اي واني عمي متركني هو الشغلني بعد وفاه والدي وو مصدكت انه عزه هيج شغلات لحد ما ابوج حاجاني وشفت المستمسكات بعيني يله صدكت
سانه وينج
ها كمل نترت
شبيج احجي لو لا
لتكمل
سكتت لتكرهيني راسن
انت خاطف بابا من وراكم بابا انضرب وراد يموت مو
لا والله اني مااذيته اني بس قاطعتني
مجرد انك ساعدت بالخطف مدااكدر اصدك فراس هاي انت وسون استقبلك ببيته
لان يعرف نيتي سانه يعرفني ماعدي اذيه للناس
فراس واني شون عرفتني كمل اريد اسمممع
بقيت ساكت اخاف احجي صوتها زمجر خفت منها ومااتحمل بعدها
فراس احجي نترت
كلتها بهدوء وصورتها اختفت من ابوج جان مخطوف تلفونه----جريت نفس ---تلفونه بيدي سانه ---جريت نفس --بيدي شتراسلي اجاوبج اني
جنت حاسه بذيج الفتره بابا مو طبيعي
جنت اني احاجيج
جنت ادزله صوري كل يوم من اروح للمدرسه
كلها اشوفها احجي ومغمض عيني قوي وعاض شفتي خجل
صوره ماما وصورتي من داروح للحفله شهكت ابجي
جريت نفس اي شفتهن كلهن همست خجلان
فراس انت احقر واحد شفته بحياتي انت واحد بله غيره شون كدرت تباوع على عرض غيرك لك شايف امي بله حجاب
سانه فدوه سمعيني واحكمي
شون كدرت تاذي ابويه وراها تباوع بعينه نترت
ساااانه صوخت بعصبيه سانه ردت اساعده كلي روح ياذذذوك افهمي
فراس انت واحد حقير طلعت احجي وابجي انت واحد كمت اشهك اني صوجي قبلت احاجيك الله ياخذني سديته بوجههه وقفلته الجهاز صدك تاذيت وبجيت بقهر والم بكلبي صار وجع رهيب شي جنت اشوفه طاهر طلع كله اكاذيب وماعده غيره
فراس- خرررررب روحج اني صوجي حجيت قفلته بت الللل يا الله شون كمت الوب بالغرفه واتخيلها ميته بجي منطتني مجال اتخيل بالمكلوب لو اني بمكانها شيصير بيها يابه اموت حقها بالتسوي مكدرت انام للصبح ومرحت للشغل يومين بعدها بديت اتمرض صخونه على دوخه قله اكل ونوم وامي ماتت قهر بعدها استعدلت مو اني التكسرني طفله المهم كلتلها وهي بعد كيفها من تشتاق تجي وحدها واني رجال اتحمل اشتياقي بضلوعي ومابينه مر اسبوع كامل وصوتها مديداعب اذني كلما اغمض لسمع بجيها باذني
سانه- كل اهلي عرفو بيه شي كمت بس انام انهزم منهم بابا متركني الح عليه هواي لحد ماكال نروح للشمال بالعطله الربيعيه نروح لسليمانيه. راسن امي ورائد كيفو. واني وافقت بس لان من ريحته شتاقيتله بس مدااكدر اغفرلهزاباوع بعين بابا سوده عليه شصار بي من خطفو ومكاللنا ابد حبيبي بابا لو صاير بي شي جان موتته لفراس وافقت اروح وبابا فتح موضوع وي عمي حسام عمي قبل كيف وخالتي هم تجي وكالو لعمر هم كيف وايهاب ورفيف وبن خاله ايهاب كله وياكم اروح صارت لمه بعد يومين نطلع شيرين وماما وخاله سعاد مقبلو يجون كالو مبينا حيل طريق اتفقنا كلمن بسيارته ايهاب رفوف وي عمر بعدما صلح سيارته وابن خاله ايهاب وياهم واني وسانه ورائد وي وسام وحسام وشيلان ومهند وحدهم عرايس وصلنا جننت حيل فرحانه يمكن لان عمر ورفيف ويانا هم حسام وسانه اكثر ثنين ضايجين جانو شكد حاولت اضحك سانه. كئيبه لو تجاملني وتسكت ضجت ومعرفت شبيها محجتلي رائد ضل يصنف ويسولف خربنا ضحك. حجزنا بيت كلنا وكلمن غرف غرف بقينا اني ورغيد وسانه بغرفه رغيد يا الله شكد حبابه وتنكرط وتونس والولد حسام ووسام وعمر وعلي ابن خاله ايهاب بغرفه. شيلان طبخت واحنا خلينا الملابس السليمانيه كلش حلوه وبسيطين ناسها والمناضر تخبل لان شته كمنا يوميه من الصبح لليل نطلع
وسام- رغيد خبلتني بلبسها واني مااتحمل النربه ابن خاله ايهاب عينه نكسه طيحح حضي كلما تلبسدالجينز اخزرها ميفيد وين احصرها بله واشكه عليها خرب غيرتج اول يوم غلست ثاني يوم من رحنا لدوكان جريتها من طلعت
رغييد
نعم
تعاي اكولج جريتها من ساعدها مهند وشيلان باوعولنا من بعيد باستغراب عصرت ساعدها كالت
ااااي شبيك
روحي نزعي لا اشكه عليج
وانت شعليك مني
يعني متنزعي بسيطه جريت من ميز المطبخ شجينه ونزلت على البنطرون من جوه اشكه دفعتني بقت تباوع بعيني
انت شعليك مني خزرته
التفتت اباوع لشيلان صاحت فضوها رجعت باوعتلها ركض بدلي
انت مالك سلطه عليه
ميخالف روحي بدلي باباتي يله
وسام انت مخبل
لج منو المخبل صحت وعيني عالباب مهند تقدم ديطب وشيلان وراه طب كال شكو
رغيد- ماكو شي همست دااطب ابدل لان البنطرون انشك من جوه همزين وسام انتبه عليه وكلي
وسام- جنت موجر من كالت هيج رخيت اشرت بحاجبي بسع يله طبت بدلت وطلعت بس دمها فاير رحنا للبحيره والبنات نزلو شالو بناطيرهم بس رنا مسوتها
مهند- حسام فراس حيجي
لا شيجيبه
والله البارحه خابرته كتله اني بالاقليم
اي
كال جاي وي الولد اغير جو
خطيه هله بي اباوع على رنا انزوو يسولفون جتي رفيف وكعدت يمهم تقدم ايهاب شالها وذبها بالمي
عمرر- ولاااك عوف اختي هاااه هاي كدامي ورايه شتسوي لا يا ناقص
ايهاب- هي اختك مكيفه انت ليش مخثوث تريد اشمرك انت هم
لا شكرا خليك برفيف باوعت لرنا دايره وجهه علينا مضلله ايدها لعينها تباوع مبتسمه علينا شبيها هاي
تكمله ال36
Start from the beginning