#البارت ١٩
#حب بالصدفة
#للكاتبة(zainab )عطر الورد
بعد مرور شهرين
نور...اليوم خطوبتي من عمار اتمنيت لو علي ويانه طبعا ممنوع نجيب اسمه بلبيت وابوية موجود ع رغم اني اخابرة بس مشتاقة لشوفته وخصوصا اليوم كل اخواني واخواتي موجودين بس ناقصها علي واني صافنه وأفكر بعلي اجتني اختي الجبيرة
حنين..شبيج يولو وين صافنه يلا تعالي شيخ راح يعقدلكم
نور...ياريت لو علي هنا وهو يشهد ع عقدي والله مشتاقتله
حنين..اتنهدت اي والله اني همين مشتاقه اشوفه هسة يلا شيخ واكف بورة الباب كومي
نور...بدء الشيخ يقرأ آيات واني رايحة بغير عالم ما اعرف هاي اللحظة تخليك تذكر كل حياتك
بعد ما تمت الموافقة الهلاهل زرفت اذني وجكليت ترس حظني وبدلة ثكيله كوة اكوم بدلتي ذهبية بس كلش حلوة اختارينها اني وعمار حسيت هسة براحة من خلص الشيخ بس بقيت متوترة لان الانظار كلها عليه وخصوصا هاي ريم ضلت تباوعلي بحقد نظراتها موتتني بس ما اهتميت اهم شي هو بعد صار الي صحيح هو يخاف عليه ويغار هواي حتى عباية لبسني بس خلاني احبه يوم ما اسمع بيه صوته ما ارتاح من ينزل لدوام اضل قلقه عليه لو ما هو يمكن هسة اني رايحة فصليه وحال حالي
سمعت كالو سوه طريق اجه العريس كلبي كام يدك بسرعة حسيته طبل استقبلوه بهلاهل وجكليت وهوسات
............................
علي...خلال هاي الشهرين عشت احلى ايام وي مريم هادئ مو متطلبه وتسمع الكلام نقلت شغلي لبغداد بعد وإسطات وفلوس انقلت ما اتواصل وي اهلي بس وي نور واخابر امي وعمار همين ماتاركني ابوية ابد ما محاجيه عرفت من عمار انو هو متبري مني وكايل بعد ما اريدة يوصل للبصرة صحيح ضجت وانقهرت بس اني بعد اختاريت هذا الطريق اهم شي مريم يمي صحت ع مريم بمطبخ اسوي غدا اشو اصيح عليها ماترد بس سمعت صوت الوكعه ركضت
مريم..واكفة ع طباخ اسوي غدا احس روحي دخت اسمع علي يصحيني ما اكدر ارد لان دخت كلش ماسيطرت ع روحي وكعت
علي...مريم حبي شبيج رشيت عليها مي فتحت عيونها
مريم...فتحت اعيوني لكيت علي حاظني شفت الخوف بعيونه مديت ايدي ع وجهة علمود اطمءنة مابيه شي
علي...ليش هيج وكعتي شيوجعج كومي خليني اخذج لدكتور
مريم...ما ادري احس روحي دخت ونفسي لعبت ماسيطرت ع نفسي وكعت
علي..خاف ضغطج هبط يلا تعالي نروح نقيس ضغطج كم مرة اكلج اكلي لاضلين تاكلين مثل العصافير
مريم...لبست عبايتي صعدنه بسيارة واني داخية ونفسي تلعب وصلنه لمستشفى آخذو تحليل دم خاف عندي فقر دم وقاسو ضغطي دكتورةدكتورة..انتي مزوجة
مريم...اي صالي تقريبا شهريا ونص
دكتورة...اشك حامل بس روحي لاخصاءية علمود تتاكدين
مريم...من صدمة ما اعرف شحجي عيوني دمعن من فرح معقولة راح اصير ام طلعت لكيت علي منتظرني وبيدة جكارة لعبت نفسي من ريحته
علي فدوة طفي الجكارة لعبت نفسي
علي..طفيت جكارة كلتها شكالتلج دكتورة
مريم...وضحكة مالية وجها كالتلي يمكن حامل بس لازم اتاكد من دكتورة اخصاءية
علي.. ومتفاجاة من الخبر ما مصدك فتح عيونه ع وسعهن وفرحة مالية وجهة
صدك حامل لج راح اصير اب
مريم..شبيك أهدأ منا الناس خلينه نتاكد
علي..تعالي شمنتظرة خلينه نروح للدكتورة هنا قريبة
مريم...رحت لدكتورة اخذتلي سونار ع بطني ضلت تحرك بيه وتباوع ع شاشة بعدين وخرته انطتني اكلنس مسحت بطني واني اباوع عليها اريدها تحجي
دكتورة...ماما مبروك راح يجيكم مولد انتي حامل صالج شهرين
مريم...صارت تضحك وتبجي من الفرحة ماتعرف شسوي
زين دكتورة ما اكدر اعرف جنس الجنين
دكتورة...لا مو هسة يبين بعد شهرين او اكثر يبين بالج ع صحتج شوي طفل نازل يرادلج عناية واني راح اسجلج فيتامينات اخذيهن من صدلية
مريم...طلعت من دكتورة طايرة من الفرح شفت علي كليتله حامل طلعت صدك 😍
علي...ودموع بعيونه من الفرح نسه نفسه هو وين وحظنها باس راسها يعمري احلى خبر سمعته راح اصير ابو فهد
مريم...ويجوز مو فهد يعني اذا طلعت ابنية ماترديها😔
علي...لج اشلون ما اريدها اذا اشبيهج اخليها بكلبي اهم شي عندي كامل الخلقة مايهمني بنية ولد كلشي كاتبة النا ربنه راضي بيه بس اني متاكد ولد 😉
مريم...ها يعني اصير اتحبها اكثر مني
علي...ولج انتي الاصل اشلون ما احبج صدك كالتلج دكتورة شكد صالج حامل
مريم...اي صالي شهرين من حامل بس ما ادري بنفسي
علي...ها يعني من اول ليلة😉
مريم...وضربته ع جتفه ما تبطل اسوالفك
وبعدين رجعنه للبيت خطية علي جابلي اكل من برة ومخلاني اتحرك ايكول بس تتحركين اموتج ضليت نايمة ما اعرف شكد ما انام ما اشبع نوم
.....................
