حسام- وسام التفت شاف عمر واكف طلع بره عمر هم راح وراه حضانها بيدي ماتت بجي
كافي رناوي
خطيه شون امه واهله شحيصير بيه، حسام يعني مات هاهي
رنا حبيبي قوي روحج
خطيه حسام حموت قهر. عليه يا الله
ليش خابر ليش الله يرحمه الله يرحمه
رنا- كعدت عدل من حضنه نسحت دموعي باوعتله اريد امولك شي بجيت اني كتله احبك حتى يفرح رجعت اشهك
بست راسها جريت نفس كافي يابه كافي
حسام يكولي كمت اصلي حتى اندعي من الله تصيرين الي
جريت نفس كافي رنا خبزته لهنا كافي حبيبتي
مو خطيه بعده شاب
ميخالف يروح خفيف ممتراكمه ذنوبه عليه
جريت حسره واشهك جرني لجربايتي اني تقربت نامت يمي طلع. انداريت على ماما ودموعي تجري كالت
ماما حبيتي
لا ماما والله بس انمرد كلبي عليه يحبني مااعرف شحب مني مااعرف شصخم وجي وخلاه يحبني مسدت على شعري كالت
ماما انتي نقيه
ماما احجيلي عن بابا وبسام شون ماتو جرت حسره كالت ليش
اريد اعرف رجعت تذكرت حجيه ماما حموت قهر كام يبجي
كافي يمه كافي نامي حبيبتي
عمر- فاجاتني تحبه لعد ليش رفضوه يمكن من وره مكسراته ماتت قهر من فتت بله مااحس من الهبطه على صراخها شفت شعرها ضغيرتها بالكع ونايمه بحضن حسام بقيت صافن على شعرها شطوله بجيها وجع كلبي انقهرت عالضبع مااخفي هالشي بعده شباب ورادها وهي هم تحبه حيل ومبين عدها علاقه ويا جانت من التلفونات والا شون يعرف رقمها جريت نفس خطيه الله يساعد اهله طلعت خالتي ووسام بعده يكلب بالتلفون وصاير نار باوع لخالتي كال
نامت
اي يمه نامت
حسام وين
هياني وسام شبيك
اكولك نجمنيله رقمها
بدلنا مرتين ورجع اتصل المثله مينضم عليه شي
واني ليش مكتولي
لان متهور هسه شرايد وتسوي من المامو مشكله هسه شرايد الولد واستشهد كافي كوم اصعد نام دفر الحرسي قوي وصعد بعصبيه جريت نفس باوعلي عمر كال يعني الولد صدك مات
يابه خابرت عالرقم يفصل ودتكول كللها حفجر روحي عليهم
الله يرحمه اي جان نطيتو
عمر الله يرحمه بعد بس مو مال زواج هذا ومو مال رنا رنا ناسكه اقل شي تتاثر جايز من بنتي اني جريت نفس نام يابه نام ارقى شي امك متسمع ونايمه
اي شر البليه مايضحك جريت المخده ونمت انقهرت عليها
رنا- يومين اني مثل المريضه وسام زعلان ميحاجيني وحسام يطب ويطلع يباوعزعليه وينطيني قوه وجمن يحاجيني بردت فعلا بديت اتعايش واحاول انسى هالمكالمه ساعه اكول لو مراده وارجع وامول لاخطيه ريحته بشي قبل موته سانه مفاركتني يوميه تنام يمي ونضل نلعب بالفون واليوم نامت قبلي هي وشيرين توني اغفى وحلمت بي بالكيه كال
تخافين مني من سلاحي وذبهن رفع راسه وكال باجر توصلج امانتي خليها بركبتج حتى تتذكريني كل فرض او خليها بالسجاده جانت الريحه بالحلم قويه وطيبه فزيت واحس بعد الريحه معلمه بانفي كعدت عدل باوعت ساعه 12ونص بليل لزمت فون سانه العب بي فتحت الواي فاي توني اكلب باليوتيوب وصلتلي رسايل عالفايبر باوعت مكتوب فراس بالاجنبي كاتب
بس احاجيج وروحي كلمه وحده سمعيني
سانه وروح ابويه موقصدي اباوع عليج
