#حكاية هبة# للكاتبة عفراء مهدي

خطوبة بارت خامس

تغدينا وكملنة ومشت الامور على خير بس عقلي وفكري كولة يم هبة شون نازكة وحلوة حتى امي لزكتلهة عبالك تعرف الي ابالي وانتبهت على عمي سلمان يباوعلي جان يكلي انت ليش متتزوح شعندك باقي ليهسة بدون زواج ..ابتسمت كتلة والله الله وايدك اذا عندك وحدة تناسبني اقبل عمي سلمان ضحك وكلي خير يابة خير وسكت ...هبة ...اني يحجون بس ممنتبها عليهم بالي يم مؤيد حسيتة مو راحة يباوعلي ونظراتة بيهة حجي كانما يحاجيني بعيونة وامة شكد حبابة بس لزكتلي انت شكد عمرج وشنو اسمج وشنو تعرفين وشنو متعرفين عبالك تستجوبني اشو هاية انوب بدت تحجي على ابنها وتمدح بي وتكلي يا ريت الكالة مرة وتسعد وليدي بس اني مستغربة منها ...ماما كلتلها والله ابنج خوش ولد ويستاهل كل خير الله يرزقة بنت حلال الي تسعدة ...ام مؤيد ابتسمت وهي تباوع علية بنظرات حسستني عبالك ملابسة ملابس ...خلصنة وودعناهم لبيت مؤيد وبيت جدو ورجعنا لبغداد ثاني يوم داومت بس تفكيري مشتت من سمعت حديث ماما وبابا بخصوص كلام جدو هند...كيان انت شنو رايك بكلام ابوك راضي عليه اني بنتي بعدها صغيرة مااريد تتدمر حياتها خليها على راحتها وبعدين منو يقبل هيج يزوج بنتة اني رافضة هالشي رد عليها بابا شوفي هند هبة كبرت واحنا مدايميلها هي لااخ لااخت واملاكها من بعد عيني متروح للغريب لازم تختار واحد من ولد عمامها اني كضيت عمري اتعب واجمع واكبر حتى لا يوم من الايام تعتاز احد من بعد عيني ولا تنذل من بعدي احنا مدايميلها هند فكري شوي ماما كامت تبجي اني صح اعترضت على حجي ابوية من طرح الموضوع ومنطيت ببنتي بس ترة كلامة صحيح وعين العقل هي لازم ترضى بواحد من ولد عمامها اريد اغمض واني مأمن عليها ومعايزها شي ...هبة اني من سمعت هذا الحجي مااعرف شنو صار بية صح اني محد ببالي ولا يوم حبيت شخص معين بس كلام بابا أثر بية يعني لامفر اذا غصبوني لازم ارضخ للامر الواقع بس منو اشو ولد عمو جليل هم احسن ولد بالعاءلة واثنينهم مرتبطين ضلت الافكار والوساوس تدور ببالي بس بنفس الوقت افكر ب مؤيد وشكلة وغمازاتة ونظراتة اليا مااعرف يمكن حسيت شي جذبني الة خصوصا من كلي لتكليلي عمو مااعرف بوكتها حسيت شي تجاها ....في بيت مؤيد يما شنو رايج بكيان ومرتة ترة حبابين ومرتة كولش محترمة امي من يمها اي يما اي وبنتهم ماشاءالله تنكرط كرط شنو من جمال وثكل وتربية مبين تعبانين عليها حيل اني ابتسمت ماادري ليش عبالك مادحتني يما مؤيد ترة طولت ولازم ازوجك وراح اخطب بنت كيان الك لتكلي لا لان شفتك شون تباوعلها وعينك عليها هاااا تنكر ...مؤيد ابتسمت يما انتي شدحجين ترة البنية صغيرة واني حطخ الاربعين منو يكول تقبل بية واهلها ينطوها ردت امي هاااا يعني انت موافق تتزوج كلوووووووش يما الحمدلله من وافقت اخطبلك مؤيد. ..يما شبيج دكلج البنية صغيرة ردت امة يمة معليك اني اروح اخطبها ولازم يرضون وين يلكون احسن منك والله لخليهم يوافقون لو اعرف اسوي المستحيل لو اعرف حتى اسوي سحور وتاخذها اني متت من ضحك على امي وج يمة شتحجين انتي هاي زعطوطة خاف تشلع كلبي وكلبج ...لا يمة لا والله دخلت لكلبي هالبنية كولش عجبتني وكلبي مرتاح الها مؤيد...