(( الشـــيــخـه ))
البــــ( 19 )ــــــارت👑
اسعد الاوقات لأجمـل متابعين وقراء ممتعه💕
ابتهال ...عاينت عليها شيخ ماسلم عليها وصارلهم فتره ع هالوضع صحت عليها ........جواهر صارله فتره الشيخ وضعه مو تمام وياج شصاير!احجيلي
جواهر ...ماصاير شي عمتي هو معصب دومه مني ومثل ماتشوفين حالي من حالجن بس اناا يكره يعاين بوجهي مادري ليش!
ابتهال ...شوفي جواهر. ذياب يحب الاهتمام ويحب المره طيعه وتكون سند اله ماايحب المره للسان وتترادده شوفي هدية شابعه طك منه من عبن السانها متبري منها وهو من دوس بطنه يزهك ويكوملها
وانتي دومج تبجين ودمنجه راسج جدامه
ماجنه زوجج وابو بيتج جنج خدامه هنااا
حتئ هديه احسن منج! بس
انتي بالاخص ولج حارب دنيا حرب ولج يكعد مايعاين بالوجوه يبقئ باله مشغول بيج شتردين بعد !! عشكج واخذج وطيز العالم كلها ماهتم الحجيهم! وانتي ابقي تبكبي !!
جواهر ...عمتي والله مو بيدي اناا
ابتهال ...كافي بعد ماريد اعذار منج حتئ الشيخه انتبهت عليج بارده وفاهيه وماعندج عرفه! من اليوم تغيرين هذا حالج وتبطلين هالمستحه البيج 5
جواهر ...اناا
ابتهال ..اششش ولا جلمة تعبت منج ماانكر جنت اغار منج لان ماخذه كل عكله وشاغلة باله بس هسه عرفت انتي شكد غبيه وماعندج عكل ومعذبه زلمه وهو يحبج ..تالي تبقين مثل غراب البين تنغيكن ومحد بحالج!
جواهر ...اول مره اشوفها هيج تعصب علي بالارغم هيه هادئه حيل ..كمت افكر بكلامها وعاين ع حالي مضيعه اول وتالي لاناا سلطان ومرتاح كلبي ولا اانااا قابله ذياب . وباديه حياتي جندوب ابقئ هيج اوف ياربي اذا هو سلوبه يخزي وياي شسوي انا!
ذياب ...وصلنه ع كربلاء وخلص مؤتمر الرؤساء العشاير ورحت زرت الامام الحسين ع واخيه اباالفضل ..ع وصليت بالحضره ودعيت تحت قبة ابي الاحرار ويكولون دعاء تحت قبته مستجاب ردت اعرف علتي شني تعبت احبها واريدها واتمنئ تصيرلي جهال منها احبها بكل جوارحي والاسوي بيها يوجع كلبي قبل مايوجع كلبها بس موبيدي احس شي اقوه مني رابطني منها! ! دعيت لحد ماا شفت نفسي رتاحيت
شويه وخف الم راسي لجان ذابحني من شهر مااعرفت علته شني
طلعت من الحضره وتجهت ع سيارتي خليت ايدي بجيبي اطلع السويج وصار الحرز بيدي! ! اممم هذا شجابه بغرفة جواهر ..طلعت تلفوني وخابرت ع ولد صديق الي يعرف بهالسوالف ردت اعرف شني هذا وشجابه عدها!
ابو مؤمل ...مسافة الطريق وجايك عندي شغيله وياك! !
- هله بيك شيخنه
ذياب ...اخذت الطريق ودايخ منو اله ايد ومعقوله يطلع هذا سحر والعياذ بالله
صار طريقي شطوله ..وصلت المغرب ورحت ع ابو مؤمل الروحاني بس شافني جفل!
- يااشيخ ..شايل بجيبك شي يضرك وتئثيره ع حياتك ...زين وكملت طريقك لهناا! !
ذياب ..مديت ايدي وطلعت الحرز من جيبي وخليته كدامه صار يقره عليه ايات قرآنيــة وطلاسم مافتهمت منه شي انا
- انتبه ع من حولك حياتك بخطر اقرب شخص الك يخطط يوكعك....خليك ياشيخ حذر متزوج مره جديدة!
ذياب ....ي! !
