#حكاية هبة# للكاتبة عفراء مهدي

بارت سادس

هبة ...بعد مخلصت الحفلة كلولي ماما وعمتي ام احمد روحي للصالة سلمي على خطيبج رحت اول مطبيت سد الباب ولزمني من ايدية حيل حسيت ادية حتنكسر يحجي وهو صاك سنونة وعيونة تطلع شرار انت بعد صرتي ملكي ومحد يدنالج سواء اتفقنة او لا فهمتي ...اني انصدمت وجمدت بمكاني بس نفس يصعد وينزل باوع بعيوني وباسني حيل اني بقيت على جمدتي ساكنة كاني صنم ونزل على ركبتي وعلى صدري يبوس بية وطلع ...بقيت مصنمة بمكاني مااعرف شنو حسيت شكد اني قوية بس من يكون هالشخص يمي انشل حتى الكلام احسة ميطلع من لساني وبديت اتذكر كل حرف كالة الية نزلت دموعي بوحدهن واختنكت لان احس شخص اخترق حياتي غصب هاي احنة باولها هيج عصبي وهيج يعاملني ضليت صافنة بس دموعي تنزل بدون صوت واول مرة بحياتي رجال يبوسني حسيت بالقرف منة ومن جسمي طلعت من الصالة احس كولشي صار بسرعة رجعتنا للعراق خطوبتي حياتي كولها تغيرت برمشة عين رحت للغرفة بدلت بس احس نفسي مختنكة اريد ابجي دخلت للحمام كعدت جوة الدوش وبجيت لحد ما ارتاحيت طلعت حتى مبدلت بقيت بالبرنص نمت محسيت غير الفجر
.......كعدت صليت الفجر لكيت البنات نايمات مبين عليهن التعب فديتهن تعبن وياية رحت للمطبخ جوعانة لان من البارحة حتى غدة ممتغدية من ورة جدووو وقراراتا السريعة اوووف شاكول عليك جدو عساك بالعافية هسة انت منين طلعتلي وكمت تتحكم بحياتي يلا كولشي لخاطر بابا حبيبي اسوي المستحيل حتى لو على حساب حياتي وراحتي سويت ريوك اكلت بعد الكل نايمة بس اني كاعدة طلعت للحديقة اغير جو شوي بلكت نفسيتي ترتاح اني جنت لابسة تراك احمر واسود وشعري مفتوح وتكرمون شحاطة احمر طلعت للحديقة لان ادري الكل نايم ضليت اتمشى هي حديقتهم كولش حلوة وجبيرة وبيها انواع الزهور والأشجار مااحس غير حركة وراية وايد تخلت على خصري وايد على حلكي وانسحبت لورة البيت وصوت اجة باذني اذا عطتي متلومين الا نفسج اني عرفتة من صوتة هذا مؤيد هدءت واشرت براسي بمعنى اي وخر ايدة انداريت عليه مصدومة شكو منو شجابك هنا وشتريد هو بس صافن علية ويباوعني من فوك ليجوة اني منتظرة منة جواب كلي شعندج كاعدة من هسة بغضب وشتسوين بالحديقة طالعة وهيج لابسة متكولين ولد بالبيت شافوج هيج متستحين اني كتلة انت شجابك هنا شون اجيت كلي بكيفي بيت عمي واطب واطلع على راحتي ووكت الي يعجبني مقتنعت بجوابة سكتت هو يباوع علية ياربي نظراتة سهام عبالك تخترق جسمي كتلة اي براحتك اني شعلية بيك دااريد اروح اطب للبيت سحبني لزكني على جسمة كلي بعدج زعلانة علية بس اني مااعرف شصار بية استحيت من نفسي شون لازكني علية كتلة بغضب وخر شداسوي كلي والله منمت للصبح بس افكر بيج زعلتج مني مو..اسف ياروحي مسيطرت على نفسي لتخافين مني اني مو هيج بس من اصير اعصاب مااسيطر على نفسي أفقد لزمتهة من ايدها بستها باوعت كتلهة الحلقة عجبتج جرت ايدها حيل كالت ميهم تعجبني لو لا ميخصك صكيت سنوني ممتعود احد يلاسني لو يعلي صوتة لا وانوب زعطوطة وخطيبتي كتلها صوتج ميعلى بعد ويلا طبي للبيت والبسي لبس غير هذا هي بس عيون مغرغرة بس اخ يابة وانوب باردة الخشم احمر والشفايف كرز انتبهت على شفتها مجروحة ابتسمت اثر بوسة البارحة هي اندارت دتطب للبيت صحت عليها هبةةة التفتت اخذتلها صورة بموبايلي هي ضاجت بس سكتت كتلها اليوم اتصل عليج عود ردي كلتلي بعصبية ومنين تعرف رقمي اني ماانطي ..كتلها رقمج عندي من البارحة هي ضاجت وافافت وطبت بسرعة للبيت اني رجعت للبيتنا بس هيماااان ياالله تجنن لا وبنت اللذين تريد تطول بالخطبة اوووف ياربي صبرني هاي الزعطوطة راح تشلع كلبي وتحرك عشيرتي ...مسحت وجهي ...وصحت اشتعلو اهلك مؤيد..هبة ..