بنتين من الزمن ده مكتمل

الحلقه الاولى

الحلقه الاولى
للكاتبه بوسي
الابطال
تقوم ب عمل دور خديجه هلا شيحه وهي فتاه منتقبه وملتزمه وبتفكر ب عقل
تقوم بعمل دور هايدي ماغى ابو غصن وهي مجنونه وعصبيه
يقوم بعمل دور يونس . رامز جلال و هو اخو خديجه وهو شاب بيعمل مقالب باستمرار
يقوم بعمل دور سليم .حسن الرداد و هو شاب مرح و عصبى في نفس الوقت
يقوم بعمل دور الهوارى عزت ابو عوف و هو ابو يونس وخديجه
تقوم بدور ابتسام دلال عبد العزيز ام خديجه ويونس
دول الابطال الاساسين
،،،،،،،،،،،،،،،،،،،،،،،،،،،،،،،،،،،،،،،،،،،،،،
(في عمارت الهواري داخل بيت الهواري الساعه خمسه ونص)
يونس راح جري على اوضة اخته و بصوت عالى/ قومى بسرعه يا ديدي في زلزال بيوقع البيت قومى بسرعه البيت هيقع
خديجه قامت اتخضت من النوم / في ايه في ايه هو بيحصل ايه
بونس/ هو انتى لسه هتسألى انزلى بسرعه البيت هيقع
طلعت تجرى خديجه بهدوم البيت
يونس/ خدى اسدالك استرى نفسك هتنزلى كده ورمى الاسدال عليها و حصل صوت فرقعه
صوتت خديجه و اخدت الاسدال ونزلت تجري على السلالم البيت وفضلت تلبس في الاسدال على السلم
يونس قفل باب الشقه وفضل يضحك/ استمري بقى في الجري يا هبله
خديجه بصت وراها لقت يونس قفل باب الشقه وبيضحك وسمعته وهو بيتكلم وابتدت تستوعب اللى بيحصل/ اه يا اوطى خلق الله (وطلعت تجري على البيت ) افتح يا زفت الباب
يونس/ احلفى انك مش هتعملى حاجه وانا هفتح
خديجه بغيظ/ ده انا هطلع روحك استنى عليه . افتح
نزل ولاد عمهم وبصو على خديجه (العماره بيت عيله كلهم قرايب في بعض)
محمد ابن عم خديجه/ ايه يا ديدي في حاجه
خديجه خبت وشها بطرحة الاسدال / لا العادي بتاع ابن عمك شكله هيموتنى مشلوله
يونس فتح الباب بسرعه اول ما سمع صوت ابن عمه/ حمو الحقنى من المجنونه دي
محمد/ عايزها تبقى مجزره هنا واشوف عفاريتكم بتتنط في كل مكان عايزها خراب و دمار
يونس/ تصدق انك واطى غور يالا . قلبى طلال انت اللى هتحوش
طلال/ والله حرام عليك البنيه يعنى ينفع كده
خديجه/ وسع يا طلال مش هسيبه انهارده غير لما اموته
يونس/ طيب اهون عليكى انا اخوكى الصغنن
خديجه/ يا صغنن . تعالى وانا اقولك
يونس / لا انتى مجنونه وانا عارفك
خديجه بغيظ/ كمان بتغلط بدل ما تعتزر والله لاولع فيك استنى عليه
الهواري يطلع على صوتهم / هو في ايه على الصبح
خديجه بدموع استهبال/ بابا انت اللى هتجبلى حقى من الزفت ده سهرنى معاه لحد الساعه اربعه وهو بيفرجنى على افلام فيها زلزال وسبته على اربعه وقولتله هنام يجى على الساعه خمسه ونص يصحينى ويقولى زلزال ويخلينى اجرى زي الهبله
يونس/ زي ليه يا ديدي
خديجه بتحاول تضرب فيه بس مستخبي في طلال
خديجه/ انت تخرس خالص استخبى يعنى هتروح منى فين
