استغرب ماجد من حركتها , بس ذي المره لف يدينه حولها وحضنها اكثر
عبير كانت فرحانه "اول مره اكون قريبه لك قد كذا" رفعت راسها وهي لسا حاضنته
جات عينها بعينه وابتسمت له وبادلها الابتسامه
ما اكتفت عبير وقفت على اصابع رجولها تحاول توصل لطوله تبي تقرب منه اكثر عشان تبوسه
حس ماجد بشيء يمنعه "لا تقربين مني , تكفين مابي احبك اكثر"
رجع ماجد خطوه للورا وتركها : انا بطلع
طلع ماجد من البيت عشان شغله
زعلت عبير من حركة ماجد "مو مشكله , في تقدم .. ماتقدر تقاوم اكثر يا ماجد"
..
* في بيت ام احمد
في غرفة جمانه تحديدا
كانو جمانه واسيل لسا نايمين
دخلت شوق وهي مكتفه يدها وبعصبيه : وجع اسيل جمانه ! قومو خلاص ترا طفشانه
اسيل وهي معصبه : شوق انقلعي لا تخليني اقوم وافرشك هنا
شوق : يا سلام ! - راحت قفلت المكيف وفتحت كل اللمبات وسحبت لحاف اسيل بقوه : قومي اسيلوهه وجع
طبعا لا حياة لمن تنادي كلهم نايمين ومو معطينها وجه
طلعت شوق فوق سرير جمانه وهي تنطنط وتسحب اللحاف : قومي قومي جمانه
وهي تنطنط ما تحس غير بمخده صقعت فيها بقوه : ااحح وجع اسيل وش ذا
اسيل بعصبيه وهي تسحبها من يدها : انا لمن اعصب اعصب يا حيوانه انقلعي برا الغرفه -طلعتها من الغرفه وقفلت الباب-
شوق وهي تدق الباب : ههههههههههههه اسييللل جمانه خلاص قومو وش ذا النوم
سمعت ام احمد شوق وجات عندها وهي تضحك : هههههه وش صار
شوق : طردوني
ام احمد : ما يشبعون نوم ابد
شوق : ايه والله - شافت العبايه بيد ام احمد : وين رايحه عمتي ؟
ام احمد : بروح عند جارتي قريب من هنا تبين تجين معي ؟
شوق : لالا ماعرف احد هناك
ام احمد : طيب براحتك بس تعالي عشان تقفلين باب الحوش
شوق : طيب - نزلت شوق لين تحت وقفلت باب الحوش وصارت تتمشى بالحوش
شافت باب الملحق مفتوح شوي سحبها الفضول ودخلت وهي تتلفت
كان في بلايستيشن والاشرطه حقته كثير حوله وبالزاويه في مجموعة ملابس رجاليه
YOU ARE READING
حروفك سرقتني من بين الحضور اهيم بك دهرا ولا اكتفي
ChickLitلكل واحد منا في حياته قصة حب حب طفوله , حب مراهقه , حب حياته وكل واحد فينا صار وعاند قدره وحب شخص مو مكتوب له , نتعذب عشان الي نحبهم وفي الطرف الثاني ممكن مايدرون عننا نخبي في قلبنا حبهم وممكن اننا مانقولهم اننا نحبهم نراقبهم من بعيد لبعيد نتط...
