حروفك سرقتني من بين الحضور اهيم بك دهرا ولا اكتفي

جزء 12

البارت الثاني عشر ~

_

* في بيت ام احمد
الساعه 12
تحديدا في غرفة جمانه

كانت جمانه متلحفه وعلى سريرها : يووهه شوق نامي

شوق وهي متكيه على سرير جمانه وتتأفف : يالله جمانه لسا بدري الساعه 12

جمانه التفت عليها : ايه الساعه 12 وعشان كذا لازم انام انا ثانوي مب زيك جامعه

شوق : طيب يالبزر نامي

جمانه : ههههههههههههههههه

انسدحت شوق على سريرها الي بالارض وهي تفكر

قطع تفكيرها صوت رسالة الجوال

شوق "اكيد هلا , ماتلاقي سواليف الا بذا الوقت" , فتحت الرسايل وشافت رقم احمد

"قوةة عين!!" فتحت الرساله (زعلتي ياقلبي انتي؟) -ضحكت شوق باستهزاء "ومن متى انا قلبك؟!"

شوق (ماتعرف الساعه كم؟ انا مو فاضيه اسولف معاك بنام بعدين من متى انا قلبك؟)

احمد (عن الكذب بس صوتك عالي اقدر اسمعك وانتي تترجين جمانه ما تنام , ومن متى؟ من الحين)

شوق وهي تشهق "يووه فشله سمعني!" (طيب لا تقول لي قلبي!)

احمد (طيب حياتي؟)

شوق (ولا حياتي!)

احمد (حبيبتي؟)

شوق عصبت من هبالته (لا تقولي شيء وجع اكلم بزر انا؟ بعدين عن السماجه خلصت رصيدي)

احمد (ههههههههههههههه صدقتي انتي الحين , اتصل عليك يعني؟)

شوق عضت شفايفها بخوف "مجنون ذا؟" (لا , بنام برب)

بس بالحقيقه ماكانت تبي تنام وكانت ماسكه جوالها وهي تستنى رده بحماس

* عند احمد

بعد ما قرا الرساله حط جواله وانسدح على سريره

وهو يتذكر شكلها بالمطبخ وعيونها مليانه دموع

ضحك احمد لا ارادي على وجهها الطفولي بس سكت واستغرب من نفسه

وبنفس الوقت اتذكر كلام انس وهو يقول له انت مو على بعضك !

"معقوله حبيت ذي الخبله ؟" ضحك على تفكيره وحاول يبعد شوق من باله