محمد شال رنين وطلع من القصر .. كان يعرف الطريق ووليد لحقه .. ويحاول يعلمه وش صاير لكن ماعطاه فرصه
وليد : محمد وقف .. بفهمك السالفة والله انك فاهم غلط وقف
محمد يطنش وليد وركب تكسي ووليد يركض وراه .. لكن مالحق عليهم ..
وليد حط يده على راسه : قسم بالله مافي نيتي شيء عليها .. والله كنت بساعدها بس ..
وليد مشى على رجله لما وصل الشارع العامّ .. واخذله تكسي وراح لجناحه ..
فصخ جكيته وغير ملابسه وانسدح على سريره يرتاح من التعب ..
كان يتذكر الموقف لما كانت رنين تطلب مساعدته .. تذكر كيف ساعدها .. تذكر كيف قلبه كان ينبض بأسمها
بأسم رنين وبس .. حبه الأول والأخير في حياته .. مستحيل يحب احد زيها .. كيف راح يوصلها .. اكيد محمد ماراح يخليه .
،
،
،
،
،
،
،
،
في السعودية .. يحققون في قضية ديم .. وسالفة هواش الشباب وعلى إيش ..
*اعذروني ترا ماعرف وش يسوون في الشرطة وكيف يحققون فيمكن تلقون اغلاط ثقافية .. ههه*
ديم تصيح وتكلم رنيم : عايلتنا مشهورة ومعروفة في العالم كله .. لو درى محمد فيني راح يذبحني .. ولاحد راح يتزوجني لو عرف احد بالسالفة .. قسم بالله غلطتي غلطتي .. ياليتني ماكلمت راكان .. حسبي الله ونعم الوكيل
رنيم تهديها : ديم حبيبتي اهم شيء عرفتي غلطك .. قبل لاتخافين على عايلتك خافي من ربك ثم على مستقبلك .. الي سويتيه غلط كبير .. خصوصاً ان هالزمن مافيه ناس تحب بصدق .. الا ماندر .. ولاحد يحب من علاقات تلفون .. حتى لو تزوجتو ماراح يثق فيك .. راح يقول مثل ماكلمتني بتكلم غيري .. اعرفي هذا الشيء حبيبتي .. اما عن عايلتك لاتخافين .. ماراح تنفضحين .. انا راح اتولى الموضوع .
ديم بإستغراب : كيف بتدبرين الموضوع ؟
رنيم : ماعليك حبيبتي .. اول ماشفتك حسيت اني اعرفك من زمان .. بس انتي الله يهديك لما شفتيني مع محمد فهمتي غلط .. والله مااقربله .. ولا اعرفه
ديم : اجل كيف دخلتي بيتنا وعرفتيه ..
رنيم : اسفه ماقدر اقولك .. مثل ماانتي ماتقدرين تقولين لي ليش اخوك سافر .. وبعدين لو انا احب محمد واكلمه تلفون ماكنت قلتلك الكلام الي تو ..
ديم رجعت تصيح : اهئ اهئ .. انتي متأكدة ماراح انفضح اهئ والله بتكون نهايتي على يد محمد لو درى بالسالفة
رنيم تأثرت : خلاص حبيبتي قلتلك بدبر الموضوع .. لاتخافين ..
طلع الشرطي من غرفة الضابط ونادى على رنيم والشباب .. عشان يحققون معهم .
تركي منقهر على رنيم ..
ورنيم خايفة من تركي .. ونظرته لها ..
دخلو الشباب كلهم مع رنيم وديم .. ماكان في إناث غير رنيم وديم .. وكلهم ذكُور .. كانت تردد في نفسها يارب إسترني .. يارب إسترني .. كانت مرتعبه من الموضوع .. كيف راح تضحي بنفسها على شان ديم .. راح تقُولهم ان عايلة ديم هي عايلة رنيم ... يعني اختها ... وماراح يقولون اسم عايلة ديم الحقيقية .. عشان سمعة العايلة ... اما سمعة عايلة رنيم راح تخترب .. والكل راح يتكلم عن هالموضوع .. رنيم راح تضحي علشان ديم .. قلبها كبير !
حققو الشرطة مع المجموعة الي كانو شايلين ديم ورنيم .. وحكمو عليهم السجن 17 سنه ..
الضابط : انتي وش اسمك
ديم : انا ديم الـ....
رنيم قاطعتها : اسمها ديم الـ**** [ قالت له عايلة رنيم مو ديم ]
ديم مستغربة : ايش
رنيم همست لها بمعنى اسكتي ..
رنيم دموعها على خدها ... محد راح يتزوجها .. وكل هذا عشان خوفها على ديم ..
رنيم كبرت بعين ديم أكثر .. ديم حبت رنيم .. عشقت هالأنسانة .. ديم دمعت عيونها شكر لله ثم لرنيم .. ماتدري كيف ترد الجميل لها .. رنيم انسانة مضحية وقلبها كبير .. تضحي بنفسها عشان غيرها .. الله كريم ..
