(( الشـــيــخـه ))
البــــ( 11 )ــــــارت👑
فاتت الشيخه ع هدية شوفها وهديه ماقصرت سوت روحها كلش ميته اله شويه
وشيخه تخبلت
ولك هيج سوي بالحرمه اخ ياوجعه ابوي الوكعت بكلبي
حجي ولج شني اليوجعج!
هدية ...مادري مادري
الشيخه ...شني ماتدري جاياهو اليدري ابوي
وليش طكج سويتيله
هدية ...وروح ابوج ماسويت شي بس صرت جدامه وهو وهك بيه طكات
ابتهال ...بقيت مصدومه ع جذبها خزرتها وسكتت
الشيخه ....لا تعلميني بيج حسج عالي بوجه وماتحترمين هلطكج!
ابتهال ....يي هو هذا صار واكلت كتله معدله من ذياب
الشيخه ..هاي سوالفها ماجوز عبالها زينيه الها
....ابتهال ابقي يمها بين مايطر الفجر واشوف حازم ويسر ياخذونها يشوفون علتها
ابتهال ....مثل ماتردي طلعت الشيخه وبقيت بس انيي وياها بالغرفه وصيت سميه سوتلها عصير برتقال
وجابته الها شربتها وهيه بوجهي ماتعاين
هسه شلون صرتي!
هدية ...بلا زحمه عليج اتركيني وحدي صرت احسن!
ابتهال...يله رايحه انا .. نامي وهسه ترتاحين
هدية ..كلعه ..كلت بكلبي
جواهر ....اخذت جنطة هدومي ...وطلعت بدون مايحس عليه احد
وكفت قريبه ع الباب الحوش ماكدرت افتحه اديه نشلت بقت. واكفه والف حسبة بالي شلون اترك اهلي وبشردتي انزل روسهم وجيبلهم العار
ياما ربوني وتعبو علي تالي اجازيهم بالعار
ماكدرت شكد حاولت اضغط ع روحي وافتح الباب واطلع ماكدرت بقيت. محتارة بين گـِلُـُـ❤ـبُُّـِـيَِِّ وبين عقلي. رفعت راسي السمه اللهي بس انت الاعلم بحالي
لا تحير عبدك ياربي عيني ع مصيبتي ذوله اهلي. وهو حبيبي. واذا رحت امي تموت مااتتحمل الصدمة
واذا بقيت انا الاموت شنهي
حياتــي بلايه سلطان
سلطان ...رفعت راسي من ع سياج شفتها واكفه وتمسح دموعها بطرف ثوبها
همست الها
يله جوهرة راح نتأخر!
جواهر ...حبست دمعتي ولتفت عليه روح ظاهرت بالقوة ...وبداخلي اخفي. حزن وقهر يهدم الجبهال سلطان مااني رايحه!
سلطان ...شني!
جواهر...ماكدر اعوف اهلي ونهزم ووكع رؤسهم بين الناس مايهون عليه اشوفهم. منكسرين بسببي
سلطان ...نشلع كلبي من مكانه. من سمعت جلماتها نزلت مثل الصاعقه عليه ..اول احس نفسي ضايع وكفت مثل المهزوم بحرب .. عاينت عليها تحجي وتشهك بالبجي واعرف رادت تصير قويه وتحجي بس فشلت ودليل نكسارها وضعفها
جواهر ...بقئ واكف ومصدوم مااتحملت اشوفه رجعت الغرفه اركض وابجي سامحني يبعد روحي ودنيتي هذا الحل الوحيد النه ماريد يخرب بيتك
وحياتك
ذياب....صار الصبح ودزيت اختي سميحه ..ومرت محسن راحو البيت ابو جواهر
امرت سميه ترتب الغرفه مالتي لان ماعندي وكت اسويلها غرفه. وراي سفر والصار خلاني استعجل بالزواج. نزلت يم الشيخه
الشيخه ...يمه ذياب ليش هيج طاك حرمتك المسكينه ماتكدر دكوم!
ذياب ...ياايمه منبها صاير الف مره ...ياابنت الناس من اصير عصبي لا توكفين تجداليني وتراددين بالكلام! ولصار درس الها خلي
الشيخه ...بغضب ...لو صاير شي ع الولد شنكول شنحجي! كوم اخذها ماتقبل تروح ويا احد
ذياب...استغفرلله امري الله هسه اخذها وطمنج ع الولد
ابتهال ...نزلت شفت ذياب فات ع غرفه هدية نزلت يم الشيخه كعدت
هدية ....لميت هدومي وكعدت
ذياب...فتت شفتها كاعده ولامه هدومها ...عقدت حواجبي شني هاي
هدية ....مثل مشتوف! هدومي واناا من بعد اذنك رايحه الاهلي ماعاد بيه اتحمل طك والاهاين وفوكاها جايب مره عليه!
ذياب ....انعلي شيطان هدية ولا تخليني اطلع من طوري وياج! ماعندي مره تروح الاهلها زعلانه
هدية ...شنهي جايب عليه مره وابقى كاعده لا وروح جدي مالي ظله باللبيت بعد!
ذياب...لزمت ايدها ولويتها وروح ابوي اذا عتبتي عتبت الباب ورحتي ..اشوفج شي عمرج ماشايفته! ! وهاي نبهتج. ف لتزمي ونصلمي وكعدي ... دفعتها وطلعت من الغرفة. واني نار صاير
هدية ...اتهون ياابن الشيوخ! !
جواهر ....مر الصبح وهو مثل الموت عليه حل ...روحي وكلبي صار كله بيد سلطان شكد حاولت جميله تحجي وياي وطلعني من حالتي الصرت بيها بس مافاد
جميله....ندك الباب وفاتت اخت الشيخ وياها 2 نسوان
سميحه. ..فتنه ع بيت ابو سعيد وجانو ناس ع كد حالهم بيتهم قديم وتعبان تلكتنه ابنيه شابه حلوة ..كعدنه تقريبآ بالنص ساعه وماشفت عروسة اخوي وهنه جننهن شلون المرتبكات
وين مرت الشيخ ندهيلها نشوفها!
ام جواهر. ... وانيي متحيره وفرك بديه مااعرف شحجي اهااا يمه شويه مريضه ومالها خلك
سميحه ...ان شاءالله خير عيني ام سعيد هاي ام علاوي راح تحف وجها وتعدلها لان ماعدنه وكت هواي الشيخ عنده سفر العمره ف بباجر بلليل نجي ناخذها ..اذا ماعدكم مانع
ام جواهر ....لا يمه ع بختج الابنيه بتكم وشوكت ماتردون تاخذونها خذوها وين نلكه احسن من الشيخ زلمه الها
STAI LEGGENDO
((الشيخه ))
Romanzi rosa / ChickLitقَصِـهِ فُيّ غّ ـآيّهِ آلَرَوُعَهِ وُآلَجَ ـمِـآلَ
