البارت العشرين ...
امان السامرائي ....
عندما تتبدد الغيوم ...
وصلتني الرسالة من فهد ...وهو يريدني اصعد فوك ..
اكيد يريدني يسألني على قصد حنان اكيد راح نتعارك ..كمت شربت مي من المطبخ وصعدت فوك ..
شفتة مرتجي على باب غرفتة ...مجتف ايدة ومنزل
راسة حس بوجودي واكفة باوعلي وابتسم ابتسامة عريضة ...ريحتني ...اتقربت منة ...واني ارجعلة الابتسامة ... خير فهد صاير شي ...
ايي صاير تعالي ...
اتقرب مني وسحب الشال بطرف اصابيعة ...وكعة على جتافي ...ممانعت ...
شلونج ...
زينة ...
والجامعة اشلونها ...
هم زينة ....
ليش اختفيتي ...
التهيت بين الدراسة ويزن ...شكد باقي ...
شكد تريديني ابقى ...
هلا بيك شكد متبقى ....
واذا بقيت على طول ...
احلللللف ....
وداعت دموع رهوفة الي بدت اتلالي ...
ابتسمت ونزلت ادموعي ...
ياااابة هيج اني غالي ...
رفعت راسي ...مغرور ..
شبيها وياج ..حنان
مبيها شي ..
يعني لا موضوجتج ..ولا سمعتج شي ..
لا ..ابد
رهف شما تحجي لتجاوبيها ..تريد تستفزج ..حتى تسويلج مشكلة ..ما اريدج تنفيلها ...
انشاء الله
التفتت دا انزل ...
صاح رهف ..التفتت هممم
اذا تحبين تنتقلين لهاي الغرفة ..وكلشي يضل مثل ماهو حتى لحد يدور حجي ...
باوعت بعينة ردتة نضرة طويلة ..
لا يفهد ...مهمني حجيهم ...
نزلت واكو غصة بكلبي ...ليش يفهد ...اتكولي على مود الناس ..يعني انت لهسة متريدني ...واني احس روحي متعلقة بيك ...نزل وراية ..وضلينة كاعدين ..صار العشة ...اجة فهد كعد بصفي ...وخلة الكرسي مالتة بصفي ..طخت رجلة برجلي ...سحبت رجلي منة ..بس دكات كلبي احس سمعها ..قربة الي اله هيبة ..خاصة ..اخذ يزن من ايدي ...وطخت ايدة بيدي ...حسيت عصرة بمعدتي ...يربي معقولة هيج حبيتة ..هو يسولف ويحجي ..وية اهلة ويوكل يزن ..
ويلتفت علية يكولي اكلي ...اخذ علقي بتصرفاتة ...
اكلت بشهية واني احس كاعدة بضلة ...كملنة ضلينة نتعلل جبت فواكه ..وكعدت ..فهد يكلب بتلفونة ...
صاحلي رهف ..كشريلي برتقالة ...
ابتسمت ..حاضر ...
رفعت عيني شفت حنان اتباوع بوجهي ...حركت شفايفها وهي مبتسمة ...خدامة ...
حسيت نار وشعلتني بيها ...شكد اكرها يربي ...سبب تعاستي هي ...كشرت برتقالة وانطيتها لفهد باوعت الساعة بال ١٠ كمت اخذت يزن وصعدت ...
شوبة واندكت الباب ... جنت دا احضر ملابسي ..بس حجاية حنان بعدها تاكل بية ..
صحت اتفضل ..
دخل فهد ..وبيدة اكياس داعية ...اثنين ...
شدسوين ...
دا احضر ملابسي ...
ليش صعدتي مو كاعدين ..
لا هو هذا وقت نومتنة ..دوام باجر ..
باجر الصبح اني اوصلج ..
لا ماكو داعي اتكلف نفسك ..
عقد حواجبة ..لا ماكو تكلفة ..هاي هديتج من الايمارات ...
شكرا خليهم يمك ...
اتقرب مني وبدة ايعصب شبيج ..مطنكرة ..
ليش منطيتني الهداية كدام اهلك ..من انطيتهم الهديا ..متدريدهم يشوفوك منزل نفسك وجايبلي هدية ..مو ..
يعني انتي هيج تتخيلين ..
اكو تفسير ثاني ...
ماشوفين اي تفسير ...لاخ ..
لا ما اشوف ...
تدرين ..انتي متصيرلج جارة ..تفكيرج ..معقد جدا ..
انسانة معقدة ..شخص جايبلج هدية ..هيج ردة ..فعلج ..
احد عاتب عليك وكلك جيبلي هدية ...
هه صح ...اني الغبي ..الي اتذكرت ..
ضليت ساكتة ....
