رنا- صعدت ركض ادك بالباب مامو رد كمت اصيح حسام حسام ردت صبا
ها رناوي تعاي
طبيت بخجل صبا عفيه كعدي لحسام عمر خابر خاله متخربطه وهو وحده بالمستشفى
عززه هسه اكعده
اي فده انداريت وسام فتح باب غرفته الجوه صاح
رنااا
ها وسام خاله تخربطت وعمر خابر تره يكول وحدي
لا بربج
طب ركض يلبس وطلع صاح حسام
جيت جيت
نزل حسام من فوك وطلعو هو وسام طلعت ماما عالهوسه جلبت وياهم راحت وبقينا اني وصبا وشيرين وجه الحايرين شوي واجه مهند كال ها راحوله
اي اي راحو عفيه شبيها خاله
ولج ذبحه قلبيه
عزه بعيني عزززه بعيني. هم
صبا- ششش رنا مامو شي هسه تطيب
عفيه شنو هالذبحه انتي تعرفين دكتوره
حبيبي مامو شي هسه يلحكولها ابرت حسام كال الحمد لله الله ست ها لتخافين
رنا- روحي طلعت للصبح كاعدين كلنا لارحت دوام ولا الولد جوي لل10 الصبح طبو ثلاثتهم وماما مامو
ها بشر
هاهي الحمد لله الله سترها
شنو شبيها
ذبحه قلبيه وسوولها عمليه شرايينها ضيقه
اي سوولها قسطره
والله مادري انتي اعرف بعد ه
اكيد ضغطها مرتفع لان هي ضعيفه واذبحه لو كوليسترول متراكم لو ضغط ميخلي الدم يوصل للقلب
والله صبا مااعرف طفي الضوه ارد انام
اي حبيبي غطيته غمض عينه رجع فتحها
وين رايحه
داانزل احضر الغده
تعاي نامي يمي اغفه وروحي
هه ماشي حبيبي نمت يمه جرني لحضنه دقايق وغفه نزلت على كيفي رحت يم البنات نضفنا وركبنا وخاله مجتي شيرين جانت يمي دتسوي اللبن باوعتلها
شيرين
نعم
اليوم احفلج
لا عزه ماريد
لالا لج يصير تغيير بوجهج ترتاحين
عليمن قابل المن لا ماريد عفيه عوفيني براحتي
كيفج جريت نفس شنو هواياتج انتي
اني جنت صغيره احب الرسم وسمي حلو
اممم
اي بس هسه راح واهسي
اني اريد ترسميلي ممكن
خاف مااعرف
لالا مره عن مره يرجع احساسج
اي ابتسمت اي ميخالف
هسه اجيبلج الوان ودفتر رسم جبير
اي هههه شكرا صبا انتي كلش حبابه ياربي يصير عدج نونو يخبل مثلج
حبيبتي الله يسمع منج
تركتها وحت يم رنا الكاعده بس صافنه طبيت يمها
ياحلو
ها صباوي
شبيج صافنه
جريت نفس باوعتلها وايدي على خدي بالي يم خاله خطيه
اليوم العصر نمرلها
خابرت رفيف ميته بجي والعوبه توها حامل خاف تتاذى
يووو خطيه الام خيمه
اي والله صبا خيمه
يله اليوم نروحلها العصر
اي انشاء الله
اكولج ليش منجيبها هنا خاله تره مبيها حيل تداريها وبيتهم ماشاء الله جبير
مقبلت كالت بمكاني ارتاح وتدرين تحنا هنا هوسه هناك ترتاح
اي صح تدرين هسه امول لحسام يوميه نروح يمها العصر ننضفلها نسويلها غده ونرجع وكت عمر مموجود بي او الولد ون ويانه يم عمر واحنا ننضف
عمر ملتهي نصيت راسي حسام كام يضوج يروح يمه اني اصلا اتوقع من وراه صارت حاله خاله هيج
خطيه الله يساعدها
امين ربي--- لليل اجتي ماما نكضانه كالت مدااكدر اوكف بعد باتت رفيف وايهاب يمها لثاني يوم الصبح رحت للدوام وي حسام جان اخر امتحانات نص السنه امتحنت ورجعت للبيت لكيت ماما تحجي وي وسام
ها شكوشبيكم
