هيا دخلت المطعم وكانت لابسه نظارة شمس عسلى وشعرها مفرود وطويل ولونه ذهبى و وشها مش باين من النظاره و لابسه فستان قصير لونه رصاصى وصندل كعب و اول ما دخلت لفتت انتباه كل المطعم هيا قعدت على ترابيزه
هيا/ لو سمحت ممكن تنداههلى تامر
الجرسون/ حاضر يا فندم اقوله مين
هيا/ مش هيفرق الاسم بس قوله واحده عايزاك
الجرسون بلغ تامر وراح تامر عند هيا
تامر/ منوره المكان ممكن اقعد وسحب كرسي وقعد
هيا بتبص في الارض وشعرها على وشها ومش باين
هيا/ مش ممكن لما تعرف انا مين تغير رايك
تامر/ مجنون مين ده اللى يكون قاعد مع قمر ويغير رأيه
هيا رفعت راسها/ اهو هو انت يا تامر
تامر تنح/ هيا
هيا بصوت عالى/ايوا هيا ايه هتكمل قاعده ولا هتقوم تشوفلك ترابيزه تانى يا واطى
تامر بعصبيه/ احترمى نفسك و وطى صوتك عشان افهمك وبطلى فضايح
هيا بصوت عالى/ صوت واطى يا زباله هو انت لسه شوفت فضايح
تامر/ انا لحد دلوقتى ساكت عشان في مكانى بس قسما بالله العظيم لو ماتلميتى لا لمك وبقولك اهدي وانا افهمك انتى فاهمه الموضوع غلط
هيا ضحكت ضحكه حزينه/ فهمه غلط شيفاك وبعينى مع واحده في حضنها وتقول فاهمه غلط ايه عندك كدبه تانية
تامر/ بس بحبك انتى وكان هيمسك ايدها
هيا بعصبيه/ بتحبنى ؟ لا ما واضح بتكرشنى وترميني في الشارع . بس تصدق عندك حق اذا كان اهلى رمونى انت مش هترمينى
تامر كان هيتكلم
هيا / هش مش عايزه اسمع كلام تانى امشى لامسح بيك الارض
تامر/ انا مش هرد عليكى هنا بس هربيكى يا هيا
هيا شوحت بايدها
(دعاء رايحه جايه في البيت وبتكلم نفسها ياترى انتى فين يا هيا بتحاول تتصل ب هيا والفون مقفول فون دعاء رن)
مصطفى/ الو
دعاء بتوتر/ حبيبي عامل ايه
مصطفى بزعل/ هكون عامل ايه يعنى . نكدي علينا يوم خطوبتنا وافضل اتحايل عليكى حتى نتعشى مع بعض تقولى لا مينفعش انا معرفش هيا فين
دعاء/ بالله عليك انا مش حمل تريقه انت متعرفش هيا بالنسبالى ايه
مصطفى/معرفش ازاي اعرف اوووى وضحك عارف انك دايما بتفضليها عليه من ايام الجامعه فاكره . وعارف ان هيا قبل منى في كل حاجه بس مش للدرجه دي حتى في يوم خطوبتك حرام عليكى تبوظى الخطوبه وتخلصيها بدري عشان ست هيا اختفت
دعاء/ مصطفى افهمنى
مصطفى/ ولا افهمك ولا نيله لما تبقى فاضيه و ليكي مزاج ست هيا رايق وقاعده جنبك تبقى تكلمينى
(قفل السكه)
اسر/ مصطفى انا سمعتك وانت بتكلم دعاء صوتك كان عالى بص يا مصطفى انت عارف انا مش بحب ادخل في حياتك بس اللى انت عملته ده غلط انت عارف كويس ان دعاء وهيا مش ليهم غير بعض ودعاء بتحبك
مصطفى/ عارف هاهدى وهبقى اكلمها
دعاء انهارت من العياط ومش عارفه تتصرف ازاي حاولت تتصل بيه مردش وقفل الفون وحاولت تكلم هيا جرس ومش بترد بعتت رساله ل هيا
