#حكاية هبة# للكاتبة عفراء مهدي

بارت التاسع عشر

اتفقنا اني ومؤيد نبدي حياتنا الزوجية بعد الامتحانات...طبعا مؤيد على اعصابة لان مستعجل بالموت يااللة اقتنع...على شنو مستعجل مااعرف...واتفقت وياه يهيئ الجو المناسب الي حتى اكدر ادرس ...حبيبي ادري ضغطت عليك وتحملتني هواية...بس تعدي الامتحانات...واوعدك انفذ كل طلباتك ...وعد ...امممم اكيد هبة توعديني...ترة تصير مو زينة اذا خلفتي وعدج...واخذ حقي منج بالغصب.اوعدك مؤيد اني كد كلمتي...ماشي نصبر ونشوف...صبرك ربي لج اني بشر مااتحمل هالكد ترة تعبتيني ...حياااتي بس هالاسبوعين احجي بمياعة ...امري لله ماشي بس بطلي دلع ترة اغير رأيي هههه اوك بيبي...وبدت الامتحانات ...خطية مؤيد جاب ام خميس يمنة...تساعدنة بالبيت وتكعد وي خالتي تونسها...اني شبه انعزلت ...كضيتها قراية...الاكل يجي يمي حتى مااكوم اغسل مواعين...مؤيداعتنى بية كولش...حتى ميتحارش بية...مرات اضوج واشتاق لحركاتة...حتى مينام يمي بنفس الغرفة...ميضمن نفسة خخخخخة...واشتغل السكرتير مالتي...كل شوي ادزة لو للمكتبة ...لو يروح يجيب مستلزمات طبية احتاجها للبحوث...لو يودي ويجيب ...
..هلكتة...حتى يعصر فواكه يجيبلياه...يشربني بايدة...خالتي وام خميس يكعدون يرقوني قبل لا اروح للامتحان...تعبووو وياي حيييل...بابا جان عندة حق من كال اني مامن عليج. ..مؤيد خوش رجال...فعلا ...حسيت بحنيتة...وطيبة كلبة...رغم اعصابة...حسسني بحنية الاب على بنتةانسان جد راقي...ماما وبابا يتصلون على مؤيد يوميا...لان موبايلي بقى عند مؤيد...مينطينياه خاف التهي بي ...هههه يعاملني مثل الجهال...رغم فترة الامتحانات جانت صعبة ومزدحمة بس حسيت نفسي محظوظة بمؤيد ...وتوضحت كدامي صورتة الحقيقية. ..زاد حبي الة وزدت رغبة بي ...حتى تمنيت تخلص الامتحانات بسرعة لان مشتاقتلة...وعدت فترة الامتحانات بس هلكت...الحمد لله اليوم اخر يوم بالامتحانات. ..كملت امتحان وانتظرت مؤيد يجي ياخذني...سلمت على صديقاتي وودعتهن...مااحس غير ثائر اجة وذب حجي على مؤيد...حقير يريد يغثني باي طريقة...اني اكدر ارد عليه...واكدر حتى اضربة...بس استحيت من الفضيحة...عيب ...الطلاب والاساتذة بالموت يلا نسو سالفة مؤيد وثاءر...بس ثائر بقة يضايقني ويكلي رجلج الشايب ابو النسوان حتى يحبلن منة ويشمرهن...اني دمعت عيوني...انقهرت من حجية...ثائر احترم نفسك معليك بينة...رجلي محترم ويسوة راسك...روح من يمي لاترة اتصل عليه واشوفك الشايب شيسوي بيك...لازم نسيت شسوة بيك...وجلدك يحكك...جان اندار واشوف مؤيد عيونة تطلع شرار...ومتوجه على ثائر ديضربة...اتوسلت بي ليسويلي فضيحة بالكلية شيكولون علية يومية متعاركين من وراها...ضليت اهدي بي واتوسل...جرني من أيدي. ..دخلني بالسيارة ...لج هذا شبي وياج ...شعندة وياج...ماكو شي مؤيد خلي يولي مستهتر...مستهترعلى نفسة...اني اعلمة ...اعلمة منو الشايب...هاااا شمدريك هيج حجة عليك...سكت ...مؤيد شمدريك...اني محجيت شي...