حب بالصدفة

البارت الثاني عشر

البارت ١٢
عزيزي التقرا وما صوت😥
شسويلك حتى اصوتلي
جوعان بس كلي شمشتهي اطبخللك🥗🍗🍔
بردان هسة اشغللك التدفأة 😂
حارة ولا يهمك السبلت موجود😜عطشان لدينا أنواع المشروبات🍷🍸🍵
زعلان هسة اجيب مشية واراضيك💃😂
مريض اجيبلك وزارة الصحة كلها 😂😂
بس صوووووووت😂🤣🤣
___^_____^______^___
#البارت ١٢
#حب بالصدفة
#للكاتبة(zainab )عطر الورد

بعد مرور اسبوع
علي...وأخيرا راح اروح اخطب مريم😍ما مصدك راح اصير الي ومرتي واصبح بوجها ويجمعنا سكف واحد أوف يمته يجي باجر شفت الموبايل يدك شفت اسمها رويحتي مسميها
مريم...مر هذا الاسبوع عادي ليلى اتغيرت كلش وياي حسن ما يحاجيني ايمان وحسام شالو لبيتهم الجديد افكر طول هذا الاسبوع اشلون من يجي علي يطلبني خاف مايقبلون لو يصير شي واذا يسالوني منين تعرفيه شجاوبهم كل هاي الافكار ادور براسي يمته يجي باجر ويمر ع خير خابرت علي لان من اسمع صوته اطمئن اتروح هاي الافكار مني
علي...هلا برويحتي اشلونج
مريم..هلاو علي زينه بس افكر باجر شيصير صالي اسبوع بس افكر خايفة
علي...الكاتبة الله يصير لج حتى لو ماينطوج اهلج اخطفج 🤣
مريم...انته تضحك واني مرعوبه خاف حسن يدري بيه غير يموتني خلاص
علي...ولج لاتخافين اني يمج انتي صرتي نفسي بدونه اموت لو اعرف احارب كل عشيرتج اخذج ما راح أتخلى عنج اكو واحد يكدر يعيش بدون روحة
مريم...شوف علي اي شي يصير باجر اتاكد مثل ما انته متمسك بيه اني راح ابقى متمسكة بيك لاخر نفس من عمري اني همين ما اكدر اعيش بدونك ولا راح اكون وي واحد غيرك
علي...اروحلج فدوة اني يلا يعمري راح اروح للحلاق غير اني العريس😉
مريم...ههههههه واني راح انظف البيت😁
علي...عود من اجي اريد الجاي من ايدج اضوكة 😍
مريم..تدلل يلا حبي باي
علي...يابعد عمري بالج ع نفسج بايات🙋‍♂️
................................
نور...من بعد العرس ابن عمي كامل واني حسيت مشاعري بدت تميل لعمار وخصوصا بعد ماشفته وي ريم اشلون ماخذ راحته ويحاجيها معقولة صار ما يحبني 🤔من رجع لدوام لحد هذا اليوم ما متصل بيه ما اعرف بس اريد اسمع صوته احس روحي مشتاقة لكلامة لعصيبته لخوفه عليه اكيد اني بديت احبة😢بس اشلون احاجيه موبايل بيدي واني مترددة اخابرة حتى اذا خابرته شكله أوف كلت خليني اخابرة شيصير خلي يصير
عمار...بعد ما خلص العرس ثاني يوم رجعت لدوام قررت بعد ما احاجيها وأعمالها ببرود بلكي تحس بس وين هاي تحس كلت بعد ما اهتم بيها كافي نزلت هواي من نفسي بس كلبي ما ينطيني عليها كل ما اخابر علي اسألة عليها أوف لو اشلع كلبي واذبه واني بشغل اسمع صوت موبايلي يدك شفت اسمها معقولة هي لو اني احلم فتحت عليها
الووو.
نور..الو اشلونك عمار
عمار...ببرود وهو كلبه يدك سريع من سمع صوتها حس رجع اتنفس من جديد رجع اله الهوءة
زين حمد لله انتي اشلونج
نور...ونبضات كلبها سريعة تحس روحها بسباق لركض ماتكدر اسيطر ع نفسها
امممم بخير تمام اني اخابري
