رجال كلمن بكيفها تحجي وتتصرف ..
وكتها مااسكتتله وكمت اعيط من حسيت فقد وصار يلوي بيدي خلعها وجرح مال اصبعي كام يذب دم .. كمت اصيح خاله ..اللحكيلي ..خاااله ..وحاول اخلص ايدي منه ..واعيط ..اترك ايدي ..هددني ..ماكواا فايده
بس يصيح ..اليوم اكسر راسج على السانج وياي
على عياطنه اجوا كلهم يركضوا .. وخالتي كامت تصيح
وتريد تفلت ايدي منه ماايهدني
خالتي بصياح .. لك هدها ..شهبان ..الله لاينطك هاي تاليها تهد على بنت عمك .. ماكدرت ابوي غير على امي .. ولك هاي تالي تعبي ورباي وترد على هاي المكروده .. وهذنيج الكحاب ماكدرتلهن ..من همده البطن الشالتك
شهاب .. لالا تكفريني انتي الثانيه ..شتردين مني اعوفلكم البيت وامشي والله وعلي بعد ما حد يندلي طريق ..
علي اجه يركض ..ولزم خالتي وكالها .. روحي يمه جوا بغرفتج فدوه اروحلج .. اني احلهاا
خالتي ردت تحجي بس دفعها وصاح رقيه .. تعاي وديها بغرفتهاا ..كافي فضحتونه بالشوارع ..العالم لو سمعت شتكول
وسحبني من ايده وخرني عنه ..
وصار يحجي علي .. بوويه شمالك ..شصار اول تالي تمد ايدك على البنات ..
شهاب رد بعصبيه وهو يرجف من غضب .. بوويه شايخات وحدتهن كامت ترد بكلام اكبر منها .. تالي عمري نسوان يمشن والله ترى اكوم اسحلهن كلهن ودفنهن بالحديقه ..وخلص من هل المله هاي ..
علي .. بس عااد كاافي ..محد ضربك على يدك وكلك سوي هيج .. كلها من ايدك ..بعد لاطلع حركتك بالوادم
جنت واقف وراه علي وخايفه كلش ..ورجف وباوع على ايدي صارت حمره من اصابعه مطبوعه بيها .. وصبعي الدم ملطخ حتى دشداشتي ..لزمته بيدي واني ارجف وعيوني تصب دموع ..
ماحسيت بخصل شعري تنزل على وجهي من اثر الجرجره ولتلاوي ويه شهاب ..
صرت ابعد بي وتذكرت مالبسه شالي ..واني بالمطبخ من اشتغل انزع وحط بصفي من يدخل احد البسه
بس هسه ماانتبهت من هبطتي ..كمت بعيوني افتر بالمطبخ اريد شالي ..
مااحسيت غير نشمر علي
لزمت وباوعت جان هو ..عينه علي خزرني بمعنى البسي ..ويحجي ويه علي الي جان يحجي علي ..
خذت ولفيت نفسي بي .. بس جنت كارهت بشكل ..بحيث طلعت وعفتهم. ..
واني جاي اطلع اجتي عيني بعينها ..جانت واقف باب المطبخ وتابع كلشي يصير
حسيت بغصه بداخلي .. يعني جاي يطلع مراجله علي
وهي واقفه تباوع علي وهو يهيني ويحجي هيج علي كدامها ..
اجتي رقيه سحبتني وهي تحجي ومتقصد تسمعها .. امشي ..الله يهجم بيت كل وحدة تهجم بيوت العالم
دخلنه الغرفة خالتي وكعدت تحطي معقم وتشد بالجرح
رقيه .. كاافي تبجين ..ماتكليلي شصار ليش هيج هاج عليج
خالتي هم باوعتلي وحجت .. ولج شصار بينكم ..وهيج صار جنه ثور هايج
غاليه .. والله خاله مااحجيت شي .. اصلا هو اجاني كلي خلي رقيه تحضر غرفه لامل .. كتله رقيه مو هنا
رد كلي كومي انت حضريها .. هناا اني صدكت ضجت ..وكتله مااخدمها تريد شي تسوي لنفسهاا ..وهو شوا راسا تخبل علي ..وكام لواه يدي وصار يحجي وغلط
أنت تقرأ
جبروت الشيخ وقلبي للكاتبة بنين الطائي
العاطفيةانا ابن الدلال وهزت الفنجان انا ابن المضيف اليشبع الجوعان انا ابن الصيل اليسند التعبان انا ابن التنام بسدة الجيران انا ابن التسولف عنة العربان ...انا ابن الخلس وندم العدوان انا ابن اليضحي الروح لخوان انا ابن العراق الثابت العنوان انا بن البخت والسل...
