#جبروت الشيخ وقلبي
البارت الخامس والعشرون
.......................
عطت بيه .. شنو انت اعمى ..ما تشوف هي هاي مشيت طالب جامعي لو عربنجي ..
الولد .. اسف ..مااجنت اقصد ..بس تفاجت بيج وراي فجاه
رقيه .. لا والله اذا انت تمشي مثل الحيوان ماتباوع وراك
الولد .. ماتحترمين نفسج ..ترى هواي تجاوزتي ..وكلتلج اسف مو بقصدي بعد طولين السان ليش ..
رقيه .. محترم غصبن ماعليك ..واطول الساني مثل مايعجبني ..
الولد اخذ نفس وفرك شعره وحجه ..روحي بابا لابتلي بيج
وتحرك مشى من يمي ..
صحت وراه ..حيوانات تبقى طول عمرها حيوانات مراح تطور ..
وشفت وكف والتفت علي وصار وجهه مايتفسر ..وعيونه حمر و عروكه بارزه ..وحجه شنو شكلتي ..
اني بلعت ريكي ... وستغليت فرصه مجموعة طلاب اجتي وصرت بنصهم وشردت عبرت بسرعه ..
بقيت امشي سريع لحد ما وصلت شفت مرتضى واقف ويه مجموعته ..ارتاحيت وهديت ..
اجاني يمشي وضحكته شاكه حلكه ..
بس شنو مرتضى اكثر واحد ماينه ويه يحب يشاق ويضحك وياي ..عكس اخوا العكره الي وين مايشوفني وكلي نصي صوتج عيب ..
مشيتج مو عدله ..حركاتج مو حلوة ..لاتفقين ويه هذا
لا تمشين ويه هاي
ساعة السوده اقسمي وقسمه واحد مقابيل الثاني ..
بحيث كل صديقاتي يحبن مرتضى ويشاقن ويه وهو هم ويموتن من حسين يكولن عكره سبحان الله حتى اصدقاء مثله مايحبوا يختلطوا بحد ولا يحبوا يشاركوا بشي وحدهم معزولين ..
اما مرتضى فجانت الجامعه كلها تعرفه
وعدنه عمود بجريدة الجامعه يكتب بي اشعار وابوذيات ..
فهو كلش مشهور ومعروف وحتى اساتذة الجامعه والدكاترة يعرفوا ويحبوا ..
شكد مااحجي عنه ماوصفه شنو من شخصيه كلشي بيه بس رغم ذلك مايكبل وشكد بنات ينعجبن بي واحجي ويه
بس ماايقبل ..وكلما اساله ..يكلي بالي وحده وماكدر ابدلها بااي وحده بالكون ..
ومن اساله ليش لعد مايصارلها
يكلي ان ماانتوالم ابدا ..بس مااطلعتها من بالي ..
وشكد ماحاول اعرفها يترك الموضوع ويكلي انسي هذا سر يبقى وياي لحد ما موت ..
ماعرف شنو هل غموض ..بس كلمن وبداخله شخص عايش وشكد يحاول يطلعه مايكدر المصيبه يكبر بداخل ويصير صعب يقتلعه ..يمكن على رايه لزم بس ننسى ونتجاهل وجوده حتى نكمل حياتنا ...
المهم اجاني وهو مبتسم ..خيراليوم يمنه شنو هل زيارة الحلوة ..
رقيه .. اي ..ادري .. يوميا يمكم شنو الجديد
مرتضى .. سوجي ارحب بيج .. شتردين جايه
رقيه .. لا صدك بلا شقه ..جايه على غاليه ..
مرتضى .. بويه غاليه روحي تلكيها مزروعه بنفس مكانها ماتتحرك من بدات السنه لسه ..
رقيه ..والله ماعرف شبيها هل بنيه ..الصبح جاي اشاقه وياها ..وزعلت وضاجت وعصبت علي ..ونزلت زعلانه من الخط ..
مرتضى .. ليش شصار خاف متعاركه بالبيت لو صاير شي
رقيه .. ولله كلشي ماصاير ..حتى هي وشهاب علاقتهم كلش حلوة ..وعلى طول متفاهمين ..بس مادري ليش هيج على ضايجه وزعلانه ..واليقهرني ماتحجيلي شي ابد ..
مرتضى ..انه اكثر من مره الاحظها كاعده وحدها وتصفن بغير عالم ..لا تشارك بسالفه ولا تشاقه ولا شفتها ضحكت على شي الضحكه غايبه عن حياتها ..حاولت كذا مره احجي وياها وشاقه ..بس كلش مجنبتني ..يعني زينب ونبأ يحجن وياي وهي مااتحجي ولا تحب تختلط بااحد ..ماعرف شبيها ..احسها بداخلها شي ماتحجي ويه احد ..
رقيه .. والله مليت واني احاول اطلع الحجي منها ..مااتكول اي شي ..واشوف ان حياتنه بالبيت كلش هاديه ماعدنه اي مشاكل ..حتى علاقتها بامل كلش طبيعيه ..يحجن ويتصرفن عادي مابينهن مشاكل ..والله حيرتني هل البنيه وماعرف المن احجي ... خلي اروح اشوفهاا
مرتضى .. روحي ..انه هم راجع على جماعتي. .
رحت لكيتها كالعاده صافنه
قربت بسته بخدها وحجيت ..اسفه ..مااجان قصدي ..تدرين شكد احبج اني ..
حظنتني بسرعه مثل الي جانت تنتظرني اجي اصالحا
غاليه .. اني الي اسفه ..ماعرف شلون صحت بوجهج ..والله مادري ليش هل الايام اعصاب فالته وماكدره اتحمل اقل شي ..
باوعت عليها وحجيت ..غاليه بيج شي تردين تحجيلي ..
غاليه ابتسمت وكامت .. لا ولج مابيه اي شي ..كومي نروح نجيب شي ناكله جعت ..
ابتسمت وكمت ..يالله كومي
باوعن علينه نبأ وزينب ..هااا شبسرعه ترضيتن شبسرعه كمتن وين تردن
رقيه ..انتن شكوا ..هاي اسرار عائليه ..جعنه ورايحين ناكل ..
زينب ..بربج جيبيلي لفه وقوطيه مال ببسي وياج
نبأ ..واني هم
رقيه .. شوف الاستغلال ..هم هذواله اصدقائج ..اني من تجين يمي يدللنج صديقاتي ..مو هذني محملاتني طلباتهن ..
غاليه .. هههههه شسوي فرق طبقات هذني دكتورات يستاهلن يدللن شويه
زينب ..هههههههه فدوه الحلكج ..
رقيه .. دمشي يالدكتوره نروح مامصدقات نفسهن هو انتن كلجن طبيبات اسنان يعني اخرجن تخلعن سني الخايس
نبأ وزينب ...ههههههههه خرب يومج
YOU ARE READING
جبروت الشيخ وقلبي للكاتبة بنين الطائي
Romanceانا ابن الدلال وهزت الفنجان انا ابن المضيف اليشبع الجوعان انا ابن الصيل اليسند التعبان انا ابن التنام بسدة الجيران انا ابن التسولف عنة العربان ...انا ابن الخلس وندم العدوان انا ابن اليضحي الروح لخوان انا ابن العراق الثابت العنوان انا بن البخت والسل...