بكلبي كتلها لعد اني شاكول صوبت كلبي من اول نظرة سحلتني سحل بنت اللذين ...ها يمة شكلت باجر اروح اخطب ...هوب يمة على كيفج مو هسة شوي انتظري خلي امخمخها براسي ...يمة دخيلك ماصدكت توافق تريد تشلع كلبي يمة ...مؤيد لا يمة بس شوي انطيني مجال اجس نبض اهلها واشوف خاف اخطبها ويفشلوني تعرفين علاقتي مو كولش بيت سلمان شوي انتظري ...زين يمة على راحتك والله يسهل بجاه محمد وال محمد ...الله كريم يمة اذا مقسومتلي محد يكدر يرفض ادعيلي يمة ...يايمة ان شاء الله تصير من نصيبك ...مؤيد كمت اتردد لبيت عمي سلمان واتودد الهم شوي شوي وبالصدفة صارت عندي معاملة ببغداد وكلت فرصة اروح لبيت كيان واجس نبضهم وفعلا اخذت عنوانهم من بيت عمي سلمان وكملت المعاملة ورحتلهم رحبو بية واستقبلوني بيتهم جان كولش فخم وحلو وام هبة مقصرت خطية سوت غدة بس جان متاخر وهي مشفتها الي ماخذة روحي وفكري اني احجي وي كيان بس فكري ببنت اللذين ماكو شوي واسمع صوتها اجتي ومعصبة وصوتها عالي امها تلكتها خير ماما هبة شبيج ...ماما هذا طالب وياية تحارش بية واني صديتة منطيتة وجه هو لزكلي وضوجني حيل من دااريد اطلع توتي دااركب سيارتي تعرضلي يكلي تعالي وياية مدري وين ...بعدها تحجي جان اطفر عليها هي تفاجأت من وجودي اني جنت لابس الزي العسكري كتلها منو هذا وشنو اسمة ووين بيتهم هي ارتبكت حيل بس اني داافووور واغلي عطت بيهة احجي وينة كالت عفتة بالكلية واجيت طبعا اني اداوم بس مساءي بابا صباحي ف كل واحد دوام ...هو كلي شنو وين كليتج والولد شنو اسمة كتلة عليه وطفر من مكانة واني وبابا ملحكنا عليه هو بسيارتا واحنا وراه اني وبابا وصلنا للكلية وهو يصيح وينة فلان وينة العار اليوم متطلع منا الا على ضهرك لك اطلع عار تتحارش ببنات العالم اليوم ادميك جان يطلع الولد بوجها لك منو العار وانت منو تتدخل ب هبة اني خطيبها ...طبعا الولد اسمة ثائر وسيم كولش وغني ومغرور والبنات يموتن عليه هو لزكلي من اول يوم داومت وبدة يلاحقني اني ابد منطيتة عين هو تخبل لان متعود البنات يلزكولة لحد ما تجرؤ ولحكني للكراج مال الكلية يكلي تعالي صعدي وياية نتفاهم اني ضربتا راشدي وعفتة هو هددني يشوه سمعتي بالكلية بس اني انقهرت منة لان اني ببلدي هيج ديصير بية رجعت للبيت احجي لاهلي ومااحس غير مؤيد طافر بوجهي منو هذا وشنو اسمة وفعلا راحلة للكلية وطلعلة ثائر يكلة منو انت وتتدخل اني خطيبها ...مؤيد ...عبالك انكفخت براسي شنو منو خطيبها وشوكت صرت طبعا عرفت الولد ديكذب جان الزمة وادمي صارت هوسة من هوسة خطية هبة فشلت بس احسن خلي حتى محد يتجرأ ويدنا عليها بعد بالكوة فكو الولد من ايدي وهبة تكلة لك انت شوكت خطبتني حسيتها مقهورة لان تفشلت كدام الطلاب اني مدري شلون طلعت مني حجاية خلت الكل ينصدم لك هاي خطيبتي اني خطيبها هي ضلت باهتة مصدومة من حجايتي هي وابوها وبعد ما فضت العركة ورجعنا للبيت كعدنا وهدءنا هبة جابت معقم تعقم ايدي لان انجرحت وابوها صافن اني كتلهم اسف يمكن اتسرعت بتصرفي بس ترة من سمعت هبة تحجي فار دمي ومعرفت شاسوي انعميت رد كيان بالعكس مؤيد انت دافعت عن بنتي واني ممنون منك اني تذكرت من كتلهم اني خطيب هبة والي يتجرأ يحجي وياها يعرف ...