رنا- مو بيدي صار عدي رده فعل قويه تجاهه راح الحب كله فعلا انشلع من جذوره اقشعر من يحاحيني اريد يسكت وميباوعلي ابد انجبرت افوت محاضراته لان حسام لاحظ هالشي بس ابد ماارفع راسي بعينه ينطي المخاضره ويطلع. يله ارفع راسي واضل بشد عصبي نوبات اكعد وي نفسي اكول ليش هيج اوفر اني وارجع اكول موبيدي. واجه الخميس سوينا حفله عنونيه بيت صبا جانت طايره وحسام هم كلش فرحان عقدو ولبسو الذهب جان حيل نازك مختارته وتسريحتها جانت واوو واللبس كلش فوق العاده ولو جنت احبها ببساطتها القديمه ولو صارت تليق بدكتور حسام لبست ثوب مال حجاب فصال السمكه لونه بيجي بي كصف مابيه اي شي فتحه تبين جسمي على ذوق شيلان وسانه اشترت نفس اللون كالعاده بس كصير هذا جان الاختلاف كالعاده شعري فليته بس شيلان كالت شيلي عالي سوته تسريحه عاليه وسانه فلت شعرها ببساطه باوعت لروحي بالمرايه تخصيره جسمي حيل قويه مبينه التقاسيم من فوك ليجوه رغم مو كلش كصيف الثوب بي كصف بس مو هواي طلعنا ولبست عبايه خليجي خليت طبيعي مكياج ورحنالهم شكد تونست هاليوم جان من اروع ايام حياتي شقتهم اول طابق خلصو عقد الشيخ وراحو الرياجيل الاساتذه وكرايب امي من بعيد بيت عمي ابو ايهاب اجوي ورفوف كالعاده من خلص طلعو الزلم وبقو وسام وعمر وايهاب والبقيه ينتضرونا عالدرج مال عماره كعدو وسوالف وضحك واحتجنا النسوان جوه دك وركص وحسام ويانا شوي وطلع كال ننتضركم بالحديقه مال عماره جوه على راحتكم عود دكو علينا من يخلص العقد طلع مجبور من يمها حبيبي يباوعلها مبتسم كوه دفعناه واحنا نركص صاحت امي تعاي اخوج يريدج بالتلفون
اخذته
الو ها وسام شنو شبيك
اكولج عيني اني جوعان شنو موزعو شي
لا وزعو للزلم انتو جنتو طالعين ملحكتو
زين هسه شون اني من الصبح جيبيلي فد لفه
تلفتت صارت بوجهي شيلان
لج شيلان وسام مماكل
شيلان- لاهو ولا رائد ولاحسام ولا عمر سمعتنا عمتها كالت من مماكل خطيه سوت صينيه كومه لفات خلت بيها
رنا- لبست حجابي كلت بس امد راسي من الباب وانطيهيا ماالبس صايتي فتحت الباب انتضره وبيدي الصينيه اباوع عالدرج شون حلوه العماره مرتبه حيل شفت عمر طب وكف من شافني ارتبكت رغم الثوب ابد مبي فتحه ردت افوت كال
جيبيها جيبيها الصينيه
نصيت راسي
كال عمر شيلان حتجيبها
مرديت بقيت منصيه جر نفس من اقترب اخدجذ الصينيه باوعت بعينه غمض ابتعدت طبيت جوه وكعت قوطيه من الصينيه نصه شالها نصيت اني هم رفع عينه باوع بعيني ورجع باوع لطولي وجسمي كشت روحي منه طبيت وسديت الباب صاير ساقط ماااصل
عمر- شنو هالطول والحسم الفظيع ولا مبين عليها اويلاه عالعطر صدك لو كال ابو المثل كل حلو بي لوله وهاي كل اللولات بيها هههه بس جسمها حلو وشعرها يشك طلعت واللفات بيدي اخذوها مني كال وسام
ها منو طاكياها
ااام رائد
اي كالت حطلعلك داروح وصاحني مهند اطبك سيارته ساده طريق الولد
