بنتين من الزمن ده مكتمل

الحلقه الثانيه

(وفضل مصطفى على الحال ده تلت ايام كل يوم يروح المترو )
(في بيت دعاء)
دعاء/ يالا يا هيا عشان ننزل الكليه في محاضره مهمه انهارده
هيا/ طيب انا هصحى اهو
(دعاء دخلت غيرت هدومها)
هو انتي لسه نايمه قومي بقى هنتاخر يالا
مامت دعاء/ يالا يابنات الفطار جاهز
هيا قامت من علي السرير بسرعه)
هيا/ الفطار فين الله الله على الروايح
دعاء/ لا والله يعني صحيتى عشان الفطار
هيا/ هش هش عايزه اكل بطلي صداع
دعاء/ ما انا خلاص عرفت اجيبك ازاي افطري بسرعه عشان الحق اعزمك على سندوتشات كبده هو هو تحفه ههههههه
هيا/ يالا يا برده الله يقرفك بس لو بتاعت الحمار بتاع عم عبده اللي ميت تحت يا سلام هتبقى تحفه
مامت دعاء/ طيب يالا انتي وهيا من هنا مافيش اكل و اتفضلو انزلو من غير فطار كمان جاتكم الارف (وبتشيل الاكل)
هيا ودعاء ههههههه
هيا/ لا استني استني بتعملي ايه كان نفسي في الزتونه دي احرش بيها وربنا
مامت دعاء/ يالا يابت انتي وهي امشو من هنا . تبقى ترحو عند كبده هوهو شي ياحمار بتاعتكم
(دعاء وهيا ههه طيب احنا نازلين يا مامتي)
مصطفى عند المترو وملقاش دعاء/ شكلي كده يا كنت بحلم وانا صاحي يا اما وهم وخيال زي ما قال الواد اسر. طيب عيني بتحلم و وداني انا سمعتها وهى بتقول على الكليه . يعني لقتها هناك شكلي كان بيتهألي . يعني لما واحده تعجبني تكون وهم
(وكان زعلان و قعد و حط ايده على ر اسه)
(وصلت دعاء وهيا عند المترو)
هيا/ ايه ده اوعي كده بتزقني ليه
دعاء/ ههه مش نفسك تركبي المترو قابلي بقى. ومدي شويه
هيا/ امد ازاي يعنى انتى مش شايفه الناس بترجعني ورا ازاي
دعاء/ ده كده الدنيا فاضيه هو انتي لسه شوفتي حاجه امشي امشي
هيا بصوت عالي / لا بجد كده اوفر اووي ايه الروايح دي علي الصبح
دعاء/ والله لسه ماشفتيش حاجه مش عايزه تركبي المترو اهو المترو يا فقر. مالها عربيتك كان زماننا وصلنا بكرمتنا
مصطفى بص على الصوت / اهي لا ده وهم وفضل يدعك في عينه
هيا/ دودو الجو حر اووي هنا
دعاء عارفه عارفه
هيا/ دودو هي الناس دى مش بتستحمى قبل ما تنزل من بيتهم
دعاء / لا ازاي دول بيستحمو وكمان بيحطو فيبكس يا عباس هههه
(مصطفى اتاكد انها حقيقه مش وهم قام بسرعه وراح ليهم وماسك الفون بتاعه )
مصطفى/ اكتبي رقمك هنا بسرعه
دعاء/ نعم
مصطفى/ زي ما سمعتي
هيا/ دول طلعو مجانين كمان يا دودو يالهوووز
دعاء/ ايه اللي حضرتك بتقوله ده . لا طبعا
مصطفى/ علي فكره انا مش باخد رايك انا بقول اكتبي رقمك هنا
دعاء/ انت اكيد مجنون
مصطفى/ اه مجنون اني اقعد مستنيكي تلت ايام على المحطه وافضل ادور عليكي هنا وفي الكليه بتاعتك ابقى مجنون اخلصي واكتبي رقمك بسرعه من غير كلام كتير
(دعاء عجبها مصطفى وطريقته في الكلام وانه فضل مستنيها تلت ايام زي ما بيقول)
دعاء مسكت الفون وكتبت الرقم ومشيت بسرعه
دعاء/ هو ايه اللي عملته ده
هيا/ والله شكلك مجنونه انتي كمان
(ركبو المترو و وصلو الكليه)
دعاء / ايه رايك بقى في المترو
هيا/ تحفه بس بالله عليكي لو قولتلك تاني عايزه اجرب حاجه تبقى اديي بالجزمه . انا كان مالي ومال ام المترو ده
دعاء/ انا مش عارفه انا ليه فرحانه اووي كده
هيا/ وده من ايه ياترى من الزحمه ولا من الريحه الجنان
دعاء/ لا من الشاب اللي كلمني انهارده حاسه من ناحيته حاجه غريبه
هيا/ حبيبتي انتي لسه تعبانه
دعاء/ لا ليه
هيا/ عشان بتخرفي يا قلبي. يالا يا حبيبتي علي المحاضره
دعاء/ ده انا بردو اللي بخرف ماشي يا هيا وطلعو يجرو ورا بعض
وهما بيجرو خبطو في شاب
دعاء/ ااه مش تحاسب انت اعمي ولسه بتبص عليه
...../ سوري ايه ده انتي تاني
دعاء/ انت
اسر/ ايه ده انتم
هيا/ ايه ده انتم لا بجد كتير
(كلهم ضحكو)
هيا/ هو انتو هتفضلو متنحين لبعض كتير كده يالا عندنا محاضره
دعاء/......