نرمين اتصلت علية كلتلي ثائر ديتحارش بهبة...وسمعت حجيكم كولة...بسيطة نرمين اني اعلمج...هاااا لو ما هي اني شمدريني شيصير من وراية...مؤيد حبيبي اهدء خلي يولي ...ميسوة ...لاااااا مااعديلهيا هذا العار ...اشوفة الشايب منووو...وصلني للبيت ...شخط السيارة وراح...ياربي هذا شراح يسوي...منين طلعتلي ثائر الله لاينطيك...شلون خاف ياذي ...ضليت احوس...خالتي حست علية ...شبيح يمة ووينة مؤيد...يوم مؤيد راح يتعارك وي ولد وياي بالكلية...عزة العزاني...يمة وليدي...وشعندة وياه ليش يتعارك...يوم قصة طويلة...هسة شاسوي...خاف ياذي الولد...واهلة ميسكتون...واصلين بالدولة ومجرمين...يمة وليدي مؤيد ...اتصلي عليه خليني احجي وياه...يوم اتصل ميرد ينطيني رفض...هاج موبايلي اتصلي على صديقة رسول ...خلي يروحلة...اي يوم انطيني موبايلج...اتصلت على رسول...الو هلة خالة ...ا ا الو ...حضرتك رسول...اي نعم اتفضلي منو وياية...ا ا ني زوجة مؤيد...عفية الحك عليه راح يتعارك وي ولد وياي بالكلية. ..خاف ياذي. ..اختي فهميني على كيفج...شبي مؤيد قبل شوي جان يمي...عفية الحك عليه...ماشي اختي ليضل بالج...اني اتصرف...اوك مع السلامة. ..طبعا رسول ميفارك مؤيد مثل ضلة...من اجة مؤيد تنسيب لبغداد...جاب رسول وياه...ولد كولش حباب وخلوق...مرت ساعتين اتصل على مؤيد ميجاوب ...انوب اتصل طلع مغلق...توترت حيل كمت امشي بالبيت واعضعض بايدية...هاي عادة بية من اتوتر...خالتي ارتفع ضغطهة...انوب حرت بيهة...شلون ياربي اتصل على بيت جدو...لو اتصل على حمويني...حرت شنو اسوي...خاف تصير مصيبة من جوة راسي...اتصلت على نرمين رزلتهة...كلتلي هو مؤيد طلب مني من زمان اخلي بالي عليج...واكلة على كولشي يصير وياج...انوب متت قهر شنو مخلي جواسيس علية...جنت مخططة اجهز نفسي لمؤيد...ونتمم زواجنة ...بس انقلب الحال...ياربي ليش هيج كولشي عاكس وياية...اتصلت على رسول من جهاز خالتي...مرتين يلة رد...هاي اخوية وين مؤيد...خيتي مؤيد زين ليضل بالج...ماكو شي...انتو وين شنو هاي الاصوات اليمك...احنة بمركز شرطة ****شوي ونطلع ليضل بالج...سديتة من رسول...كعدت انتظر. ..شوي ودك موبايلي...رونق بنت عمو جليل...اني على تواصل وياهم دائما بس فترة الامتحانات انقطعت عنهم...لان موبايلي جان عند مؤيد...هلو هبة شونج وينج يالكاطعة...هلو رونق شلوني...يلا حبيبتي ليضل بالج شوي ويجوكم مؤيد ورسول...هااااا شمدريج منو كللكم... وجدو وعمو يدرون...هاااا هههههه لا حبيبتي هباوي شبيج ...رونق احجي شنو الموضوع...منين عرفتي...مؤيد اتصل عليكم موووو...صارت مشكلة ودز عليكم موووو...احجي رونق ...لج لا هبة اهدي حبيبتي محد يدري...لعد شلون عرفتي...شنو كشافة راح اتخبل...هبة رسول كلي... رسووول...اي ...ومنين تعرفين رسول. ..مو احنة نحب بعض...شنووو وشلون تعرفتو على بعض...من عرسكم تعارفنة...وضلينة متواصلين مع بعض ...هو وعدني يتقدملي...هسة خليج مني اني ورسول بعدين احجيلج..مو وكتهة...