حروفك سرقتني من بين الحضور اهيم بك دهرا ولا اكتفي

جزء 36

البارت السادس والثلاثون

_

* عند فيصل
الساعه 5 ونص الفجر

ماكان في احد الى الان يجي ويساعد فيصل بأي شيء

ماقدر فيصل يستحمل اكثر من كذا ..

بعد دقايق من طيحة فيصل , كان في مجموعة رجال متوجهين للمسجد

بس الكل انصدم اول ما شافو فيصل طايح بالارض ومغمى عليه

وشكله مايبشر بالخير

الكل جا عندهه بسرعه والي صار يتصل على الاسعاف

والي يحاول يصحيه والي وقف مكانه مصدوم

وما مرت دقايق الا وجات سيارةة الاسعاف ونقلو فيصل للمستشفى ..

* وفي نفس الوقت
في بيت ليلى

بعد ما قامت ليلى من نومها

كانت جالسه عند التسريحه وكل تفكيرها بفيصل

"اذا كنت ابيه يرجع فيصل القديم , لازم انا بعد ارجع ليلى القديمه !"

فتحت شعرها وهي تحاول ترجع ستايلها القديم ومع هذا مايضبط معها

تعبت وقامت لمكتب فيصل وهي تدور عليه

بس استغربت لان مافيه احد ..

كانت ادراج المكتب مفتوحه , قربت ليلى تبي تقفلها بس الي شدها اكثر علبة الدوا "للحين تستخدمه !"

رجعته مكانه وبنفس الوقت عقدت حواجبها اول ماشافت ورقه مطبقه باهتمام

فتحتها بفضول وهي تقرأ

" ليلى , وانتي تقرأين ذي الرساله .. انا بكون مودعع الدنيا بهاللحظه ! -شهقت ليلى وتوسعت عيونها وكملت قراءة بخوف

مادري وش الي كنت افكر فيه وانا اكتبلك هالكلام بس .. انا اسف

حاولت , وحاولت اني اتأقلم بس ماقدرت .. انتي تعبتي , وانا بعد تعبت

انا ماقدر اشوفك تتعبين معي اكثر من كذا , في كل ليله كنتي تبكين فيها علي , كنت اسمعك !

ماكنت اقدر انام من زعلي عليك , انا مابي اشوف دموعك تنزل علي مرهه ثانيه ! انا ما استاهلها