بقيت صافنه بس فتحت الرسايل دك فزيت سانه فكت عينها والنعس بي كالت منو عكدت حاحبها
ردي سانه خطيه
منو باوعت عالشاشه عمه شكو فتحتي الواي فاي
ردي خطيه
ماريد
سانه بداعتي
صفنت عالمكالمه خلصت الدكه ورجع دك لزمته كعدت عدل راحت النومه بعد احمم
الو كال بلهفه
حبيبي ليش هيج تسوين بيه
بقيت ساكته عمه رنا ابتسمت لزكت راسها عالسماعه كال
سسانه اني داموت دونج
مرديت مااعرف شكول
شتاقيت لصوتج ودلعج
مرديت مكدرت ارد كتله باي وسديته رجعت طفيت الواي فاي باوعت لعمتي جريت نفس بعدني محاهزه
شون يعني
بعد اكو بكلبي اذيه ناحيته
على راحتج بس يحبج
هزيت راسي اي نزلت للفراش نامي عمه باجر عدي دراسه
اوك نزلت نمت والصبح حسيت على صوت سيارات شرطه بفرعنا كمزت للطرمه لكيت حسام ووسام وامي وامفين بالطرمه
شكوو منو هاي
التفتو عليه كالو طبي رنا باوعت بين من فوك الباب الاعلام خليت ايدي على كلبي جابو وليش من فرعنا هو بعد عن بيتنا عشر فروع ليش انهد حيلي اندكت الباب ركض وسام فتحها اشرلي لتتقدمين خطوه
وسام- فتحت الباب ملكيت اخد بس هوسه وديمشون ثكيل والجنازه عالسياره عاليه والصوره مالته عليها وملفوف النعش بالعلمم بقيت صافن كزبر جلدي شكد حبها لعد فاتو من يمنا بثكل الواكفين بالسياره باوعولي ومشو بالسياره بثكل
رنا- جريت نفس انكطع نفسي من شفت الاعلام وفتح وسام الباب وبابنا ناصبه والسياره البيها الجنازه عاليه اختنكت حييل لزمني حسام يجرني جوه نترت ايدي منه باوعت صورته موجوده مبتسم تذمرت بيوم اجه ووكف بالباب وحجه ويايه بس دموع حاره احس توكع من عيني واتنفس من حلكي انذبحت ذبح طلعو بالجنازه صاح واحد من الصاعدين يمها
اديت الوصيه ضبببع
باوعت لحسام يعني شنو هو هسه بالتابوت لو لو فارغ
مااعرف رنا تعاي فوتي عطت بعصبيه
زين ليش كال اديت الوصيه شنو قصده هو موصي
جريت نفس تعبتيني تره
وسام- كاافي عاد شهالك---- ه. امشيفوتي يلللله
رنا- طبيت للغرفه كوه امشي تذكرت وصاني اصليله فرشت السجاده وكمت اصلي واهديله اصلي واهديله بردت وبرد كلبي. ثاني يوم داومت جامعه اجه عمر علينا لان وسام اخذ السياره يودي امي لكربلا هي وخالتي صعدت اني وحسام بالسياره طلعنا جنت احسن بهواي من قبل يوم كدرت اقنع روحي انه هسه هو بالجنه لان شهيد عمر وكف السياره نزل حسام باوعلي كال عدي هنا بالنهرين اوراق اجيبها والحككم
عمر- جيب اوراقي وياك
حسام- طيني هويتك
هاك
عمر- طلعت كبل باوعتلها بالجامه الاماميه ملامحها باهته جريت نفس كلت
البقيه بحياتج
رنا- مرديت مالي خلكه اببد
تره دااحجي وياج
باوعتله بقيت اباوعله ببرود رجع كال
البقاء بحياتج
على شنو ابويه اخويه زوجي واني مادري على شنو تعزيني درت وجهي عالشباك كال
حبيبج غير
رجعت باوعتله انت ليش تكرهني
ههه شعدي وياج
لا اني احس بيك تره
ليش دتحسين بيه شنو يعني تحسين بيه عكدت حاجبي احجي واباوع بالمرايه
احس بيك تكرهني اشرت على روحي واباوعله بالمرايه
جريت نفس مبتسم اي والله ولا اطيقج
ليش جيف كتلك متفيدك ملامحه تغيرت وكف السياره باوعلي بحقد بالمرايه بهاللحضه نسيت الخوف اريد اطلع قهري باحد كال
