(( الشـــيــخـه ))
البــــ( 18 )ــــــارت👑
ردت افوت ع غرفتها بس شي ومنعني منها وحس مالي خلك .. فتت ع غرفه ابتهال
ابتهاال ...نامن البنات وانا بقيت ارتب بالغرفه كملتها و غيرت هدومي وتمدد شوي ونفتحت الباب فات ذياب من شفته تعجبت شجابه!
كمتله هلا بيك يبعد روحي
ذياب ...ابتهال راسي ذابحني وحيل تعبان جهزيلي الحمام اريد اسبح وانام
ابتهال ...تأمر يبعد روحي ثوانـ¹ـ²ـ³ـي وتلكي كلشي جاهز
كمت شعلت الضوه وهو كعد ع جربايه حلل هدومه وجنه مو ع حاله فتحت الباب وصارت بوجهي جواهر تمشي بالممر وتمسح بدموعها عاينت ع ذياب وعاينت عليها ...جنهم متعاركين هو وجه مايكصه السيف وهيه تبجي هالجدامي ..سديت الباب بهدوا وكفت جدامها شبيج جواهر وهاي ايدج شبيها !
جواهر ...نكسرت الصلاحيه ولميت الكزاز بيدي وتعورت
ابتهال ...يااا عزه وين بالج شو بله اشوف خو ماا متئذايه
جواهر ...لا جرح بسيط
ابتهال ...روحي شدي ايدج ونامي اليوم تعبتي حيل حتئ وجهج مصفر
جواهر ...أيٌ هزيت راسي وفتت ع غرفتي واناا حيل مخنوكه ومهضومة اتذكر من زمخ علي واتذكر قربه ...وانرعب اٍُّْاٌٍُّْٰوٍٍٍّْوٍٍٍٍْوٍَْوٌٍِّْوٍٍّْوِّٰفٌٍِ شلون بيه ياربي انته العالم بحالي ساعدني لو انسا وتقبل ذياب ..لو تاخذ عمري واخلص من هالحياة
ذياب ...مر يومين واليوم المفروض الها .. احس صابر كوه ع نفسي شكد ماقريبه علي لاكن احسها بعيده حيل ومثل المربوط منها
جنت طالع بفصل ع عمامي فضيت السالفة ورجعت انا وباسم ع البيت طبكت السيارة نزل باسم وبقيت كاعد ومشغول بالي
باسم ...يله ياخوي انزل شني ناوي تبقئ بالسيارة "
ذياب ..فوت ع بيت انا رايح وشوي وراجع!
باسم ...اجي وياك
ذياب .. لا ميتحاج اخذ راحتك
شغلت السيارة وطلعت رحت ع صديق الي معرفتي بي قديمه .كعدت تعللت يمه وبالي سارح بخيلها من اطلع اشتاكلها من ارجع روحي تنقبض منها وماطيق اشوفها جدامي
- خيرك ياابو اسد جنك مو ع بعضك ياخوي !صارلك ساعه بس دخن وصافن
- يااخوي سالفه مدوهنه بالي ومالاكيلها حل!
- كول بلجن اساعدك
-تنهدت ياريت لو اعرف انا شجرالي حبيتها وعاندت الكل عليها ورغم هيه فقيره وفلاحه وانا شيخ والي سمعتي وهيبتي بس ماوكفت كل هذني جدامي ورحت بيوم عرسي وخطبتها من ابوها. وجنت احسب ساعه ساعه ع جيتها البيتي! هسه هيه بيتي وانا شارد من البيت اوصل لحد غرفتها واختنك احس شي لازمني من زردومي منها !! تعبت صارلي جم يوم ع هالحاله ! لااعرف راسي من رجليه !
- كصدك ع مرتك الجديدة!
-ي
- لااااا هاي رهبة الحب تخليك هيج توهوس
