رنا- حسيت لازمتني البروده ارجف ومامدر افتح عيني ثكيله وصوت صدى شوي شوي يتوضح كلت بارده عفيه غطوني حسيت وراها بدفو وايد تدخل الغطه بجسمي تلفني بي زين دفيت وهدات من الرجفه فكيت عيني بغرفه ماما وهي يمي تمسد بشعري كالت
ها يمه شونج
جريت نفس انسحب دم وياه لعبت نفسي وكفت ردت اذب من راسي ركضت عالمغسله رجع نزف خشمي اباوع روحي بالمرايه صففففره اتلفت اتذمر شنو الصار واشوف حسام انعكست صورته بالمرايه كاعد عالقنفه بالهول كبال المغسله من نزفت وكف راسن صاح
وساااام
جاوبه هاا
انزل تعال هم نزفت هاي اكيد كسر عدها
رنا- حسيت بدوخه واطرافي بارده اغمى عليه مره لخ حسيت بالمستشفى اباوع بصفي بطل دم درت وجهي صفحه اللخ حسام يكلب بالتلفون باوعلي بقلق كال
واعيه رنا
هزيت راسي اي دخل وسام للقاووش ويا امي بيدها عصير برتقال اباوع وسام لازم عضده ناحيه الوريد وبيها كطنه عرفت هو المتبرع بدم الي غمضت عيني وره شوي حسيت صوت سامعته قبل ضحكه ناعمه فكيت عيني لكيت صبا الممرضه مال حسام تحجي ري حسام وتضرب بالمغذي ابره ضحكت لزمت ايدي مبتسمه
شونج رناوي
هزيت راسي زينه جتي ماما يمي تلمست راسي عيونها مدمعه حسام الحان يضحك وي صبا غابت الضحكه عنه ورسام واكف يم الشباك باوعلي ودار وجهه عالشباك جر نفس كعدت عدل راسي وخشمي يموتني اريد اتنفس مامدر بس من حلكي تلمست خشمي ملفوف
ماما خشمي
حبيبتي عدلو فتره اسبوع ويطيب لان جان عدج فطر
بقيت اباوع عالولد ميباوعولي حسام طلع شوي ووسام وراه اختنكت من المستشفى اريد ارجع لبيت مهند صبا كلسا جايه ومن تفوت حسام يضحك وينصي ويرجع يباوعلها من حوه ليجوه بعدها ريحه المي ورد تسبقها شكد احبها هالبنيه زرعت بينه امل لليل رجعت امشي دايخه سندني حسام بس ميباوع بوجهي واني ادور حنان بعيونه وصلنا البيت طبيت لغرفتي اباوع رشا نايمه من طبيت رفعت راسها وجهه مزورك بقيت صافنه شنو شصاربغيابي الجادر مال صلاه كله دم واكو يم الباب هم دم تمددت عالجربايه اشوف حسام يخزر برشا دارت وجهه عالصفحه اللخ معاجبها ونامت ركضت ماما حابت عصير برتقال بعد شربته وتمددت كالت
تنامين يمه
اي ماما فدوه بست ايدها جنت مشتاقه لحنانها كلش ومشتاقه تعطف عليه باستني وراحت بقيت اباوع لصفحه رشا ليش هيج صار بيننا مو انتي اختي الوحيده احجي وي روحي مو ماعدي غيرج اشوف الخوات كلب على كلب ليش احنا هيج دموعي نزلت كمت اشهك وجع راسي زاد كلش تذكر من جانت صغيره كلشي زين الها تتامر على بابا وباسم وماخذه الحصه الاكبر من الحنان والاهتمام بلواكتها بس حسام جان مهتم بيه اكثر احس يعرف داخلي ومهند جان دائما يكولي بزره ابو بسام كوم وانتي وحدج كوم جنت افرح بكلامهم ويكفيني هالشعور من وصلت لصوره ابويه غفيت حسيت الصبح رشا دتبدل للدوام باوعتلي كالت
بس كوليلي منين جبتي الرقم احجي من الضبع مو عدج علاقه بي
تحجي وتهمس بقيت صافنه مفهمت عن شنو تحجي بس اكيد اله علاقه بالخط والرقم النطيته لعمر رجعت غمضت عيني طلعت وتتحلف الي راحت للمدرسه ارتاحيت اريد اطلع اشوف شمس طكت روحي شوي واندكت الباب كعدت عدل داكوم رجعت اندكت كلت
ادخل
اني حسام تره
بقيت ساكته فتح الباب نصيت راسي بدخلته كاعده عالحربايه شفته جر كرسي وكعد كدامي جر نفس بصعوبه كال
شونج اليوم
هزيت راسي اي محجيت ومالي خلك احجي
رناوي احجيلي اني حسام متخافين عليه احجيلي رشا شعدها ادري بيج عاقله وسالفه التلفون فرت مخي احجي رشا شعدها ليش كلبت على عمر