هيا فتحت الرساله مكتوب فيها لو سمحتى تطمنينى عليكى حرام عليكى اللى بتعمليه فيه طمنينى عليكى حتى برساله انا هتشل خلاص من التفكير ومش عارفه انزل ادور عليكى فين
هيا كانت هتبعت رساله الفون فصل شحن فضلت هيا تمشى في الشارع بالعربيه لحد ما كانت هتخبط وحده فرملت جامد ونزلت
هيا/ انتى كويسه سورى سورى
البنت بصت ل هيا / انا كويسه متقلقيش بس ممكن توصلينى عشان اعصابى سابت
هيا/ اه طبعا اتفضلى
ركبت البنت مع هيا
البنت اموره قصيره ١٥٨ الوزن ٦٥ شعرها كانيش على طول / انا شوشو وانتى
هيا/ هيا
شوشو/ اسمك حلو زيك
هيا/ ميرسي هتروحى فين
شوشو / هروح النادي اللى في الشارع اللى جاى تعالى اقعدى معانا هتتبسطى اووي
هيا/ معلش مره تانى
شوشو/لا دلوقتى اصحابى كلهم جوه تعالى اعرفك عليهم
هيا فكرت شويه/ اممممم
شوشو/ يالا ولا اممم
دخلت هيا النادي وهي طبعها مش بتحب تكلم حد متعرفهوش حتى لو بنت هيا بقت مستغربه نفسها وصلو عند ترابيزة اصحابها كان قاعد شباب وبنات
بنت/ ايه الحلاوه اللى معاكى دى يا شوشو
شاب١/ هى حلوه بعقل
شاب ٢/ متعرفينا على القمر
شوشو/ دي هيا لسه مصحباها حالا
شاب١/ تعالى يا هيا اتفضلى مكسوفه من ايه
هيا/ لا مش مكسوفه بس لسه معرفكمش
شاب وسيم ٢٧سنه طول١٧٥ وزن٧٥ مافيهوش غلطه من تركيا/ طيب ما احنا هنتعرف انا عدنان
هيا/ عدنان اسم حلو
عدنان/ اه اصل انا مش مصرى
هيا/ ما هو واضح على شكلك مش مصرى . انا مصريه اصيله
عدنان/ طبعا واضح الجمال المصرى عليكى
شوشو/ عارف يا عدنان انا اول ما شفتها حبيتها خالص تحسها زينا مجنونه ههههه سوري هيا
هيا/ هههه لا اطمنى من ناحية الجنان انا معايا شهاده. حد معاه باور بنك اشحن الفون بتاعى
شاب/ اه اتفضلى الباور
شوشو/ بصى احنا استانجلينه خالص يعنى بنخرج وبنسافر في اي وقت وبنجرب كل حاجه
هيا/ واااو بحب المغامره
شوشو/ في حفله انهارده في كلبسون ايه رايكم نتقابل بليل
شاب/ هنروح طبعا هي عايزه كلام
عدنان/ ايه رايك هيا تروحى معانا
هيا/ طبعا راشقه معاكم
شوشو/ ايوه بقى مش قولتلكم شبهنا
هيا/ بس انا همشي دلوقتى وهبقى اقابلكم بليل
عدنان مسك فون هيا ورن على نفسه
هيا قامت لو سمحت يا عدنان الفون
عدنان/ نعم
هيا/ الفون بتاعى
عدنان مسك ايدها/ ممكن تقولى عدنان تانى
هيا سحبت ايدها واخدت الفون/يالا بااى نتقابل بليل
مشيت هيا والضحكه رجعت لوشها اول ما وصلت بيت دعاء . دعاء كانت منهاره وبتعيط
هيا/ دودو حبيبتى مالك
دعاء بعصبيه/ متقوليش حبيبتى تانى انتى بتعملى كده ليه حرام عليكى انا كنت هموت من الخوف عليكى حتى مش هاين عليكى تطمنينى عليكى برساله
هيا/ والله الفون كان فاصل شحن وقابلت ناس وشحنته منهم حتى اهو عشره في الميه
دعاء بضيق/ ممكن اعرف لما بيتى برا البيت كنتو فين ها واوعى تقولى في المطعم
هيا/........