وسام- خاله سعاد تمول خل تجي رنا يمي ليش بتها شبيها
رنا- ماما خل هي تجي واشيلها بعيني
ماما وين تجي وي هوستنا هاي يريدلها مكان هاديء وتريد مكانها المره وبيتها
اني مابات هناك عدهم ولد شنو رايحه شعدي
وسام- لعد شدنحجي بس ويامن الحجي يفيد
ماما باعي انتي روحي هاي عطله روحي الضهر وتعاي بليل لتباتين
بقيت صافنه عليها كالت
حضريلها شوربه بله دهن تعرفين هالسوالف الجنتي تسويها لحسام ومهند تتذمرين علمتج عليه شيلان
اي كلتها بهدوء كالت
ماما متكدر توكف خطيه حمامها غربي احنا شرقي هي متكدر تكعد واني مابيه مداراه هي من يمها كالت رناوي خفيفه بلكن تجيبيها يمي هاي رفيف طينه موتتني فاهيه وحامل النوبه
رنت- بقيت صافنه وسام كال اني اوديج واجيبج ميخالف واذا عمر موجود ابقى يمها بس قدر الامكان خلصي شغلج بسع وحضريلها الشغلات كدام عينها التريدها
هزيت راسي اوك ماما يعني متمشي
لا تمشي بس بالكوه
خطيه جريت نفس طبيت لشيرين حجيتلها كالت
دير بالج عروحج لتخلي يتقرب منج
شحده اشك حلكه لبست صايتي وطلعت حسام جان بالهول هو. وصبا. ديحاحي ماما طلعت التفت عليه باوعلي ودار وجهه على امي كال
يعني مو عدها بنيه اني شنو داز اختي
ماما ذيج طينه مو مثل رنا فتت كلبها يمه سووها لا الله
حسام- تضايقت اخاف عليها خصوصا بعد رفضها لعمر مااعرف شو خفت رغم عمر مفتح الموضوع بعد بس اخاف بس سالفه انه وسام يجيبها قبل رجعته ريحتني شوي اخذها وسام وامي توصي بيها وهي تهز راسها وتحفظ بالتعليمات
رنا- وصلت لبيت خاله اول مطبيت خطيه جانت واكفه عالسنك وحانيه ضهرها تغسل كم ماعون ركضت عليها
لا خاله عوفيها اني اغسلها بوستها حضنتني وكالت
يمه راح اتعبج بس اني ماارتاح بس وياج عذريني عود اني عدي بنيه
حبيبتي خاله اني هم بتج وماعدي شي احسن من ما ضايجه اتونس وياج جرتني باستني واخذتها كعدتها تمددت عالقنفه مال مطبخ واني بلشت انضف وبدت خاله تحجيلي شصار بيها وشون تخربطت ومن ودوها للمستشفى ومن كالو عمليه وسوولها لحد ما رجعت التفتت علبها
خاله شون تخربطتي
هوه صار وجع بصدري شوي شوي ذار وراها تخربط
ادري يعني منج ولحالج
لا والله تلاغيت وي ابني وصعد وره شوي تخربطت هذا ابني حيموتني من اجي اواجهه واتعاارك وياه يكولي عوفيني لا احرك روحي واخلصج مني والله حموت من وراه
لا خاله اسم الله عليج
يمه فدوه لكلبج لو بس الله يهديكم
درت وجهي امسح باوعتلها خاله شكلتي
اكلت يمه تكه دجاج
لعد حسوي شوربه مال خضار تتعشين بيها يله هل اجيكلج الضغط
اي كيفج
تقدمت اخذالضغط جان الحمد لله طبيعي شوي وسمعت صوت مفاتيح المطبخ تفتح الباب باوعت عالساعه ب7العصر راسن لبست حجابي
عمر- طبيت للبيت ريحه اكل والبيت نضيف مديت راسي للهول البصف المطبخ امي متمدده عالقنفه
ها يمه شون صرتي
زينه يمه زينه ها كملت شغلك
اي الحمد لله
اكلت شي
اي جاب ايهاب لفات منو اجه يمج خاله منتهى
لالا دزت رنا خطيه
ها رنا هنا وكفت افوت للغرفه طلعت رنا من غرفه امي
