Gorgeous

Challenge # 06

At tumigil ang mundo

Cindy's

"Nagpasa ka na ba noong quiz kay Mr. Morales?"

Jazel and I were inside the campus that afternoon. Katatapos lang ng klase namin at inaya ko siya magpunta sa cafeteria kasi nagugutom na talaga ako. Nag-text ako kay Eli para ibili ako ng pagkain pero nasa doctor daw siya para sa check – up ni Alonso, si Kuya Red naman nasa CLPH kaya mamaya, si Daddy ang susundo sa akin. Naisip kong ayain si Dadd na magpunta sa mall para makapaglaro ako sa timezone. Matagal – tagal na kasi iyong huli naming bonding.

Napansin kong medyo galit pa rin siya sa akin at kahit anong gawin kong pag-iiba ng topic o paglalambing sa kanya, hindi niya pa rin nakakalimutan na nagdala ako ng lalaki sa bahay niya. Hindi ko naman sinasadya iyon. Hindi ko naman siya pwedeng dalhin sa ospital kasi malalaman ng mga humahabol sa kanya kung nasaan siya, kaya sa bahay ko na lang siya dinala. Galit rin si Daddy kasi nag-drive ako tapos wala akong license. Hindi naman niya kasi ako sinamahan sa LTO para kumuha, matagal na niyang inuutos sa akin iyon pero ayokong magpunta ng walang kasi kasama.

"Oo. Kagabi bago ako natulog, nag-email na ako kay Sir. Ikaw ba?"

"Kaninang umaga lang. Medyo hindi kasi ako sure sa naging sagot ko sa problem number two. Anyway, nakita mo ba? Bago na ang jowa ni Rochelle."

Nanlaki ang mga mata ko. "True?"

"Oo. Hindi na si Bruno ang jowa niya, Bessy! Narinig kong pinag-uusapan kanina nila Anne Apelyido, si Jenkins Roteno na ang jowa niya. Nakita nga daw sila sa Sogo."

Napakunot ang noo ko. Kung si Ate Anne ang source, true iyon! Magkasama kaya sila ni Rochelle sa swimming team.

"Oh, bakit nakangiti ka riyan?"

"Wala lang..." I didn't even realize that I'm smiling.

"Oh, saan ka pupunta?" Tanong sa akin ni Jazel. Umiba kasi ako ng direksyon. "Akala ko ba kakain tayo."

"Ha? Hindi, busog ako! Una na ako ha! Bye!"

Tumakbo ako papunta sa campus pool. Alam ko may practice ngayon sina Ate Anne. Mabilis ko siyang hinanap pagdating ko roon. Nakita ko siyang nakaupo sa mahabang bench habang minamasahe ng kapwa niya swimmers na babae. Patakbo akong nagpunta sa kanya.

"Hi, Ate!" Bati ko sa kanya. Tinapik niya ang kamay noong freshman na nagmamasahe sa kanya.

"Oh, anong atin? May nam-bully ba sa'yo, Cinds?"

"Wala. Magtatanong ako, Ate." Sabi ko pa. Hinawakan ko siya sa braso. "Sabi mo raw iba na raw ang jowa ni Rochelle?"

"Ah! Oo. Nakita namin siya noong mga tropa ko sa Sogo. Bakit mo natanong?"

"Sure ka? Hindi na iyong tanders?" Hindi ko talaga alam kung bakit ako aligaga at kung bakit ba gustong – gusto ko itong itanong sa kanya.

"Iyong kasama niya sa frosh day noon? Parang hindi naman na kasi si Roteno na ang jowa niya. Bakit mo natanong? Type mo si Roteno? Gusto mo ba takutin ko si Rochelle para layuan niya si Roteno?" Matiim ang paraan ng pagtingin sa akin ni Ate Anne. I shook my head. Wala naman akong pakialam kay Roteno, jusko, ayoko sa sungki!

"Ni-ask ko lang naman, Ate. Thank you!"

"Speaking of. Gusto mo bang sumama sa Saturday? May field trip kami kasama sina Dondon."

"Saan?"

"Sa Bulacan. Diba nga nanunog si Aelise? Bale, ire-repair daw iyon, ang punong abala iyong mga lalaki. Sama ka? May horses doon."