رفعت راسي متفاجاه بداخلي اكيد تجاوبت ويا وكشفها نصيت راسي بقه حسام يباوعلي ساكت منتضر جواب
احجي رنا بروح ابويه
مرديت بقيت منصيه
رفعي راسج موزين الدمتور كال دائما ترفع راسها رفعت راسها بيدي بهدوء صارت عينها بعيني تباوعلي نضره عتب وعيونها مغرغره استغفر الله ساعديني رنا
رفعت راسي ارتجي عالتاج مال جربايه واني ساكته درت عيني منه ميصدكني المن احجي بعد بقيت ساكته كال
رنا تحبيني
باوعتله ودرت وجهي برطمت
اذا تحبيني لتاذيني متخافين على سمعتنه همست وسام حيتخبل ديخجل يطلع يتسوك يكول الضبع واخوته وولد عمه متطشرين بالمنطقه واختهم مامو وهاي جانت وياها طبه وطلعه
بقيت ساكته مسحت دموعي
الله يخليج احجي خل نتلحك لروحنا البارحه رشا كلبت الدنيا علينا تصيح عمر ماريده وانتخر اذا جبرتوني وتحججت بانه بخيل وتكره امه وعلى يشك بيه ماعرف شون حجي ضربتها ووسام ملخها ومفاد رادت تحرك روحها اني وين انطي وجهي اذا صار شي فضيحه تركبنه طول العمر
بقيت ساكته ودموعي تجري
تنهدت بتعب مراح تحجين مو زعلانه مني ساعديني اصدك التلفون مالتها اثبتيلي ياخويه مو تعبت متخافين عليه لاارجع بغيبوبه الدمتور مانع عني الانفعال يمرل يرتفه الضغط ويصير عدج جلطه الحلطه تدخلني بغيبوبه وهالمره ماكوم منها والله اباوعها كامت تشهك بحركه بقيت صافن
شنو الصار وهيج تبجين احجي اذا تخافين على اخوتج وسمعتنا والله ماسويلها شي بس اكون على بينه حرام عليج واذا صار شي والله اول ماامي توكع واني وراها وتضلين تاكلين بروحج مامول لتحد بيننا وروح ابويه. شفتها مسحت دموعها كالت معليه بيها همست هي كلمتين بس بينت العلاقه بينهم وبينت رشا وين واصله ليا مرحله فركت وجهي بايدي استغفرت ربي
- رنا اخر مره اكولج ارحميني شوفي بيت الضبع شصار بيهم لتخلينا مثلهم العالم صار سبوع تحجي بيهم اشكال الوان
- بقيت اباوعله وكفت بتعب مشيت وصلت للكنتور ردت ادفعه مابيه حيل وكف تقرب مني
شكو وره الكنتور دحجي دفعته وياها اباوع على عيونها سحبت الفايبره سحبه خفيفه انجرت البسامير بقيت صافن لعد كم مره جارته ضلت تكلب بالهدوم اني بس صافن عليها طلعتهاز تفس الحان بالبرميل بس ذهبي فكيت حلكي رحت عالباب قفلتها ورجعت يمها اباوعلها منصيه ترجف
كعدي همست بلعت ريك شنو مال رشا
هزيت راسي اي
منيلها
باوعتله اني معليه همست ابجي اخاف منها
لج اني اخوج تخافين منها اني ولج حسام
الله يخليك
خرب شمسويتلج هاي هيج تخافين منها فتحت الجهاز واكلب اشوف اشكاااال والوان لزمت راسي تنك احسه من الشفته شكو صور حجي اشكال الوان الضبع فعلا مصاحبته وطلعه وطبه كمت ادك على راسي كرهت كل النسوان هاي اني الربيتها دخت واحس روحي كمت افور واعرك واعصابي ترجف اخر شي كاتبه لواحد مكتوب عليه المانيا
اني اهلي جبروني عليه وراح انتحر اذا مفصخو الخطوبه
بله هاي شسويلها شون شسوي اقتلها وامول ماتت موتت الله احبسها باوعت لرنا
ليش ساكته ليش
شسوي بعد اخذت الجهاز راحت جابت غيره
عمر يدري مو رفيف كالتلج شي
لا مميدري
البارحه من خابرته يجي اجه تفاهمت وياه وكتله ماعرف شبيها نجتريد تفصخ راسن كال ممتوالمين اني شي وهي شي مبيها شي لا اول ولا اخر ثنين راسن وافق صارحيني يعرف
بقيت اباوع بعينه اذا كتله يخسر صديقه ويخجل يحاجي بعد رديت
لالا ميدري بس شافها يمكن ممتوالمه وياه وبس تتطلب قبل راسن