رنا- ها عمر شونك
هله رنا شونج باوعتها ونصيت تعبناج اليوم
لا يابه خاله سعاد مثل ماما
مرديت بدلت وبقيت بالغرفه مردت اطلع بس حسيت روحي راسي حيطك ردت جاي طلعت جانو كاعدين ديشربون جاي وكعك وامي تحجي سوالفهم قبل ورنا خربانه ضحك وياها من طبيت سكتت وكملت امي
هذا عمج جان بايامه يموت عالجمار ويتوسل بيه اكله واني اموت منه يتوسل بيه انت جايبه الك شكو تحشي ببطني يشتري واتورط
رنا- هههه باوعت لعمر كاعد عالقنفه يباوع لامه بالم مبتسم
عمر تشرب جاي
اي والله راسي منفوخ من الهدوم وريحتهن اخ يابه تثاوبت باوعتلها دتخلي جيله ونص شكر عطت لالا يابه جيله وحده
ها اوك طتني الاستكان وكامت توصل رسايل عالفايبر ايهاب خابر وراها
الو ها هوبي اي هيه اعرضهم اوك اي هو عالبيج ديله الله وياك سديته جريت نفس
ام عمر- شنو تعرضهن الهدوم
اي يمه
يعني مال كبار
لا يوم مال اطفال بس شونهن خرب ببليس وشون خامات فريت بايدي
شو تعال راويني
عمر- كمت كعدت يم امي بالكع ورنا على صفحه اليسره اراوي لامي وهاي تمد راسها ارجع اراويخا واكلب بالصور وانشر واروايهم اكلت كعد وجاي ودك هورن وسام وراها دك تلفون رنا كامت
هذا وسام اجه يله خاله حروح تردين شي
لا يمه فدوه لكلبج عاشت ايديج
خاله ب9عدج دوه والشوربه هاي تحميها وتاكلين ووباوعت لعمر هاي ركبت غده باجر تمن ومركه باوع بالثلاجه عود حمي وواكل
عمر- باوعتلها مبتسم ونصيت شكرا
رنا- هلو باي خاله عفيه عمر نام يمها
ماشي هو طبعا انام يمها جريت نفس طلعت رنا وبقيت يم امي واكلب بالتلفون وراسي انسطر اريد اشرب ومااكدر اعوف امي كمت الوب خابرو الولد تعذرت احسن شي انام وفعلا نمت يم امي وحسيت الصبح كمت اسوي الريوك حست امي خطيه كامت ويايه كعدتها وتريكنا بقيت بالبيت عدي هواي عطلات لل11طبت رنا جنت واكف عالسنك اغسل المواعين باوعتلها من طبت دتنزع حذائها ابتسمت
رنا- ها دتسوي ههه وخر وخر
لا يابه عادي عوفيها هي كم ماعون
لا والله وخر ابتعدت عن السنك وطاني الصدريه وطب للهول كملت غسل مواعين طلعت الغده ورحت لخاله شربت شوربتها واخذت الدوه لملمت البيت وشغلت الغساله بينما كملت فره صعدت اشرها انفض واشر بالسطح حسيت احد ديصعد اكيد عمر كال
ها دتشرين الهدوم اباوع السله بيها ملابسي الداخليه اجبت اخذهن فشلت كالت
لالا يابه عوفها اني دااشر
لا عوفيها هههه الله عليج وخري لتباوعين
اي شكو شبيك عمر فدوه روح دااشتغل
لالا بروح ابوج ههههه عوفيها ضميت السله وره ضهري وهي تفتر وتكولي جيبها مو وكت دهاريتك وجهي حسيته حيطك من الخجل
رنا- هاي شبي هذا عكدت حاجبي تذمرت بقت بس البياضات هاااا هههه نصيت راسي وعفته شرهن ونزل ورايه ميباوع بوجهي طب للغرفه شوي وطلع جنت عالمرجوحه وي خاله كال
انتي حتبقين لليل
اي وسام كال ب8اجي عليج
متكدرين تبقين فد لل10 مو عدي شغل
ها مادري والله خل اسال الولد
اي والله امون مننون
ام عمر- روحي يمه هسه اخابر رفيف