رهف صيري حبابة ..ولزمي السانج ..لتخليني ..ارجع اصير عصبي ..وانت تذكرين شلوني من اعصب ...
ضليت ساكتة ..حط الاكياس الي بيدة ...وطلع ..
احترك دمي ازيد ...
اخذتهن ..ورحت دكيت باب ..غرفتة ..طلع ..
ماريدهن ...اخذيهن وارجعي لغرفتج ..
كتلك ماريدهن ...
رهف اخر مرة اكلج ..اخذيهن
خليتهن اباب غرفتة والتفتت دا ارجع ..
ما احس الة ايدي انعتت من مكانها ..حسيتها انخلعت
دخلني بالغرفة ..وشمرني بالكاع ...وقفل الباب ..
كمت اريد اطلع جرني من هدموي ورجع شمرني بالكاع ..
حسج ما اسمعة لا والله انهيج هنا ..
فهدد لتتخبل خليني اطلع ..
راح اخليج تطلعين ..بس انتضري لحضة ..
طلع مكص من المجر ...وفتح الاكياس ..
طلع منهن كوت ..ابيض وكصة بالنص ...
وطلع كل الاشياء الي جايبهن الي ...سواهن وصلتين ..
اتقرب مني ..تدرين لو وعدتج ما اتقرب منج ..جان علمتج الامهات شجيب ..يلا هسة برااااا طللللعي ...
كمت من مكاني ...وفتح باب الغرفة ..رجعت لغرفتنة ..
حضنت يزن... وكمت ابجي ..بحركة ..يزن بيدة الناعمة يمسحلي دموعي ...وهو يهمس ...ميثير تبتين ..بابا يذعل ...زادت دموعي ايي والله ابوك ميرضة على دموعي ..ويحرك على مودهن ديرة ...
وين صفينة اني وياك ..وين ..نيمتة بصفي ..واني دموعي موكفن الى ان اخذني النوم ..كعدت على المنبه ..كمت بتكاسل ..بدلت ..ونزلنة اني وسارة ..
لكينة فهد مبدل وكاعد بالمطبخ ..دخلت محجيت اي حرف بوجهي لباب المطبخ ..صاح اني اوصلكم ..
جاوبتة سارة هسة الخط بالباب ..
لا اتصل بي وكتلة ميجي اليوم ..
براحتك ...
التفتت على سارة ..
اكلج احس نفسي موعوكة ..راح ارجع انام ..وجيبيلي المحاضرات ..من زينة ..
براحتج ..
بعدني مماشية ...صار كدامي وعيونة اتطفر شررر
امشي كدامي من غير حس ...
بس احس نفسي مريضة
كتلج كدامي لا تطبك عندي هسة والله ...
سارة دفعتني وطلعنة ..ركبت ليورة ومرفعت عيني حتى ماباوع علية ...
وصلنة باب الجامعة ...اجة صوت فهد
هذا شعندة هنا ...
جاولت سارة ..
منو قصدك ..
ساهر ...
هااا هواية اشوفة ..لو بالجامعة ..لو بالباب ..يمكن مصادق وحدة هنا ..
مممنوع وحدة تحجي ويا ..او حتى اتسلم علية ..ترى اكطعجن ..
نزلت سريع ودخلت للجامعة ...
سارة انتي اتشوفين ساهر بالجامعة ..
اي هواية اتلكا ..
مشايفتة ابد ..
بس شكم مرة لمحتة اباب الجامعة
يمعودة شكد مكروه عوفينة منة ..يلا اني اروح لقسمي ..باي
باي حبي الله وياج ..
كضيت يوم بالجامعة ..عادي ..محاضارات وامتحانات رجعت للبيت هلكانة ..اول مدخلت سمعت عيطة يزن ..
دخلت اركض للمطبخ..لكيت حنان حاصرتة بالزاوية ..وتضربة على رجلية ..وتسب وتجيب منو ايسب وياها ..فقدت ..بعد ماعرف شدااسوي ..جريتها من هدموها وركعتها بالكااع ..يزن ناطة روخة من البجي ..
لج للللللللليش هيييييج ...مسوية بي ....لجججج الله لا يفووووقج ...يا فاجرة ..لجججج شمسويلج هليتيييييم يمي جدرية فارغة ..ركعتها على رجليها ..
هي عاااااطت بكل علو حسها ..نزل حسام وفهد
أنت تقرأ
عندما تتبدد الغيوم ...
Romanceالعاصفة الهوجاء ...الذي عصفت بنا ارقت دماء الكثيرين ..ايام لاتنسى واحداث قد تكون اغرب من الخيال ...احتلال ترك خلفه شظايا ...أودت بحياة الكثيرين .. من بين شظايا الحرب والطائفية ...نبتت زهور الحب .. القصة من الخيال...