الهوارى/ ادخلى يا ديدي اتفضلى كملى نوم عندنا ميتنج مهم انهارده لازم تكونى مفوقه وانا كام مره قولتلك متسهريش مع الحيوان ده وانت حسابك معايا بعدين
يونس/ هو ايه الظلم ده وعلى العموم مش عايز الحساب هدفع انا من جيبى الشخصى تمن المشاريب اللى اتكبت في الارض
الهوارى / يلا هتموتنى ناقص عمر اتلم شويه
يونس/ طيب والنبى يا حاج هات راسي من جنبك عشان الم اشيائي بدل ما هي متبعتره كده
الهوارى بغيظ وداخل البيت/ لا كده كتير يمهل ولا يهمل
يونس/ يالا يا بت ادخلى ورا ابوكى حضرى الفطار
خديجه بغيظ/ عاااااااااا ادخل انام احسن ما تشلنى ودخلت
يونس بعد عن طلال
رجعت جري خديجه وكهربته بصاعق الناموس وجريت بسرعه وقفلت الباب وقالت خلى بالك الباب بتاع اوضتى هكهربه عشان تحرم تدخل عليا وانا نايمه تانى
يونس/ هجيبك هجيبك هتروحى منى فين
محمد/ انت كده في امان اسيبكم تكهربو في بعض
ونزل محمد وطلال
خديجه ظبطت المنبه ونامت
ابتسام صحيت وبتتكلم بنوم/ حبيبي ايه الدوشه دي كلها على الصبح
يونس/ بيتك العقله الكبيره بتكهربنى يرضيكى يعنى تموتنى متكهرب
ابتسام/ لا يا حبيبي بعد الشر عليك اكيد عملتلها حاجه
يونس/ ولا جيت جنبها اصلا
الهوارى/ ايوه افضلى طبطبى ودلعى فيه . وانت يا زفت امال لو جيت كنت رمتها من الشباك حرام عليك دي الحيله
بونس/ يعنى هي الحيله وبتقولها بكل ثقه و انا ايه ها مش الحيله طيب الحقى يا ماما بقى الا شكلى مش الحيله ومتجوز عليكى ومعاه ارطة ولاد منها
الهوارى/ بس انت هتلبسنى نصيبه يخربيت منظرك اسكت ده انت البعد عنك غنيمه ادخل احضر للميتنج
يونس/ هيييع ايوه كده
ابتسام/ هو ابوك متجوز يا ولا
يونس بص باستغرب لامه/ روحى نامى شكلك سخنه روحى يا قلبي
ابتسام/ ياولا قول وريح قلبي هو متجوز صح
الهوارى/ روح يا يونس وتعالى بسرعه قلبت البيت كله في ثانيه
يونس جري وقعد على مكتب باباه/ انا جيت بسرعه اهو اتأخرت عليك ههههه
الهواري/ امشى من قدامى جبتلى السكر هتجبلى ايه تانى حرام عليك
يونس/ طيب لو على السكر بس كويس اهو دمك يبقى مسكر
الهواري/ عارف يا يونس انت احسن حاجه معاك ايه
يونس/ ايه يا معلم
الهواري/ ان محدش يرد عليك نسيبك تهوهو مع نفسك
يونس بصوت عالى/ هو هو هو هو (وطلع يجري)
الهوارى/ خضتنى( وقلع الشبشب وحدفه عليه)
يونس/ انا داخل انام اياك اسمع نفس
الهوارى/ نام نوم الظالم عباده متقلقش احنا مش هنتنفس بس انت نام وارحم اهلى عندى ميتنج مهم
دخل يونس نام
ابتسام/ هو انت صحيح متجوز زي ما يونس بيقول
الهوارى/ لا انا عندى ميتنج ابنك ينام وانتى تستلمى
ابتسام/ طيب ليه قولت على ديدي حيله وهو يعنى مش حيله
الهوارى/ حياتى ايه رايك اعملك فطار انا كده كده مش هخلص ام الشغل انهارده
ابتسام/ انت بتتهرب ليه من السؤال
الهوارى/ حياتى هو انا اقدر ابص على حد غيرك هتمشى ورا كلام ابنك الحيله ابو عيون كحيله
ابتسام/ يعنى هو حيله بجد
