#البارت ١٧
#حب بالصدفة
#للكاتبة(zainab )عطر الورد
(البصرة)
نور...يوم كعدنه من الصبح البيت جوء بيه متوتر اخواني كلهم موجودين وجهالهم وصاير هوسة بعد السواه علي أبويه صاير اعصاب محد يحاجيه حتى ما يقبل انجيب اسم علي بلبيت ايكول ماعندي ابن بهذا الاسم صحيح اني بابا اعرفه عصبي بس اول مرة اشوفه هيج قاسي امي مخلصتها بس بجي اليوم الكعدة وكلها خايفه شنو اليصير نسوان اخوتي كعدن من صبح يطبخن لان كعدة راح اصير يمنه واخواتي همين اجن يمنه طبعا عمامي كلهم موجودين ولد عمي كلهم امي معتكفه مالها دخل اشوفها مهمومه ماتكدر تحجي وي ابوية لان يكللها انتي السبب هذا دلالج اله فسده أبويه من يعصب يحجي اي شي فخطية صار عصبي عليها كدامنه وهي حزت بنفسها لان اول مرة أبويه هيج يسويه حاولت اخابر علي بس جهازه مغلق واني بمطبخ كاعد اساعد اخواتي ونسوان اخوتي لان هواي طبخ ولد عمي شي داخلة وشي طابه اجوء اهل مريم وانخبصو وكت غدة وكلها مخبوصه وداخله للمطبخ اشيل امواعين اخواني ولد عمي وان واني مدنجة اصب ما اشوف غير واحد لزم زندي باوعت طلع عمار
عمار...بهمس هاي دشداشة روحي بدليها شوفيها اشلون لازكة ع جسمج ومنا الولد طالعين طابين وانتي حظرت جنابج ماخذة راحتج
نور..جنت لابسه دشداشة وردي فاتح رياضية صحيح شوي ضيكة بس اني ملابسي كلها هيج باوعتله متفاجئة احنا وين وهو وين كليتله
عمار ماكو واحد غريب كلهم ولد عمي وثانيا هسة بيا حال ويباوعون عليه
عمار...ويأخذ نفس مايريد يتعصب لان الوقت مو مناسب
همس بحده لاتناقشيني واصعدي بدليها لاتخليني اطلع اخبالي عليج
نور..ولاحظت كلها تباوع عليه حسيت بفشلة وخجل
صعدت ابدلها لان اعرف مو مال اعانده 😥
................... علي...كعدت الصبح اباوع عليها مامصدك هي بين حظني ضليت صافن عليها وجها يخبل لو شكد ما اباوع عليها ما اشبع منها شفت خصلة نازله ع وجها رفعتها ضليت اتلمس وجها حست بيه كعدت
مريم... اممم صباح الخير وهي بعدها تثاوب
علي..صباح العسل والكيمر واخذت شفايفها بين شفتي شفتها تفاجاءت لان سويت عليها مباغته😂بعدين من شفت روحي كمت اقسي عليها الا تركتها
خطية كوة تاخذ النفس
مريم.. وهي كوة تاخذ النفس.
شنو هاي علي😶
علي..شنو عجبتج اعيدها😉
مريم...😖😖لا لا يلا كوم بورانه شغل هواي
علي...وين تروحين مني اليوم😉وهو يغمزلها بس هسة خلينه نكمل شغل علمود اشوف ام مسلم وجنتها تاخذج للصالون يوم العرس
مريم...ماكو داعي صالون هنا اني اعرف امكيج وشعري سرح مايحتاجه حبي ما اريد لا هوسة ولاشي اهم شي انته يمي هذا شي يغنيني عن كل هاي الشغلات
علي...لأزمت اديها وبستها حبيبتي لو بيدي اسويلج اكثر من هذا بس بدلة لازم تلبسها اريد اشوفها عليج
مريم...فدوة لكلبك ربي يحفظك الي وحظنته
يلا راح انظف البيت ع ماتجي خاله ام مسلم
علي...واني راح اطلع أجرلج بدلة واشتريلج ملابس وباقي نكملهن بعدين انتي تختارينهن
مريم..طلع علي وبديت انظف البيت وشوي وسمعت الباب يندك خفت كلت بصوت ناصي
منو
ام مسلم ..اني يمه افتحي الباب هسة علاوي وصانه عليج
مريم...من سمعت صوتها ارتاحيت حسبالي حسن لاحكني فتحت الباب لاكتني المرة وهي تضحك وتباركلي شكد طيبه هاي المرة حسيتها امي بستها وشفت وياها اثنين بنات وحدة أكبر مني وثانية بكدي وحدة منهن جنتها مرت مسلم وثانيه اخت مره مسلم خطية همين باركلي كعدتهن بهول ستوني مكملته همزين نظفته
ام مسلم...يمه علي حجالي عن كلشي صار وياكم لاتخافين يمه اي شي تحتاجيه اني يمج وهاي بنات مايقصرن وياج
اني دمعت عيوني حسيتها صدك امي رحت شبكتها وجنت محتاجة هذا الحظن
اسراء ( مرت مسلم)يلا تبقون هيج وانتي عروستنه تعالي خليني احفلج واكص شعرج وامكيجج اليوم مو عرسج شنو خاف ناويه اضلين هيج علمود اشردين الرجال😂
