#البارت ٢٠
#حب بالصدفة
#للكاتبة(عطر الورد)
علي...مرت ايام واني افكر بجهاد اغلب الشباب استجابو نداء المرجعية مو بس شباب حتى شياب الوضع كلش اتأزم الناس صارت تخاف تطلع موصل سقطت بيد الدواعش المرجعية كلها تنادي ع جهاد ما اكدر ابقى هنا بلبيت وما اروح غيرتي ماتسمحلي قررت اروح للموصل بس لازمني مريم أوف وين اخليها لا اكدر اخليها يم اهلي اكيد ماراح يتقبلوها وخصوصا ابوية اني اعرفه ولا اكدر اخليها يم ام مسلم مهما يكون تبقى مرة غريبة ومسلم بلبيت ماترهم واني ما اعرف شكد راح ابقى بقالي بس حل واحد اوديها لاهلها حتى لو غلطانة تبقى بنتهم واني صافن ومريم تحجي وياي واني بالي مو يمها
مريم...علي وين صافن صالي ساعة احاجيك حبيبي شبيك وضعك ابد ما عاجبني احس عندك شي ضامة عليه كولي شبيك احجيلي
علي...مريم عندي شي لازم اكولج عليه صالي اسبوع شاغل بالي
مريم...وهي تباوع ع علي واتريدة يكمل كلامة شنو هذا الشي اليخلي هيج طول هذا الاسبوع يعمري شنو هذا الشاغل بالك اسمعك احجي
علي...اني اريد التحق بموصل
مريم...وهي المصدومة من الخبر شنو يلتحق ونوب الموصل وهي هسة الموصل صايرة عبارة عن خراب وداعش محتلها
مريم ودموع بعيونها شنو تلتحق بموصل واني اهنا منو الي وابنك بطني ماكلت اذا صالك شي اني وين اروح وين انطي وجهي
علي...وهو يحاول ايهدي بيها لان موزين عليها العصبية
شوفي حبيبتي هو اني اكثر شي شهر ما اطول عليج يعني شوفي انتي الأوضاع وهاي العؤاءل اشلون مشردة ونسوان بيد الدواعش هذا عرضنه اذا احنا ماندافعلة منو يدافعله اذا احنا كاعدين اهنا مثل النسوان منو راح يحارب ذوله الانجاس ويجوز حتى بغداد يوصلولها مو بعيدة عليهم انتي تقبلين اني اكعد واشوف عرضي بين ذولة الوحوش واسكت هذا بس الماعندة غيرة
مريم...ودموع ترست وجها لعد واني اشلون بيا منو الي والله اذا ايصيرلك شي اموت اني
علي...وهو يمسح بدموعها وحظنها وضل يشم بشعرها
ياروح علي لاتخافين اني ذيب مايكتلوني ذولة الجرذان واني قررت اخليج يم اهلج أمن شي الج
مريم..وهي وخرت من حظن علي
اشلون تخليني يم اهلي وانته تعرفهم اصلا بعد اتبرؤ مني اصلا مايستقبلونه علي الله يخليك لاتروح ابقى يمي
علي...يعمري لاتخافين وثانيا ذولة اهلج ساعة عصبية وحجو هيج من يشوفوج وخصوصا هسة انتي حامل وهو يلزم بطنها اكيد ماراح يسولج شي اني لو ما ابوية واعرفه شنو هو جا خليتج بس ادري بيه مستحيل يتنازل ماعندي غير هذا الحل انو اخليج يم اهلج
مريم...وهي تعرف علي اذا يخلي شي براسة بعد يقفل عليه فما تكدر اصلا تقنعه خلتها ع الله وسكتت
...........................نور...واني اليوم محظرة كيك لان عمار يجيني قبل لايلتحق لان انذار عندة واستغل عدم وجود بابا لان خطية كل ما يجي ابوية يستلمه بحجي وحتى ما يخليه يكعد وياي فاليوم ابوية عندة كعدة وهو كالالي اجي اشوفج مشتاقلج واني كاعد اضيف كريم ع كيك سمعت الباب يندك اكيد هو كلت لامي تفتح الباب ع ما اكمل الكيكة
ام محمد...هلا اوليدي اشلونك
عمار...هلا بيج عمة زين الحمد الله
ام محمد...دومك يايمة زين تعال ادخل ع ماتجيجك نورة
دخل عمار وهو منتظر حبيبته يمته تجي مشتاقلها صالة اسبوع ما شايفها اصلا ما يكدر يجي لان عمه دائما موجود ويستحي منه حتى من يجي مايكعد هو وياها بوحدهم