يمكن جريت نفس الله يحبه لان ممسوي شي يغضبه باوعتلها رنا سامحيني مصدكتج
نصيت راسي حلفتلك بروح بابا نزلت دموعي انت مصدكتني
الله يخليج فهميني عوفيني بقهري هسه الحل شنو هذا وسام اذا كتله والله يجنزها
بقيت صافنه عليه ماعرف انت بمكان ابويه بس ليصير بيكم شي
بقيت اباوعلها شيصير لو صارت مثلج
تدري شنو الحركه الحرگه انه ماعدي غيرها اخت
تنهدت يارب وكفت كومي وي امي لتضلين حابسه روحج ومدرستج ترجعيلها بعدج منفصوله بالغياب حضري روحج
هزيت راسي اباوعله متدمرحاير شيسوي ابتسمتله --- حسام انت كد المسووليه وحنين ومراح تغلط
ادعيلي اخلص منها هاي تحيبلنا العار لازم شارع متشوفه
بقيت اباوعله راح كمت من مكاني سكعته يحجي وي وسام ووسام كام يغلط وحتى كفر كفر وحتى على ابويه هم غلط كمت ابجي واني اسمع صياحه جتي امي من بيت خالتي ذبت عبايته وكعدت وخلت ايدها على راسها
ماما شبيج
يمه هاي اختج حتخلني خجلتني وي خالتي معرفت شكوللها تكولي شتريد جابلها وكل مايطلعون كومه يشتريلها ليش هيج عافته وراها تكولي اني من اول مردتها ردت رنا لان ادري بيها وكحه ومو ام بيت بس ابني دك انگر
-بقيت اباوع لاني وحيرتها لملمت البيت هالاكدر عليه ووكت جيتها من الدوام رحت بيت مهند مابيه حيل سمعت صياح وعياط وضرب وره شوي اجه رائد يركض كال بيبي تخربطت ودوها للمستشفى تخبلت اخابر حسام ميرد شيلان تخابر وسام ميردون ردت اموت ويانه بصفي تحجي وي ابوها كال اليوم جاي
بقيت اكل بروحي شون حجيت شون احول ذوله شباب عدهم غيره شون شسوي رجعت لبيتنا وي شيلان رادو هدوم لامي غيارات لان حيبيتوها لحد مينزلزالضغط بس طبيت هجمت عليه رشا رائد جان ديمشي قبلي موصي حسام ماروح وحدي ويدير باله عليه منها بس هجمت دفعها قوي ضلت تغلط عليه حجي بحياتي مسامعته اباوعله مطكعه تطكع وشعرها مكفوش مهتميت الها ابد ضربها رائد فقد وهي تفشر عليه دفعها لغرفتنا وقفل الباب طلع ايده مشرمخه مال اضافرها البيت احسه انهجم بس لازم يصير حد قبل الفضيحه ضلت تصيح وتعيط بالغرفه ولاخافت ابد لليل مهند اجه شيلان رادت تروح
مهند- لتروحين هسه الله يخليج ابقي يم البنات بس خل ترجع امي من المستشفى راح وره الولد جابوها لامي ودوها لبيته وكام هو والولد لبيتنا اني كلت حيموتوها
حسام- طب مهند للغرفه مال رشا اول مطب شالها من ركبتها بخنكه صاح وتررررابويه هسه اذبحجححجج ومحد يلزمني لج انتي تلبسينا العاااار جريتها من ايده دفعته كعدنا وياها تشهك وتبجي كول كلشي ممسويه ورسام كلسا كامز يريد يضربها هو شباقي منها
مهند- دوام ماكو بعد وبس اسمع حسج علهه اني لو واحد من الولد بالقران مارحمج واول زبال يجي عليج انطيج واخلص واريد من الله ترفضين والله لو ماعمر يدري جان كملت الزواج وخلللصت بس هو مصدك الولد كال فرصتي وطلعت من يمهم خل اخلص اكيد عرفج شنو من شي لج بترالشارع مسوتها لج انتييي شنو
حسام- كملنا حجي وياها وطلعنا لان اذا بقيت دقيقه لخ اجرم بيها وسام بيومها طلع مرجع الا وج الصبح امي صارت احسن رجعنا الذهب مال عمر وتنازلت عن الموخر شنو ذتجنب الولد هي مرادت تتنازل تكول حقي بس اكلتلها خوش كتله جرت عدل وتنازلت صار فصخ خطوبه وره 5ايام تقدملها اللي جانت تحاجي ساكن بالمانيا فعلا حظ تقدملها وهي راسن وافقت واحنا بقينا بحيره هاي يمنا وهيج سوت من تسافر شتسوي بقينا دايخين لحد مارقررنا نوافق كال سبوع اليجي لازم العرس راسن لان ماعده مجال ويسويلها استضافه هناك ويسحبها وعده ناس بالللجوء تساعده سالنه عالولد وعائلته من جان هنا كلها تحمد بيه خريج هندسه كهرباء ويشتغل هناك وعدهم شقق هو واهله واذا تزوج ينطو شقه وافقنا عمر تركني هالفتره حتى اخجل اخابر عليه ورنا رجعت تداوم
