...البارت الحادي عشررر.....
كلت بصوت يشبه الهمس
....قيس
التاف بسرعه وعيونه تغيرت
وكال
....اجابج هنا مدكوليلي
ورجع اندار ومباوعني
تقدمت ودخلت للغرفه
وكتله
...عندي كم غرض هنا اجيت اخذه
كال
...برغم كل العيوب الي بيج بس من تكذبين تنعرفين
منو من اهلي خابرج امي لوابوبه
.....محد
...اي لعد زين اخذي الي تريدي وروحي داريد اطلع مستعجل لان
وترك الفرشه مال شعر وكام يتحرك بالغرفه
بااستعجال فتح المجر واخذ الساعه مالته
وفتح الخانه مالته الكزاز الي مصفط بيها العطور
واخذ عطر وخله منه
ورجع كال بدون ميباوعلي
....شبيج واكفه اخذي الي تريدي
....وين راح تروح قيس
...وانتي شعليج
...وين تروح
صار عصبي وحط التلفون على الكومدي بعصبيه
وباوع بعيوني
....اروح لجهنم الحمره اروح للكبور
انتي شنو
انتي شلج دخل شكو راجعه
انتي ماراح اطلعين من راسي
ولج شلون وياج هسه يابه اني غلطت وزوجتج
وندمان
ومعترف بغلطي وبعد مااسويها
عوفيني كلما اريد اطلعج من راسي تطلعيلي بحجه
شوكت اخلص مااعرف شوكت
ماادري
وغمض عينه وجر حسره وبعدها اخط الكلاص
مال مي وجان اكو شريط مال ادويه اخذ
منه حبايتين وخلاهن بحلكه وشرب فوكاهن مي
تقربت منه وحسيت الي ديوجعه عبالك ديوجعني
باوعت بعيونه وكتله
... شبيك مريض
....اي مريض شيهمج انتي هسه واذا اموت هم تكيفين
....شنو هذا الكلام منو كلك اني اكرهك
...لتباوعين بعيوني رجاءا روحي بعيد عني
تره الي بيه مكفيني
،.....انت موصوجك صوجي اني
....اي اي نعرف هاي الاسطوانه
صوجي وصوجك
لايابه موصوجج صوجي واني الي غلطت
وخلص الموضوع سبحان الي مايغلط
...اني مااجايه داتعارك وياك علويش هذا الانفعال
كمشني حيل من عكسي
وهزني
.....ولج بابا انتي شنو حجر صخر
ماكو احساس هنا شكو
واشر على كلبي
ولج انتي متحسين
كتله بصوت ناصي ونفس متسارع
...بشنو احس
...بيه بيه ياثوله بيه
....لتجاوز قيس
ودفعني. وراح على الجنطه مالته وسدها
.....قيس
....يزي عد روحي منا اجايه شتريدين
....سمعت بيك مريض
....ماشاءالله وكلبج نكسر وكلتي اروح اشوفه
....اي كلبي انكسر