زين زين...هو رسول شكلج بالضبط شنو الصاير...لج مؤيد مكسرة تكسر لهذا العار...وهاجم عليه بالشارع. ..بالكوة مخلصينة الناس من ايديه...عزة العزاني ...لج هاي شلون ورطة...اهلة الولد مجرمين...ومراح يسكتون...الله كريم هباوي لتخافين ...ادعيلي رونق حياتي ممستقرة كولشي يمشي وياية عكس...هههه ليش هي التتزوج واحد مثل مؤيد حضها موزين...دولي لج ام الحب ام رسول...حاطة عينج على رجلي...لا حاطة عيني على صديقة. ..يلا حبي حضريلهم عشة زين خطية رسول حتى غدة ممتغدي...هااا بالج على سي رسول...ديلا عيني اروح احضرلهم عشة...سوي كبة لرسول يحبهة...شوف هاي البطرانة...هههههه باي حبي رسول بامانتج...باي حبي امواااااح...كمت سويت عشة ورتبت البيت...كعدت خالتي خطية من ارتفع ضغطهة انطيتها فاليوم ونامت...يوم اكعدي دشوفلج الضغط. ..ها يمة مااجة مؤيد. ..اي يوم راح يجي بالطريق...هو ورسول صديقة...الحمدلله يمة ...راد يوكف كلبي من الخوف علية...وشوي اندك الجرس...اجوي...كمزت من مكاني...لبست حجابي عالسريع...فتحت الباب...رسول ديطبب سيارة بالكراج...ومؤيد ملابسة متخربطة...وايديه كولة دم...تخبلت من شفتة...عبالي متاذي...رجلية خارت بعد متشيلني...وكعت بالباب...وابجي...ركض علية مؤيد شالني...طببني بالصالة...اني شبكتة حيييل...واشهك وابجي...والزم بايديه ...مؤيد شنو هذا الدم ...مؤيد شنو هذا الدم ...هو شابكني ويهدي بيه...لج مابية شي مودمي...اهدي اهديييي...خليت ايدي على حلكي واشهك مثل الطفل...دخلت خالتي شافتة واستلمتة بجي ونواح...خطية رسول يتنحنح ويكحكح...واني ولا يمي بالي وانتباهي كولة يم مؤيد...تفضل رسول ليش واكف بالباب فوت خوية...طبي جوة عالسريع ...سلمت على رسول وطلعت...ضلو خالتي ومؤيد ورسول...اني رحت للمطبخ...اصب العشاا...ودموعي وحدهن ينزلن...التهيت بالمطبخ...شوي حضني مؤيد من ورة...ضل يشمشم بية ...اني مهتميتلة...دارني عليه...يايابة شنو هالدموع ...هاي كولهة علية...اني طكيت بجي...ليش مؤيد ليش مو كتلك عوفة...ميسوة...زعطوط طايش...لا لازم اادبة...هالساقط هذا...مؤيد اهلة مجرمين وواصلين بالدولة. ..شلون خاف ميسكتون...هههههاي لج خلي واحد منهم يندك بية واشوفهم منو مؤيدال******لج بابا احنة مو قليل ولا اني قليل. ..معليج انتي ليضل بالج...لتفكرين زايد...يااللة باع الخشم شون صاير احمر...عض شفتة ...لج اكرطة...وخر مؤيد اني بياا حال ...شنووو اليوم اليوم الموعود...لو نسيتي...لا منسيت بس بجهودك الطيبة. ..ضلت نفس ضل حيل ضل واهس...جان هسة اني دااجهز نفسي...ولا يهمج اليوم اخذج يعني اخذج...حسيت بدوخة قوية والدنيا تفتر بية...ارتجيت عالثلاجة...مؤيد شافني لزمني ...اسم الله حبيبتي شبيج...شو وجهج صار نومية صفرة...ماادري مؤيد ...احس نفسي دايخة...يوم يوم ...ها يمة شبيك ...الولد كاعد شبيك تصيح...يااااا يمة هباوي شبيج ...ماادري يوم ...ودوني لفراشي احس نفسي بردانة...شالني مؤيد ...حبيبي شبيج اوديج للطبيب..
