الحلقه التالته
#السجينه رقم ١٤
لو في تفاعل هنزل واحده بالليل
المتصل : هقتلك
وقفت مي مذهوله من الكلمه وقبل ان ترد سحبت يد شخص ما الهاتف لتلتفت للخلف لتجد مازن
مازن بحده : دا تليفوني انا
مي انا لقيته وكنت هسأل عليه بس٠٠
يقاطع مازن كلامها
مازن : علي العموم حصل خير
لينصرف ليترك مي تفكر في ذاك المغرور وتتذكر المتصل لتلحق بي مازن وتجده يدخل الي الكليه
وفي طريقها تصتدم بصديقتها سهير
سهير: حسبي علي مهلك كنتي هتقعي
مي بعدم انتباه لكلام سهير لكي لا تفقد اثر مازن
مي بتسرع : سلام دلوقتي يا سهير
لتجد مازن يدخل الي شوؤن الطلبه
مي: دا جي يقدم هنا؟
وفي النيابه
يتم استدعاء جاسمين مرة اخري لتحقيق
جاسر بحده : ها هتتكلمي ولا ذي المرة الي فاتت
جاسمين بتوتر: انا الي عندي قولته
كور يده بغيظ ونظر اليها بعينه الحاده كالصقر
جاسر بغضب: اسمعي يا بت انتي انا مش عايز اوريكي الوش التاني وفي طرق كتير تخليكي تعترفي غصب عنك ها هتختاري انهي طريقه
كان جسدها يرتعش من الخوف ولاحظ هو هذا
جاسر بخبث: تحبي تنطقي ولا تتكهربي الاول او تاخدي علقه وبعدين تجيبي الي عندك
بلعت ريقها من كلامه فملامحه لما تكن تدل علي انه يمزح لكنها ظلت صامته
جاسر بحده وعصبيه: بكلم نفسي ما تنطقي يا نيله
ليدخل لؤي
لؤي: جبت التسجيلات
جاسر: شغاله
وبعد دقائق
جاسر: يعني التسجيلات كلها والناس الي عند العماره قالوا انهم مشفكيش هناك مفيش غير تسجيل يوم الجريمه الي كنتي هناك بس بعد ام اكرم دخل العماره بنص ساعه
جاسمين: ايوه انا مرحتش غير يوم ما قتلت اكرم وقولت السبب
لؤي: كل الادله كده بدينك اقولي مين وراكي والحكم هيتخفف
جاسمين بصلابه : انا الي قتلته ومفيش حد ورايه يعني مش مجنونه انا عشان البس قضيه اعدام عشان استر حد
جاسر: لا ومش مجنونه عشان تعترفي علي نفسك وتقتلي من غير سبب مقنع
ليدخل الي المكتب فجأه وزير الداخليه
لينهض جاسر ولؤي من مكانهم
جاسر: حضرتك هنا
الوزير: ايوه جيت اتابع بنفسي التحقيق وصل لفين
جاسر في خاطره : غريب الوزير بنفسه
يطلع الوزير علي الاوراق
الوزير: الادله كلها والمجرمه اعترفت اظن معتش فيه لازمه لتحقيق وكل حاجه واضحه
جاسر: بس مفيش سبب مقنع وفي٠٠
الوزير: المجرمه معترفه يعني ما فيش لازمه تضيع وقتك
لؤي: يعني حضرتك عايز الورق يتحول للمحكمه
الوزير: ايوة والمحكمه هي الي هتحكم
وفي القصر
كان الجميع مجتمع
سميه والده مروان : عملت ايه في الصفقه الجديده
مروان : خلصته والعقد اتكتب
سميه : كويس المهم في حاجه عايزك فيها
مروان : ايه هي
سميه : ايه رأيك في نسمه بنت خالتك
مروان باستغراب:نسمه انسانه كويسه بس ليه
سميه : ايه رأيك تتجوزها
كانت اسماء تسمع كلامها وهي تكاد ترقص من الفرح لكن
مروان : انتي عارفه اني مبفكرش في الجواز دلوقتي وكمان لما اجي اتجوز انا هختار لنفسي
اسماء بخبث: كده تكسر كلمه امك يا ميرو
مروان : خليكي في حالك يا سوسه
ليرن هاتف اسماء فجأه وتتجاهل الاتصال
مروان بشك: مين الي بيرن
اسماء: وانته مالك
مروان بحده : قولتلك مين الي بيرن
اسماء: ملكش دعوه
ليخطف الهاتف من يدها
اسماء بغضب: انته اتجننت
لينظر الي الهاتف ويصفعها فجأه لتقع علي الارض
وعند مي كانت تفكر بما ستفعل وكيف ستحذر مازن
لتجد مازن واقف امامها مباشره
مازن:؟؟
يتبع
YOU ARE READING
السجينه رقم 14
Actionقصه جديده للمبدعه ايمان وائل . . . . باذن الله هتنزل آخر شهر واحد
