العاشر
تامر بزعل/ وانا قولتلك براحتك ومتخنقنيش اكتر من كده ولو بتحبينى هتيجى باااى
(وقفل الفون)
هيا كانت متضايقه وخايفه تخسر تامر هو اول من مد ايده ليها بعد وفاة ام وابو دعاء هيا في حيره
هيا/ يارب طيب اعمل ايه انا مش عارفه اتصرف ازاي بس هو ممكن يزعل
(هيا قامت من جنب دعاء و اتصلت تانى ب تامر)
تامر/ ايوه يا هيا
هيا/ انت اكلت
تامر/ لا ماليش نفس اكل لوحدى
هيا/ طيب تحب تاكل ايه واجبهولك وانا جيالك
تامر/ معلش هيا مش بحب اكل من اي مكان برا تعالى وانا هعملك اكل
هيا/ وانت تعبان كده
تامر/ انا لما هشوفك هبقى كويس وانتى هتساعدينى
هيا/ اوووكى ربع ساعه واكون عندك
قفلو الفون ورجعت عند دعاء
هيا/ دودو هروح مشوار بسرعه
دعاء/ مشوار ايه ده
هيا بتفكير/ هزور وحده قريبتى
دعاء/ اوك بس متتأخريش عليا
هيا/ اووك
هيا في عربيه انا ليه كدبت على دعاء يبقى بعمل حاجه غلط. طيب لو تامر بعد عنى انا هعمل ايه انا حبيته وهو بيحبنى
عقل هيا/ اللى انتى بتعمليه ده غلط اوعى تسمعى كلام عقلك
قلبها/ غلط غلط بس القى حد جنبى وبيحبنى بدل ما انا قاعده لوحدى
عقلها/ انتى مش لوحدك معاكى دعاء
قلبها /دعاء ممكن تتجوز في اي وقت فلازم يكون حد جنبى
عقلها/ انتى اتعرض عليكى حب وناس احسن من تامر ده
قلبها/ فعلا بس انكل مصطفى وانط كانوعايشين كانو معوضنى عن كل حاجه
(و وصلت هيا وطلعت بيت تامر)
هيا/ هاى
تامر/ اخيرا نورتى بيتى
هيا/ ايه مافيش اتفضلى
تامر/ اه طبعا اتفضلى
دخلت هيا/ بيتك تحفه مع انه مافهوش عفش كتير بس شيك اووى
تامر/ اقعدى هتفضلى هتقفى كتير. ما انا قولتلك انا مهندس ديكور
هيا/ لا بس شاطر البيت مودرن ولذيذ اووي
تامر/ من انهارده بيتك انتى مش بيتى
هيا/ ميرسي انت عامل ايه دلوقتى وراحت عنده حطت ايدها على راسه انت دافى لسه
تامر/ هبقى كويس طول ما انتى جنبى (راح عند المطبخ امريكانى مفتوح على الرسيبشن وبص ل هيا) ايه الاميره تحب تاكل ايه انهارده
هيا/ انت تعبان تعالى اقعد عشان هقعد معاك شويه وهنزل
تامر/ طول ما انا بعمل اكل ببقى كويس متشغليش بالك قولى هتكلى ايه
هيا بتفكير/ امممممم
تامر/ يالهوووى ولا بتعرفى تعملى ولا حتى بتعرفى تفكرى خلاص تاكلى لازانيه
هيا/ هههههه طيب تمام ناكل لازانيه
تامر/ انتى هتفضلى مكانك تعالى ساعدينى
هيا/ اووك
تامر/ هاتى الكاري من بتاعة البهارات
هيا محتاسه/ دي
تامر/ لا. لونه اصفر غامق
هيا/ يبقى دى