لا حبيبي ماكو داعي...ميستوجب...شون ميستوجب...تخربطت احوالج...بدلي خلي اوديج...لزم ايدية مثلجات...البسي امشي خل اوديج للطبيب...لزمتة من ايديه...مؤيد ماكو داعي اعرف شبية...احجي شبيج... ها ..استحي اكول...اريد خالتي...شنو تستحين...دصيحلي خالتي معليك...اهووو راح تخبليني...يوم يوم ...ها يمة شبيهة مريتك...ماادري يوم تكول استحي ...هااا خاف الشهرية اجتها...هااااا خرب حضي وتستحي تكول...دروحيلها تأكدي منها ...روح يمة يم رسول عيب الولد كاعد وحدة. ..صبيت الاكل روح تعشى...ها بنيتي سلامات شبيج...خالة اجتني الشهرية...واحس مثل النزيف. ..وتوجعني...يااا يمة ليش هيج...ماادري ...دكعدي لتكومين راح اسويلج جاي اعشاب...لتخافين...هاي انهبطتي...وتخربطت عليج...اي يوم حتى مو موعدها...اي هاي لعد من الهبطة تدفي زين...ام خميس وين...مشفتها اليوم...يوووو راحت تزور للكاظم...وحدها...اي يمة تندل ماينخاف عليها...صدك ذكرتيني خل اخابرها...تاخرت ...اوك يوم عود طمنيني...ارتاحي يمة لتكومين من الفراش...شهكت خالتي شالت أيديها تدعي ان شاء الله بعد ماتشوفينها...وتحبلين يايمة...اني ضحكت ...متدري اني بعدني عذراء...طلعت خالتي ورة شوية دخل علية مؤيد...نفسة عالي...لج هاي ليش...اني صفنت مفهمت شنو يقصد...شبيك مؤيد شكو...هاي وكتهة تجي. ..شنو هي فهمني...الشهرية ...اني ضحكت بس بتعب...البركة بيك حبيبي...ابو المصايب...انجبي لو عليج متحجين شي...لو ما صديقتج اني نايم بالشمس كولشي مااعرف...مؤيد تخلي علية جواسيس...ليش متثق بيه...لعد شلون نكمل حياتنا سوية اذا انت من هسة متثق بية...لا هبة مو جواسيس...وبعدين هاي صديقتج. ..اني كتللها اي شي يصير عليج تتصل بية...جريت نفس وزفرتة...هسة شلون مدام هبة... شنووووو...لج سويلها حل اكطعيها...انتي مو دكتورة...هههه اولا ميصير لا من المستحيل تنكطع...ثانيا بعدني مو دكتورة...ووخر عني اريد ارتاح...شنو وخر عني لج اليوم اكطعج...لاتكطعني ولا اكطعك اريد انام...يلا بس يروح رسول اجي يمج...تعشيتو ...اي حبي عاشت الايادي تعبناج ...مشى خطوتين رجع...هااا شبيك...اريد بوسة ....ماااا ...لج أريد بوسة...والله بالك صافي ومرتاح وتنكت ...اي لعد ليش شكو قابل...وثاءر راح يسكت...والله اخاف عليك...لا لتخافين اني اتصرف...هسة شستفاديت من سوايتك...هاي كولة من ورة اعصابك...اوووو كتلج كافي...حتى بوستج مااريدها...عافني وطلع. ..نمت مكعدت غير ثاني يوم الصبح...طلعت من الغرفة...لكيت مؤيد نايم بالصالة هو ورسول بايت يمنة...خالتي دتصلي...دخلت للمطبخ خدرت جاي...حضرت الريوك...اجتي خالتي طلعت اعشاب اشكال انواع...خدرتهم مثل الجاي...صبتلي بالكوب وكلتلي اشربي...يوم شنو هذا ايييع ريحتة مقرفة...اشربي يمة يفيدج علمود بطنج...حتى ينشط الرحم...اشربي وشوفي شلون ترتاحين...شربتة بس بالكوة جرعتة...متت لحد مخلص...كعد مؤيد ...صباح الخير ...صباح الخير حبي ...ها شون صرتي...الحمدلله احسن...لج يااحسن وجهج عبالك نومية ...ليش هيج صفرة...عادي يمة مو لان انهبطت...هاااا اكيد يمة...يعني مااوديها للطبيب...ولك ياطبيب شيسويلها...يمة بنيتي مصوفرة خاف تتاذة اول مرة اشوفها هيج...لاعادي لتكبر الامور...شوي واصير احسن...