حروفك سرقتني من بين الحضور اهيم بك دهرا ولا اكتفي

جزء 13

البارت الثالث عشر ~

_

* في المستشفى
الساعه 5 صباحاً

بعد ما نقلو فيصل لغرفته الخاصه

كانت ليلى جالسه على الكرسي قريب من سرير فيصل

وتتأمل بالشاش الي كان ملتف حول راسه

نزلت راسها وصارت تدعي وتحمد ربها ان فيصل ما صار له شيء

* في الجهه الثانيه
عند مشعل

الدكتور : انت الي بتدفع صح , طيب وش اسمك الكامل ؟

مشعل : ايه , مشعل محمد الـ..

الدكتور وهو يطالع بالاوراق التفت على مشعل بأستغراب : انت اخوه من ام ثانيه يعني ؟

مشعل ابتسم : لا

الدكتور : امم طيب كيف اخوه ؟

مشعل : هو اخوي الي ما جابته امي , انا اعرفه من يوم ما كنا صغار مره اعتبره اخوي وكل شيء لي

ابتسم الدكتور : الله يديم هالصداقه بينكم , طيب بس ابيك توقع لي هنا

مشعل : امين

بعد ما خلص مشعل كل شيء راح لغرفة فيصل وفتح الباب بشويش

شاف فيصل وهو على السرير

اما ليلى ف كانت جنبه بالكرسي وحاطه راسها على سرير فيصل وغفت ..

ارتاح مشعل لآن فيصل قام بالسلامه

طلع من الغرفه وراح لبيته

..

* في بيت ماجد
على الساعه 6 ونص

كانو كلهم نايمين في هذا الوقت

فتح ماجد عيونه والتفت للجهه الثانيه وشاف عبير لسا نايمه

ابتسم ماجد لشكل عبير "صاير اصبح عليها كثير , انا حبيتك يا عبير"

وهو يتأمل في تفاصيل وجهها البريء اتذكر وعده لنوره "انا مستحيل اطلق عبير , اسف يا نوره بس ما اقدر"

التفت وقام من السرير وهو يتنهد

"كنت متسرع بوعدي , كيف الاقي حل لك يا نوره ؟ قوليلي كيف!"