دتعال نضرب اللفات متت جوع اباوع لحسام مسطور خويي يلعب بشاربه صافن مبتسم من الله --- وسام اخوك شخط مشتيفه هلكد فرحان
من زمان مو من هسه تدري صبا هواي تعبت وياه وضحت بشغلها هم
هههه عالخير عليه والله يتمم فرحته والله يستاهل مرتي راحت من ايدي يكدعااان
هههههه كوم ابو العرك انت صار فتره لابسه خليته يضطر يتزوج
شسوي ينعل دينه ساعه السوده التعلمت بي عليه متحولي شون تركت
من تمرض حسام جريت نفس كمت اكل بروحي اكل تعذبت بس اخويه كدامي يموت تعذب اكثر الله ليراولكياها
الله كريم واكدر اتركه
الله كريم
رنا- طلعنا ورجعنا للبيت شوي وخابرت خاله سعاد كالت لامي تدز الولد ياخذوها امي ضلت تحجي وتكول لاحول ولا قوه الا بالله دزت وسام واجه وضلت تبجي. وتحجي وي امي بالغرفه وامي كالت لحد يفوت اني وشيرين وسانه بقينا صافنين لل9اندكت الباب كام وسام ديفتحها شوي وطب يمول تفضلي خاله هله بيج هبه بيج يووووم
رنا- منو اجه طلعت شفت خاله ام فراس ابتهجت هللووو خاله انداريت على سانه جتي ام فراس سانه فكت عينها كلها وحلكها بوسناها وهي مكيفه طبت لغرفه ماما سلمت وبقو يسلوفون بالهول شوي وجتي شيلان والولد راحو بيت مهند سانه طبت للحمام عرفت دتخابره
سانه- دكيتله صدك جذب سواها صدك رد
الو
انت صدك تحجي سويتها صدك
اني رجال وكلامي واحد همست
وين انت
دااطبك السياره وره سياره باباتج حبيبي
فراس شناوي
بابا اني جاي البس حلقات وجيه اللخ عقد وابقه ببغداد سبوع وراها الزواج
ودراستي
عمري متاثر عليج هي شهرين بقت تمتحنين وتنجحين وترفعين راسي وهناك تقدمين
فراس
ها عمري
شون اعوف باباتي مااتحمل سكت جر نفس كال كلشي بوكته حلو
اوك
روحي راح انزل لابوج وانام يمه اوووف
هههه هاي شبيك
ريحتج بي
هههه ماشي احبك
اموتتت بيج دير بالج على امي سونه تره من الفرحه حيصير بيها شي
ههه حنام يمها. وافل شعري واخليها تلعب بي على عنادك
اووووف يابببببه بخت امي بخخخخخخخت
هههه بباي
هلو حبيبي سديته منها خليته على كلبي ربي تممها عليه وخليهم يقبلون بله اعتراض على اي شي ربي من الصغر محروح من ابويه وفرحتي ناقصه تمم فرحتي بيها وباهلها يارب نزلت سلمت على عمي مهند وطببني. جان مكيف بيه وام رائد طلرت بينا وودت امي بيت جدهم انجمعو الولد بس عمر مامو عرفت بحسام خاطب فرحتله وباركتله وفتحت موضوع سانه
عمي اني ولو جيت بدون مابلغكم بس اني حيل حبيت هاللمه واني هم نفس الشي
مهند- فراس يابه شتكول تدري بيه شكد احبك لو لا لدرجه جنت اخاف تساعدني لا يصيبك شي
اي عمي اعرف جريت نفس عمي باوعت للولد ورجعت باوعتله لعمي اني كتلك قبل وراح ارجع اعيدها اني حيل حبيتكم وكتلك محروم من هالاجواء وبصراحه شفت تربيتكم حيل حبيتها وقررت بعد موافقتكم باوعت لوسام عكد حاحبه يعني ياريت لو تقبلوني بينكم وتنطوني مره كلتها ونصيت احس وجهي راح يطك هالكعده والكلام مفروض والدي يكوله واذا مو هو عمي اللي تركته بعد الصار وترك الاقليم وطلع لتركيا استقر رفعت راسي سكوت وهدوء باوعت لعمي مهند صفن باوع للولد كال