هيا/ طيب نحضر المحاضره ونرجع تاني نتنح لبعض كلنا وشدت دعاء من ايدها ودخلو المحاضره
هيا/ ايه . الجميل مش مركز ليه هي السناره غمزت
دعاء/ تصدقي لما اشوفه معرفش بيحصلي ايه
هيا/ لا اجمدي كده احنا لسه في الاول . والله وشفتك بتحبي عقبالي يارب
دعاء/ طيب بطلي لك بقى احسن الدكتوره تطردنا بره
(خلصو المحاضره)
اسر/ اوعى تقول هي بنت من دول
مصطفى سرحان/ هي هي
اسر/ الاتنين صاروخ يالا
مصطفى ركز مع اسر/ ايه اللي بتقوله ده . لم نفسك
اسر/ طيب هي مين فيهم
مصطفى/ القمحاويه ام غمزات
اسر/ طيب مبروك عليك ومبروك عليه صاحبتها
مصطفى/ بقولك ايه متستهبلش هيبقى فيها النهايه ما بيني وبينك اوعي تضحك على صاحبتها هتبقى في وشي انا
اسر/ خلاص يا برنس وانا مش هخسرك عشان بنت . والبنات كتير اشكال والوان انت صاحب عمري عمري ما هخسرك عشان بنت
مصطفى/ هو ده العشم برضه
(فون مصطفى رن)
مصطفى/ الو يا امي عامله ايه
مامت مصطفى بتتكلم بسرعه/ انا الحمد الله بس الحق ابوك تعب وراح المستشفى الحقني بسرعه
مصطفى/ حاضر يا امي هجيلك مش هاتاخر عليكي
وقفل الفون)
اسر/ في ايه مصطفى
مصطفى/ ابويا تعبان وفي المستشفى
اسر/ انا جاي معاك
(راحو الموقف وركبو باص مصطفى مش من القاهره من اسكندريه )
في الكليه هيا/ بتبصي على ايه يا بنتي شكله مشي مش هنا
دعاء/ هو مين انتي بتتكلمي علي مين
هيا / على اللي بتدوري علي
دعاء/ بس بقى وعلى فكره مش بدور على حد
هيا/ اه ما انا عارفه. ايه ده مش هو ده
دعاء/ فين فين مش شايفه فين
هيا/ هههههه مش قولتلك عارفه ههههه
دعاء ضربتها بالشنطه
هيا/ موجعتنييييش ههههه
دعاء/ والله غلسه وهمشي واسيبك لوحدك
هيا/ لا يا مجنونه اوعي تمشي وتسبيني انا هاروح ازاي عربيتي عندكم
دعاء/ لا همشي وطلعت (لسانها وجريت)
هيا/ لا هاتفرم لوحدي يرضيكي اتفرم
(وفضلت تجري وراها)
روحو بيت دعاء وهيا اخدت العربيه بتاعتها وروحت بيتها
(وصل مصطفى واسرالمستشفي)
اسر / اهدى يا مصطفى ماينفعش امك تشوفك كده
طلعو الاوضه اللي بابا فيها ودخل ومسك ايده
مصطفى/ الف سلامه عليك ينفع تخضنا عليك
ابو مصطفى/ بس يا واد انا مش تعبان انا زي الحصان امك هي اللى بتتعبني علي طول حتي تحب اقوم ارقصلك شبه الحصان
مصطفى/ لا ريح نفسك انا عارف انك زي الحصان
اسر/ طيب اقسم بالله انت عندك صحه عني هههه
ابو مصطفى/ قولها ونبي الا كل ما اكح تجبني المستشفى
مامت مصطفى/ هو انا اكره انك تكون كويس. يارب دايما
مصطفى/ طيب هستأذن انا دقايق
(طلع قابل الدكتور )
مصطفى/ السلام عليكم ممكن اعرف والدى عامل ايه دلوقتي وموضوع الزاهيمر عامل معا ايه شويه يكون فاكر كل حاجه وشويه ينسي كل حاجه
الدكتور / هو كويس الزاهيمر عشان السن مش هنقدر نعمل في الموضوع ده حاجه بس لازم يفضل معانا شويه لحد ما نظبط الضغط والسكر
ولازم يغسل الكلية في مواعيدها اضغطو عليه شويه الغسيل ما فهوش هزار
مصطفى/ متشكر يا دكتور لحضرتك بعد اذنك
(وصلت هيا البيت اول ما دخلت حست بخنقه جواها وهي طالعه علي اوضتها لقيت مامتها نازله)
هيا/ مساء الخير مامي
مامت هيا/ مساء الخير . وبتتكلم في الفون ايوه بس لازم الحفله تكون جاهزه على مستوى.....