كتلها هبة اسف ترة مااعرف ليش هيج حجيت هي ابتسمت ودخلت جوة بعد مشفتها وكيان كلي مصار شي حتى لو تقصدمابيها شي اني انصدمت من جواب كيان وكلت ياالله فرحت حيل ..طبعا صار الليل وكيان مقبل اطلع كلي تبات يمنة والصبح تروح اني مصدكت راح ابات بيت الحب هههه حب شبسرعة حبيتج بنت كيان لج شسويتي بية ...بعد مشفت هبة سوت ام هبة عشااا وتعشينا ونمت لان تعبان كعدت الصبح لكيت كيان وام هبة بالمطبخ صبحت عليهم وكعدت ام هبة تسويلي ريوك جان تنزل هبة من غرفتها يالله شكد حلوة تيهني من اباوعلها عبالك ارتاح نفسيا من اشوفها كالت كود مورننك ...طبعا عوجت حلكي معجبني تحجي اجنبي كتلها صباح الخير. ..بس احلة صباح هيج عندي بخت واصبح بوجههج الحلو يوميا ...كعدت عالميز تاكل وامها وابوها دخلو غرفتهم بقيت بس اني وهي ناكل اباوعها شكد نازكة من تاكل باوعتني كلتلي شون ايدك خو مو تاذيك اني طبعا تحجي ومفهي عليها كتلها زينة من داويتيها البارحة طابت كالت اني اشكرك على موقفك البارحة بس ليش كلت علية خطيبتك اني صحيت على روحي كتلها حتى محد بعديتجرا ويمسج بحجاية هي ابتسمت رفعت عيونها بعيوني كالت شكرا يمة شنو مو عيون سهام وصوبني كتلها ليش ضجتي من حجايتي هي كالت هااا لاا بس اني ...قاطعتها طبعا اني كولش جريء كتلها هبة فلنفرض حجايتي صدك شنو رايج اخطبج ...وسكتت ...هي صفنت علية ...اجة كيان مبدل ديروح للدوام  وام هبة كالت ها كملتو ريوك بالعافية ...بعدها سلمت عليهم وطلعت بس هيمااان وخايف من جوابها ...لان ضلت صافنة حسيتها انصدمت ...رجعت لبيتنا ...هبة ضليت صافنة ومصدومة من حجايتة دخت واني افكر ساعة اكول شون يحجي وياية هيج ساعة اكول بس هو ميتعيب ساعة اكول هو جبير علية اوووو تخربطت الافكار براسي مااعرف شنو الي اريدة بس بديت افكر بي كرجل ....مرت الايام واني كل يوم افكر بي ووسامتا وهيبتة وشكلة من ديدافع عني ياربي يمكن حبيتة ...في بيت الجد سلمان ...اجتمعت العائلة كولها العمام والعمات لحضور عرس احمد ابن جليل هو خاطب من خوالة بنية كولش حلوة ونازكة بس شوي سمينة هم على علاقة حب من هم صغاركولش يحبون بعض رحنا لبيت جدو سلمان ولكينا الكل هناك اباوع على ولد عمامي صغار مو مال زواج هم بس ولد عمي جليل على وجه زواج ومرتبطين البنات علاقتي بيهن قوت كامن يحجلي على الي يحبوهم ويحجولي اسرارهم هن حلوات وخلوقات والكل يتمنوهن الله يوفقهن يارب بلليل صارت الحفل ماال حنة احمد ونصبو كراسي وميوزة وصارت ذيج الحفلة الي تخبل وركصو جوبي جدو وبابا وعمامي وولد عمامي يااي طلعو يجننون ومؤيدطالع يخبل واحنا مقصرنا ركصنا ركص ماصاير وام مؤيد جانت موجودة وبس تباوع علية اكلتني اكل بعيونها خلصت الحفلة ...مؤيد يمة لك الحكلي ها يمة خير شبيج لك طركاعة مال ركص هاي ولا تكول جانت عايشة وي الاجانب عبالك جانت عايشة وي ساجدة عبيد لك شلون تركص ركص يفلش مؤيد امي كاعدة تحجي وتوصف بيهة وبركصها واني كاعد فاتح حلكي واتخيلها ياربي شوكت تصير من نصيبي تعبت قررت اخطبها واسوي المستحيل حتى تصير من نصيبي بس راح اروح لكربلاء ازور بلكت الله يسهلها علية...