- عليمن مخلي عينك باوعت لحسام مبتسم غمزلي كلبي رجف كال
عمي اني رايد سانه وياريت متردني همست منصي احس جسمي يرجف اباوعله وجهه ينطي الوان تنهد بقه ساكت باوعتله انتضر رد
- والله فاجئتني بس بعدها صغيره
- انتضر شكد متريد
- يابه مو شغله تنتضر هاي بعدها طفله متعلقه بيه مو مال زواج والسادس منا عكدت حاجبي
- بقيت اباوعله نصيت راسي احس روحي عركت من الخجل يا الله بس لا يرفض بقه ساكت حسام كال
يابه طينا مجال نفكر وتره ابو رائد انصدم لان حيل متعلق بيها وشايفها طفله
اي على راحتكم باوعت لعمي صفن يباوع لاخوته كتله
انت تعرفني وتعرف عيشتي وتعرف كلشي عني واي سوال اني حاضر
مهند- يابه بس طيني مجال اشوفها واشوف امها اني ههه اني انصدمت متمحسب حساب هاليوم هههه
فراس- بقيت صافن نصيت راسي كلبي انقبض وسام كال
يابه هله بيكم وتشرفونا ومن نوافق نرد خبر اتوقع هيج تصير الاجراءات مال خطوبه مو ههه
حسام- اي بالضبط خلي تكمل امتحاناتها
فراس- مو اني مااكدر اروح واجي هواي شغلي وامي والطريق باوعتلهم حاير كالو
ميخالف طينا مجال انت هم صرت ابننا وصار بيننا ملح وزاد بقيت بحيره وعمي ابو رائد سكت منطق شي هالشي زيد الخوف بداخلي بتت يوم عدهم ورجعت ثاني يوم الصبح مشفت حبيبتي اصلا وتوسلو نبقى للضهر تحججت بشغلي تريكنا وطلعنا بس خاطري مكسور بطلعتي حسام عزمني على عرسه وكال اكيده تجي كتله اجي انشاء الله رجعنا امي كالت
بيبيتها طارت هي وامها
يوم ابوها بس لا يرفض
لا يمه ابو رائد يحبك
يمه هاي بته تعرفين شنو بته وحيل متعلقه بي
الله كريم يمه لتخاف انت مو تكول تخبك
اي يمه قابل تكول لابوها احبه اريد هم مترهم
والله يمه خليها على ربك لتخاف وهو مقسم الارزاق الك بيها نصيب الك مو الك شنسوي
لا يمه فدوه لجاسمتي وجعني كلبي لتكولين مو الك والله يصير بيه شي
لا يمه اسم الله عليك
----
رنا- عرفت من خالتي سعاد جايه زعلانه من وره سوالف عمر ضلت تشكي لماما وتبجي تكول اطلع من البيت وبعد ماارجع يجيني ب2بليل يتطوطح هاي تربيتي كلها هيج تروح اني تعبت منتهى اني صرتله ام واب
انقهرت عليها مرت 3ايام واجه اخذها راحت بالكوه وراها سافر لتركيا هم علمود بضاعه 4ايام بس خاله هالمره جتي يمنا هي مو اني الرحت لان توبه بعد بهالجيه فتحت موضوع وي امي وحسام شفتهم طبو للغرفه ووسلم وياهم وسام صيح شوي وعافهم وصعد بقينا اني وسانه وشيرين نتصفن وحده بوجه اللخ
عمر- زهكتني امي يوميه زعلانه ورايحه بيت خالتي الشرب تغلغل بيه مدااكدر اترك بعد وكلما ارجع تصيح وتدعي اخر شي انهاريت بيها
يمه هي بيدي اني عبالج مكيف اني حظ حظي ديطيح بس مدااكدر اترررك يوم
يمه انت حياتك فارغه خل ازوجك
شتزوج صدك تحجين بابا كل وحده عدها ثنين وتلاثه جوه ابطها باع هايي دروحي
يمه اذا خليت
قاطعتها
يمه خليت وقلبت من زمااااان.
