بنتين من الزمن ده مكتمل

الحلقه التاسعه

التاسع
دخلت هيا الاوضه وفضلت تعيط لحد ما مسكت الفون وفتحت الماسنجر واتفجأت لقت رساله من نفس الشاب اللى عملتله
بلوك الصبح
الشاب/ هاى ممكن اسأل سوأل
هيا/ مش انت اللى عملتلك بلوك دخلت تانى ازاى انت مش عندك دم خالص
الشاب / اصل عملت اكونت جديد عشان انا معجب بيكى وعايز اتعرف عليكى وبلاش غلط
هيا/ هو انت تعرفنى اصلا عشان تعجب بيه
الشاب/ في الحقيقه اعرفك بشوفك على طول بس انتى مش مديانى فرصه اكلمك ولقيت ايميلك بالصدفه
هيا اتكلمت معاه واخدهم الكلام
(دعاء فى الصاله بتكلم مصطفى)
مصطفى/ عامله ايه دلوقتى انا اسف انى مش جانبك
دعاء/ انت على طول جنبى انت وهيا اللى بقينلى فى الدنيا. المهم طمنى عليك هتشيل امته الجبس
مصطفى / هقعد تقريبا شهر
دعاء/ تقوم بسلامه
مصطفى/ ان شاء الله . الحاج جه هكلمك بعدين
دعاء/ ماشى باااى
فضل الشاب يكلم هيا ومصطفى يكلم دعاء لحد ما الكليه بدأت
دعاء/ يالا يا هيا اصحى اول يوم مدرسه اول يوم مدرسه اصحى اصحى قومى قومى
هيا/ مش عايزه اروح المدرسه
دعاء/ لا بابا ده مش انت ده انا اللى هروح المدرسه اصحى اصحى قوم قوم عايز صابونه عايز صابونه وبتكب مايه على هيا
(قطعه من فيلم نيمو)
هيا/ حرام عليكى ارحمينى من رخامتك اللى على الصبح
دعاء/ صبااااااح الخيييير
هيا/ صباح البرود يا نيمو
دعاء وهما في الطريق/  بس ايه رايك فيه وانا عامله نيمو
هيا/ سبحان الله نيمو بالظبط هههه سبحانه الخالق يخلق منن الشبه اربعين
دعاء/ ههه طيب انتى تعرفى انهم عرضو عليه انى اعمل دور نيمو بس النفس بقى
هيا/ ايه ياختى؟
دعاء/ على فكره انتى بقيتى بئيه اووى
هيا/ ده انا ماشى وطلعت بالعربيه جامد
دعاء/ لا ده انا انا والله انا بس اهدى  والله هرجع
هيا/ جاتك القرف انزلى من عربيتى
(وصلو الكليه)
كان فى شاب واقف عند باب الكليه
الشاب/ هيا هيا
هيا/ نعم في حاجه
الشاب/ بعد اذنك عايز اتكلم معاكى
هيا/ هو حضرتك تعرفنى
الشاب/ اه وانتى تعرفينى
دعاء/ هو ماله ده
هيا/ مش عارفه ثوانى يا دودو. ( راحت عند الشاب ) نعم
الشاب/ انا تامر
هيا بفرحه/ بجد اخيرا شوفتك يا عم اللهو الخفى عامل ايه
(تامر شاب وسيم عنده طبع الحسن وتفاحة ادم وطوله 170 سم وزنه 70 كيلو)
تامر/ الحمد الله انتى اللى عامله ايه
هيا/ الحمد الله اخيرا كلمتك من غير ماسنجر
تامر/ ممكن نروح كافيه
هيا/ اووك بس ثوانى(راحت عند دعاء) دودو ده تامر اللى قولتلك عليه هروح اقعد معاه في كافيه  وهبقى اكلمك
دعاء/ هو ايه اللى تقعدى معاه بره الكليه ما تقعدى معاه جوه
هيا/ هو مش طالب هنا مش هينفع يدخل اصلا الكليه
دعاء/ طيب خلى بالك من نفسك
هيا/ حاضر يا ابله
(هيا راحت الكافيه مع تامر)
تامر/ وحشتينى اووى
هيا/ ....