دخلت للبيت مفتر راسي هذا منين طلعلي وشون اجة للبيت مااحس غير انطخيت ب رونق بنت عمو جليل هي كلتلي لج وينج كعدت ملكيتج ضل بالي عليج وين تروحين من الصبح لج هباوي شبيج وجهج مخطوف وين جنتي كتلها مبية شي كعدت جوعانة سويت ريوك اكلت وطلعت اغير جو بالحديقة اشو طلع بوجهي هذا المغرور ..رونق ..منو هذا الغرور ...هبة ..مؤيد لج محسيت غير وراية فززني هذا شون اجة ..رونق ..هههه لج لا هو البارحة بعد مخلصت الحفلة جدو عزمة هو واخوتة عالعشا واجتمعو ولدنا كولهم ولعبو دومنة لوقت متاخر من الليل اخوتة رجعو لبيتهم بس هو ضل يدك دومنة هو واحمد وابوج لوجه الصبح حتى نامو بمكانهم ...اني كتلها صدوك اكول شون اجة من الصبح شعندة ..رونق ..يعني شعندة تضحك وتغمزلي..بعدين تعالي اشو البارحة مشفناج بعد لكيناج بسابع نومة حتى امج استغربت غمزتلي لازم الحب دوخج هااا احجيلي شسويتو من استفرد بيج ...هبة...والله رونق انتي بايخة خلي اروح من يمج لا ابتلي بيج ..طبعا رونق تقريبا نفس العمر اني وياها ..وحبوبة كولش ..صدوك هباوي ترة انطيت رقمج لخطيبج البارحة ..خاف يتصل عليج ..لج رونق ليش انطتيهيا مااقبل ترة ..رونق..دروحي متقبل غير خطيبج لتصيرين حقنة لا تطفرين الرجال من ايدج ..لج هباوي تدرين هذا مؤيد مدوخ بنات المنطقة كولهة يتمنون كلمة منة والله لو يدرن بيج جان انتحرن ...اني عقدت حاجبي معجبني الحجي ...هااااا كمنة نغار ...رونق انجبي وولي من وجهي ترة ضايجة ...رونق ..هههههه والله غرتي والله ...اووو على شنو اغار اشو اكبر مني لا ومعاجبة وعصبي ..كعدت عمتي ام احمد احنا سكتنة وراها ماما والبنات باركولي والكل سالني شبيج البارحة اختفيتي خو مو بيج شي اني تصنعت الضحكة كتلهم مبية شي بس تعبت ومحسيت على نفسي نمت كعدو الولد ومنحس غير تسنيم عاطت احمد الحك مرتك اغمى عليها ركضنة كولنة لغرفة احمد اجيت كتلهم اطلعو عود اني داادرس طب وافتهم هههه احمد خطية متوتر لان يحب مرتة حيل فحصتها كتلهم مبيهة شي بس احتمال حامل وعدها ضعف شوي ترتاح وتكعد لتخافون احمد ياعيني كال هباوي متاكدة كتلة لا بس نبضها طبيعي وضغطها عادي لتخافون طبعا جهاز الضغط مال جدو هسة تكولون منين جابتة هههه صحصحت نور زوحة احمد بعدين بدلنا واخذناها اني واحمد وعمتي ام احمد للمستشفى وحللت طلعت حامل احمد من فرحتة شبكني ويبوس براسي ويكلي هباوي انت وجه خير علينا ...اني فرحت وباركتلة الة ولنور ومرت عمو طايرة من الفرح رجعنا متاخرنا لكينا الكل مترقب اول منزل احمد شاك الحلك وفرحان بشرهم بحمل نور والكل باركولهم اباوع عليهم الكل فرحان طبعا بابا من البارحة مشايفتة لان ملتهي بنسيبة التحفة الي ورطني بي واحسة فرحان بي عبالك ممصدك اني التزمت الصمت وكلت هاي هي استسلمت لقراراتهم المهم بابا راضي عني وفرحان باهلة وب ههه نسيبة ...بس قررت اطلعلة كلب جديد لمؤيد بسيطة اني الك اشوفك الزعطوطة منو وشتسوي ...تنهي علية ...بسيطة ...يامغرور ...بابا كال يلا تهيؤ حتى نرجع لبغداد لا حتبدي امتحانات نصف السنة واني هم عندي امتحانات وبحوث لازم اكملهة بس الحمد لله مسيطرة على دراستي ..رجعنا لبيتنة دخلت غرفتي نمت للعصر يلا كعدت لكيت ماما مسوية غدة تغديت وسولفنا شوي كلتلي هبة انتي فرحانة بخطيبج اني محبيت اكسر فرحتهم ولا ابينلهم مشاعري الحقيقية كتلها اي ماما طبعا ومقتنعة كالت بس هو مقبل بشروطج كولهة ابتسمت كتلها ماما الله كريم سدي الموضوع مااريد ااثر على دراستي بعدين افكر بهاي الامور واهم شي عندي رضاتكم عني انتي وبابا اهم شي عندي محسيت غير شبكة من ورة وبوسة هههه بابا حبيبي كلي انتي تسوين عندي عشر ولد واريد تتاكدين انو مراح تتندمين على اختاري لمؤيد لان اعرف الناس معادن ومؤيد معدنة ذهب والايام تثبتلج اني كتلة اكيد بابا اني اغمض وامشي وراك المهم ترضى عني ربي يخليك النة ويطول عمرك .....