#حكاية هبة# للكاتبة عفراء مهدي

بارت سابع

خلصت غدة اني واهلي غسلت المواعين وصعدت حتى  اقرة فتحت الموبايل اني متعودة اغلقة من انام وطن طن اجتي اشعارات مكالمات فاءتة رقم ورساءل من نفس الرقم قريتهن من مؤيد بعدني داقرة رسائل دك خليتة حد اخر لحظة ..اففف شيريدهذا دااريد اجاوب سكت اييي خلي التهي بقرايتي احسن دز رسالة اذا مجاوبتي تندمين ...اااا لا ويهدد ...رد دك ...جاوبتة الو ...كلي الا بالتهديد يلا تجاوبين مو شلعتي كلبي ...اني حبيت اضوجة كتلة هلو عمو ااا اسفة اقصد مؤيد...هو تنهد وكال عمووو مووو..بسيطة ...كلي هبة بدون نقاش لبسج يتغير ...مكياج ماكو...حجاب كامل متطلع منج ولا شعرة...وسيارة تسوقين وحدج ماكو ...ومتحجين  ولا تتناقشين وي اي جنس ولد ...مفهووووم ...هبة..شنووو ليش شبي لبسي وشون اروح للكلية مالتي وبعدين اكيد حيكون عندي اختلاط بالطلبة اني داادرس طب وبحوث شون ...احجي بعصبية ...كلي الي كلتلج عليه يتنفذ وباجر اني اوصلج لتشيلين هم ..مفهووووم...اففف اوك ...هو كلي عفية ب مرتي ..كتلة بعد تامر شي ثاني عندي قراية ...هو كال اي اريدج اوووف كون بين ادية هسة ..اطلع ضيم كلبي بيج ...اني خجلت من كلامة كتلة مع السلامة وسديتة ...دز رسالة ..فديت مرتي الخجولة ...ضليت ازفر واتافاف ...حتى قراية مقريت ضجت منة ومن تسلطة كمت على الة رياضية مال ركض صعدتها بلكت نفسيتي تتغير وافرغ غضبي نرفزني المغرور اوووف منين طلعتلي كملت رياضة طبيت سبحت شسورت شعري شوي ارتاحيت وبديت اقرة لحد ساعة متاخرة من الليل نمت كعدت الصبح نشيطة صليت لبست تراك اسود وذهبي وشعري شلتة ذيل حصان نزلت اني دوامي مسائي لكيت بابا رايح للدوام وماما بالمطبخ ...كود مورننك مام ...ياروحي صباح النور والسرور ..هاي شنو هذا الريوك يشهي والله جوعانة بس شدعوة هواية مسوية ماما تبسمت ومااحس الا انطخيت بشي صلب ودافي ..منو غير المغرور مالتي ..مؤيد ...اني فتحت عيوني كلي صباح الخير ...بعدني مصدومة صصصباح الننور شوكت اجيت ...ماما كلتلي
نقلو لهنا تنسيب لبغداد خطية مر علينة ...ديشوفنا ...لان البارحة رحنا بدون ميدري عبالة نبقة بيت جدج ...اني انعفست كلت بكلبي هذا شون لزكة ...كتلة اي نورتنا كلي اي شراح تريكيني مرتي الحلوة اليوم كلت اتريك من ايدج ..غمزلي بس لا متعرفين بالطبخ ترة اني مااحب اكل البرة ...كتلة ولوو تدلل ..تريكنا ..وهو مشال عينة مني حتى ستحيت من ماما ..دااشيل الماعين واغسلهن اجة وراية للمطبخ ..احم شونج ياحلوة شبيج مطنكرة من الصبح لازم مفرحانة بشوفتي مو عمووو عرفت هو زعلان لان البارحة كتلة عمو اني مدنكة راسي مرديت علية كلي شنو شطالعة ترة حرام عليج ارحميني ...كتلة ترة لبسي محتشم بس ماادري بيك اجيت علينا ..واني دوامي مسائي انت وين تلحك توصلني للكلية ابتسم كلي معليج انت الج الصافي اني ادبر اموري ...رجع للهول كعد اني رحت بدلت ملابسي لان اكلني اكل بعيونة نزلت لكيت ماما مبدلة دتطلع تتسوق لان بابا كللها مشتهي سمك عالغدة مؤيد كللها يلا اوصلج كلتلة ماما لا ههنا قريب بفرع الثاني ابو السمك ميحتاج وبعدين لو ما انت هنا ترة اني مااخلي هبة وحدها ابقى يمها شوي وارجع هو بقة اني توترت ... طلعت ماما اني سويت نفسي ملتهية بشغل حتى لا ابقى يمة بوحدنا ضليت افتر مااعرف شاسوي هو اكيد ميفوت هاي الفرصة مااحس بي غير حاضني ويشمشم بية اني كمت اعيط