عنوان القصه...أنا عيناك ياوطني
البارت الاول
((((.عندما فتحت عيني رأيت ضوء الشمس يحتل غرفتي
نهضت من فراشي وأنا ابتسم برغم أني
أعشق الليل
ولأني احب القمر وأهيم بالنجوم المتلألئه
باالأفق البعيد
سرت على مهلي وتقربت من نافذتي
وفتحتها ورأيت النور المنتشر بحديقة بيتي
وشممت رائحه الصباح الذي ينولد في كل يوم
الف أمل وبعدها
ابتعدت عن النافذه ووقفت أمام مرآتي الذهبية
ونظرت إلى نفسي وابتسمت باأعجاب
فأنا أعلم بأني جميله وأعلم بأن الكل يتمنى قربي وايقنت جيدا بأني
لم اتغير كنت ومازلت كما تقول لي أمي
مغرورة ولكن في نظرتي العميقه
الي مرآتي ومن ثم الى نفسي
لم أرى تلك الطفله التي كانت تسكن بي
لم اشاهد النور الي كان ينبعث من عيني
فأنا كلما كبرت
كلما فقدت شيء كبير
وكلما كبرت اكثر كلما اصبحت متعجرفه وقاسيه اكثر
وبعد ثواني قليله سمعت صوت دقات الباب
و لكي
يبدأ يومي من هنا ولكي تكون لي الف حكايه
............،،،،،،،،،،.............
....ادخل
....صباح الخبر حبيبتي
...صباحوو ماما
...عبالي بعدج نايمه كلت هسه تتأخرين على الكليه
....لا كاعده
.... هاي همين واكفه كدام المرايه تباوعين على نفسج
......اي شسوي غير اخبل
....الله يكملج بعقلج خايفه عليج من ورا غرورج هذا
...ههههه
....يله بطلي هاي السوالف وراج دوام
وها اكلج قبل مااروح بيبيتج جوه لضوجيها مثل كل مره
....زين كلتيلي لعد
وضحكت بخبث
هزت راسها وطلعت وسدت وراها الباب ضحكت واخذت المنشفه مالتي
وطلعت من غرفتي ودخلت للحمام الي بصف الغرفه
وغسلت وجهي
وطلعت ومن داسد باب الحمام صار
بوجهي
وسام اخويه
....هاي بعدج ممبدله
.....لا بعدني شعندي مستعجله
....شوكت تعقلين انتي يوميه ابو الخط يبقى ينتظر ساعه ولا ميت واحد بطل من وراج ومن ورا التأخير مالتج وهاي المره اني ماادورلج على ابو خط
....اهوووو شبيكم اليوم من الصبح
...دروحي لحكي قبل ميجي السايق تره مااوصلج اذا عافج
...ماريد اني اخذ تكسي واروح
مشى من يمي ودخل لغرفته
واني رجعت لغرفتي وخليت مكياج وفتحت الكنتور وبقيت صافنه على
الملابس ومااعرف شنوالبس
طلعت ستره رصاصيه وتنوره سوده
حطيتهن عليه وماعجبني
وشمرتهن على الجربايه
وراها رديت طلعت ستره لونها ماروني وتنوره كصيره
وهم ماعجبتني
وهم شمرتهن
اخر شي طلعت تنوره طويله وقميص
ولبستهن وبقيت ساعه اختار الحذاء
وارتب بشعري واختار الجنطه
