جبروت الشيخ وقلبي للكاتبة بنين الطائي

البارت 7

#جبروت الشيخ وقلبي

البارت السابع

شهاب بالبدايه جنت ..منصدمه مااجان عندي اي رد فعل .. هي بقيت تبوس بيه ونزلت تبوس حتى بركبتي ..
عادت نهضت ودفعت عني ..وصرت عصبي
شهاب .. شنو شبيج بوويه ..

دموع ..  شنو شسويت غلط غير رجلي .. واحبنك واريدنك ..

مسحت على راسي واني معصب تقربت منها .. بوويه شوفي راح اسامحج هل مره لان ماتعرفيني زين .. بس اذا اريد اني اتقرب ..ممنوع منعا باتا تحاولين تفرضين علي شي سمعتي ..لوتردين ترجعين منين مااجيتي

دموع وعيونها غوركن .. اااي انه اسفه .. بدون قصدي لاترجعني فدووه اروحلك
باوعتله وطلعت .. رحت نمت ..واني بالي الافكار تجمعت لحد ماغفيت ..
غاليه .. كعدت الصبح على صوت رقيه
رقيه .. لج اكعدي متاخرين .. راح يجي الخط
شهكت وكمزت ابدل .. كل منج ارقيوان .. بقيتي تشغلين مقاطع فديو لحد ماخليتنه نسهر .. وتالي اتاخرنه بالكعده

رقيه .. هسه اني غصبتج اني فاكه عيونج تباوعين ..

ركضنه بدلنه ونزلنه بسرعه .. بالعاده نلكي خالتي لوتصلي لو ترش الحديقه ..هل مره كاعده تسولف بالمطبخ
باوعت هي ودموع كاعد جوها تفرك برجليه ..
بقيت بس صافنه ماعرف شحجي همست رقيه بااذني ..
رقيه .. خوش مشتغله لواكه هاي

غاليه .. ولوو ماراح تفير شي

جنت مقهوره وضايجه ورقيه مبتسمه اتباوع عليه ..
خالتي .. يالله تاخرتن ابو الخط عافجن وراح
رقيه .. يااعزه شلون نروح هسه
غاليه ضربت رقيه بيدها اني منا مقهوره ونوب عافنه الخط .. كل منج .. ارتاحيتي هسه

رقيه بالم .. اااخ ولج ايدي .. شعليه اني

دموع .. عمه ..اجيبلج مي حار وملح تحطين رجلينج بي مبينه تعبانه ..
رقيه .. شوفي هاي الدنيا محتركه وهي حايره بالمي الحار خفي علينه شويه ..

خالتي.. ولج امشي مصخمه كعدي شهاب يوديجن لاتضلين تحجين ..

دموع .. لا عمه انه راح اكعده ..

كمزت تركض علي الدرج .. بقيت صافنه شويه ونزلت
دموع .. كعد وجاي ايبدل هسه يجي ياخذكم ..

ورجعت تفرك برجل خالتي .. غير قابليه عدها ماعرف ليش هيج تتصرف ..
بقينه واقفين اني ورقيه يمه الباب ونباوع عليها .. تفرك وتحجي ويه خالتي شبسرعه تقالمت تكول صارلها سنين تعرفنه ..

ماحسيت غير واحد حط ايده على ركبة رقيه وخنكه .. باوعت شهاب ..  ورقيه ..ترفس بيده ..وتحجي ..ااخ خنكتني شهاااب ..يييييــــــمه

خالتي ..تستاهلين ..حتى نوب تكعدين من وكت ..

شهاب ..  شعدجن ماكعدتن من وكت ..كعتني من الصبح حتى اوصلجن سواك الخلفوجن اني ..