عليه وخر مني عيب شدسوي هو ابد كانما مسمع هو كام يبوسني من ركبتي ولازكني حيل على جسمة طبعا اني نملة بالنسبة الة لان هو ضخم نزل على ركبتي اني ادفع بي ولا عبالك صاك سنونة ويكلي عمو مووو حسيت نفسي دخت ارتخيت هو عبالك انجن باسني من شفايفي ملخني تملخ اني اختنكت اريد اجر نفس مااكدر هلكد ماعاصرني حسيت عظامي حيطكن بين ادية وهو مستمر ينهش بشفايفي اني عبالك اتجاوبت وياه بس حسيت الباب ماما اجتي هو تركني واني طفرت لغرفتي بعد مااعرف شصار وراية دخلت لغرفتي وقفلت الباب وضليت اتنفس سريع رحت اباوع على نفسي بالمراية هذا شمسوي بية شفايفي ورمن وركبتي مزركة عزااا ليش هيج شون من اهلي عيب خليت خافي عيوب ومنزلت مااريد اشوفة  .ضليت بغرفتي احوس مااعرف راح لو بعدة ورة نص ساعة طلعت اتصنط ماكو صوتة نزلت شوي شوي باوعت بالهول ماكو بس ماما بالمطبخ اخذت نفس كلت اي يمكن راح ماما شافتني كلتلي ليش خليتي مؤيد لوحدة مو عيب غير تكعدين يمة لحد مااجي ميصير ماما هسة شيكول عليج متعرفين الاصول اني بكلبي كلت لو تدرين شسوة بية وراج ...كلتلها هسة هو وين راح ...اي راح حتى مبقى عالغدة يمكن زعل ...والله شكد عيب ...ابتسمت كتلها لا لتخافين ميزعل ...لامن يجي ابوج اكلة يخابرة ...صار وقت اروح للكلية مالتي بدلت لبست مانتو نيلي طويل وبنطرون رصاصي وشال رصاصي بس لفيت حجابي ومخليت شعري يبين اخذت ملازمي وجنطتي طلعت دااريد اركب سيارتي انجريت من ايدي ...لا ياحلوة ممنوع بعد تروحين اي مكان وحدج ...اني فزيت ...مؤيد ...انت مو رحت ...وبعدين راح اتاخر على دوامي عندي امتحان وخر حباب خليني اروح ...اي حياتي تروحين بس اني اوصلج بنفسي ...اخذت نفس عميق وزفرتة ...اوك خلي انطي خبر لبابا ...معليج يدري خابرتة وقبل...امممم حاسب حساب كولشي حضرتك. ..غمزلي كلي شفايفج عسل ...غير اشتلعت عشيرتي ...مؤيد كافي وبعد مااسمحلك ...بعدني ممكملة حجي ...شنو متسمحيلي بابا انتي مرتي حلالي وبكيفي اسوي الي اريدة ...شنو مو بكيفك ...اهووو لتلغين زايد ويلا خلي اوصلج لتتاخرين وراية شغل ...شو انداري خل اشوف لبسج ...اي مقبول ...اووف لو بيدي البسج بوشي ...شنو بوشي ...نقاب متعرفي ...شنووو لا عوزك معلية ماالبس ...ديلا بلا لغوة زايدة اني اقرر مو انتي افتهمتي...صعدت وياه بس خايفة منة يتهور مرة ثانية بس ماابينلة خوفي ...وضليت ساكتة طول الطريق ...وصلنا ردت انزل سحبني علية صارت انفاسة الدافية على وجهي متحجين وي اي ولد ...طبع بوسة خفيفة وسريعة على شفافي ...نزلت بسرعة ومبين علية تعصبت طبكت الباب حيل هو ضحك وراح ...دخلت للامتحان الحمدلله جاوبت ...ومرت ايام الامتحان واني نفس الروتين كل يوم الكة مؤيد منتظرني بالباب يوديني ومن اخلص ادكلة يجي ياخذني يرجعني للبيت وهو يرجع لدوامة بديت اتغير ناحيتة اعترف شوي كمت اميل الة واحب خوفة وغيرتة علية يحسسني اني شي غالي وثمين ويريد يحافظ علية حتى انتبهت علية وسيم وغمازاتة تجنن من يضحك ...رجعنا للبيت تغدينا كولنة ...هو ترخص من بابا حتى نطلع اني وياه نتعشى برة بابا قبل مرفض طبعا احس ماما وبابا منطي حرية بالتحكم والتصرف وياية عبالك ممصدكين ويحبوه ويحترمو كولش ...ومرات اغار منة لان أحس اخذ مكان بكلب اهلي حتى مرة سمعت بابا يكللها لماما ...اللة عوضني بمؤيد احسة ابني الي ماخلفتا ............
اتفقنا نطلع من البيت ساعة سبعة ...