ام محمد...ولم انوريه وين صرتي تعالي شوفي رجلج يلا مستعجل ماكليلي شسوين
نور...باوعت ع نفسي بمراية ماناقصني شي لبست أتراك وردي بس ضيك وشعري خليتله مفتوح وهو طويل بس شوي شلت منه بقراصة خليت كحل وحمرة رشيت عطر اخذت بيدي صينية بيها كيك وعصير ودخلت اول ما دخلت هو كاعد مقابيلي شفته صفن حتى ما رد السلام😂
عمار...دخلت لو اني انسطرت من لبسها من عطرها الترس المكان لو حمرة المخليتها البارزة شفتها دوختني خرب بعدين وعيت ع نفسي رديت السلام
ام محمد...يلا يمة راح اخليكم براحتكم
عمار..وبصوت هامس والله سوين فضل
سمعته نور وكامت تضحك بعد ما راحت ام نور
عمار...ولج اليوم شنو ناوي عليه
نور...وبدلع شنو شمسويتلك
عمار...وشعلتي سابع جد ومخلها اتكمل الا وسحب اشفايفها لحد ما حس اختنكت الا تركها
نور...وهي ذايبة عمار شنو هاي المداهمة من وراك خربت الحمرة هسة اذا امي اشوفني شتكول عليه
عمار...ماتكول شي 😉بس بوسة 😂ثانيا خاف اطلعين كدام واحد بهذا لبسج
نور...لا بس هو بابا عادي البس هيج
عمار...وهو يهمس يم اذنها حتى عمي لاتطلعين كدامة اريد بس اني هيج اشوفج وضل يشم بشعرها
نور...لعد شلبس ماتكلي هو قابل غريب
عمار...ميخالف يروحي اريدج اتلبسين كله عريض حتى لو ابوج وضلو يحجون لحد ماراد يطلع عمار وشاف نور عيونها مدمعة
عمار...شبيج يروحي ليش هاي الدموع
نور...والله اخاف عليك وخصوصا هذا شغلك خطر
عمار... وهو اتقرب منها ولزم ايدها كلالها لاتخافين يروحي عادي هذا شغلي متعود عليه وبس انزل مرة ثانية حظري نفسج لعرس😉
نور...وهي شابكة ايدة ولو بيدها ماتخلي يروح بس هذا بعد شغلة ماتكدر تمنعه
عمار...يلا حبي بالج ع نفسج اتاخرت باس راسها وسلم ع عمته وراح
..................................
مريم...وهي بحظن علي ماتكدر تتركه وخصوصا هو باجر راح يوديها لاهلها ومناك يروح
حبيبي اشلون بيه بدونك ما اتحمل ع فراكك
علي...وهو حاظن مريم وايد ثانية يلعب بشعرها
يابعد روح علي ما اطول اهناك وراح يومية اتصل عليج لاتخافين وباجر همين اشوفين اهلج راح تنسيني😉
مريم...وتخلي رأسها بصدره لان تحس انو هذا بنسبة الها امان
انسة نفسي وما انساك اكو واحد ينسى روحة
علي...ورفع راسها ولج انتي النفس الاتنفسة واخذ اشفايفها بين شفايفه وراحو لعالمهم الخاص بيهم😍😍وووو..الصبح
مريم تحظر بملابسها التاخذهن وياها وي اهلها وحظرت لعلي همين ملابس وطلعو بسيارة لكربلاء وهي طول الطريق خايفة شنو ردت فعل اهلها من يشوفها ومتوترة لان هي بعد لا اتصلت بيهم ولاشي وبنفس الوكت خايفة ع علي لان راح يروح لموصل
علي...حبيبتي شبيج خايفة ومتوترة اضافرج راحن من كد ما مخليتهن بسنونج
مريم..خايفة علي شنو ردت فعل اهلي وخاف مايستقبلوني اشلون
علي....يعمري لاتخافين اني اكعد وياهم وافهمهم الوضع اكيد هم راح يتفهمون
مريم.. ياريت وصلنه لبيتنه واني مترددة انزل واذكرت اشلون من هربت اهواي شغلات مرن ع بالي كل حياتي العشتها احس روحي مفاركته صالي اسنين نزلت وعلي نزل وياي ونزل الجنط واني اتراجف واكفه بورة علي ما اريد اواجه دك الباب علي مرة مرتين وبعدين فتح الباب.....وتستمر الحكاية
------------***--------- ::::--------