عمار...اليوم وأخيرا عقدت ع حبيبتي وبنيتي نور فرحان كلش من عقدلي شيخ اريدهم بس يخلصون سلام وأريد اشوفها ماكو ضلو يسولفون ويباركولي واني شاب بنار اريد اشوفها اااخ لو علي موجود بيناتنه جا هسة عرف شريد ولا هاي حركان الأعصاب وينك علي شوف اخيك شصاير بحالة اني يوم خابرته الصبح وباركلي بس رغم هذا اتمنيته يمي اليوم سمعت عمي يحجي وياي
ابو محمد...يلا ابني كوم ماناوي اشوف زوجتك وتلبسها الذهب
عمار...اخ يا عمي يا ماناوي هو اني غير محروك حرك كمت ودخلت وهلاهل صارت هوسة وكلها باركتلي وجكليت طشرو ع راسي اريد بس اوصللها واني اشوفها بلبدلة وشعرها النازل ما مسويتله تسريحة بس برمملته وهو طويل
نور...من دخل وهو لابس دشداشة فدوة لطوله شكد حلو صارت عليه نسوان كلها تباركله واشوف ريم اشلون اتقربت منا وباركتله أوف هسة اكوم اكفشها من عطوبها وهو ماخذة واهس ويضحك الاستاذ اجه كعد يمي وعطرة سطرني
عمار...وأخيرا صرتي الي يا احلا حلم بحياتي مبروك يعمري
نور...وهمست يم أذنه لو باقي يم ام عطوب تضحك
عمار...وبضحكة هااا بدت الغيرة تشتغل
نور...لا يابا ع شنو اغار اشو اني احلى وأصغر منها هي عطوبها صفر محتكرات
عمار.وضحك بصوت عالي هههاي خرب بليسج والله ضحكتيني
ام محمد....يايمة اضلون اسولفون يلا هاك لبسها الحلقة
عمار...اي والله ياعمة غير هاي بنتج اكلتني بكشوري حتى نسيت الحلقة
ام محمد....ههههه الله يساعدك عليها
عمار....شعندي غيرها غير هاي ابنيتي ولزم ايد نور وباسها كدام الكل وباس راسها
نور...وهي خجلانه لان كلها تباوعلهم
عمار عيب شوف كلها تباوع عفية استحي
عمار ...قابل بايس وحدة غريبة غير زوجتي وام جهالي مستقبلا وهو يغمزلها😉
نور...لبسنا الحلقات ولبنسي الذهب من لابسني الكلادة احس انفاسه الحارة ع ركبتي احس جسمي اتقشعر عمار...اكلج نور ماتخلينه باجر نزوج بعد ما اتحمل
نور...يا وين الحك شنو سالفة
عمار...اخ لو بيدي هسة اخذج
ابو محمد وأبو كامل واخوانها....اجو يباركون لنور وكال ابو كامل لعمار
جا عمي شنو اتريد تبات اليوم صالك ساعة هنا
عمار....مايصير ابات هو بعد يشوفها يكدر يروح
وكلها ضحكت ونور صارت طماطمة من الخجل وخلصت الحفلة وكلها طشت😂
...................
علي....مر اسبوع واني اخذت اجازة علمود اعتني بمريم ع رغم ام مسلم وجنتها ماقصرو خطية همين تعتني بيها
مريم...وهي بحظن علي حبيبي والله كلشي مابيه ليش ماتروح لشغلك
علي...واشلون اخليج اهنا بوحدج
مريم...وشعلية هاي ام مسلم اذا اريد منها شي ماتقصر
علي...خوش من باجر اكطع اجازتي وارجع
ورجع علي للشغل فترة دخول داعش والاحوال اتازمت انفجارات صارت بغداد ع فلس
علي...بليل ع تلفزيون كاعدين اني ومريم ناكل شامية شفت الموصل اشلون داعش محتلها اهواي من مناطق اشوف اشلون تعامل ونسوان الأوضاع صارت خطرة يومية بلاخبار اشوف البيوت اشلون مهدمة وعواءل نصها مشردة وضع يبجي طلع نداء المرجعية لجهاد اكثريتها راحو يجاهدون واني دمي حار ما اتحمل اشوف عرضي بين الرجلين واكعد واسكت فكرت اني همين اروح بس مريم وين اعوفها أوف وضلت الافكار تاخذني وجيبني
مريم...بين النامية والكاعدة وبصوت اقرب الهمس علي حبيبي ليش بعدك كاعد تعال نام بوراك دوام
علي...ياروح علي وكلبه طفيت التلفزيون واجيت يمها حتى اني بحظنها واشتاقلها شكد احبها لهاي البنية حظنتها حيل ونمت.....
__^____^^^__________^^^_