مريم..بضحكة لا بس بعدني ما مكمله تنضيف
ام مسلم...معليج بتنضيف اني ومروة(اخت اسراء )نكمل عنج هسة انتي يمه رتبي روحج ومعليج بباقي يلا مروة تعالي نظفي ويايه
مريم...خطية شفتهن اشلون فرحانات صدك ما حسيت اني بين غربه جنهم اهلي او شكد اشتاقيت لامي😢استلمتني اسراء حف وجهي وكصت شوي من شعري لان ما قبلت اكصه احبه طويل وعلي همين ما صبغته خليته طبعي وبعدين سوتلي شيرة وهاي شغلات طلعتلني وحدة ثانيه اني اول مرة احف وهي قبل مشتغلة بمركز بهيج شغلات طلعتني تحفه اباوع ع مراية ما مصدكه نفسي
اسراء...يمه وين جنتي ضامه هذا جمال هاي عود بدون مكياج هسة من اخليلج مكياج شيصيرين وصدك خلتلي مكياج وسوت تسريحة طلعت فشي لبستني رموش وعدسات ما عرفت نفسي اجه علي جايب البدله ما خلنه يدخل عود مفاجأة وهو راح لحلاق لبست البدلة اجنن طلعت عليه خطية ام مسلم من شافتني كامت اتهلهل عيوني دمعت لان موقف حلو بس احس ناقصني وجود اهلي اتمنيت لو هم يزفوني بيدهم وهمين عزمت كم جار يمنه يعرفون علي وصارو هواي اجه علي خطية دخل عليه وتلكوه بهلاهل عندة اصدقاء هنا بغداد اصدقاءه من ايام الكليه كالو الا نزفك نزلونه من شقة وهلاهل وجكليت شفت سيارات وحدة منهن مزخرفه حلوة صعدت بيها اني وعلي هو يسوق ما قبل واحد يسوق واصدقاءة كلمن وسيارته
..........................
البصرة
نور...بعد ما خلص الغدة واحنا كاعد نغسل امواعين لان هواي اني واختي واسمع صوت عمار من الديوان صوته عالي بحيث وصل للمطبخ وهو الديوان بعيد عن مطبخ اسمعه يكول هاي بنت عمي الي واني ناهي عليها مافهمت ع شنو معقولة هاي عليه زين اني هسة شدخلني بموضوع
عمار...من بدت الكعدة واني كاعد ع اعصابي لان ما جنهم ناوين ع خير من نظراتهم بعد ما طلبوه طلبهم ما لأزمت اعصابي
ابو مريم...تعرفون انتو السالفه والعتب مو بس ع ابنكم العتب همين ع بتنه بس مثل ما اخذتو مرة منا احنا راح ناخذ منكم مرة وفصل وحدة بوحدة
عمار...بعد ما سمعت الحجي عقل ما بقى براسي شنو ياخذ مرة يعني ايريدون ياخذون نور لا والله الا ع جثتي الا تطلع بنتهم ما جابريها تروح وي علي
عمار.وبصوت خله الكل يسكت وشرار تطلع من عيونه المرة التكولون عليها وتريدون تاخذوها هاي بنت عمي واني ناهي عليلها واليفكر ياخذها ما راح اخليه يعبر الديرة وهو عايش صدكوني اما ع بنتكم محد جابرها تشرد وي اخونه هي راحت ابرادتها
بعد تدخلات من الطرفين وأدخل شيخ عشيرة ثالث بوسط انتهت الكعدة بس بفصل وأبو مريم كال بعد صارت الكم احنا مالها دخل بيها يعني اتبرءى من بنته
ابو علي...واني همين بنسبة لابني ما اريدة لان اني هيج ولد عاق ما اعتبرة ابني ولا راح رجله تخطي عتبه بيتنه هذا علي نزل روسنه بين الناس وهيج انتهت الكعدة ...............
علي....من شفتها بلبدله اتفاجاءت ما حسبالي مريم شكلها متغير صايرة بعد احلى بست راسها اخذتها من اديها وطلعت لسيارات طبعا بعد ما بلغت اصدقاءي هنا خطية رادو يسولي مفاجأة ايشاركوني بفرحتي سولي زفة خليتها تصعد يمي شفتها متوترة بلبداية بس بعدين شفتها تضحك واني ايدي ما فاركت اديها اصدقاءي ماقصرو بركص كل ساعه طابكين يهزون شوي ويصعدون فرينه بغداد فر نزلنه اخذنه صور وبعدين رجعنه لشقه خطية ام مسلم اتلكتنه بهلاهل وجوارين واصداقاءي بعد ما باركونه طلعو كلهم شفت ام مسلم وزوجت مسلم دخلن مريم للغرفه واني ضليت وي ربعي لحد ماراحو وبعدين طلعت ام مسلم من غرفه
ام مسلم...يمه بمبارك عليك إنشاء الله تنسعدون بس يمه ع كيفك وي البنية شوي متوترة وخجولة واي شي تحتاجه اني يمكم لاتخجل انته مثل ابني مسلم علي...خالة ما انسه وكفتج وياي طول عمري ربي يحفضلج مسلم ويخليله وجهاله
بعد ما ودعتهم سديت الباب شقه اخذت نفس عميق ودخلت لغرفة....
وتستمر الحكاية
__________
