دعاء بعياط/ انتى بتقولى ايه وسعى اشوفه
اسر وقع ع الارض
الممرضه/ يا انسه ممنوع تدخلى هنا
دعاء بصويت/ سيبى ايدى عايزه اشوفه
هيا/ اهدى بالله عليكى دودو. (بتكلم الممرضه) انتى متاكده ان مصطفى الشاب اللى جه فى حادثه هو اللى مات
الممرضه/ لا اللى مات راجل كبير
دعاء/ انتى متخلفه بتقولى اى كلام وخلاص مش تتأكدى من اللى بتقوليه
اسر قام بسرعه / والله هحولك لتحقيق عشان تفكرى قبل ما تطلعى كلمه من بقك وكان هيضربها
هيا والبنات مسكو اسر
لولو / احمد ربنا واهدى. وانتى امشى من هنا
(طلع الدكتور اللى عمل العمله لمصطفى)
دعاء جريت عليه/ مصطفى عامل ايه
الدكتور/ هو كويس بس هيقعد في العنايه 12 ساعه وبعد كده وهيخرج اوضه عاديه
(اتصل اسر باهل مصطفى)
دعاء بتبص على مصطفى من الازاز
هيا/ يالا يا دودو عشان مش نتأخر على باباكى
دعاء/ طيب خلينا للصبح الليل دخل نمشى الصبح احسن ويكون مصطفى فاق اطمن عليه
هيا/ طيب اللى يريحك هكلم انكل عشان اطمنو علينا واشوفو وصل فين
دعاء/ اه صحيح نسيت اتصل بيهم
دعاء/ انا بتصل بس مقفول
دعاء/ هحاول من عندى حتى فون ماما مقفول
هيا/ يبقى اكيد فى مكان مفهوش شبكه
(وصلو اهل مصطفى على الفجر)
مامت مصطفى/ ابنى عامل ايه دلوقتى
اسر/ هو كويس بس لسه في البنج دلوقتى هندخله الصبح ان شاء الله
ابو مصطفى/ هو فين الباشا هاربيه لما اشوفه
اسر/ ليه بس يا حاج ده عامل حادثه
ابو مصطفى/ انت مين
اسر/ أنا اسر يا حاج. شكلك تعبان تعالى ريح شويه
ابو مصطفى/ فين الواد مصطفى عارف اني هنا و مايجيش يسلم عليا
اسر/ مصطفى في الانعاش
ابو مصطفى/ شهر العسل هو اتجوز من غير ما يقولي دا انا هاطلع عينه. هما مين البنات الحلوين دول؟
اسر/ دول دعاء و هيا اصحابنا
ابو مصطفى/ هو انت بتعمل ايه هنا؟
اسر / انا يا حاج
ابو مصطفى/ ايوه انت امال انا؟
اسر/ لا ابدا كنت معدي قلت اطلع اسلم عليك
ابو مصطفى/ يا ابن الكلب مفيش دم خالص يعني الساعه خمسه الفجر و تطلع عند الناس كده عادي؟
اسر/ لا و الله يعني عندك زاهيمر في كل حاجه الا الوقت جيت عند الساعة و ركزت فيها؟
ابو مصطفى / بتقول ايه يا واد؟
اسر/ لا ابدا مش بقول حاجه
ابو مصطفى/ هاتقول ولا اقوم امدك
اسر/ لو و النبي ما انت تاعب نفسك انا ماشي اهه
هيا و دعاء ابتسمو
ام مصطفى/ معلش يا بنات ما تخدوش عليه اصله بينسى شويه
هيا/ شويه بس
دعاء خبطت هيا / ربنا يقويه و يقويكي يا طنط
هيا/ و الله دمه زي العسل
دعاء بتحاول تتصل بأمها و باباها
هيا/ برضه مقفول؟
دعاء/ مش عارفه قلبي متوغوش حاسه فيه حاجه غلط
