قصص

قصة مرايا

الملذات الطاغيه ! ملذات ! وطاغيه ! وش ممكن يكون التفسير لكل شخص منا اذا فقدنا روحنا مع شخص راح ومستحيل يرجع ! وقت ماندرك ان حبينا ! بس بوقت متأخر ! وقت الرحيل ! او بمعنى اخر وقت الموت !

ليه قلبي حس فيها بعد ماتركت هذي الحياه ؟

ليه افتقدها ؟ ليه احس فيها ؟ ليه للحين اشوفها ؟ ليه اشوفها بالمرايا بس !

اسرار كثيره كنت حاب افسرها او اعرف نهايتها !

مقدمه جيده لقاتل صح ؟

قتلت روحها قبل اي شي ! مافي اي شي يثبت اني قاتل وسجلي نظيف ! لكن ضميري لا ! جالس يعذبني ويعذبني جالس اختنق ! مستحيل اتعايش مع نفسي انا قاتل انا يتجسدني وحش بشع واناني

اسمي عمر ، عمري ٢٩ سنه كانت وظيفتي دكتور مختص بجراحة الاطفال ! بس تركت وظيفتي من بعد تعب زوجتي

زوجتي اسمها ريم عمرها ١٩ سنه وراح تكمل ٢٠ بعد شهرين بقبرها ! ايه توفت الله يرحمها من زمان

بيتنا ظل مثل ماهو ماغيرت او شلت شي من الاثاث حاب يكون كل شي مثل ماكانت تحب !

اوقات احس اني مجنون ! اجلس عند مرايتها الكبيره والي عليها زخارف عتيقه وقديمه .. كانت تحبها بشكل كبير وكنت وللحين اشوفها فيها تبكي وتقول ليه ؟ 
بيوم ممطر وكئيب و الرياح كانت قويه تضرب بأجرام السحاب منتجه صوت الرعد المزعج ويزيد حده من اسمعه

بريق ولمعان البرق في السماء يزيد حدة وكائبة الليل

مشيت بخطوات متقاربه وانا اتلفت ! وبصري من زاويه لزاويه ينتقل .. فتحت باب غرفة ريم وصوت صرير الباب انتشر بأرجاء البيت من هدوئه .. رميت نفسي على سريرها وبديت اضم رجولي لصدري وظليت اتنفس واتنفس لين عيني رمشت وقررت تنام

ضرب صوت الرعد بالسماء ! انتفضت من حدة صوته ولمع البرق من جديد ونوره انتشر بالغرفه الي انا فيها ورجع مره ثانيه البرق ينور الغرفه ! لمحت وقتها في المرايا شي لمع مع نور البرق تحت السرير

تجاهلته لكن رجع البرق ورجعت لمحت لمعت شي تحت السرير .. فتحت النور ونزلت تحت السرير وسحبت صندوق اسود كبير بس استغربت ليه لمع وقت نور البرق ماهتميت وحاولت افتح الصندوق .. فتحته وتضاربت افكاري من ريحت عطرها الي انتشر بسرعه كبيره .. حسيت جسمي تنفس ريحتها حسيت اني ضميتها حسيت فيها .. ريحت عطرها رجعت ذكرياتي معاها كلها

بديت انبش في الصندوق .. لقيت ورود ولقيت رسايل ودبلتها لقيت حاجات كثيره بس الي جذبني ؟ كتاب اسود كبير !