....البارت العشرون....
ابو قيس ركض عليه وكله
.....وين قيس
....عمو قيس تره مابقى عقل براسه تصرفاته صايره مامحسوبه ولاعبالك هذاك قيس متغير كلش
....شكو ابني كلي طمني تره راح نتخبل عليه
ماعدنه تحمل بعد
....والله عمو قيس رايح على بيت وحده ماعرفت هي منيه
وداخل لبيتها وساحب سلاح وضارب واحد موجود يمها بالبيت ضاربه برجله طلقه وهاي مخابره واحد تعرفه
وجايب الأمن وياه
واخذو قيس وياهم وراحو
....يمعود كول غيرها معقوله قيس هيج يسوي وينه هسه
....موقفي
....هو ضابط شلون يوقفو
....عمو هو معتدي واذا ضابط وشي ثاني هاي تعرف
واحد جبير بالدوله ميت تلفون اجانه
وكل شويه اجاي ضابط شكل على قيس بس لتخاف عمو
احنا ماقصرنه مابقينا واحد
ماراح الضباط والعرف كلهم يمه وهو حاجزي بغرفه الضابط
.....انتظر خلي ابدل ونروح عليه اريد اشوف ابني
...عمو متكدر تروحله الصبح بلكي نطلعه اذا صارت
السالفه بيها صلح وتنازل
نطيت من يمي وجنت بس اريد اعرف هذا منو الي ضاربه
...العفو شنو اسمه الضربه
...ماااعرف
....متكدر تعرف اسمه بلا زحمه عليك
....لحظه اختي خلي اخابر
طلع تلفونه وراح بعيد وخابر ورد رجع
....اسمه سراج
عرفت هو سراج بس ردت اتأكد بس معقوله قيس هيج وصلت بي
المرحله انو يضربه صدك مثل مكال صديقه مباقي عقل براسه
ابو قيس كلي
....تعرفي لهذا سراج
ماعرفت شجاوب والولد واكف يباوعني
بقيت ساكته وعمي مالح عليه بعد ومارد كلي اظاهر حس مااريد احجي
ولمن راح صديق قيس اني بسرعه رحت للبيت كلت قبل ميسئلني ابو قيس
وخابرت صادق وكلته كال شسوي
باجر الصبح بلكي اكدر احلها
وهاي الليله مانمت وعيوني ماشافت النوم
بقيت
كاعده ماعرف شمترجيه من طلعت الصبح واني
اعرف ماكوشي راح يتغير
بس اني كنت على أمل اشراقه او ومضة
جنت اباوع الساعه دقيقه بدقيقه وكلما يمشي الميل
احسه ديخطي على كلبي ويمشي
باوعت الساعه
وفتحت تلفوني وطلعت رقم قيس وخابرت عليه
وكلت هسه يطلع مغلق اكيد
بس التلفون دك ويا كل دكه كلبي يدك جان اكثر
ومن ايست وكلت ميجاوب وداريد اسده نفتح الخط بس مجاوب قيس بس بقى الخط مفتوح
...قيس
ماكو جواب بس صوت انفاس
.....قيس شونك
......اخ اخ ياصوتج دوه
بس سمعت صوته ابتسمت وبكد ماضجت منه من شك بيه وجرحني بكلامه