تامر/ حرام عليكى ده لونه اصفر عندك عمى الوان كمان
هيا/ امال ده لونه ايه
تامر/ ده لونه كمونى وهو كمون
هيا/ طيب كويس انك جيت لحد هنا خد بقى اللى انت عايزه
تامر/ طيب هاتى الحله من هناك
هيا/ ويعدين هو انا جايه اشتغل خدامه هنا
تامر قرب منها اووى/ خدامه ليه انتى ست البيت ده كله (مسك ايدها وباسها وبص في عينيها وحضنها وشالها ودخلها الاوضه)
هيا بدموع/ انا ازاي عملت كده
تامر بخبث/ هيا انتى مراتى
هيا بدموع/ بس انا مش مراتك والمفروض ماكنش يحصل كده
تامرحضنها/ حبيبتى انتى مش واثقه فيه هيا انتى من انهارده مراتى وحبيبتى
هيا/ بجد يا تامر يعنى مش هتسبنى
تامر/ حد يقدر يسيب قلبه
هيا حضنته/ انت لو سبتنى هموت
تامر/ متقوليش كده تانى
هيا بصت في الساعه / يالهووى انا اتاخرت اووى و(قامت من على السرير)
تامر مسك ايدها/ متباتى معايا
هيا/ مش هينفع طبعا
تامر/ هسيبك المره دي بس المره الجايه هتباتى معايه
هيا/ ان شاء الله
(نزلت هيا و وصلت عند دعاء)
دعاء/ حمدلله على السلامه تعالى في فيلم جامد
هيا/ واااو بموت فى احمد السقا
(اتفرجو على الفيلم ودخلو نامو)
هيا طول الليل بتكلم تامر
دعاء الصبح/ هو انتى لسه مانمتيش ولا صاحيه بدرى
هيا/ طيب قولى صباح الخير
دعاء/ صباح الروقان شكلك سهرانه ولسه ما نمتيش
هيا/ طيب يا تامر هقفل دلوقتى عشان عندى محاضره
تامر/ هستناكى بعد المحاضره
هيا/ هحاول
(قفلو الفون)
هيا/ صباح الصباح يا قلبى و(شغلت الراديو كانت شغاله اغنية يا حلو صبح يا حلو طل يا حلو صبح نهارنا فل )
دعاء سرحت مع الاغنيه وامها لما كانت بتصحيها وبتشغلها الاغنيه دي عينيها دمعت / الله يرحمكم . بس انتى ايه الروقان ده كله على الصبح. هيا تعرفى من ساعة ماما وبابا الهب يرحمهم اول مره اشوفك بتضحكى من قلبك كده
هيا/ اصل فرحانه فرحانه اووى
دعاء/ ايه السر قولى بسرعه
هيا/ بحب تامر وتامر بيحبنى
دعاء/ وانا كمان فرحانه ليكى اول مره تحبى عمرك ما عجبك حد
هيا/ ممكن عشان كنت خايفه من اي علاقه تكون فاشله او لما اتجوز نكون بعاد عن بعد وعيالى يكرهونى
دعاء/ ليه بس بتقولى كده . هيا مش كل الناس زي اهلك اهم شي تختارى صح وتحبو بعض هتكونو اسعد اتنين وعلى راي ماما دعاء يا بنتى مافيش جواز بيخلى من المشاكل . المشاكل هى بهرات الجواز اللى بتديله طعم الله يرحمها .لازم المشاكل بس الشاطره تعرف امته ترخى الحبل وامته تشد الحبل بس...