باوع عمر وروحه لابوك اذا متزوج وتترك هالشرب والقران مابقالك هنا
يوووووووو عليه روحي وين متردين ترحين روحي تردين تجيبيلي وحده تخليني سبير بجيب الوره يمه اني جنس حواء ما اتنداله بالحلال بعد خليني مكيف عالحرام جنت جار عدل وحظي طاح اكلوني يوم اكلوننني. خليني دايح وساقط شوفيني شوني محد يكدر يقهرني ام عمر ماشايل بكلبي قهر
انت ابني واني اعرفك انت تربايه ايدي وسهر عيني يمه اني تعبت بتربيتك من انت عمرك 10سنين تصلي وتصوم ويايه. هسه تارك ربك من كبرت يمه انت موهيج خل ازوجك وافرح بيك حيصيييير بيه شيي من وراك اخ يمه كلبي اخخخخ لك يمه ارحم كبرتي تعبت
يوم شبيج الله يخليج شنو اليوجعج
لك يمه صارلي شهر وجع بكلبي وانت حاير بسهراتك لك يمه حرام عليك ابوك يتعذب من وراك
كعدت خليت ايدي على راسي جسمي يرجف وراسي مسطور اذتني من كالت ابوك يتعذب من وراك جسمي محتاج الشرب تعلمت عليه مدااكدر اترك وامي عافيتها بدت بالنازل اني تالي عمري ااذيها اني اللي من صغري شايل البيت على راسي لزمت راسي ومسدت عليه بقيت منصي وكاعد عالقنفه اختتتنكت باوعتلها يمه شتردين سوي،ازوجك يمه وافرح بيك
جريت نفس كيفج امي كيفج
مخلي وخده ببالك
لا يوم كيفج شوفي من الجيران من بنات صديقاتج اي وحده وكفت يله حروح اني تاخرت على ايهاب رايده شي
لايمه سلامتك هسه وسام يجيني روح الله وياك
طلعت للمطار
رنا- شوي وطلعت ماما جرتني على صفحه كالت تعاي رنا
ها ماما تعااي داحاجيج
شكو
باعي ماما عمر متقدملج
شنوووووه لا يوم لا
ليش لج شبي تره عمر ذهب
ماما مستحيل
ماما اذا علمود رشا فرشا والله متستاهله لج هذا ورده عمر
ماما دخيلج ماريددده رد حسام من ورايه همس
حسام- ليش شبي عمر
باوعتله ونصيت حسام حباب
هازعيني روحي ماما خل نكعد اني وبنيتي وحدنا
باوع اني اضوج منه
ليش عمر تضوجين منه لج جنتي صغيره تموتين عليه ومن يجي تركضين عليه ههه شنو المضوجج علمود سالفه رشا
ها. اي
لا حبيبي هالسالفه انسيها ولتفكرين بيها عمر صاحبي واخويه اني اعرف داخله النضيف موضوع رشا تره دمره لتشوفي يضحك ويسولف وعلى سالفه الشرب هو يريدله واحد يوكف وياه وميلكه احسن منج
حسام فدوه ابوس ليدك
رنا تتوقعين اني انطيج نطيه موزينه ولج اني اعرفه. وصعبه عليه رشا رفضته وارجع ارفضه بيج تره ميستاهل عمر والله
بقيت صافنه دمعت عيني شسوي يربي معقوله هو الراد لا مستحيل مستحيل شون اكوله هسه شسوه بيه واخلي يرفض من وحده بقه يباوع بعيني ابتسم كتله
تدري هو مرايدتي بس خاله من وحدها تحجي
لا حبيبي خاله متحجي شي اذا ممتاكده منه
لا مستحيل
زين عدي حل يومين يجي واكعد وياه واساله وافتهم منه اذا صدك ميريد يكول امي كالت اختارلك هالبنيه
بقيت ساكته هزيت اسي اي من لا جاره بقه ببالي اذا صارت صدك اخابره اكوله اني ماريدك خلي هو يصرف نضر من وحده واخلص مستحيل ارتبط بي مااكدر بعد بلوكه على كلبي صارت تجاهه-------