عمار...دووم ليش خابرتيني
نور...ما اعرف ليش وانته ليش اتعاملني هيج
عمار...شنو شكايلج قابل معصب عليج مسمعج كلمة كوليلي
نور...انته اتغيرت من العرس ما جنت هيج عمار...كليلي اشلون اتريدين اعاملج
نور...وهي ماتعرف شنو اجاوبه وشكله
انته شنو تحب ريم مو شفتك حيل مهتم بيها😑
عمار...هذا شي يخصني انتي شعليج احبها ما احبها
نور...وهي تحس روحها ما اسيطر ع اعصابها
لعد المن اتكولي احبج وتضحك عليه وانته طلعت تحب ريم 😠
عمار...وعصب من حجيها
اني كم مرة كايلج لاترفعين صوتج كليتلج احبج هذا شي صحيح وكلها عرفت بس انتي ماتحسين شسويلج يعني ابقى اتوسل بيج ست نور
نور....بس اني همين...وسكتت
عمار...كولي انتي شنو
نور...وبدت تلعثم بكلام ماتعرف شتكول
اني اني يمكن بديت احبك 🙈
عمار...يعني يمكن ما متاكدة 😎
نور...ما ادري بس من شفتك وي ريم ردت اكفشها من عطوبها😈ام عطوب
عمار...هههههههه ام عطوب شنو هاي راح اسالج وجاوبيني انتي تحبيني لو لا
نور...وخدودها صارن نار من خجل
اي 😶😶احبك واغار عليك🙈
عمار...ههههاي صالي سنين منتظر هاي اللحظة التحبيني بيها بعد خطوبة علي اخطبج😉
نور...لا عفية بعد ما اخلص سنة تعال
عمار...اشوف😉يلا حبي عندي شغل لان باجر انزل علمود المشية باي
نور.. بايات
.......................
علي....صار اليوم المنتظرة اليوم امشي ع حبيبيتي
بس كون ينطوها الي طبعا بعد ما انطتني عنوان البيت بدلت لبست دشداشة وشماغ ومحبس وسبحة رشيت عطر سمعت ابوية ايصيح عليه
ابومحمد...بوية يلا استعجل ورانا طريق وعمامك منتظريك شوف ابني اني ماردت اخلي بخاطرك والا عندك بنت عمك خوش بنية بس انته بعد ردت هاي البنية وما اريد اخذ خطيتك بس اذا ما صار نصيب ناخذلك بنت عمك كامل
علي...يابوية تكول يا الله واصير من نصيبي
ابو محمد...بعد ربك الكاتبلك اتصير
ام محمد...يمة اوليدي اروح فدوة لهل طول الحلو ربي يحرسك ويحفظك ويجعلها من نصيبك
علي...الله يسمع منج يلغالية وبست رأسها
عمار...ولك اعليوي ماتجي مو طريق بعيد يلا تعال نلحك ع عروس 😉
علي...ههههه يوم اللك عموري وافرح بيك
عمار...قريبا قريبا هههههه
علي...طلعنا بسيارة صارت ثلاث سيارات اخواني ٢ وعمامي وعمار واخذت شيخ ويانه لان اذا ينطوها بعد نعقد ما نكدر كليوم نروح لان طريق وكل شي يصير بعد طريق طويل وصلنا لمداخل كربلاء شفتها رسلتلي رسالة ع وصلت دزيتلها اي شوي واني يمكم وقفلت موبايل
وصلت لبيتهم حسب وصفها ركنه السيارات ع جهة نزلو عمامي ونزلت شفت باوعت ع بيت جبير طابقين دكيت الجرس شوي وطلعلي رجال جبير يمكن أبوها شفته اتفاجاء من شافنه وخصوصا هواي بس رحب بينه ودخلنه البيت بدايته حديقة وبعدين استقبال دخلت جبيرة استقبالهم بيها تخم ابلازمة احنا تقريبا ١٠ زلم وهو بوحدة كعدنه بعدين صاح ع ولدة اجه حسام اني اعرفه وشايفة وبوراه حسن
كعدو
ابو محمد....الله بخير عليكم
ابو مريم...الله بخير والعافية.......
#يتبع
_______________