هيا قاطعتها/ لا بقى اغسل وشى واغير هدومى واجى اخد عندك درس فى الحب والجواز بس في الطريق عشان المحاضره
دعاء/ بسرعه عشان اول محاضره للدكتوره انجى وانتى عارفه مش هتدخل حد وراها
هيا/ عارفه عارفه
( فضلو طول الطريق يتكلمو عن الجواز والمشاكل لحد ما وصلو الكليه)
(حضرو المحاضره وهما طالعين فون دعاء رن)
دعاء/ الو
مصطفى/ وحشانى
دعاء/ وانت كمان فينك
مصطفى/ انزلى الجاردن هتلاقينى
نزلت دعاء واول ما نزلت لقت بلالين كتير و ورد
دعاء باندهاش/ ايه ده (وتنحت)
هيا شدتها وجريت عند مصطفى
مصطفى/ كل سنه وانتى معايا جوا قلبى
دعاء بفرحه/ انت احلى حاجه حصلت في حياتى
مصطفى/ بموووت فيكى
دعاء بكسوف/ وانا بعشقك
اسر/ وانا والله هعيط . تحبو اجبلكم شجره وجيتار واتنين لمون
مصطفى/ وترابيزه يا دوك عشان ايدى بتوجعنى
اسر/ ايد بتوجعك . لم يابنى الليله دى وهاتهم ورايه على البوكس
هيا ضربت اسر/ يا جاهل ما انت تفهم ايه عن الحب والرومانسيه
اسر/ افهم كتير اوعى يغرك شكلى .ده انا لما احب ممكن اقلب مجنون ولو شفتك مع غيرى يا ويلك
هيا/ اهدى على نفسك يا عم تامر حسنى انت مجنون اصلا
اسر/ مش ممكن انتى شايفانى مجنون عشان بتحبينى
هيا بتضحك جامد/ احبك لا بجد ضحكتنى يعنى يرضيك اقعد 22سنه ما حبتش مره فيها وفي الاخر احب واحد بتاع بنات زيك ده اخرتها ترضهالى بزمتك
اسر بص جامد ل هيا
هيا/ ايه هتضرب ولا ايه مش بحب الغباء على فكره مش معقول تكون مجنون وغبى
اسر ماسك هيا من هدومها/ اه مجنون يا هيا ومعايا شهاده من المعموره يعنى لو قتلتك مش هاخد فيكى ثانيه
هيا / تصدق انك عسل وكيوت وعمرك ما هتفكر انك تذينى صح . ممكن تسيب هدومى يا حبيبي
دعاء/ هههه حرام عليك يا اسر سيبها
هيا عامله نفسها بتعيط/ اه ونبى قوليله يسيب هدومى ده انا غلبانه
مصطفى/ سيبها يا رخم
اسر/ مش سايب
هيا/ هى دي اخلاق ناس متعلمه ومثقفه زيك
اسر/ اه لما يكون مجنون
دعاء/ عشان خاطرى انا سيبها
اسر/ عشان خاطرك انتى بس
هيا طلعت تجري وبصوت عالى/ ماشى يا اسر هو انت فاكر الهوب هوب كنتلوب اللى عملته هيخوفنى منك روح العب بعيد يا شاطر( وجريت)
اسر بص لدعاء/ شوفتى ما انا قولت انها واطيه
دعاء/ وربنا معرفها
(اسر جري ورا هيا)
هيا بصوت عالى/ هو انا شكلى همووت خلاص وصيتك يا دودو تاكليلى حتة تورته بالشكولاته
اسر/ متقاطعيش وادعى انك تموتى بسرعه
مصطفى/ والله مجانين
دعاء/ حرام عليك دول مش مجانين دول لاسعين
مصطفى / دعاء هو انتى اتعديتى منهم
دعاء/ يعنى عايزنى اقعد معاهم كل ده ومش اتعدى
هيا جايه تجرى واستخبت ورا مصطفى/ ونبى قوله يبعد عنى ومالهوش دعوه بيه
اسر/ طيب تعالى هنا وانا مش هعملك حاجه
هيا/ احلف
اسر/ وحياتك
هيا/ اهو اهو هتعملى
مصطفى/ خلاص يا هيا تعالى اقعدى ومش هيعملك حاجه
دعاء/ تعالى هنا جنبى يا قلبى
اسر/ ايه كام واحد هيتحايل عليكى تعالى اترزعى
هيا/ طيب خليك فاكر انك قولت مش هتعملى حاجه والراجل ايه غير كلمه يقولها ويبقى قدها
اسر/ خلاص تعالى كلى
هيا/ راحت قعدت على الكرسي
دعاء/ اتفضلى يا هيا كلى
هيا/ ميرسي دودو
( فون هيا رن) ثوانى هرد على الفون
هيا/ الو
تامر/ اتأخرتى كده ليه مستنيكى من بدرى وحشتينى