هبة كعدنا الصبح لان اليوم الزفة لازم تحضيرات من وكت كعدنا كولنا عالريوك ونضحك ونسولف جدوو حجا يلا علي شوكت نفرح بيك انت وهبة هاي احمد اخوك الجبير وتزوج يلا استعجلو حتى تملون اابيت جهال قبل مااموت طبعا الكل بهت على حجاية جدو وعم السكوت شوكت ققررت ياجدو وشلون رهمتها علي دنك بس مبين عليه تعصب ومرت عمو تعرف بي يريد بنت عمتي اقبال رفع راسة علي وكال بنت عمي تشرفني بس اني خاطب بنت عمتي ومنطي حجاية وامي تدري كعدت البنية علمودي الكل سكت بس جدو كال اممممم خير ان شاء الله لعد خضر نفسك ورة عرس اخوك نخطبها رسمي ايييي تنفست الصعداء خلصت على خير صار العصر ونخبصنا ةنسينا الموضوع اني لبست ثوب محجبات نازك لونة ماروني وحجاب ذهبي وخليت حمرة ماروني طلعت واااااو الكل ضل صافن علية ورحنا لبيت العروس بنفس المنطقة وزفيناهم من طلعنا من بيت ابعروس صار كبالي مؤيد مااعرف شحسيت تخربطت اوضاعي طالع يجنن وهيبة وهو هم من شافني ضل صافن علية وجر حسرة وراح خلصت الزفة وراحو العرسان بالفندق زفوهم ورجعنا للبيت هلكانين منحس غير ام مؤيد ومؤيد دخلو علينا مؤيد راح يم جدو وعمامي وبابا وامة يم النسوان جان تكول اني جاية اطلب ايد بنت كيان لابني مؤيد وضلت تحجي هو تعرفو ومايقبل يتزوج لان ولا وحدة ملت عينة بس من شاف بنتكم تخبل عليهة حتى راح لكربلاء يطلب مراد ترة هو صح أكبر منها بس رجال وكد المسؤولية ويصون بنتكم ومن هذا الحجي ....هبة انصدمت من الخبر مااعرف شاسوي مااريد اتزوج اريد اخلص دراستي واخاف منة اكبر مني بالعمر ماما كلتلها يصير خير حجية نشوف الزلم شدكول والبنية ونردلكم خبر....طلعت ام مؤيد واجوي بابا وجدو وكالو الكل موافق عالخطبة اولهم جدو بس بقة راي البنية اني مااعرف شاكول بس ماما كلتلهم انطوها مهلة تفكرجدوو كال شنو تفكر وين تلكة احسن منة ويصونها ويصون حلالها وهو معايزة شي ومن عمامنة ....رجعنا لبيتنا لان دوام اني وبابا ...ارتاحينا ونمنا بس اني مكدرت انام قلق وتفكير هو ميتعيب بس هم اكبر مني واني مااعرف جوز ميخليني اكمل دراستي جوز منتوالم حرت حيل وماكو احد معارض الكل موافقين عليه حتى ماما وبابا احسهم موافقين ....ورة شوي نمت محسيت غير العصر كعدت صليت ونزلت لكيت ماما وبابا ديتغدون بوستهم وكعدت احسهم يباوعون علية كدهم كلام ...تغدينا كملنة دنحجي اني وماما عالعرس وشون تونسنا بابا صاحني كلي عندي حجي وياج تفضل بابا شور ...كلي شوفي بنتي اني الله مرزقني ذرية غيرج صارت وياي حادثة ونضربت بضهري ومن بعدها بعد مااكدر اخلف بوكتها صرتي اثمن شي بحياتي وسويت المستحيل حتى أحافظ عليج واامنلج مستقبلج والحمدلله تدرين انتي اغنى وحدة بالعائلة بنفس الوقت علمتج شون تصيرين قوية وتاخذين حقج بايدج وعلمتج وتعبت عليج اني هو يحجي وعيوني مدمعة ...شوفي بنتي تدرين انت اغلى عندي من ملك الدنيا بس بنفس الوقت اريد اامن عليج من تغمض عيوني واريد اسلمج لشخص الي بستاهلج ويصونج ويحافظ عليج مؤيد ابن عمي واعرفة من زمان رجال ونعم منة نشمي شفتي شلون دافع عنج بالكلية وكدام الكل ومهمة احد والله بساعتها تمنيت صدوك تصيرين من نصيبا لان هو الي اكدر اامن عليج عندة ...اني مااريد افرض عليج رأيي بس حبيت اوضحلج وجهة نظري وانت الج الاختيار والي تعرفة احسن من الي متعرفة فكري يومين وانطيني جواب ..