تامر/ مش بتردى ليه
هيا/ اصل اول مره اخرج مع شاب
تامر/ بس احنا واخدين على بعض واتكلمنا كتير
هيا/ اه ده كان كتابه بس. بس فيس لفيس اول مره
تامر/ بس تصدقى انتى احلى بكتير من قريب
هيا/ ميرسي
تامر/ ما انتى عارفه كلمت ميرسي دى بتضايقنى
هيا/ اه سورى
تامر/ هيا فكى كده وبلاش الكسوف ده
هيا ابتسمت/ الله شايف الكافيه اللى في الفيلم ده عجبنى اووى
تامر/ طيب اللى يوديكى مطعم احسن من الكافيه اللى في الفيلم
هيا/ بجد فين المطعم ده
تامر/ طيب تعالى نتغدى هناك
هيا/ طيب اووكي بس دودو هتتغدى كده لوحدها هتصل بيها نتغدى مع بعض
تامر/ معلش طيب ممكن نكون لوحدنا عشان نكون براحتنا
هيا/ اووك بس هتصل بيها اقولها هتأخر عشان مش تقلق عليه
(اتصلت هيا)
دعاء/ الوو
هيا/ قلبى حد معاكى
دعاء/ اه معايا مصطفى واسر
هيا/ طيب انا هتغدى مع تامر
دعاء/ ماشى يا واطيه وانا اللى مستنياكى
هيا/ معلش بقى ما انتى معاكى مصطفى
دعاء/ ماشى يا قلبى خلى بالك من نفسك
(قفلو الفون)
(وصلو المطعم)
تامر شد الكرسى ل هيا / اتفضلى
هيا قعدت/ ميرسي
تامر/ هتغدي ايه
هيا/ هاكل على ذواقك ابهرنى
تامر/ طيب ايه رايك تاكلى استيك لحمه
هيا/ اووك وانا بحب الاستيك اووى
تامر شاور للجرسون
الجرسون/ اؤمر يا مستر تامر
تامر/ عايز استيك لحمه وسلاطة عايزك  ترفع رسنا قدام الضيوف
تامر/ ها قوليلى بقى بتعرفى تطبخى ايه
هيا/ انت اللى قولى انت بتيجى كتير هنا
تامر/ هههه باجى بس. المطعم ده بتاعى
هيا/ بجد واااو بس ذوقك تحفه
تامر/ اصل انا مهندس ديكور وكنت بحب اعمل الاكل واتعلمت اعمل كل الاكل وفتحت المطعم ده. مش هتجاوبى على سؤالى
هيا/ سؤال ايه
تامر/ بتعرفى تطبخى ايه
هيا/ بسلق بيض حلو اووى
تامر/ بيض هههه بقولك تطبخى ايه مش تسلقى
هيا/ سلق البيض اكل ولا مش اكل
تامر/ اكل طبعا
هيا/ يبقى خلاص بسلق بيض
تامر/ طيب وايه كمان
هيا/ ما كفايه احراج يا عم الشيف
تامر/ مش بتعرفى تطبخى
هيا/ تقريبا من ساعة ما اتولد وانا باكل تيك اواى ومؤخرا من ايد دودو
تامر/ مين دودو دى بقى
هيا/ دودو دى صاحبتى وتعتبر اختى احنا عايشين مع بعض
تامر/ انا اول مره اعرف انك قاعده مع صاحبتك طيب فين اهلك
هيا/ هما في دنيتهمم وانا في دنيتى
تامر/ يعنى ايه
هيا سرحت وافتكرت اخر كلام  ل مامتها في ستين داهيه اوعى تكونى فكره بكده انك هتلوى دراعى فلوسك هتخلص وهترجعى زي الكلبه
عين هيا دمعت
تامر/ هيا رحتى لحد فين
هيا مسحت دموعها/ يعنى كل واحد بينام على الجنب اللى يريحه
تامر/ انتى واهلك زعلانين مع بعض
هيا بضيق/ بليز غير الموضوع ده مش بحب اتكلم فيه