هيا/ وانت كمان ياحبعمرى نص ساعه واكون عندك
(قفلو الفون)
هيا راحت عند دعاء/ دودو هروح مشوار
اسر/ فين
هيا/ رايحه مشوار
اسر/ هروح معاكى
هيا/ لا ميرسي(وهى ماشيه) يبقى هنا وفي الشارع لا يبقى كتير كتير وربنا
(وصلت عند تامر)
تامر/ حياتى وحشتينى
هيا/ كداب
تامر/ والله مابقيت اعرف اقعد ثانيه من غيرك ما تقعدى معايا وفكك من صاحبتك
هيا/ اقعد معاك اووك لاكن افكنى من صاحبتى وابات معاك نووو
تامر/ يعنى متقدريش تباتى بعيدعن صحبتك وتقدرى تباتى بعيد عنى انا
هيا/ لا مش ده قصدى بس انت عارف لو كنت في بيت اهلى ان شالله كنت رحت معاك فرنسا ولا حد كان سأل عليه ولا حس انى مش في البيت اصلا بس دودو متقدرش تغمض عينيها غير لما اروح وتطمن عليه
تامر/ طيب تعالى عاملك مفاجأه غمضى عينك
هيا/ خليك ماسكنى اوعى تخبطنى في الحيطه
تامر دخلها اوضة النوم/ فتحى عينك
هيا فتحت/ واااو تحفه يا حبيبى ميرسى اووى
(كان فستان سهره شيك وغالى اووى)
تامر/ طيب قيسى ورينى
هيا/ ثوانى واكون عندك
تامر/ رايحه فين
هيا/ هروح البس
تامر/ البسى هنا
هيا/ نو نو نو عشان افاجأك
تامر/ اوعى تكونى مكسوف ههه
هيا ضربته بالفستان ومشيت
هيا لبست الفستان/ ايه رايك ( الفستان لونه دهبى قصيرمجسم جسمها )
تامر صفر/ تصدقى لما لبستيه بقى احلى كتير
هيا/ طبعا الرك على الجسم
تامرقرب اووى ومسك وسطها وهمس فى ودنها / عندك حق انتى اللى مخليه الفستان حلو (...............)
هيا/ على السرير/ ينفع كده الفستان اتبهدل
تامر/ فدايه ميت فستان
هيا/ طبعا يا قلبى
(هيا روحت عند دعاء)
هيا اول ما دخلت
دعاء/ ممكن اعرف كنتى فين وايه المشوار المهم ده اللى يخليكى تسيبينى وتمشى
هيا وهى سرحانه/ اصل رحت لتامر
دعاء/ رحتى فين يا هيا!
هيا بتركيز/ اه اه اقصد رحت قابلته فى المطعم
دعاء/ طيب لو سمحتى تبقى تعرفينى رايحه فين وتلفونك مايتقفلش خالص طول وانتى مش معايا
هيا/ حاضر فرفشى بقى كده
(واستمر وضع هيا مع تامر. ودعاء بتكلم مصطفى يا بتقابله في الكليه لحد ما جه يوم التخرج بتاع دعاء وهيا)
دعاء/ بعد بكره حفلة التخرج كان نفسى مصطفى يكون معايا
هيا/ معلش انتى عارفه عنده مؤتمر طبى
دعاء/ ما المشكله ان المؤتمر فى امريكا وبقالو تلت ايام واحشنى اووى
هيا/ ادعيله بس ربنا يكرمه ويرجع بالسلامه
(دعاء دخلت نامت وهى سهرانه فون هيا رن ماسنجر)
هيا/ الو ازيك يا مصطفى
مصطفى/ الحمد لله
هيا/ عاملين ايه والواد الرخم عامل ايه
مصطفى/ كويس كان لسه هنا شكله نزل
هيا/ تلاقيه نزل يدور على بنات ههه
مصطفى/ معلش هيا عايز منك خدمه
هيا/ انت اخويا قول على طول بس هتدفع كام
مصطفى/ اللى انتى عايزاه كله اسمعى بقى بس اللى هقوله تركزى فيه اووى(.........)
هيا/ الله علم وينفذ بالحرف
ياترى اخرت الكدب مع هيا هيوصلها لفين؟
ياترى تلميحات اسر انو بيحب هيا فعلا بيحبها
وياترى مصطفى قال ايه ل هيا؟
توقعاتكم الحلقه الجايه
ابتسام محمود الصيري
#بوسي محمود
أنت تقرأ
بنتين من الزمن ده مكتمل
Humorلا حد منا يشبه الثاني ف كل شخص له خصال وصفات تميزه عن غيره، ولا يحق لنا أن نعيب زمن بأكمله عندما نشاهد ظاهرة شاذه. هيا بنا لنتعرف على بنتين من الزمن ده.
