Short Stories

24

Sinubukan kong maghintay ng ilang minuto pa baka sakaling may lumapit na ibang tao sa counter, pero wala talaga. Naawa na ako sa babaeng tawag ng tawag sa number ko halos mapaos na siya kakahanap sa akin. Kaya wala akong choice kung hindi magtungo sa counter.

"Miss, sa akin po ang order na iyan," nahihiya kong sinabi.

Halos maglaho na ang itim sa kaniyang mga mata at tumirik ang mga ito sa sobrang pag-irap niya, dahil na rin sa inis niya sa akin. Hindi naman nakapagtataka, napakalapit lang kasi ng kinauupuan ko sa counter pero pinatagal ko pa ang pagsigaw at pagtawag niya sa number ko.

"Excuse me, pwede ba kita makausap?" nakangiting tanong ni Nick.

"Regarding what?" tugon ko sa kaniya.

Syempre kunwari ay wala pa akong alam sa sasabihin niya. Medyo nag-English na rin ako para intimidating ang dating, baka sakaling umatras siya kapag nag-English ako.

"May ipapakiusap lang sana ako sa iyo kung pwede lang sana?" mahinahon niyang tanong.

Ngayon ko lang siya napagmasdan ng maigi dahil malapit siya sa akin. Sa totoo lang, may itsura naman pala siya. Actually, she looks exactly like my ex-girlfriend. Should I be happy or sad? Matagal ko nang gustong mag-move on sa kaniya at kung kailan naman na ok na ako at unti-unti na nakaka-recover mula sa break up namin, saka ko naman makikilala ang babaeng ito. Tunay na mapaglaro ang tadhana.

"Sorry, but I'm not interested," mabilis kong tugon.

Paalis na sana ako ng bigla niyang hinawakan ang aking braso.

"Please, kailangan ko ang tulong mo. May pustahan kasi kami ng mga kaibigan ko at kung hindi ko magawa ang pinagagawa nila mapaparusahan ako," nangungusap ang kaniyang mga mata habang nagmamakaawa siya sa akin. Mababakas rin sa kaniyang mukha ang pag aalala.

I looked straight into her eyes and for some reason I felt something weird. Do I feel pity on her? I really can't tell, I just had the urge to help her.

"Ano ba kasi iyon?" tanong ko sa kaniya. Pero ang totoo ay alam ko na kung ano ang gusto niya ipagawa.

"Pwede ka bang magpanggap.... Pwede ka bang maging boyfriend ko sa loob ng 24 hours?" seryoso ang kaniyang mga mata na nakatingin sa akin habang nagtatanong.

"Are you fucking kidding me?" natatawang kong wika. "Do you want me to be your boyfriend, like a real boyfriend for 24 hours?" tanong ko sa kaniya.

"Ikaw tong nangloloko sa akin eh, ini- english mo lang naman iyong sinabi ko!" nakakunot ang noo niyang sagot. "Oo, kailangan mo maging totoong boyfriend ko sa loob ng 24 hours," paglilinaw niya.

"Let me get this straight, if I am going to be your boyfriend, what would be the scope of our relationship? Will that include dating, kissing, hugging or...." She interrupts me before I even finished my question.