الهوارى مسك ايد ابتسام وباسها / حياتى انا كلى ليكى انتى وبس انا مقدرش ابعد عنك ثانيه
ابتسام/ حبيبي انا عارفه بس بحب اسمع منك الكلام الحلو ده منحرمش منك العمر كله
الهوارى بصوت واطى/ اه ماهو الواد كده مش من فراغ لازم يكون وراثه
ابتسام/ بتقول حاجه يا حبيبي
يونس/ لا يا حياتى منحرمش منك
دخلت ابتسام تحضر الفطار
المنبه عند خديجه رن
خديجه فتحت عنيها / روح يا يونس ربنا يسمحك هموت و انام انا اللى غلطانه انى بسمع كلامك
طلعت من الاوضه
خديجه/ صباح الخير يا بابا
الهوارى/ صباح النور يا قلبي
خديجه/ هو فين يونس
الهوارى/ نام عايزه منه ايه هو القط بيحب خناقه
خديجه/ لا عشان اعمل معاه الدنيئه
الهواري/ عارفه لو قربتى منه مش هنزل الشغل في يومنا ده اهدى كده وادخلى خدى شور وتعالى عشان افهمك الميتنج هيمشى ازاى عشان انتى اللى هتديرى الحوار انهارده
خديجه/ بابا ربنا يخليك لينا انت الخير والبركه انت تدير الحوار وانا هتناقش كالعاده انت عارفنى مابعرفش اسكت لازم اتكلم
الهوارى/ اللى يريحك
خديجه رايحه على اوضة يونس
الهوارى/ خدى هنا رايحه فين اوعى تقربى منه
خديجه/ هشوفه والله مستغطى ولا زي العاده رامى الغطا
الهوارى/ ده حلوف بيقضى حياته كلها تحت الميه هيستغطا وهو نايم سبيه وخلصى نفسك احسن يصحى وانتى عارفه لو صحى مش بيهدا غير لما يولع حريقه في البيت كله
خديجه/ هبص بصه ( دخلت خديجه اوضة يونس وكان نايم ميت نايم على بطنه وايد اول السرير و وايد اخر السرير وكل رجله في حته) يالهوى حمار نايم عدلته وغطته وهي طالعه مسك ايدها
خديجه/ خضتنى يا بارد
يونس بص ليها بنوم واداها بوسه في الهوا
خديجه قربت منه باسته وطلعت
ابتسام/ صباح الخير ديدي خدى شور بسرعه عشان تلحقى تفطري
خديجه باست ايد مامتها / صباح الورد على عيونك . ثانيه وهكون عندك
فطرو كلهم ماعدا يونس
،،،،،،،،،،،،،،،،،،،،،،،،،،،،،،،،،،،،،،،،،،،،
خديجه نزلت مع باباها الشركه( شركة الهوارى للسياحه في الغردقه )
وصلو الشركه
الهوارى دخل صبح على الموظفين و وراه خديجه بلبسها الواسع والنقاب
دخلو المكتب ودخلت السكرتيره
نسرين السكرتيره/ صباح الخير بعد نص ساعه الميتنج هيكون جاهز
الهوارى / تمام في حاجه تانى
نسرين/ انهارده في رحلتين دايفنج ورحله دولفين ورحلتين سفارى
الهواري/ طيب تمام في حاجه تانى
نسرين/ لا يافندم بعد اذنك
الهوارى/ اتفضلى
خديجه/ بابا ايه رايك لو تخلى يونس يطلع على اي لانش دايفنج هو دمه خفيف وهيجب ناس اكتر
الهوارى/ يونس انتى عايزاه ورايا ورايا خليه فى مركز التدريب بتاعه كفايه عليه
خديجه/ طيب جرب بس مش هنخسر حاجه وكده كده هو بيفتح المركز بعد الظهر يعنى حتى لو عنده تدريب هيكون خلص الدايفنج اللى هينزله ايه رأيك
الهوارى/ طيب نبقى نشوف الموضوع ده بعد الميتنج يالا عشان مانتأخرش على الناس