تامر/ على العموم اهو الاكل وصل ولو مش عاجبك هعملك بنفسى اكل
هيا داقت الاكل/ وااو تحفه بجد  انت بتعرف تعمل اكل حلو زي كده
تامر/ على فكره اكلى احلى كمان يالا ابقى اكسب فيكى ثواب لما نتجوز وابقى اطبخلك
هيا بصت لتامر وابتسمت
(خلصو اكل وروحو)
دعاء/ هيا اتأخرتى اووى ليه
هيا/ معلش بس الكلام اخدنا
دعاء/ احكيلى بقى اتكلمتو في ايه وانتى من امته بتكلمى حد على النت وبتخرجى معاه كمان
هيا/ ده تامر للى حكتلك عنه لما كنت زهقانه فتحت الماسنجر ولقيت دمه خفيف
(وحكت كل اللى حصل لدعاء)
دعاء/ اهم شئ خلى بالك من نفسك
هيا/ والواد اسر عامل ايه ومصطفى وحشونى
دعاء/ الحمد الله اسر ومصطفى كانو نفسهم يشوفكى
(فون هيا رن) هيا / ده تامر ثوانى يا دودو
تامر/ وحشتينى
هيا/ هو انت لحقت ده انا لسه كنت معاك
تامر/ بجد وحشتينى نفسى تكونى معايا على طول ماسبكيش ولا لحظه
هيا/ وانا كمان اهو الحمد الله اخر سنه ليه فى الكليه
تامر/ هو انا لسه هستنى سنه بحالها بقولك وحشانى مش قادر ابعد عنك ثانيه
هيا/ وانا كمان بس ماينفعش اتجوز دلوقتى
تامر/ ايه رايك اعزمك بكره عندى في البيت على لازانيه من ايدي
هيا/ الله انت بتجوعنى
تامر/ هستناكى
هيا/ سورى مش هينفع اروح البيت عندك
تامر/ انا تامر يعنى انتى هتكونى مراتى يابت ولا انتى بتتسلى
هيا/ ايه اللى انت بتقوله ده انا بحبك طبعا
تامر/ طيب نتقابل بكره عندى
هيا/ سورى ممكن نتقابل في اي مكان
تامربزعل/ براحتك يا هيا واعملى اللى انتى عايزه
هيا/ انت زعلت ليه طيب
تامر بخبث/ ايه اللى يزعلنى حبيبتى مش واثقه فيه ولا واثقه في نفسها يبقى اعملى اللى يريحك
هيا/ انت ازاي بتقول مش واثقه فيك واثقه طبعا بس انا مينفعش انى اروح بيت شاب
تامر/  شاب؟
هيا/ طيب ممكن لما اقابلك بكره ابقى افهمك
تامربزعل/ اه ممكن
(وقفلو مع بعض)
راحت هيا عند دعاء
هيا بصوت عالى/ بتعملى ايه
دعاء بخضه/ حرام عليكى اهدى شويه بتخضينى ليه
هيا/ هههه انتى اللى قلبك خفيف وانا مالى يابت انشفى شويه
دعاء/ طيب ايه رايك انتى تهمدى شويه
هيا/ انا اموت لو هديت اهون عليكى امووت وطلعت علبة الزينه فرقعتها فى وشها وجريت
دعاء/ عاااااااااااااا والله ما هسيبك
(فضلو يهزرو لحد ما نامو)
الصبح نزلو راحو الكليه وقابلو مصطفى واسر
اسر/ يا صباح اللى بتغنى
هيا/ صباح البنفسج تصدق رزالتك وحشانى بس قولى فين الدم والحركات
اسر/ دم ايه يا بت على الصبح
هيا/ مش بقيت دكتور جراح وبتقوم ب اي عمليه لوحدك خلاص فين الدم ها ها