رنا- باوعت لعمر ونصيت راسي باوعت لخاله خاله شبيج نسيتي رفيف اليوم سافرت وي ايهاب
ام عمر- يوو نسيت والله
عمر- مو كلتلج ماروح ابقى انتي طردتيها
ام عمر- والله يمه وجهه تعبان من اشوفها اتعب بالاكثر ختروح تغير جو
عمر- ماشي هسه شكلتي عادي اتاخر فد للعشره لو لا
لاعادي روح هسه اخابر وسام واكوله
اني حخابره
ام عمر- انت وين طالع يمه
يمه عدي شغل بالمخزن مدام عطله خل اكمل الشغلات
ديله الله يوفقك اني اروح اتمدد شوي الدوه يسطرني
اي خاله مشيت وراها صارت احسن مشيتها بس تنهد غطيتها. وطفيت الضوه رجعت للطرمه رشيت الزرع سمعت الباب مال مطبخ انفتحت التفتت عمر طلع كعد عالمرجوحه وبيده التلفون يكلب بي
سديت البوري داافوت للبيت اكعد بغرفه خاله كال
تعاي وين جيف اني كعدت هنا
لا والله هه منو يمك
باوعتلها ونصيت عالتلفون شونج
زينه الحمد لله بقيت واكفه كال كعدي داحاجيج ميخالف
اممم عادي جريت نفس جريت كرسي من كزراسي الحديقه عدلت حجابي ذب التلفون رفع راسه كال شونج وي دراستج شونه جوابج
زين الحمد لله
تدرين مطلعه جيد جدا
لا هههه صدك باوعتله اضحك يباوعلي مبتسم
اي والله هزيت راسي جريت نفس بقيت اباوع بعينها دارت وجهه مرتبكه مهزومه من عيوني رنا امي محتاجتج والجيه مالتج كلها حتى تقرب بيننا
هاا عكدت حاجبي شنو يعني
امي وكعت وتخربطت لان كتلها متريدني ولا ريدها وعدي وخده وكذا وكذا درت وجهي عالحديقه رجعت باوعتلهز مخليه ايدها على حلكها فاكه عينها كالت
تالي
ربج العالي ارتجيت عالمرجوحه جتفت ايدي مااعرف شسوي دتلح عليه هواي بحيث اني موافق ارتبط بيج لان بصراحه يعني جريت نفس درت وجهي منا وبينا
اني متفقه وياك عمر كلبت
امي دتلح رنا والله واني شبيه دترفضيني اذا عالشرب انشاء الله اتركه
اني اللي شبيه ترفضني
انتي جريت نفس رفعت راسي ليفوك ورجعت باوعتلها انتي اخت رشا
بقيت اباوعلها فاكه عيني شنو تريد اسوي
مارايد منج شي بس فكري بالموضوع وانشاء الله نتوصل لحل لزمت التلفون اكوم
يعني شنو قصدك وكف يطب اوكف خل افتهم
فكري بالموضوع. اني موافق واذا قافله عالقضيه انتي كولي حتى اشوف غيرج لان اني مدااكدر اعوفها بعد يله اني طالع اذا متصير زحمه ابقي للعشره وخابرت وسام قبل
اوك همست نصيت راسي حايره. بدل وطلع واني على كعدتي صافنه كال
قفلي الباب ورايه دير بالج على امي فدوه
بعيني طلع وسد الباب بقيت حايره بالمطبخ الولد ديكولي اخت رشا يعني مكارهني علمود رشا لالا مستحيل اقترت بهيج انسان استغفر اللللله ربي كلتها بصوت عالي طبت خاله كالت
ها يمه شبيج
مابيه خاله
جرت كرسي وكعدت كدامي كالت يمه رنا
بس كالت هيج اني برطمت كالت
لالا هذا هو هيج ابني قهرج هذا هو ماافتح موضوع بعد
لا خاله مو علمود هيج اني اختنكت
يمه والله عموري خوش ولد تتذكري شكد جان يجي يم حسام ويحبكم تاذكرين وكفاته وي حسام من تمرض معافه يوم واحد
اي خاله والله مهند راح وهو بقه يمه