يمة وين ام خميس...بس لا بعدها نايمة...لا خطية كاعدة تنظف بالحديقة...هبة صيحيها خل تتريك...صحتها تريكنا اني وخالتي وام خميس سوية...ومؤيد ورسول تريكو وحدهم...يوم راح اروح اجهز ملابس مؤيد صيحي خل يبدل...لا يمة اخذ اجازة يومين ...ماعندة دوام...ها ورسول يبقى لو يروح...لا رسول يروح للدوام...يوم احجيلي على رسول...شحجيلج...كولشي منين ووين ساكن وأخلاقة...يااا رسول ابني الرابع...وردة مال الله من هو صغير مرافج ابني...اخوة واحد روحة بالثاني...يعني أخلاق مثل مؤيد...اي يمة واحسن من مؤيد بعد...اهااا جيد...واحنة دنسولف اندك الجرس حييييل...انوب اندكت الباب. ..فتحت ام خميس الباب...خطية حمويني وعمو جليل وجدو وولد عمو احمد وعلي...جايين من الصبح. ..دخلو للبيت وبعد السلام ...بدو يتناقشون على سالفة البارحة...يالله شكد استحيت ...كولة من وراك يا ثائر الخبيث...منين طلعتلي...سوينة ريوك من جديد...وبدو يتناقشون بالموضوع...الي عرفتة رايحين ناس من اهل ثائر لبيت جدو ...ومشتكين على مؤيد لان الولد متكسر ويحتاج عملية كبرى ...عزة بعينك مؤيد ليش هيج تسوي ليش هيج ماذي الولد...لج تردين اسمعا هيج يحجي واسكت...شلون اذا مات ...طبة مرض ادفع الفصل مالتة...ولو حرامات ينحسب علية رجال...اهلة مشتكين عليك يعني راح يحبسوك...لج بابا شنو يحبسوني...اني محد يكدر يحبسني...شوي وكالو راح نروح لبيت الولد...نتفاهم وي اهلة...ابنهم هو العايل...ومتحارش ابنتنة...ويستاهل الي جرالة...راحو لبيت اهل ثائر بس مؤيد مخلو يروح ميصير...الدنيا مكلوبة من ورة عصبيتة...وهو كاعد يسوي عصائر. ..يخلط بالخلاط ويدندن وي نفسة ولا على كلبة شي...هاي عود من صدوك انت ولا على بالك شي واني محتركة حرك...انوب ميجاوب كاعد يدندن...هاي شداسوي وتخلط ...وخابص المطبخ...شعليج...جابلي كوب عصير لونة احمر...هسة تشربين هذا الكوب كولة ...شنو هذا ...اشربي شربت شوي ...مستطعمتة...اشربي ولج يرجع الدم  الفقدتي...هو شنو هذا طعمة غريب...هذا رمان وشمندر ...رمان اعرفة بس شمندر مااعرفة ...هسة اشربي...شربتة كولة...طعمة غريب بس طيب...انوب خالتي كل شوي تشربني جاي مالتها الاعشاب...على هذا زين وينشط الرحم والمبايض...حسيت نفسي راح اتقيء ...بس صدوك ارتاحيت وجع بطني راح...ورجع الدم بوجهي...للعصر ...اجوي عمامي وحمويني...من بيت اهل ثائر. ..ورايحين على الولد للمستشفى. ..شايفي مكسر تكسر...متقفين هم واهل ثائر يسوون كعدة ...ورة عملية ابنهم...وميتنازلون عن القضية لحد ميضمنون ابنهم يصير زين...يعني احتمال مؤيد ينحجز...عزة العزاني يعني يحبسون مؤيد...لا تخافين بنتي واذا حجزو...نطلعة بكفالة. ..جدو شلون يحجزو...لاتخافين يبة احنة نتصرف...علي حماي الجبير كال...عمي هي مو هنا المشكلة ...المشكلة خاف يغدروه...شفت اخو شلون يهدد...دخلي يطخني رجال بيهم الا اسويهم ثريد...لعد اتهيرو خل نرجع كولنة للديرة...محد يبقى هنا...جدو ومؤيد دوامة هنا...لا يبة ماكو بعد دوام منا لحد ما نحل السالفة...يلا يبة حضرو نفسكم نرجع كولنة.........

يتبع.............متابعة ممتعة .....عفراء مهدي....كتبتلكم بارت جديد .....رغم ازدحام الوقت.....بس متهونون علية......احبكم. .