خديجه/ اووك يالا . انت يا راجل يا عجوز هتمشى وتسبنى
الهورارى بص وراه / هو انا اخلص من اخوكى تطلعلى امك اخلص من امك تطلعي انتى اهدو عليه شويه مش كده
خديجه/ ههههه تعالى انجاچيه
الهوراى/ بس كده تعالى
،،،،،،،،،،،،،،،،،،،،،،،،،،،،،،،،،،،،،
دخلو قاعة الميتنج
قاعد الهورارى في مقدمة الترابيزه وخديجه جنبه على اليمين و صاحب شركة سادن للسياحه على الشمال وصاحب شركة عروس الصحرا وشركات كتير
الهواري/ اهلا بيكم نورتو مكتبي
الكل / اهلا بيك
الهوراى/ حركة السياحه نايمه اليومين دول ف لازم نبسط السياح عشان لما يرجعو بلدهم يتكلمو عن مصر وجمالها وانا هقسم كل مهمه ع شركه يعنى بالنسبه لشركتك يا سادن هتطلع رحل الاقصر واسوان وشرم ودهب يعنى هتبقى متخصص سافري لازم تخلى مشرف دايما عينه عليهم ويعرف ايه اللى عاجبهم وايه اللى مش عاجبهم ولازم تخلى المرشد بتاعهم لبق ويتكلم ويهزر ويشرح كل حاجه بالتفصيل ولازم الخدمه في الفنادق تكون على اعلى مستوى
وبالنسبه لشركة عروس الصحرا ممكن نقسم الشغل ما بيننا احنا بحر الايام دي وانتم سفاري عشان نوزن الدفه و ياريت تركزو في العروض البدويه للسياحه ده غير الواجب بتاع البدو للسياح ويكون في مغامرات بالعربيات الجيب وهي ماشيه على الجبل وتطلعو بيدجات باجى للى يحب ولازم توفرو مكان امان للبيات ومتنسوش اسم الهواري هو الاساس للشركات فا مش هسمح باي تسيب كده لكل شركه ليها دور فيه حد عنده اي استفسار
الكل/ لا تمام
خلصو الميتنج والهوارى راح مكتبه وراحت وراه خديجه
،،،،،،،،،،،،،،،،،،
في بيت الهوارى
فون يونس بيرن/ Hello Tena
تينا/ Hello Yonis, How you doing? I wanna to support me
يونس/ Tell me Tena, I am in service
تينا/ I want to go Safari Tomorrow, but I have huge group
يونس/ No problem, but give me some time and I will call you back
تينا/ Ok, take your time I am waiting for your call
ترجمه فون يونس يرن / الو تينا
تينا / الو ازيك يونس معلش عايزه خدمه
يونس / امرى
تينا/ عايزه اطلع سفارى و معايا عدد كبير
يونس / بس كده طيب هعمل اتصال و اكلمك
تينا / تمام
وقفلو مع بعض
،،،،،،،،،،،،،،،
في مكتب الهوارى
الهوارى/ يعنى متكلمتيش خالص
خديجه/ هو في كلام بعد كلامك يا برنس جبت من الاخر والصح
الهوارى/ طيب كويس انه القرار عجبك كنت مقلق منك
خديجه/ ليه بس هههه عارف لو البلد حالها زي الاول كنت رفضت ان الشغل يتجزء بس البلد مش حمل اي منافسات دلوقتى ولازم نكون كلنا مع بعض عشان نرجع السياحه مصر مش ضد بعض و ننافس بعض. مصر يا بابا اكتر بلد فيها اثار واجمل بحر واجمل صحرا مصر جميله وده غير ان ربنا ذكرها في القرآن
الهوراى/ عندك حق عشان كده قسمت الشغل عشان محدش يضرب حد في ضهره وفي الاول ولاخر اسمى هو الاساسي على كل الشركات السياحه