هيا/ بصت على مامتها وطلعت الاوضه بتاعتها وفضلت تعيط
هيا/ يالله . يارب ليه مخلتنيش فقيره بس اهلي كويسين معايا دى حتي مش هاين تبص عليه وانا بكلمها يعني اللي ع التليفون معاها اهم مني
دى حتي مالحظتش اني بت بره البيت . يا بختك يا دودو عندك اللي احلي من الفلوس كفايه ان بيتكم مليان دفا وحنان مش بحس بيه غير عندك ربنا يديم عليكم فرحتكم
(عند بيت دعاء)
دعاء كل دقيقه تبص على الفون بتاعها حتي وهي بتاكل
مامت دعاء/ في ايه يا دودو مش قولتلك ميت مره طول ما انتي بتاكلي مش تلعبي علي الفون
دعاء/ اه سوري يا ماما معلش كنت بشوف حاجه
ابو دعاء/ حبيبة بابا سرحانه ليه انهارده من ساعة ما جت من الكليه
(عدى يومين مصطفى متصلش بدعاء )
ودعاء طول اليومين دول بتدور علي مصطفى فى المترو والكليه وبتبص على الفون دايما
لحد ما فون دعاء رن
دعاء/ السلام عليكم
...../ وعليكم السلام .
دعاء/ الو مين معايا
مصطفى/ تصدقى الو بتاعتك تهبل
دعاء حست انه هو الولد بتاع المترو بس محبتش تتسرع/ مينن معايا
مصطفى/ هو انتى متعوده شباب يتصلو عليكي
دعاء/ لا طبعا . عشان كده مستغربه
مصطفى/ يعنى هيبقى مين بقى اخد رقمك غيري
دعاء/ انت انت
مصطفى/ مصطفى
دعاء/ اسمك مصطفى
مصطفى/ اه . ولو مش عاجبك اغيره حالا
دعاء/ لا حلو. هو انت كنت فين كل ده
مصطفى/ معلش والله والدي كان تعبان ولسه خارج من المستشفى. ممكن اشوفك بكره
دعاء/ بس انا مش بقابل شباب
مصطفى/ ولا انا على فكره انتي اول واحده اطلب منها كده وعشان الامانه كنت بحب واحده قبل كده
دعاء / بس انت فعلا اول ولد اكلمه والله
مصطفى/ طيب هقابلك بكره اووك
دعاء/ ايمممم
مصطفى/ من غير ايم ولا تفكري هستناكي في جاردن الكليه بتاعتك
(وقفلو التليفون)
اتصلت دعاء ب هيا
دعاء/ الو يا هيا انا فرحانه فرحانه
هيا/ يارب ديما بس ايه اللي مفرحك اووي كده فرحيني معاكي
دعاء/ انتي مال صوتك هو انتي بتعيطي
هيا بتمسح دموعها/ لا بس كنت هنام
دعاء/ هيا في ايه صوتك معيط في حاجه عندك
ياترى دعاء هتروح تقابل مصطفى ولا لأ؟
ياترى هيا هتقول ل دعاء بتعيط ليه ؟
وياترى اهل هيا هيستمرو يعملوها كده؟
#بوسي