دعاء/ ماتردى كنتى فين
هيا/ انا سبت تامر خلاص ملهوش اي لازمه الكلام دلوقتى
دعاء/ على فكره احسن البنى ادم ده مش مريحنى
هيا/ دودو مش عايزاكى في يوم تزعلى منى انا مقدرش استغنى عنك
دعاء/ طيب اسمعي كلامى عشان انا والله تعبت
هيا/ حاضر اضحكى بقى وبطلى نكد
دعاء/ طيب يالا ناكل ميته من الجوع من اول امبارح ماكلتش
هيا/ تصدقى وانا كمان
دعاء/ طيب تعالى و اعمل بشاميل
هيا/ اللى يريحك انا متفرجه فقط
دعاء راحت المطبخ تعمل الاكل وهيا تساعدها
دعاء/ هيا هاتى صنيه بسرعه
هيا سرحانه
دعاء/ ها وصلتى لحد فين
هيا مسحت دموعها/ معاكى
هيا افتكرت ايام ما كان تامر بيعمل الاكل وهي بتساعده
دعاء خلصت اكل واكلو وفون هيا رن
هيا/ الو
...../ الو
هيا/ مين معايا
...../ لا كده ازعل نسيتى صوتى
هيا/ عدنان
عدنان/ ما انتى حلوه اهو امال مالك
هيا/ لا بس الرقم مش متسجل
عدنان/ اوعى تنسى معادنا انهارده
هيا/ لو قدرت ان شاء الله
عدنان/ لا هتيجى وهنتقابل الساعه عشره
هيا/ اووك
(وقفلو الفون)
دعاء/ مين عدنان ده كمان
هيا/ ده حكايه كبيره تعالى نقعد في البلكونه واحكيلك حكت هيا كل اللى حصل مع شوشو واصحابها لحد الساعه تسعه بيتكلمو مع بعض
هيا بدلع/ دودو ممكن انزل اقابلهم
دعاء/ بلاش يا هيا المكان ده الناس اللى فيه مش كويسين
هيا/ بليز
دعاء/ لو عايزه رأيي متروحيش
هيا طيب لو قولتلك هخلى بالى من نفسى
دعاء/ على فكره انتى بقيتى عنيده وزنانه. اعملى اللى انتى عايزه بس خلى بالك من نفسك
هيا/ من عينيتى ودخلت غيرت هدومها وراحت على النايت كلب
عدنان/ اهلا بالقمر
هيا/ ازيكم
شوشو/ هو انتى بتحلوى اكتر ولا بيتهيألى
عدنان/ فعلا احلوت ايه سر بقى كل ما تختفى وترجعى تحلوى
هيا/ مافيش سر انا حلوه في نفسى هههه
دعاء بتحاول تكلم مصطفى
مصطفى/ الو
دعاء بدموع/ انا اسفه
مصطفى/ اسفه على ايه انتى على طول كده وانا ساكت بس متوصلش لدرجة يوم الخطوبه كده كتير
دعاء/ خلاص بقى قولت انا اسفه مايبقاش قلبك اسود . عملت ايه في البحث بتاعك
مصطفى / اهو بحاول اخلص عشان نتجوز بقى
دعاء بفرحه/ ربنا يقويك وميحرمنيش منك ابدا
مصطفى/ ولا يحرمنى منك يا حياتى
اسر/ مصطفى فين الشراب بتاعى الرصاصى مصطفى انت مش بترد عليه ليه
مصطفى/ يعنى مش شايف وسامع بتكلم في الفون وانا مالى ومال شرابك هو انا كنت مراتك
اسر/ يا بنى انا كنت حاطه هنا حالا طيب دور معايا في حالة طوارئ ولازم انزل دلوقتى
مصطفى / وانا مال اهلى وبيكلم دعاء وبعدين يا حبي
دعاء/ عارف نفسى في ايه
مصطفى/ اطلبى وانا شبيك لبيك
اسر/ لا والله شباك مين وباب مين يا حرامى اقلع الشرب بتاعى يا جزمه هتاخر اخلص
مصطفى بستغراب/ ايه ده هو جه في رجلى ازاي
اسر/ ما طول ما انت بتحب على نفسك ممكن كمان تقلعنى هدومى وتلبسها اخلص
مصطفى/ انت بلاعه اهدى شويه خد وغور يالا
اسر/ بس لما ارجعلك
دعاء بتضحك
مصطفى/ مبسوطه شوفتى عملتى فيه ايه خلتينى البس شرابه بدل شرابى
دعاء/ ركز يا حبيبي انت دكتور مخ واعصاب يعنى اساسي المخ
مصطفى/ طول ما انا بفكر فيكى مبقاش عندى مخ
دعاء/ حبيبي منحرمش من حبك وتفكيرك فيه ابدا