فون خديجه رن
يونس/ الو يا بت فينك وحشتينى
خديجه/ يونس حبيبي بجد الكلام ده
يونس/ انتى حبعمرى
خديجه/ لا كده يبقى قول عايز كام واخلص
يونس/ هو انا لازم اديكى على دماغك عشان تعرفى انى مش عايز حاجه جاتك الارف في حلاوتك مليتو البلد هاتى ابوكى
خديجه/ اسمها ابوكى بيئه طول عمرك
يونس/ اخلصى هاتى عم المهم اللى قافل الفون بتاعه
خديجه/ هههه مهم غصب عنك اهو معاك
الهوارى/ عايز ايه يا قلق
يونس/ احبيبي يا بابا انتو ليه وخدين عنى الفكره دي ليه لما اتصل بيكم ابقى عايز حاجه مش ممكن تكونو وحشتونى او انا بولع مثلا
الهوارى/ طيب مش عايز تقول احسن اقول انا ايه رايك تيجى تشتغل هنا من ٨ لى ١ الظهر وبعد كده تروح المركز بتاعك براحتك
يونس/ طيب اشطا معاك يا ريس انت سهلت عليه مهمتى اللى كنت عايزها
الهوارى/ طيب كويس واقفل بقى وبطل لك دماغى مصدعه
يونس بيقلد صوت بنت/ طيب لو سمحت بطل ترن عليه كل خمس دقايق الله دى ما بقتش عيشه سبنى بقى ياخى مش عايزك مش طيقاك
الهواري/ لا انت هتجننى وهتجن اهلى
وقفل الفون
،،،،،،،،،،،،،،،،،،،،،،،،،،،،،،،،،،،،،،،،،،،
يونس/ بتقفل في وشى طويب ليك روقه يا ريس بس لما اشوفك ( واتصل بواحده اجنبيه)
يونس اتصل ب تينا/ Tena hello, it's Yonis
تينا/ Hello Younis
يونس/It's OK, be ready tomorrow morning will gonna Safary
تينا/ Really, are you sure? We are 50 persons
يونس/ Don't worry, it's OK, everything will be ready, but do you want beach buggies or you will ride Jeeps
تينا/ ?can we use both of them
يونس/ For sure as you want, Can we meet by 10:00 Am at Cherry St
تينا/OK, see you tomorrow, thanks Younis
يونس/ You're welcome
(ترجمه )
يونس/ الو
تينا/ هالو
يونس/ خلاص رتبى نفسكم على بكره هنروح رحلة سفارى
تينا/ بجد احنا عددنا ٥٠
يونس/ تمام هحضر كل حاجه متقلقيش عايزين بيدج باجى ولا تطلعو بالجيب
تينا/ طيب ينفع ده وده
يونس / تمام بكره الساعه عشره نتقابل في شارع شيري
تينا/ تمام ميرسي يونس
يونس/ على ايه انتى أؤمرى
وقفل الفون
،،،،،،،،،،،،،،،،،،،،،،،،،،،،،،،،،،،،،،،،،
شركة عروس الصحرا
سليم/ ها اتفقتو على ايه يا بابا
عز / قسمنا كل مجال لشركه و احنا السفارى
سليم بفرحه/ طيب كويس انت عارف انا اد ايه بحب الصحرا و ببقى مبسوط فيها جدا
عز / طيب كويس ابتدى حول كل حجوزات البحر على الهوارى وهما هيحولو علينا كل حجوزات السفارى اللى عندهم
سليم/ عندى بكره سفارى من فرنسا عدد كبير محتاج عربيات والبيدج باجى هيركبو من اول الصحرا هنتحرك الساعه ١١ ص
عز / خلاص رتب انت كل حاجه
سليم/ اووك
ياترى ايه هيحصل مع يونس وسليم في السفارى بعد ما اتنقل السفارى ع شركة عروس الصحرا؟
ياترا يونس هيعمل ايه في باباه؟
توقعاتكم الحلقه الجايه
🌸بووسى🌸ً