اسر/ بس يا هيا على فكره انتى فصيله انا دكتور مش جزار . مش بتسألى يعنى يا واطيه امال لو مش واحشك كنتى عملتى ايه
هيا/ بقولك رزلتك يعنى اكيد كنت مرتاحه منك . نفسى اعرف انتو بتدخلو الكليه هنا ازاى
اسر/ عيب عليكى انا اسر ادخل اي مكان فى موزز
هيا/ ايه الصراحه دى
اسر/ لو سمحتى انا اعمل اي حاجه غلط الا الكدب 
هيا/ بس خلى بالك دى مش صراحه دى ولا بلاش
اسر/ امال ايه قولى
هيا بصوت واطى/ وقاحه
اسر/ وقاحه وقاحه قولى اللى عايزاه ولا يهزنى
مصطفى/ باااااس الناس تقول صباح الخير وانت بتقولو صباح المشاكل اهدو على بعض شويه
دعاء/ ازاى يهدو مايبقوش اسر وهيا
مصطفى/ عارف يا اسر شكل نهايتك على ايد هيا
هيا/ ليه حد قالك انى بقتل اليومين دول
مصطفى/ لا اقصد انه هيتجوزك
هيا/ حرام عليك ملقتش غير ده
اسر/ ومالو ده انتى تطولى اصلا
هيا/ اه اطول واطول اطول منك كمان ياللى بتمشى تحب على نفسك
اسر/ طيب بس يا ماما بس بس
هيا/ طيب ما تبس انت ومالكش دعوه بيه
دعاء/ يا جماعه صلو على النبى ما تجبلنا عربية مطافى تطفى الحريقه دى يا مصطفى
مصطفى/ سبيهم والله شكلهم حلو ومسلى
هيا/ بقى كده لا بقى احسنلى اروح على المحاضره وطلعت لسانها ل اسر
دعاء/ استنى يا مجنونه خدينى معاكى
هيا/ تعالى. خليكو لوحدكم احسن وطلعت لسانها
اسر ندا بصوت عالى/ هيا خلى بالك هتموتى مولعه
هيا بصت وراها/ وده من ايه
اسر/ من الحقد اللى جواكى منى صفى نفسك كده من نحيتى وبلاش حقد
هيا بغيظ/ ده انا طيب. خلى بالك هتموت دماغك منفجره
اسر/ اشمعنا
هيا/ من كتر ما بتفكر في البنات(وجريت)
حضرو المحاضره وفضلت هيا مستنيه فون من تامر وكل شويه تبص على الفون
دعاء/ فى ايه يا بنتى من ساعة ما خرجنا من المحاضره كل شويه تبصى على الفون
هيا/ المفروض ان تامر يتصل عشان اقابله ولحد دلوقتى متصلش
دعاء/ طيب تعالى ناكل عشان انا جعانه ( راحو مطعم جنب الكليه)
واتصلت هيا بتامر
هيا/ عامل ايه
تامر/ تعبان شويه . انتى عامله ايه
هيا/ الف سلامه عليك عندك ايه
تامر/ درجة الحراره عاليه وبرد جامد
هيا/ الف سلامه طيب فى حد معاك
تامر/ لوحدى وبحاول افوق نفسى
هيا/ طيب يا حبيبي اتصل بحد من اصحابك يقعد معاك عشان الحراره
تامر/اذا كان حبيبتى مهانش عليها تقول هاجى اطمن عليك صاحبى هيجى ويقعد معايا وهيعملى كمداات
هيا/ تامر افهمنى انا اتكلمت معاك قبل كده على موضوع الشقه
تامر بزعل/ وانا قولتلك براحتك ومتخنقنيش اكتر من كده ولو بتحبينى هتيجى باااى
(وقفل الفون)
ياترى هيا هتروح لتامر البيت؟
توقعاتكم الحلقه اللى جايه
ابتسام محمود الصيري
#بوسي