يمه انتو رابين سوه ليش نطبب غريبه بيننا والله من البدايه اني كتله رشا متفيدك ردتج الج كال صغيره
خاله عمر تره من وره ملحتج قبل بيه على مضض
يمه اني مو ما اعرف ابني ليش ماشوفه شون يغار عليج ماشوف عيونه من تباوعلج ويجر نفس ماشوف فرحته من انتي هنا ومن ياكل اكلج ويداهرج يمه بس هو ميتنازل لا ن اختج اذته والله من يشرب يخرط خرط حتى بجي يبجي يكولي جانت تضحك عليه تاذه هواي انكسر من رفضته والله لو تدرين شكد جان يشتريلها ويجيبلها ويطلعها وهي مبهعينها اي شي مو مثلج ابد
صفنت عليها كلبي دك كلبي من جديد مااعرف شفقه ماادري حبي القديم غمضت عيني فركت وجهي كالت
بس اريد منج تفكرين بعقل وكلب صافي فدوه لكلبج
هزيت راسي ماشي خاله جريت نفس للعصر جوي اهلي كلهم وبقينا سوالف وضحك لليل راحت امي والبنات بال8ونص بقيت افكر بكلامه خاله طبت نامت طبيت افتر بالبيت واتخيله بيتي بس مكدرت اتخيله رجلي ابد طبيت لغرفته تذمرت من طبيت اول مره هالمره بله بجي افتريت رتبت الفراش وعدلته مسحت الاخشاب لميت الكنينس وذبيت الزبل علكت هدومه تراك البيت وطلعت الوصخات واتفرج عالغرفه اللي المفروض تتزوج بيها رشا كعدت عالطبله مال ميز تواليت اباوع على روحي بالمرايه وعلى صورته اللي فوك حالمرايه ادري بي حباب وطيب بس ميحبني صفنت بحجي خاله تذكرت نضراته كلبي دك مره لخ جريت نفس صوت سده باب المطبخ فزيت البس حجابي اللي على جتفي طب راسن للغرفه ركض ويباوع وراه شافني وكف مصدوم
رنا !!
ااا دارتب الغرفه باوعت علاكه سوده بيده راسن خلاها بالبوفيه باوعلي ونصه مرتبك من طكه الكزاز عرفته شرب كال
شو هنا
مو كتلك دارتب
همم باوعت بعينها خليت ايدي بجيبي
النوب جايبه بالبيت متخاف على امك
التفت باوع عالباب مال عرفه امه رجع باوعلي كال
جريت نفس هي هاي اخر مره
ههه اكبر كذاب عفته دااطلع
احترمي نفسج لج
جان احترمت امك حرامات والله بقيت اباوع بعينه بغضب نصه راسه ورجع باوع على باب غرفه امه كال
مكدرت اشرب بره فجبته هنا
عاشت ايدك
رنا انتي شعليج يله خابري اخوج ب9ونص
عمر تدري قنعتني خاله بس هسه لعبت روحي كلش
شنو يعني قنعتني هااا علمود الخطوبه
عمر متفيدني ولا فيدك اشرت بيدي اطلع وادردم اخذلي واحد براسه خير مو شراب كال
كافي انلصمي بقيت احجي
ماعده اي احساس امه مريضه وهو جايب شرب ماادري شون جان عايش وي اخته كلتها هالكلمه وسكتت ضهري عليه بلعت ريك عرفت الكلته جبير التفتت شفته منصي راسه وقابض ايده
ااني اسفه
اطلعي بره همست جسمي كام يرجف عصبيه
باوع طلعت مااعرف شون مااقصدها تره
دطلعي طلعي
تقربت منه عمر والله علمودك منصي راسه وقابض ايده احس صار نار من العصبيه خفت منه
اعتبرني مكلت شي وانت عقلك براسك وهاي امك وبيتك اني شعليه قابل بس العليه اني رافضه يله حروح توني اسد الباب عليه واسمع صوت تكسر فزيت رجعت فتحت الباب شفت ايده مدمايه وكاعد مقرفص بالكاع موقف يخوف الكاع كلها كزاز منصي راسه ولازم ايده بايده اللخ