اي لان كتيلي متفيدك لو مخليتني بعمايه قاطعتني
اني صوجي لو مبقيتها تكول للبنات خطيبي سبير بجيب الوره مخليته احسن مووو احسن
انتي وياها ساقطات اصلا طلعت توني امشي فتحت الباب ونزلت والثوله انشخطت رجلها بالشارع وكفت راسن خفت من صدك خفت لان امانه مو على شي نزلت ركض عليها اكومها
كومي اكو وحده تفتح الباب من تمشي السياره
وخر لتلزمني ابتعد ابتعد
منو يمج عيني اندارت تنورتها مفتكه
خرررب لج اصعدي اصعدي
عوفني برطمت اتلفت اريد حسام
بابا صعدي منا العالم
مارريد كعدت عالرصيف فتح باب السياره كال اصعدي اوديج للبيت
ماريد بس خابرلي حسام لزمت اللفكس بيدي ودموعي كامت تنزل هم صرت جبانه نتر بيه كال
كومي خزيتيناااا ولج مو اني استاذ والطلبه ديباعون خررررب تكومين لو اعوفج وافوت
بقيت اباوع عالطلاب وتنورتي مفتكه الفتحه واصله للفخذ لا مو مال اغلس صعدت بالسياره بقيت منصيه ديور ورجع كال
مخبله انتي
معليك مني
ومتستحين هم
مرديت عليه بعد
همزين زوجت اختي
كااافي عد انت النسيونجي وتشرب ومتسحتي هم كوله علاقات وي مطلكات اصلا انت الساقط
لا يا ادبسززز وكفت السياره امشي نزلي يطبج طووب منو كايلج هالحجي حسام موو
لا همست منصيه
منو لعد
اني سمعتك والله اعتذر بس استفزيتني
مرديت كملت مشيتي بس اعصابي تلف وصلت لبيتهم دتنزل باوعتلي كالت
حجيت وي روحي همزين الفرع فارغ باوعت لعمر يباوع من الحامه الجانبيه عفيه لتباوع
منو مباوعلج فد نمونه لو ما زركه
نصيت راسي بس اذتني حجايته ككمت امشي واحس الهوه يطب بين رجلي للافخاذ التفتت شفته ديشغل السيدي طبيت للبيت كبل ولبست غير تنوره وطلعت صعدت كال
تعاي هنا سايق عدج اني،
رحت كعدت يمه انلزكت بالباب طلعنا حسه مطلع ولاحسي مشغل راديو ويكلب بي صار ازدحام كام يافاف باوعلي
بله تستاهلين الصار هسه من وراج تاخرت محاضرتين راحت
بقيت سامته ماباوعله
وخرررس درت وجهي عنها وصلنا للفلكه من صار الانفحار باوعتله هنا صارقاطعني اددررري
كلت بداخلي طبك طوب درت وجهي عالشباك تذكرت من ضمني كارهته كلش سمعت صوته كال
هنا كعدنا باعي
كتله ادرييي نترت
عمر- هههههههاي خرب ببليسج
رنا- مضحكت بقينا نمشي اشترى مي شرب وخله البطل تجاهي من دون ميباوعلي جريته منه وشربته جنت عطشانه كال
متلعب نفسج
هاا
نفسج متلهب احجي وماباوعلها.
ليش
من حلك لحلك واني البارحه ضارب بطل باوعتلها كشت روحها خلت ايدها على حلكها
مو حرام عليك
جريت نفس ادعيلي اتركه باوعتلها دارت وجهه راسن وصلنا الجامعه نزل راسن ونزلت تلكانا حسام
وينكم
انشكت تنورتي عمر كال
الله يساعدك عليها والله لو رفيف جان من زمان دازها لدار الايتام
حسام- عمر لتتشاقى هيج يله رنا فوتي
رنا- باوعتله لعمر همست شكرا حرت بيه
عمر- هله بعد لتصيرين انتحاريه لو عجبج تجربيت دتمشي وكفت نصت راسها التفتت عليه عينها مدمعه كالت
تره انت حقير همست بحيث حسام مسمع باوعت حسام صافن على كلامه من رحت نتر
انت شبيييك
عمر-مرديت نصيت راسي