هيا/ يعني هايكون فيه ايه يعني هاتلاقيهم بيعملو يوم عسل من غيرك يا هبله
دعاء/ ربنا يستر
مصطفى فاق الصبح و دخلو يتطمنو عليه
ام مصطفى/ الف سلامه عليك يا حبيبي
مصطفى/ الله يسلمك يا ست الكل ربنا ما يحرمنا منك ابدا
دعاء/ حمدالله على سلامتك
مصطفى/ الله يسلمك
ابو مصطفى/ انت يا واد نايم عالسرير و مش هاين عليك تقف تسلم عليا؟
مصطفى/ ازاي يا حاج تعالى بس انت جنبي هنا
ابو مصطفى راح عند بمصطفى و ضربه بالقلم
مصطفى/ اااااه فيه ايه يا حاج
ابو مصطفى/ تتجوز من ورايا و مش هاين عليك تقوم من عالسرير تسلم عليا
مصطفى مسك ايد ابوه و باسها/ معلش يا حاج بس الجواز هادد حيلي مش قادر اقوم لدرجة انه عملي كسور في جسمي كله و مفيش فيا حته سليمه
دعاء/ احنا هانمشي بقى
مصطفى/ ماشي بس خلي بالك من نفسك
هيا بهزار/ الف مبروك يا درش نجيلك في السبوع مع اسر ان شاء الله هههه
ابو مصطفى/ تعالي يا بت هنا تجيله في السر ايه؟
مصطفى/ احسن عشان تبقي تتريقي عليا
هيا/ سر ايه يا اونكل بقول هاجيلك مع اسر
ابو مصطفى / و هاتجيبيله مخدرات
هيا/ يا لهوي مخدرات لا انا امشي قبل ما ابوك ما يسلمني تسليم اهالي
اسر بيضحك/ على فكره هيا هايبقى شكلك تحفه و انتي و الكلابشات في ايدك هاتبقى شبكه تحفه
هيا/ شكرا عالواجب خليهولك يالا يا دودو جومي بينا نمشي
مصطفى/ هيا هيا
هيا/ ايه عندكو تهمه و مش لاقيين حد يشيلها
مصطفى/ لا ابدا بس بحفظ الاسم عشان اما ازورك في السجن
هيا/ عاااااا يالا يا دودو
دعاء بتتصل على امها و ابوها و الفون مقفول/ هيا فون بابا و ماما لسه مقفول
هيا/ عادي دودو ممكن نسيو الشاحن
دعاء/ لا انا قلبي واجعني اوي. انت عارفه ماما كل ربع ساعه بتتصل عليا مش معقول كل الوقت ده ماتتصلش
هيا/ طب احنا قربنا للبيت اهه ناخد الشنط بتعاتك و ننزل نسافر على طول مع اني هاموت و انام
دعاء/ هيا احنا نسينا ناخد البطايق بتاعتنا من المستشفى
هيا / ااااه لا حول الا بالله هارجع تاني
دعاء/ ايوه ما ينفعش نسافر من غير البطايق يا عالم يحصل ايه في الطريق
وصلو المستشفى و دخلو للامن
دعاء/ لو سمحت عايز بطاقة باسم دعاء محمود احمد وهيا فاروق
الامن قاطعها/ ثوانى بس حضرتك هتاكد من حاجه وهرجعلك
هيا/ هو مالو ده
دعاء/ مش عارفه هو احنا بنسأله سؤال ولا بنقوله هات البطاقه
الامن / اسمك بالكامل دعاء مصطفى احمد الكنفاني
دعاء/ هو في حاجه حضرتك
هيا/ لو سمحت هات البطايق
الامن/ طيب لوسمحتو اطلعو للدكتور عصام وهو هيقول لحضراتكم على كل حاجه
دعاء/ لو سمحت انا مستعجله مصطفى جراله حاجه
الامن/ مصطفى مين على العموم اتفضلى فوق وهتفهمى كل حاجه