رنا- داامشي للمدرسه شفت رفيف نزلت من سياره عمرابتسمتلها ونصيت شكد مشتاقه الها باوعت عمر يخزر بيه نصيت وفتت للمدرسه راسن
عمر- طاحضج وطاحظ اختج عار انكس من عار حرامات ذوله اخوتكم والله من عرفت انخطبت ماعرف شصار بيه مثل حلم صغير وكبرته وهسه مات تاذيت كمت مامدر ابقى بالبيت وصديقي محروم منه بس كاعد بالسياره وافتر من ادخل للبيت يضيك نفسي وامي ونكها ازوجك وازوجك اني روحي من النسوان نفففففرت اجتهدت بالجامعه وذبيت حيلي عليها منو يفيدني رفيف كمت اخذها واجيبها اني بيدي جايز منها لعد وحده كبالي سنين تطلع بلاوي سوده وراها واخيرا سمعت بيها تزوجت بزواج بس حنه واخذها بره المتزوجها سبحان الله جانت دائما تحجي بالمانيا والله ليش سبحان الله واحد من صحبانها بالمانيا واجه خطبها مكرود هذا ميدري الوراها شنو مع الاسف اثرت حيل بنفسيتي صرت عصبي دوم انتر باليحاحيني حتى امي وتعوفني وتروح من انتر بيها ردت بس ابقى وحدي حسام صار سبوعين مكطوع عني الفهمته العينتين اخذوها للادن تزوجت ورجع زوجها لالمانيا يجي كل شهرين سبوعين لحد متنقبل باللجوء خاله بعمان وصعبه جيته بالعراق فبقوها بعمان والله مادري شون قبلو اخوتها بضرف شهر فصخت وره تلث اسابيع انخطبت وتزوجت. القاهرني بس صديق عمري اللي بعد مخابر حقه خجلان نتشاوف بالجامعه سلام عليكم وهذا هو هو يروح ويجي وي وسام بس حيل مكسور ---
حسام-انخبصت بعارنا وخلصت منها والله سافرت دمعه مذبيت لا اني ولا الولد ولا حتى رنا بس امي وشيلان تباوعلنا من دتسافر سلمت واختنكت بعبرتها من حضنتني مكدرت احضنها شبعت كلبي ضيم
رشا- عفيه حسام سامحني
جريت نفس ديري بالج على رجلج وبيتج خوش ولد محمد لتاذي
انشاء الله باوعت لرنا مسلمت عليها تباوعلي وعيونها مغرغره بوست وسام كلشي محجه اكوله لتكرهني ميحجي يباوع كبل بغضب صعدت الطياره وامي تبجي عليه البقيه بس يبااعون. هذا اختياري وامنتيتي اسافر واعيش بره هاي تتحقق كدام عيني اخر كلمه كلتها لرنا قبل يومين
اني اشفق عليج لان اخذت التحبيه وذبيته بحيث متكدرين تاخذي بعد لان مامو واحد يرتبط بوحده اختها هيج سوت بيه نصت راسها تبجي وعافتني وطلعت هي البدت وتستاهل اني من صغري اكره سذاجتها ماعرف ليش روحنا منرتبطه احب سلمى اكثر مااحبها على طاري سلمى رجعت واهلها زوجوها التريده خوفا من العار وخلو عدهم كعيدي هم لان فگر
حسام- انخبصت واهملت صبا الحانت على طول تتصل واني مارد جتني ايام حنيت الها وحتى لهناء بس ردت الهدوء والراحه الجنت بيها اتمنى ارجع لغيبوبتي ولو ساعه ارتاح من الهوسه الاني بيها واخيرا خلصت من رشا واتصلت صبا رديت
الو
هلو حسام بيك شي
لالا شوي جان عدي شغل وخلصته شونك انت
زين لله الحمد جريت نفس اريد اشوفج صبا
اوك بعدك تتذكر الموعد
اي اريد اباوع بعينج مشتاقلهن
سكتت خجلانه رجع كلبي يدك
اسف تاخرت على موعد القسط والله انلبجت هالفتره
لا عادي
باجر نطلع نوفي كله حتى تخلصين
خسام ماريد فدوه
يابه شون توفي اقلها مني توفي شوي شوي على راحتج
اوك بس اوفي،طبعا يابه 4ملايين هاي ههه ها نطلع
اي انشاء الله باجرالضهر ب5اطلع من الدوام
اوك
