(( الشـــيــخـه ))
البــــ( 7 )ــــــارت👑
سلطان ...مشيت والغضب عامي عيني ...احس نسدت بيبان الدينه بوجهي
رحت ع اخوي. الجبير مهدي...وحجيتله كلشي ....ردت واحد يسويلي حل! ! وخلص من هالسالفة
مهدي...شجاك خويه تخبلت تدري بامي مااتقبل تاخذ جواهر بت عمي..اخذ رباب واستر ع نفسك من المشاكل!
-ليشش! ! والُـِْـِّـلُـًِ☝ٍِّْـٌـّـٍّـُه
ّ لان كرهه نسوان ...لازم نمشي وراهن! ماعدنه رأي احنه ..هه والُـِْـِّـلُـًِ☝ٍِّْـٌـّـٍّـُه
ّ سالفه تضحك! !
-ياخويه حجيت وياها وهيه ساده اذانها ع سالفة زواجك من بت عمي ......
-هذا هو ازوجها وخل شيصير يصير! !
لو شكد مااحجي اعرف مهدي ماراح يسوي حل ...كلت اخطب وخليها كدام الامر الواقع
ترخصت من اخوي وطلعت اتمشى بين المزراع وبالي مدوهن ....لا اكدر اغضب امي ولا اكدر اعوف جوهره.
جواهر....بقيت حايره ومالي خلك كلشي ..جلماته اليوم حزن بكلبي شجااا وهيج كمز بوجهي .....
جميله....شوفي جوهرة جابت الخياطة دشاديشي شفتيهن! !
احجي وهيه مو جنها وياي
خب هييييييي! ! وين بالج
-ايي خيه بالعافيه شايفه كل الخير
-كعدت يمها ولج جوهره من صبح وانتي كالبه خلقتج! خير انتي وسليطين متحاجين!!
- لا خيه مامتحاجين بس هو مدري شبي اليوم ...شفته معصب بس جبت سيرة رباب سودن
- كافي لهناا وبس عمتي ام مهدي تكرهنه من زمان ودومها تحجي علينه ..وهاويه بت اخوها انتي شني موضوعج بنصهم!
جوهره....دخل ابوي وسعيد وكمت بسرعه ...مثل اليريد يتهرب ماعنده حجي يواجه بي ..
حضرت الغده وجبته وشفت الفرحه مرسومه ع وجه ابوي وخواني
سئلته امي وكلها شيخ ذياب
خلاهم مسولين ع الفلاحين بعد مايشتغلون بالكاع ...
صدك فرحت
باوعت يعني بويه بعد ماتشتغلون بالكاع
- أيٌـ.ہٌَ بويه الحمدلله ربج عاين علينه
انيي واخوانج راح نصير المسؤلين ع الفلاحين
-الله خلصكم الله يطول بعمره ويرزقه صدك ابن حلال...خير عام ع الناس وفضله ع كل بيت
هذا الشيخ ابن اجاويد .............
مرت الايام
وبدت المشاكل سلطان ويا امه وهيه رافضــه يتزوج
شكد حاول وزعل عاف البيت ونفس الحاله
سلطان ....بعد لهنااا وكافي حاولت وكلشي مافاد
لا تلوميني بالراح اسوي! !
-هاااا يوميه معرس علينه سودنتك بنت سعديه خلتك ماتندل دربك! ! .
- يمه الخاطر العباس .....مالي خلكج وخل هالحجي الماينفع! !
العندي كلته واليوم مااخذ مهدي...و عمي سرحان ورايح اخطب جوهره !!
بقت تصيح وتدعي وتحجي
ماتحملت عفت البيت وطلعت
رحت ع عمي سرحان ومن كتله كيف
- ونعم ماختاريت بت عمك سالم ...خوش ابنيه ...يله نكمل عشه ونروح ع عمك نحجي ويا
- كملنه عشه وانيي ع جمر كاعد ......شويه واجه اخوي مهدي ورحنه ع بيت عمي ابو سعيد
تلكانه عمي وكعدنه بالستقبال لان جبت اثنين من جماعتي
جوهره.....ندك الباب وراح ابوي يفتحه ....كمت اعاين من وره البرده شفت سلطان ويا عمي سرحان وثنين ولد ومهدي
دخلو الاستقبال
رجع ابوي صاحلي اسوي جاي
سويت جاي وجبته لحد باب الاستقبال
طلع عزيز اخذه بقيت واكفه وانصت الحجيهم
وكلبي يدك مثل الدف
سرحان.....يااخوي ابو سعيد اليوم احنه جايينك ع مره! وان شاءالله ماتردنه
ابو سعيد.....من كال جايك ع مره نكدرت ونخطف لون وجهي! !
- نريد بتك المصونه جواهر السلطان ع سنة الله ورسوله ....ولان هو ابن عمها واحق من الغريب عليها! !!
- والله مانلكه احسن من ابن عمنه
سلطان نعم رجال
ابو سعيد .....كمت وانيي الحيره وصدمة شلت عكلي ...
-خيرك بويه
ابو سعيد ....اعاين ع سلطان ومابالي يخطب جوهره عبالي معتبرها اخت .....لان ربو سوا ومن هم صغار واحد مايتيهه الثاني
بقيت ساكت والعبره خانكتني وجان لابد منها! ! لازم احجي
ياجماعة الخير ....مااريد افشلكم ومايهون عليع ابن ااخوي سلطان بسسس!
جواهر ....سمعت الحجو كله ...وحس رجليه ماتعيني من الفرحه .....معقوله سواها واجه يخطبني
سلطان ....كمت وكفت شني عمي عندك شروط بدون مااتحجي انيي موافق ع كل شروطكم!! ..
ابو سعيد .....لتفت عليه وخليت ايدي ع جتفه ....ماعندي شروط ...ع ابني وابن اخوي العزيز
سرحان ...هذا هو ان شاءالله متفقين
ابو سعيد ....يااخوي! !! لو عندي مره السلطان غير جواهر.... جان اطيتها !!
سلطان ....بحيره. ....شنهي غير جواهر! ! عمي! !
- ايي ابني جواهر مخطوبه الشيخ ذياب شيخ عشيره! !!!!!!
سلطان ....يحجي عمي والدنيا سودت بوجهي!! مااخش كل جلمه كالها بعقلي!
جوهره....من صدمة نتجيت ع الحايط سندني.....ومجذبه الي سمعته ....يمكن مااسمعت عدل لو ابوي يتغشمر ويا سلطان! !