صارت بالسبعة ماكو سبعة ونص ماكو اتصلت علية مغلق ....انقبض كلبي ...ورة نص ساعة خابر على بابا كلة صارت عندي شغلة مستعجلة مااكدر اجي اني استغربت ليش متصل علية واعتذر عن الموعد المهم..ماما كالت خلي نطلع اني وياج لمول*****هو قريب على بيتنا ..طلعنا اني جنت لابسة قميص اسود وتنورة حمرة وشال احمر طالعة فد شي ...رحنا افترينا واشترينا شغلات وملابس حتى لبابا ومؤيد اشتريتلة ملابس بيت اخليهن يمنة من يبات وساعة ماركة تجنن ماما تعبت كلتلي راح اكعد وانت كملي تفرفر لان تعبت تركت ماما وضليت افتر واشتري ...جان اشوف مؤيد ووياه وحدة ديفترون وهي لازمتة من ايدة ويفترون بس مبين عليهة مو راحة اني بين المصدومة بين المقهورة ضليت واكفة وعيني عليهم ردت اروح اواجها بس مكدرت مااعرف شون اجتي ببالي اخذت صورة الة هو وياها ولا اعرف هاي شنو صلتها بي ...اني رجعت بسرعة لماما وجهي ميتفسر مااعرف يمكن حسيت بالغيرة ...ها هبوبة كملتي ...ها ا اي ماما يلا بسرعة خلي نروح ...شبيج ماما اشو وجهج مخطوف ...هااا لا مبية شي بس تعبت واحس نفسي دايخة ...ها يلا لعد نرجع للبيت حتى تاخرنا على ابوج بقة وحدة ...رجعنا للبيت بس احس داخلي نار ...وغيرة...طبيت لغرفتي مااعرف شاسوي ..اتصلت عليه مجاوب ورة شوي اتصل الوو ..هلا مؤيد شونك خير ضل بالي عليك ليش مااجيت ...هلوو حبي اسف والله اجة صديقي من غير محافظة وعيب اعوفة اعتذر والله اعوضج حبي ...انت وين هسة اني بالشقة يم صديقي ...هااا خوش يلا باي ...باي ...مؤيد راح ادزلك صورة بالواتس شوفة ...
كلي اوك يلا باي ...فتحت الواتس ودزيت الصورة ...هو فتح الواتس وصارت علامة الصح زركة يعني شافة اني غلقت الموبايل ...ونزعت ملابسي ضليت بس بالداخليات وكعدت بجيت علما تعبت ونمت ...حسيت ايد تلعب بشعري كعدت بس راسي موتني من الوجع فتحت عيوني مؤيد فوك راسي اني فزيت من مكاني ...انت شجابك هنا وشتريد مني ...اطلع برة شون تدخل لغرفتي انتبهت على نفسي بس بالاتك ...لزمني من وجهي اسمعيني خل افسرلج ...كتلة ميحتاج تفسر شي ميهمني مبينة الشغلة انت زير نساء موووو...احجي وبالكوة مسيطرة على دموعي لتنزل ...لج شنو زير نساء احترمي نفسج ...واحجي عدل ...خزرتة ...كتلة منو هاي الي وياك لعد ...كلي والله ماعندي شي وياها هاي قبل اي جنت على علاقة بيها بس اتصلت علية اليوم محتاجة فلوس ...والله صديتها لان من عرفتج نفسي متتقبل اي مرة غيرج ...اني انصدمت حييل وانقهرت منة احس نار بصدري انوب الحجي مالتة عبالك سجاجين نبتت بصدري ...مستحملت نزلت دموعي هو تخبل اول مرة يشوف دموعي ...كلي لا مااريد دموعج ينزلن ابد وبسببي ...مسحت دموعي كتلة غلط ...صفن علية كلي شنو الغلط...ارتباطنا من البداية غلط ...هو كام يفور ...شنوووو قصدج لج لتكبرين الموضوع كتلج علاقة سابقة قبل لا اعرفج واليوم نهيتها لتظلين تلغين زايد ...لزمني من خصري قربني عليه كلي والله من يوم شفتج وعرفتج مقتربت على مرة ولا نفسي تتقبل اي وحدة ...لج انتي احتليتي كلبي وجسمي وكياني انتي نفسي نبضي ويبوس بية من عيوني وكل مكان بوجهي ...دفعتة كتلة اطلع من حياتي مااريدك ...لزمني من ركبتي ...كلي من اموت ويخلوني جوة التراب يلا اطلع من حياتج ...هبة كبري عقلج لتخربين فرحة اهلج ...صدكيني محد تارس عيني غيرج ...اني جنت اضوج من فكرة زواج اصلا بس من شفتج عبالك شي جان ناقصني ولكيتة ارجوج هبة انسي الي شفتي ...صعب مؤيد مااكدر..ضلينا نتناقش بس اني مصرة نفترق هو كلي نفذ صبري وياج راح اتركج هسة كم يوم ارتاحي وبعدين نتفاهم جرني لحضنة باسني من راسي وباوعني من فووك ليجوة وطلع ...اني انهاريت بعد مستحملت كل شوي اتذكرة هو وياها ......

يتبع...