هيا/ يالا نطلع عشان الوقت
(طلعو عند الدكتور عصام)
دعاء/ السلام عليكم الدكتور عصام
الدكتور/ ايوه اتفضلى . حضرتك تعرفى صاحب البطاقه دى
هيا/ ايوا ده انكل مصطفى
دعاء/ انت جبت البطاقه دى من فين
الدكتور/ انا عايزك تمسكي اعصابك
هيا/ ممكن جم هنا يشوفونا ووقعت منه
دعاء/ لو سمحت فى ايه
الدكتور/ والدك و والدتك عملو حادثه امبارح
دعاء بخضه/ طيب هما عاملين ايه دلوقتى
الدكتور/ احنا حاولنا نتصل باي حد من اهلو بس للاسف التلفونات بتاعتهم اتكسرت
هيا/ في داهيه التلفونات هما عاملين ايه
الدكتور / البقاء لله
دعاء تنحت و وقعت اغمى عليها
هيا مسكت الدكتور من هدومه/ انت بتقول
ايه
دخلو الممرضين بعدو هيا عن الدكتور
الدكتور/ خدو الانسه دى و فوقوها وانتى يا انسه اهدى شويه عشان تتعرفى على الجثث
اسر كان معدى وشاف الممرضات شايلين دعاء
اسر/ لو سمحتى هي مالها دعاء
الممرضه/ اصل اهلها ماتو في حادثه
اسر/ يا حول الله . طيب صاحبتها اللى كانت معاها فين
الممرضه/ في اوضة دكتور عصام
جري اسر على اوضة دكتور عصام
و فتح الباب و دخل / خير يا دكتور فيه ايه هما مالهم
عصام/ حضرتك تقربلها
اسر/ لا بس هما زمايلي في الكليه فيه ايه
الدكتور/ اصل اهل الانسه عملو حادثه و انا دلوقتي عايز حد يتعرف عالجثث
اسر راح عند دعاء/ دعاء ردي عليا
الدكتور/ لو سمحتي يا انسه ممكن تساعدينا عشان اهلك نتأكد الاول و نكمل الاجراءات دول هنا من امبارح
دعاء/ ذكراياتها مع اهلها بتمر قدام عينها لحد ما فجأه فضلت تصوت
الدكتورادالها حقنه مهدئه
اسر راح غرفه مصطفى/ مصطفى اهل دعاء عملو حادثه و ماتو
مصطفى/ لا حول ولا قوة الا بالله طيب دعاء فين دلوقتي
اسر/ هي في الاوضه اللي جنبك اخدت حقنه مهدئه هي و هيا و نامو
مصطفى/ طيب انا لازم اكون جنبها
اسر/ ازاي و انت متكسر كده
مصطفى/ هاتلي كرسي متحرك مش هاينفع اسيبها لوحدها
اسر/ طيب ثواني هروح اسأل الدكتور ينفع ولا لا
مصطفى
/ راح قعد جنب دعاء لحد ما فاقت و اتعرفو على الجثث و دفنوهم
هيا/ متوا ليه انتو اللي كنتو بتدوني امل في الدنيا ديه. انكل سيبتني ليه كان نفسي اتكلم معاك و اقولك اللي جوايا انكل انا تعبانه اوي. ليه يا رب بتاخد الناس الكويسيين الحنينين عليا ليه
ياترى دعاء هتصرف ازاي بعد فراق اهلها؟
توقعتكم الحلقه الجايه
ابتسام محمود الصيري
#بوسي
أنت تقرأ
بنتين من الزمن ده مكتمل
Humorلا حد منا يشبه الثاني ف كل شخص له خصال وصفات تميزه عن غيره، ولا يحق لنا أن نعيب زمن بأكمله عندما نشاهد ظاهرة شاذه. هيا بنا لنتعرف على بنتين من الزمن ده.