(قفلو الفون)
عند هيا في كلبسون
عدنان / تسمحيلى بالرقصه دي
هيا/ افكر ههههه طبعا يالا
رقصو وفضلو يهزرو لحد الساعه واحده
هيا/ معلش انا همشى الوقت اتاخر
عدنان/ هقبلك بكره
هيا ابتسمت/ اووك
وصلت البيت عند دعاء
دعاء/ ايه الانبساط ده كله
هيا/ فعلا مبسوطه والله شله دمهم خفيف ايه رايك تيجى معايا نقابلهم بكره
دعاء/ مانتى عارفه مش بحب اتكلم مع ناس معرفهمش
هيا/ هعرفك عليهم وهتحبيهم
دعاء/ اووك
عدنان كلم هيا واتفقو يتقابلو في كافيه وكان معاه اصحابه وراحت دعاء مع هيا
شوشو/ يا هلا
هيا/ يا هلا ازيكم يا شباب
عدنان تعالى كلى قبل ما الفته تخلص
هيا/ ايه ده انتو عاملين حفلة سندوتشات
عدنان/ والله كان في وليمه بس دول يكلو بلد
شوشو/ مين دي يا هيا مش هتعرفينا
هيا/ اه دي دودو اختى ودول اصحابى اللى كلمتك عليهم
دعاء/ اهلا بيكم
شاب / اهلا اهلا هو انتو كلكم قمر كده في البيت
دعاء ابتسمت وغمازاتها بانت خالص
شاب/ تصدقى غمازاتك حلوه اووى
دعاء/ ميرسي
شوشو/ اتفضلو اقعدو هتفضلو وقفين كتير
عدنان/ انتى خريجة ايه هيا
هيا/ هندسه
عدنان/ وانتى يا دعاء
دعاء/ زيها
عدنان/ ايو هو ايه اللى زايها
دعاء/ يعنى هندسه
شاب/ سبحان الله انتو ازاي اخوات واحده بيضه و واحده قمحاويه
هيا/ عادي بيكونو في بطن واحده ومختلفين
دعاء/ هيا انا عايزه امشى
هيا / استنى شويه
دعاء/ لا انا زهقت اقعدى وانا هامشي
هيا/ لا هروح معاكى. بعد اذنكم هنمشى
شوشو / لسه بدري خليكم شويه
هيا/ معلش هتتعوض
عدنان/ هنتقابل بليل في نفس المكان
هيا / اووك
روحو البيت
دعاء/ انا مش مرتاحه للناس دي
هيا/ ليه بس دول لذاذ خالص ودمهم خفيف
دعاء/ دمهم خفيف ده معظم كلامهم بيحمل معنيين وانا مش بحب الاسلوب ده
هيا/ انتى بس صفى نفسيتك من نحيتهم وهاتشفيهم كويسين
دعاء بعصبيه/ الكلام مابقاش ينفع معاكى بعد اذنك
هيا/ يا دودو افهمى بس
دعاء/ خلاص يا هيا براحتك انتى مش صغيره
جت الساعه عشره ونزلت هيا قابلتهم
هيا/ هاي يا شباب
عدنان/ هاي
شوشو/ كلبسون بيقدم عصير جامد وجابتلهم كلهم
هيا/ ايه العصير ده طعمه غريب اووعى يكون خمره
شوشو/ خمره ايه اشربى والله طعمه جامد
عدنان/ لا هو فعلا جامد عرفتيه من فين يا برنسيسه
شوشو/ عيب عليك الجديد كله عندي
هيا سكرت خالص وفضلت ترقص بلدى وكل الشباب عملو دايره حواليها وبيسقفو ودخل عدنان يرقص معاها على مهرجان العب يلا وخلصت الاغنيه وراحو على الترابيزه
عدنان/ دانتى طلعتى كارثه ايه المواهب دي
هيا بدلع/ عجبتك
عدنان/ انتى تعجبى اي حد
هيا سكرانه قربت منه اووى ومسكت ياقة القميص/ بجد
عدنان/ انتى قد المسكه دي
هيا/ طبعا ولو مش قدها مكنتش عملتها
عدنان/ كده الشيطان هيلعب
هيا/ ههههههه
عدنان/ طيب تعالى نقعد لوحدنا في البيت
هيا بدلع/ لوحدنا لوحدنا
ياترى هيا هتروح مع عدنان؟
توقعاتكم الحلقه اللى جايه
أنت تقرأ
بنتين من الزمن ده مكتمل
Humorلا حد منا يشبه الثاني ف كل شخص له خصال وصفات تميزه عن غيره، ولا يحق لنا أن نعيب زمن بأكمله عندما نشاهد ظاهرة شاذه. هيا بنا لنتعرف على بنتين من الزمن ده.
