Once A Love Story - #Wattys2018 Winner

Chapter Eighteen

Dinampot niya ang isa sa mga sulat, binuklat at binasa.

"Mahal,

Kahihiwalay lamang natin ngunit heto't nasasabik akong muli kang makita. Hindi sapat ang kalahating araw upang makasama ka, gusto kong matulog at magising na ang maamo mong mga mata at maganda mong mukha ang aking nakikita. Hanggang bukas muli sa ating dating tagpuan, hihintayin kita.

Nagmamahal,

Alvie

Tinakpan ni Katerina ang bibig upang pigilin ang pagsinghap, kasabay ng sunod-sunod na pagtulo ng mga luha na bumasa sa kanyang mukha't kamay. Mahapdi ang bawat pagtibok ng kanyang puso, ramdam niya ang bawat kirot na hindi pinaglaho ng maraming taon na lumipas.

"Alvie? Pambabae naman 'yan mahal e, Al na lang."

Umiling si Katerina sabay ngiti. "Mas gusto ko ang Alvie kasi walang ibang tatawag sa iyo niyan kundi ako. So don't forget, okay?" Pinapungay niya pang lalo ang mga mata na alam niyang hindi kailanman mahihindian ng kasintahan.

Ngumisi lamang ito, nagkamot ng batok at nagpakawala ng hininga tanda ng pagsuko. "Sa isang kundisyon." Ito naman ang nang-akit.

Naitaas ni Katerina ang isang kilay, alam din kasi nito na mahina siya pagdating sa pilyo nitong mga ngiti.

"Ayoko." Dinilaan niya ito.

"Aba, hindi iyan tama, Kat." Tumayo ito mula sa kinauupuang malaking bato sa may gilid ng sapa, pinuntahan kung saan siya nakatayo sa gitna ng tubig.

Naalarma siya sa paglapit nito kaya naman mabilis siyang humakbang papunta sa kabilang gilid.

"Hindi ka makakatakas sa akin." Paalala ng kasintahan.

Lalo pa niyang binilisan ang paghakbang subalit medyo maagos sa gitna ng tubig kaya naman nahirapan siyang iangat ang mga binti.

"Huli ka!" Pumulupot ang mga braso nito sa kanyang baywang at sapilitan siyang iniharap dito. "You can't run away from me, Mahal." At isang halik sa labi ang ibinigay nito sa kanya.

Humigpit ang paghawak ni Katerina sa papel, tahimik siyang umiyak. Ilang taon na ang lumipas ngunit heto't nanatili pa rin siya sa alaala ng kahapon. Hinapit niya ang dibdib, hindi sapat ang mga panahong nagdaan upang siya'y makalimot. Naroon pa rin ang sakit; ang panghihinayang; ang mga pangakong hindi nagkaroon ng katuparan.

"PREGNANCY test?" Naitaas ni Erina ang kilay.

"Binili ko sa bayan." Ngiti ng nobyo, larawan sa mukha nito ang pagkasabik.

"You did? By yourself?" Nanlaki ang kanyang mga mata.

Tumango ito, nangunot ang noo. "Bakit?"

Hindi niya pinigilan ang pagtawa. Hindi pa rin makapaniwalang ito mismo ang bumili niyon.

"Bakit nga?" Naging alanganin na ang reaksiyon nito.

"Hmm, nothing. You're just too adorable. Come here, give me a hug." She opened her arms to welcome him.

Humakbang naman ito palapit sa kutson kung saan siya nakaupo. Nang mayakap ay idinampi niya ang ilong sa gilid ng leeg nito, suminghot.

"Saglit love, amoy pawis ako, naglaro ako ng basketball sa school kanina e." Akmang lalayo ito ngunit pumigil siya.

"I like your smell." Lalo pa niya itong sininghot. "I like your sweat-cologne combination."

Pinaglilihian mo na ba ang amoy ko?" Mahinang tawa nito.